和氣食堂 (河畔花園)

營業中

休息中

先講講這店鋪 好彩晚上早到 ， 不然出面就排曬長龍 ， 喺河畔花園做到的壽司店 ， 也只係數得出 。 好食先有人排隊 。店內的環境分佈 ，入口兩邊枱 ，中間有條長走廊 。 我們選擇了最入的位置， 見到店舖的餐牌 圖片， 很多炸物， 壽司亦很多種類。 我們選擇了炸蝦， 他有生菜伴碟的。 個人感覺唔會太油， 不過當然很熱氣。 侍應服務也很好。 期待下一次試 壽司

是日想到沙田區覓食，在Openrice見到這間超多好評的餐廳便打算試一試。六點才開始晚市，我們大約5：45到達，店外已有約有十多人在等位！當時心想：「今次沒有選錯了」 準時六點店舖開門，看看Menu，食物種類還滿多，大致可分為小食、壽司、丼飯和拉麵，其中壽司有相當多款式，每款都圖文並茂，相當吸引。 ▼芒果三文魚加洲卷 ($58) 加洲上舖上芒芒果片、三文魚片、沙律醬和蟹子，加洲卷包得紮實，不會很易鬆散，整體味道算清新。 ▼三文魚腩壽司 ($28)、吞拿魚壽司 ($26)、山葵漬赤蝦壽司 ($26)、咖哩鹽燒三文魚腩壽司 ($32) 三文魚腩和咖哩鹽燒三文魚腩都是當店人氣之選，可惜咖哩鹽味道有點兒過濃，蓋過三文魚的鮮味，其他壽司手準皆屬合格之選，可是未到令人有回味無窮的感覺。 ▼黑豚腹燒丼(附泡菜) ($72) 黑豚腹比較薄身，燒得剛剛好，有少少脆邊但不會燶，油香豐溢，配上肉汁和大量蔥花， 非常好下飯。 小總結：食物質素不錯，只是價錢有點兒小貴，好像丼飯份量較少，男士來說可能未必夠飽！而壽司方面，如果同等質素，大型連鎖店元氣壽司價錢上可能會更為優勝！總括而言，如果你想一次過吃多款日式食品

朋友話沙田都有高水準的日本菜，前幾天就同家人來到「和氣食堂」試一試。朋友！多謝你的推介呀。先來個日式前菜「芝士厚燒玉子」， 厚厚的玉子 煮得啱啱好，非常嫩滑，上面再燒上一層芝士。香濃的芝士滲入玉子內，口感十足！不久，親切的服務員端來一鍋熱騰騰的「石狩鍋豬骨湯」。石狩鍋材料好豐富:香煎三文魚頭這主角肉質甘香美味，再配以鮮菇、甘笋、豆腐、娃娃菜、小唐菜、金菇菜等以奶白濃郁的豬骨湯底煮成。湯底味道清甜，加上蔥花的香味，同時亦食到食材的原味。值得一試！喜愛鰻魚必選「石鍋鰻魚炒飯」，餐廳採用石鍋不但保持鰻魚飯熱辣辣，同時令飯粒形成輕微飯焦，大大增加香脆口感。鰻魚炒飯選用了飽滿的白飯，仲有肥美的鰻魚碎、炒香的芝麻、和粟米粒等拌以甜甜嘅燒汁。炒飯香口，啖啖都有鮮甜美味而不腥的鰻魚碎，軟硬適中，粒粒分明。正呀！最後點埋個「日本南瓜蕃薯天婦羅」小食。 炸醬好薄身，日本南瓜同蕃薯 鮮甜香脆，夠乾身，吾會油淋淋，點埋天婦醬汁，絕配呀！

