和牛燒肉‧純

今個月生日月，密密有飯局。呢間和牛燒肉餐廳，上年我生日同friend嚟過，一試難忘，今年再encore, 同屋企人一齊再食過。餐廳喺尖東，坐西鐵好方便，餐廳環境一流，座位闊落，抽氣良好，食完飯一d油煙味都無。我哋一行四人，被安排到一個四人廂座，私隱度十足，大聲傾偈都唔怕嘈到人。我哋叫咗一個豪華燒肉二人餐，一個和牛壽喜燒，一個三式和牛定食。二人餐有特選和牛牛排肉、和牛上牛排肉、和牛壺漬牛排、雞脾肉、大蝦、魷魚同帶子，超豐富！！！和牛脂肪分佈均勻，雪花紋細密，燒完唔會乾又唔會油淋淋，入口肉香夾雜脂香，又滑又juicy,正正正。壺漬牛排又是另一種風味，用醬油醃過的牛排，味道更香濃，送飯一流。呢個餐仲有雞肉同海鮮，唔想只食和牛嘅朋友可以試埋其他野食。另一個餐三色和牛餐除咗上牛排肉、牛排肉，仲有肩眼肉，感覺肩眼肉比較少脂肪，肉味更濃最後一個set喺和牛壽喜燒，醬汁香甜，更襯托出和牛的鮮味呢一餐令我回想幾個月前喺九州食嘅佐賀和牛，好似返咗去日本，味覺旅行，回味再回味。