和牛燒肉‧純

營業中

休息中

星期日同老公去尖沙咀行街，Lunch好想食燒肉！睇個menu都已經好吸引！望見都流口水！裝修好日式，牆身都掛滿飛騨牛的相同證書，之前試過其他燒肉餐廳，d牛都好麻麻，抱以寄望黎食呢間燒肉～同老公分別點了特選和牛眼&牛舌定食（$380)同特上和牛牛排肉定食（$220)~一睇肉身的平均油脂就知好食！而且是厚切架！特選和牛排同牛舌～事不宜遲開始焼，d花紋真係好靚，媽吖～好明顯會入口即溶！不停燒不停燒～終於食得啦！d牛肉嘅少少油份放係粒粉分明的飯面上！好正呀！甘香而且肉嫩！入口即溶，牛味重！好幸福😭😭叫埋杯巨峰提子汁，So sweet!😍牛舌，好好味！Lunch set~牛舌漬物！真係吃出個幸福來！好好味！

公司宴客請幾個同事去慶功，問我有咩好介紹，既然公司難得出錢請幾個同事食飯，我又有份食，咁就梗係去好西啦！ 一於去尖沙咀和牛純先！6 點多去到未有太多客人，容易揾到位，晏d就煙火鼎盛，可能要排隊了，檯面一貫日式風格，餐俱擺得井然有序！ 令人非常舒服，唔知呢排係唔係餐廳勁推介飛彈牛呢？ 我見餐廳檯上同牆身都貼滿有關飛彈牛既資料，搞到我都好想食！有時d野真係貴得有道理，單係影相，都感到嗰份高貴既感覺，燒汁，檸檬，岩鹽等調味，同餐俱形成一個好高貴既畫面！由於我哋一行4 人都唔多識叫，我哋講好budget後，就叫大師傅為我哋發版，睇見兩個大師傅好有默契咁為我哋準備好呢餐慶功，我真係非常期待！去睇完廚師切和牛回到檯度就見到一碗沙律野菜醋物放左喺度，酸酸甜甜既生菜令到我哋幾開胃，有d 醋打定底，一陣食得油膩d都唔怕！哈！我哋落完單，一碟擺到靚靚既和牛肉片就放到嚟檯上，另外一碟都係一樣咁精緻，和牛既雪花同鮮紅色既顏色，令個畫面都幾靚，靚到有d唔捨得食！我哋跟據待應既安排由最肥美既特選日本產和牛牛排肉開始食起(相片右上) , 呢個係今晚所有肉入面脂肪最豐富既和牛，牛肉味香，油脂味香甜，整片牛入口即溶！

如果想吃燒和牛，呢一間以CP值計，必定係首選。呢一間和牛燒肉店賣的全部都係飛驒牛，絕對有品質保證。以價格來說非常抵食。今次叫咗和牛拼盤，以及豬🐷五花腩。醬汁方面，有日式燒肉汁、岩鹽、檸檬汁，非常專業。靚嘅和牛其實用少少岩鹽調味已經非常滋味，而五花腩我就會用檸檬汁。和牛首選選特級牛小排，油花均勻，既有牛味又有油香，正。如果喜歡吃重一點牛🐂味的話，就一定要揀西冷，牛味濃、有咬口。另外五花腩🐖亦都10分讚，不太油膩、又帶一點爽脆口感，很好吃。

朋友回來短聚，久久未見, 當然要安排美食聚舊，, 貪和牛燒肉純用料高質, 環境乾淨企理，而且坐得舒服, 置物其內完全不像在旺區一樣, 加上地點就腳, 就選了和牛燒肉純作為是晚晚餐地點。前菜柚子沙律新鮮沙律菜, 簡單開胃靚牛當然可遇不可求, 無論是吃還是欣賞, 和牛燒肉純的肉絕對兩者都有。一見D牛上枱就覺得好吸引, 就如擺放藝術品, 精選日本產和牛肉眼牛肉味道佳, 燒起來肉香氣四溢, 令人期待精選日本產和牛西冷大理石雪花紋細密均匀, 入口即溶, 燒烤後滲出油脂直上腦袋，是上佳的極品！日本產和牛上牛排肉肉色粉嫩, 賣相實在吸引, 脂肪不算多, 肉汁滿溢, 厚厚和牛却嫩滑軟熟, 太吸引了日本產和牛牛排肉脂肪沒多沒少剛則好, 平均分配, 牛排肉質地柔軟牛舌（鹽燒）牛舌其實沒甚麼油脂, 但細細切割日本米白飯牛肉的香同牛油香在口腔蕩漾, 當然要配番碗日本米白飯索埋剩底的油香。最後我們還叫了杯柚子梳打 tim~~總括而言, 和牛燒肉純的牛肉的質素上盛, 店員又細心、殷勤服務, 絕對會再encore~