偏夜時分嚟到沙田河畔花園，因為有啲鋪頭比較早關門，呢間開得比較夜，所以就入咗去啦。環境佈置唔錯，座位都幾舒服。一打開餐牌，見到款式超級多，基本上你諗到日本菜有咩種類，呢度都有，就好似一個放題咁！1) 大勝刺身丼 (⭐⭐⭐⭐⭐)有帶子、生蝦、三文魚、魚籽、海膽、吞拿魚同埋玉子，用料超級豐富。由於絕大部份配料都係兩件，所以適合兩個人一齊食用。魚生非常新鮮，最岩鍾意食魚生飯嘅朋友。可以自己再加多啲豉油，另外食辣既朋友可以加埋Wasabi。2) 蝦三味 (⭐⭐⭐⭐💢)有甜蝦、牡丹蝦同埋生蝦。不嬲都好鍾意食蝦，今次呢碟有三款，一次過滿足三個願望。蝦三味其實係壽司來的，生蝦嗰件超大，另外兩件細少少。啲蝦好新鮮而且有咬感。3) 焗日本廣島蠔 (⭐⭐⭐⭐⭐)點左兩人份量，有兩大隻廣島蠔。一隻係蒜頭味，另一隻係芝士味。面頭果啲蒜有啲咸要同蠔一齊食。而芝士味層芝士鋪喺面非常邪惡，但係好好味，唔可以錯過！4) 面鼓湯日本米茄子 (⭐⭐⭐⭐💢)原本以為冇咩特別，只係為咗健康而點，點知非常有驚喜。面鼓湯味增添左茄子嘅味道，香口但係又唔會太鹹。切開成八件，軟硬度適中。5) 千迴火鳥 (⭐⭐⭐⭐⭐)即係雞翼，一共有

在沙田圍區這一小圈的食肆林立，提供日本菜的選擇不少，「和氣食堂」算中上價位，也屬於居民的日常之選，在旁的麗豪酒店的旅行或住客都會踱步到來，晚上也極聚人氣，刺身食材必定予以新鮮保證。煎封鰻魚後，用石窩把飯炒香再加入鰻魚粒，上桌時仍煙霧四起，「夠獲氣」這要求居然在日本菜式中發揮得自如、稱職。山葵漬赤蝦$26,山葵微澀中辛，我會建議不加醬油調味，赤蝦鮮味會更湧現。 芒果三文魚加州卷$58，井然有序地横排列好，師傅應用心刻意一卷作一客。火炙蟹膏帆立貝壽司$45,透徹向開邊帆立貝，經過火炙後，帶子肌紋理更分明，每粒口感獨特，蟹膏非常鮮甜，加上壽司表面微焦炭香，不難把它迅速消化掉。 溫泉玉子牛油果凱撒沙律 $58，可作中和壽司刺身的高油脂。 軍艦五點$108，拖羅碎應是用魚腩部位，非常上乘的用料配搭。其餘四款都fresh，吃起來跟在日本漁市場的無兩樣。 如此高品質的食材，兩人也不過$600,相信在尖沙咀等地區索價會過千元。

放假天同朋友係沙田搵食之前經過發現河畔呢間食日本野決定去試下呢間日本小店一開始打開menu 已經被飲品吸引叫左兩個梳打飲品我選了檸檬藍柑梳打味道不太甜，配上lemonade感覺清新朋友選了草莓蕃石榴熱情果梳打有香甜草莓味本身好鍾意食日本蕃薯仔我地叫左一串食燒到外面香脆蕃薯皮好好食呢左火焰海膽帆立貝卷每件都有足夠海膽，配上新鮮帆立貝好好食，推介火焰左口魚邊牛油果沙律左口魚新鮮夠爽口配上黑松露及牛油果清新健康之選呢個三文魚5味值得推介5件不同口味三文魚壽司有海膽、牛油果、咖哩鹽、芝士及原味五款可以試不同口味我們點了一個四式刺身有三文魚、油甘魚、甜蝦、赤貝四款刺身夠新鮮口厚三文魚，超有口感入口即溶赤貝新鮮爽口油甘魚同甜蝦都夠新鮮超甜最後點了個大阪豬扒丼即炸吉烈豬扒配上沙律醬豬扒肉質入口夠淋鬆化不錯能夠係一間小店享有質素的日本野價值亦相對便宜性價比高，推得推介

早幾日同阿爸阿媽去開沙田玩，黃昏六點幾阿爸話肚餓，決定提早食晚餐。佢話想食飯唔想食粉面，個頭唔多熟，只見前面有間叫”和氣”既日本餐廳，平時阿媽唔食日本野，難得佢話可以試吓，咪行入去試。要就兩老飲食習慣，要熟食又鍾意食魚，三個人就叫左一個大阪豬扒丼、石鍋鰻魚炒飯、鹽燒油甘魚鮫連頭。第一個上既係鰻魚飯，聽到”吱吱”聲不斷係個石鍋入面發出黎，好肯定個鍋好夠熱，維持左成半分鐘。我自己就唔係好鍾意食魚，特別係鰻魚，但呢個飯吸左D魚油，加上少少鰻魚碎，好甜，食完再食。跟住上個豬扒丼，好大碗，塊豬扒好大塊之餘，仲要係厚切，炸到岩岩好，唔硬又唔多油，幾好。阿媽竟然話個鰻魚飯咸喎，同個豬扒飯撈埋一齊食，話好正。真係人人口味唔同，最緊要佢食得開心。好快上埋個油甘魚，嘩，個頭超大！我好怕魚既腥味，呢次個味接受到。即管試吓，嘩嘩嘩，一吞完即時有陣甘甜既味道係條脷度滲返出黎，真係FEEL到係真正既魚油，阿爸之後直頭成個攞去包底。三個人三樣野食到飽，都係324蚊。我地未夠六點九坐低，唔夠七點已經坐滿，當時都覺得奇怪，走個陣時八點，有十幾個人等緊位，唔怪得之啦，唔貴又好食。真係幾好，認真推介。

☘沙田河畔一帶寧靜舒適，最啱慢慢散步看沿途風景抒發心情，今天便和家人在這區晚膳，我們去了「和氣食堂」食日本菜。一進入食店，店內不算大卻坐得舒適，燈光柔和加上播著輕快的歌曲，令人心情很放鬆。☘燒三文魚皮🐟我們點了幾樣食品，第一道來的是脆口的燒三文魚皮，它比一般魚皮薄，再配上菜絲及沙律醬，香口不油膩呢！☘刺身盛🐋🐬🐠🐡另外，我們也點了一盤刺身，有我最愛的三文魚、甜蝦及廣島壕，新鮮十足，即使不沾任何調味也食得到它的鮮和甜！☘櫻花蝦泡飯🦐🌸不得不提這個櫻花蝦泡飯，除了帶子和蝦之外，它用了珍珠米做飯，煮的時間掌握得很好，粒粒分明，口感豐富，而隨拌的湯有香濃的鮮魚味，一點也不鹹，值得加分！☘雙重芝士鰻魚卷🌊平時我只吃到鰻魚壽司，今次加了芝士口感很特別，芝士非常濃厚，再配上澆上醬汁的鰻魚，兩者味道出奇的很夾，非常惹味！☘我和家人也覺得這食店的食物質素不俗，店員也很nice而且有禮，印象很好，小店有小店的個人特色，我認為可以嚐到不同食店的風味是件很開心的事情，是夜食完後便到沙田河畔逛逛，是不錯的飯後活動呢!

去沙田食飯，同朋友揀在一間幾多好評嘅日本餐廳。 位置有少少遠，但係餐廳都幾受歡迎，入到去已經差唔多滿哂。凱撒牛油果蕃茄沙律佢嘅醬汁非常之好味，酸得嚟又甜，而且其他嘅菜，牛油果同蕃茄都非常新鮮，好好味開胃。芝士厚燒玉子 真係夠曬厚，一層層。而且一咬落去有好多汁，但係芝士就少咗一啲。因為面係得少少芝士，配上一嚿咁後厚既玉子，芝士味就變得有啲淡啦，多啲就正。韓式芝士大肉菇舊菇非常之多汁，一咬落去就已經有好多甜甜嘅汁必出嚟！而且有好多芝士，令到呢個菇既口感更加豐富！推介啊😉食壽司既朋友表示佢既壽司都唔錯架~ 平時好少食海膽因為唔鍾意佢啲腥味，但佢呢個海膽帆立貝一啲都唔腥，兩樣野好夾，仲好鮮甜，好似吞左整個海洋落肚😋三文魚都好難唔好食既 估唔到佢咁足料，厚厚一塊，厚身肥美。比起普通三文魚腩，汁燒三文魚腩壽司多左啲甜甜既味道，層次更豐富～芥辣八爪魚係我比較少會點既壽司，雖然佢芥辣味重左啲，唔太食到八爪魚既鮮味，但爽爽脆脆既口感都幾特別🤣。不得不提 佢杯熱茶幾好飲 清清地食得多都可以去油膩 食完野坐係度飲多幾杯 斟完又斟 好飲到有人淨係save左杯茶既相都冇save合照sigh😂😂😂😂😂😂😂😂