聖誕氣氛日漸濃厚， 臨近年尾當然要對自己更加好， 補償這一年來的辛勞。 今天就選了到尖沙咀的和牛純， 以一餐和牛盛宴來慰勞自己。餐廳地方頗寬闊， 有廂座也有包廂， 悉隨專便。 我們四人也安排坐6人檯， 非常舒適。上檯的先是沙律, 沙律菜非常新鮮開胃。看著和牛上枱就知道今次有食神了， 師傅把和牛切得像藝術品一樣精選日本產和牛肉眼油花大理石紋均勻的盡現眼前脂肪平均又夠肉汁，肉質纖維夠，頗具咬感果然非同凡響。精選日本產和牛西冷肉味也濃郁，入口牛油味甘香得黎肉質也鬆化，一看就知脂肪纖細、比例平均，是上佳的極品！日本產和牛上牛排肉上牛排肉為肋眼牛排的精華部位，於整隻牛來講數量十分稀少，一看就知其大理石油脂花紋分布平均，肉質滑嫩，十分鮮甜。日本產和牛牛排肉牛排肉是牛肉最嫩的部位，價格貴得黎當然有其致勝之處：肉質如奶油般的細嫩而又多汁牛舌（鹽燒）牛舌屬於薄切， 每邊其實烤幾秒就已經非常ok了， 口感紮實彈牙在如此和牛盛宴當前， 當然還要叫配上優質的日本米飯。這裡的米味道濃郁豐厚，很適合與和牛配搭晚飯呢。另外我們也叫了杯 柚子和柑桔梅酒，口感香甜而不俗，但卻不會讓人有膩的感覺，果然好喝！

突然間很想吃燒肉， 媽媽說很回味在名古屋吃的飛驒牛，香港在哪裏吃飛驒牛比較正宗呢？ 做完資料蒐集就揀咗呢度！這裏專門售賣飛驒牛，各種部位都有，非常多選擇！ 店員推介我哋叫咗四色拼盤有牛排、特級牛排、西冷同埋豬腩肉。 媽媽說跟她在名古屋食嘅飛驒牛質量一樣好！都係入口即溶。 喺香港都可以食到同日本一樣嘅味道非常滿足呢！ 🤩 先來沙拉🥗清清口舌， 蔬菜新鮮。 日式酸汁很開胃。 燒肉醬料有: 芝麻燒肉醬,檸檬汁以及岩鹽, 非常專業。主角出場！ 大大一盤，非常震撼！ 三款唔同部位嘅飛驒牛各有特色，西冷肉味比較濃厚，特級牛扒油脂分布非常平均，入口即溶，推介！ 食燒肉梗係要啤啤佢啦！

終於到左周末，必備既節目就梗係周圍搵好野食啦。諗起好耐都無食燒肉，一於就同朋友中午黎依度食返餐靚靚燒肉先。 依排天氣轉涼，食燒肉真係岩哂。中午黎到都有唔少人已經燒緊，打開份menu，中午既lunch set 都好抵食，由100蚊左右到200元左右的套餐都有，就算唔燒肉都有壽喜燒，款式幾多而且價錢都好吸引。睇完之後，我朋友點了三色和牛定食，我就點了自選燒肉午餐。 點完餐之後過左無幾耐，服務員就拿了前菜來，有沙律及熟牛舌片，再加一碗面豉湯。 跟住主菜終於到啦，依set係我既自選燒肉午餐，上面個四片係牛舌，左下角係牛紅肉，隔離係牛胸外腹。牛紅肉同牛胸外腹係有醬肉調過味。 至於我朋友既三色和牛定食，左至右就係上牛排肉、肩眼肉及牛排肉。和牛色澤鮮美，油脂分佈平均，望到都流口水。 整反張團體照先。 跟住就開始燒啦，燒完一邊到第二邊，爐面唔易痴住塊牛，唔錯。首先燒和牛先，牛香而且肥美，但因為無咩調味的關係，可以適量加一些鹽或黑椒調味。跟住就燒我既自選燒肉餐既牛紅肉，因為調過味的關係，燒完唔使再點醬就夠味。 套餐仲包埋兩杯餐飲，加一之後每位都係250元左右，中午抵食之選！

今次已經係我第二次黎和牛燒肉純食日本靚牛，呢度嘅牛肉全部由日本農民正株社經過品質檢定，係真真正正攞咗牌嘅日本產和牛。你可以跟個人喜好選擇自己鍾意食嘅部位。叫咗牛肉之後店員就嚟送上餐前沙律小吃。酸酸地嘅沙律汁加上爽脆嘅生菜為一餐嘅食肉獸之旅展開序幕。食燒肉點都要叫番碗白飯先可以襯托出和牛既濃香味。我哋叫咗三款牛嘅不同部位同埋一款豬肉去試呀！特選日本產和牛牛排肉(上圖)$320日本產和牛上牛排肉（下圖)$205雖然價錢一啲都唔平㗎，但你見到佢啲雪花紋，就知佢值回票價。特選日本產和牛肉眼$550呢度嘅部位肉質最稔，而且脂肪都比較少，所以食落牛味最濃！日本產豬五花腩肉$98我鐘意燒到佢既脂肪全溶掉，最尾就變左煙肉咁脆，好味道！望住啲日本和牛肉又紅色變咗啡色，其實都幾治癒，望住嗰啲油脂慢慢地溶化個過程，其實口水都係咁流。

轉左新工後第一個月出糧，想食燒肉，又想食豪d，最後揀左呢間位於尖沙咀既和牛燒肉·純。第一次去既朋友，提提你去到尖沙咀希爾頓大廈之後，認住中銀櫃員機，先搵到樓梯上一樓，我第一次黎，行左成個大廈先搵到😭入到去見到呢間有飛驒牛同佐賀牛既牌，不得了，唔駛飛到日本都有食，諗起都已經流晒口水店內的裝潢都好有日本風情，每個卡位都有布幕掩蓋住，好有私人空間。打開個menu花多眼亂...如果多人黎食都建議叫set...佢會寫晒牛既部位俾你知，會比較容易揀。我對牛排肉同肉眼好有興趣，加上朋友想食豬，最後我地叫左特選和牛肉眼、特選和牛牛排肉、日本和牛上牛排肉同五花肉，仲有兩碗白飯🤣再一次証明用料靚真係無得輸，所有牛都好好食，連個五花肉都好重豬味。 先講塊肉眼，油脂分佈得好好，兩邊只需燒30秒左右就食得，本身我點既所有食物都鹽燒，所以完全無再點其他調味料，食番牛原本既味道。 再黎兩款牛排肉，初時以為特選一定比上牛排肉好食，點知我覺得上牛排肉肉質較為有比特選好 最後塊五花肉，一d都唔差得過牛，因油脂比較多，味道特別香口濃烈，入口即溶，齒頰留香😜燒肉又點可以無啤酒🍻，我仲叫左兩杯suntory。作完美既句號。

好開心以前的老闆找我去幫手，可以升職加人工， 禁開心當然要慶祝一下，請老公去尖東的「和牛燒肉・純」食好D~ 未去「和牛燒肉・純」已經耳聞它家的高級烤肉非常正， 來自「佐賀、鹿兒島、宮崎、飛驒」等地的日本和牛， 於“脂肪比例、紋理分布、肉質嫩度、脂肪色澤”都是非常高質素~ 地點位於尖東，西鐡站行過去5分鐘左右，非常方便， 店內濃濃的日式風格，仲有沙發卡式座位、獨立房間可以一班人聚會~ 食物方面以燒肉、燒物為主，可以單點以及燒肉拼盤， 亦有涮涮鍋、石頭飯、壽喜燒、刺身飯、壽司等等， 午市仲有非常抵食的set lunch添~ 餐前先食“野菜醋物”HK $78開胃先， 野菜新鮮清爽，淋上酸醋、紫菜更醒神開胃~ 醬汁有“芝麻醬油、海鹽、鮮檸檬”，3款簡單又能提昇肉質味道~ 燒肉方面點了滿枱的“A5佐賀和牛” 所有肉都可以選“汁燒和盬燒”2種方法，我地就喜歡盬燒~ 「燒肉拼盤」:特選日本産和牛肉眼(盬燒) HK$550特選日本產和牛牛排肉(盬燒) HK$320 日本產和牛上牛排肉(盬燒) HK$205 日本產豚腩肉(盬燒) HK$98 “特選日本產和牛肉眼(盬燒)” 厚切大大一塊，