今日喺沙田河畔花園搵到呢間和氣食堂，見到門口超多人排隊等位，我唔執輸啦排埋一份，一路等，一路睇餐牌，覺得都幾多嘢食喎，所以要等都試下啦！真係花多眼亂，我呢啲為食貓，決定揀最多款式嘅便當，醬燒一口牛便當$78,跟餐送飲品，我揀咗熱奶茶。店員好好，仲介紹加14蚊有兩款小食，同埋加16蚊有麵豉湯和兩款小食，咁計落梗係加16蚊抵啲啦，有三樣嘢食。熱奶茶到，估唔到都幾大杯喎！最緊要試下佢夠唔夠茶味，夠唔夠香。結果冇失望喎，做到茶餐廳絲襪奶茶水準，茶味夠香，奶味夠滑，不錯！麵豉湯，除咗有炸麵粉粒和蔥花外，還有海帶，份量正常，不算很多，不過這只是開胃前菜，味道鹹鹹哋，幫你開胃，濕潤一下喉嚨。我點的兩款小食，其中一款，就是沙律。很喜歡沙律的醬汁，是日式胡麻醬！見到粒粒芝麻，很香，而且毫不吝嗇地灑上。沙律菜也很新鮮，作為主菜前的頭盤，不會太飽，很適合。另一款小食就是什菜天婦羅，有一片蘿蔔，半片花菇，一片茄子。天婦羅外層的炸漿很薄脆，沒有厚厚的粉漿，炸得很好。點上天婦羅醬汁食，消除油膩。我最喜歡吃茄子天婦羅，因為咬下去茄子還有很多汁，完全不覺得乾身。推介這裡的炸物！醬燒一口牛便當，賣相很吸引。 分開4格擺

好耐冇入沙田食飯,上星期屋企人食完話和氣食堂唔錯,可以去試試即book位先,收工ㄧ程車搞掂,仲要去到門口巴士站落。正xddd😏😏好彩book定位咋唔洗等。入到去,好多不同既酒係牆上,唔知係擺設定飲得呢,好吸引😂😂(不過有人擋住。費是影到人。最後冇影到)睇下我最中意食既壽司先,特別推介:💝火焰蟹膏帆立壽司(蟹膏好香好新鮮😋)💝黄金燒三文魚腩壽司(入口即溶,腩位永遠最好味😎)💝火焰海膽左口魚邊壽司(好多海膽。好好味呀😝😝)💝黄金燒珍寶皇帝蟹棒(好大條蟹棒,好有囗感😏)💝咖哩鹽燒油甘魚(味道出奇配合喎😳值得試黑豚腩燒丼:可以多飯多汁再食多碗飯😆😆因為豚肉好好味呀,泡菜好辣。岩岩好刺身:甜蝦。油甘魚。章紅魚(本身我唔食魚架,不過朋友仔中意咪試下囉。咦,ok喎夠新鮮沖繩和風沙律:海葡萄咸咸地做前菜ㄧ流好開胃燒雞亦我中意食。雞皮燒到脆脆地,少少雞油係肉入面。正呀😂😂

最近開始係河畔發掘野食，唔想再去大商場同人迫啦，去左城門河對面口嘅河畔食日本野間餐廳都幾多日 坐無虛席 不過我好彩 一到埗有人埋單 唔洗等位 😆我我地兩個日叫左6款野食 一黎即刻點我最愛嘅玉子燒同生勾勾啦👻其實係叫刺身3點盛 玉山上面燒左層芝士好味道 刺身三文魚夠厚又夠鮮仲有大隻甜蝦同赤貝 正 丫 仲叫左個三文魚沙律 上面有啲脆脆 好有口應貪心又係食肉獸嘅我點左好多肉 有一口牛啦、燒一口和牛串仲叫左個燒黑豚肉飯😍😍諗返起就流哂口水 我覺得和牛串配呢個柚子芥末好夾 幾特別嘅醬 同埋黑豚肉係鋪滿成個飯面 好似都有6/7執 仲要好嫩 仲要連飯食先最好食 好飽 唔覺叫到好似食放題咁😆😆😆仲有優惠券 不過我冇用到 冇data😂