第三次黎食，真係食到窮喇呢幾個月🤭 今次同愛人月尾無錢唔食2人餐嚕，食拼盤算😂.特選日本產和牛肉眼食和牛揀鹽燒先食到佢既精髓架✋🏻 肉眼既脂肪遍怖成塊肉，入口即溶，不過我個人希望肥膏少返DD🧐.特選日本產和牛牛排肉呢個就正喇！D雪花幾靚！比肉和既脂肪少，我反而覺得佢既比例係最好，入口少左膩既感覺，無得易濟🤤.日本產和牛上牛排肉其實同牛排肉無咩分別，口感上無咁即溶姐，有嚼勁D，但都算好溶架喇🤣🤣.日本產豚腩肉豚肉係超抵食，好平，份量多，呢個豚腩油脂同肉既分怖各半，就算豬要燒耐D都唔UN，要講句好有豬味.野菜醋物沙律黎講呢到就算比較貴，但係酸酸地幾開胃，燒肉前可以揀黎食下😌 .梅酒解膩首選，配搭燒肉必備.食肉既拼盤，一啖肉，一啖飯，食哂都幾飽嚕，比起2人餐食到嘔都未食完，我反而覺得係好D既選擇👏🏻👍🏻.店名：和牛燒肉‧純 (尖沙咀)地址：尖沙咀東部加連威老道96號希爾頓大廈1樓3號舖

早排聽朋友講起呢一間日式燒肉，佢話非常好食，叫我無論如何都要去試吓，俾佢講到我心思思，於是決定今日同老公去試吓，早幾日前已經打咗去訂枱，所以去到嘅時候就可以馬上入座唔使等，入到去環境非常舒適，坐得好舒服😌，服務員好好禮貌，1）野菜醋物$78，酸酸地好開胃👍🏻2）特選日本產和牛肉眼（鹽燒）$550，呢一款唔會太多脂肪，肉味濃郁🤤，3）特選日本產和牛牛排肉（鹽燒）$320，油脂分佈平均，入口即溶，口入面全部都係牛油嘅味道，齒頰留香，好好味👍🏻👍🏻，4）日本產和牛上牛排肉（鹽燒）$205，肉味濃郁，非常鬆軟，5）日本產豬五花肉（鹽燒），薄薄一片，肉味香濃，非常咁有驚喜👍🏻，6）巨峰梳打$55，酸酸甜甜，非常好飲，7）荔枝梳打$55，味道香甜👍🏻，當然亦有叫兩碗白飯😂😂，而燒肉汁方面，有三款提供，醬油、檸檬🍋、海鹽，整體來講，呢一餐十分之咁有水準，確實係要試一試👍🏻👍🏻

放假同老婆食好啲，去咗食和牛燒肉！LEE度係四種唔同部位GE和牛，日本野就係精緻D，D和牛擺得好靚，老婆即刻相機食先特選日本產和牛肉眼係來自日本山形，都幾大塊，夠哂食！LEE個部位都好多油花，肉質好嫩，無得彈！LEE個係日本產和牛上牛排肉，雪花紋一樣咁好睇，燒肉時GE滋滋聲引到我流口水，食落真係入口即化咁！而牛舌GE口感就好唔同，燒完係好爽口，有種嚼勁！D和牛好有肉汁，點少少鹽令肉味再突出D就夠，食到停唔到！配飯配啤酒係無得輸，就連D飯都係山形縣GA！日本米不嬲都彈牙，整出黎GE飯都好食過人！伴肉GE蔬果都好新鮮，栗米超甜！食左咁多肉都要食下菜GE，野菜醋物酸酸地，D菜幾爽脆，清清口腔都唔錯！

老公成日問幾時再黎食依間既和牛🤤所以今日又再黎，上次我地見到有日本大叔黎食，今次就見到有日本家庭黎食。我成日覺得如果我住係香港，而日本人會黎食既餐廳，一定最能保存日本的味道😁今次我地叫左2個 Set:第一個係 - 三色和牛定食， 三色係：上牛排肉雪花紋好靚，多汁，顏色鮮紅。肉質軟，燒後仍然好juicy,好重牛肉味肩眼肉雪花紋更明顯，比上牛排肉多少少脂肪。燒後肉好軟，而且多一份牛脂香牛排肉牛排肉一樣鮮紅新鮮，相對肉質比例多，燒後既香味不同，但係另一種美味配珍珠米、前菜 - 日式蔬菜沙律 及 牛舌。牛舌作冷盤，又嫩、牛味又重，加左蔥花增加香味。另一個set 係壽喜燒配赤身紅肉。壽喜燒材料有大蒜、菇菇、東菇、紅蘿蔔、粉絲、豆腐和黃芽白等...味道非常鮮甜😄薄薄既赤紅牛肉好新鮮，好濃郁既牛味，放入壽喜燒鍋內淥一淥，已經吸收晒鍋底精華。唔使任何調味，味道已經提升。我推介飲桃梳打氣水，佢除左桃味濃，仲要有桃肉。老公點左乳酸梳打汽水。今個下午老公非常滿足呢😋