今曰同左個朋友去左沙田圍嘅和氣食堂食午餐，嚟到和氣食堂，地點幾方便，但出面有條冷氣出風口遮住個店名，有啲難揾，但地點近沙田圍地鐵站，七分鐘就到。我地每人叫左個套餐，仲要諗住食好啲，叫左兩個最貴嘅餐，但賣單都系差唔到每人140，好扺，一個係壽司刺身拼盤，雞搥加烏冬，一個係壽司拼盤，軟殼蟹沙律加生姜燒豚肉飯。啲壽司飯系手握飯，夠細舊飯，可以享受舊好新鮮嘅刺身，無搶味！！最好食系帶子，赤蝦，三文魚子同三文魚腩壽司，充滿油香，甜而不腻，烏冬應該系贊岐烏冬，好彈牙，有口感，豚肉飯亦燒得好香，半肥瘦，一啲都唔油。嘢飲最抵，意想唔到咁大杯，夠大杯，有氣勢，我地叫左荔枝梳打同青蘋果梳打，都唔錯，好解渴。另外，其實加十六蚊就有麵豉湯同兩款小食，幾抵，可惜我地食唔曬，加十四蚊要左兩款小食就算，分別系溏心蛋一隻同蟹子手卷一件，溏心蛋正，手卷好足料，差啲掉到成枱都系。和氣食堂真系唔錯，抵食又好味，下次會再幫襯。

呢排喺第一城實習，咁辛苦就梗係要慰勞下自己。收工行行下就去左沙田圍，見到有間日本餐廳，價錢唔算貴，就入左去試下。果然不負期望，每碟都唔錯！ 珍寶赤蝦海鮮丼嘅赤蝦果然好大隻又爽口， 三文魚好厚切，完全唔霉，帆立貝好鮮甜，配埋每一啖都有滿滿蟹籽嘅飯，真係好滿足。芝士玉子燒好厚，蛋漿有甜甜嘅牛奶味，配上鹹香嘅芝士，成件事好match。 本身以為沖繩風沙律和風只係一個平凡嘅沙律，但原來入面有海葡萄，好清新爽脆。網燒牛扒燒得啱啱好，好有肉味，醬汁都好好味！明太子雞肉串配搭新奇，雞肉一啲都唔dry。柚子芥末火炙三文魚壽司嘅三文魚油好正，而山葵漬赤蝦壽司嘅蝦都好新鮮，兩者都唔辣唔嗆。最鐘意就係千迴火鳥，其實即係燒雞翼xd皮脆肉嫩，仲好juicy添，同串燒專門店食嘅有fight! 

沙田的覓食勝地除左有新城市同陳根記外，其實沙田圍亦係一個街坊大推的地點。新城市沿河畔行過去15分鐘左右，夜景好靚，更可以利用時間拍拍拖呢。呢間日本野係該小區名氣甚大，長期要排隊入座，價錢學生都負擔得到。旁邊個枱點既三文魚腩刺身麻雀咁大，心思思既我都叫左刺身啦! 見佢咁平份量又多，仲有冰粒荷葉墊底一點也不敷衍。仔細睇會發現冰上係兩款刺身，上方鱆紅魚，下方油甘魚。油甘魚油脂重，所以除了可搭配醬油，還附有蔥花柚子醋可作調和。我覺得柚子醋混海帶吃更清新，魚生片利用醬油或少量檸檬汁更能帶出鮮味。令人意外的是可人工飼養的鱆紅魚，竟然比油甘魚鮮甜! 魚生紅色部位鐵質重，有時會有血腥味不是人人愛好。這片鱆紅魚不但沒有金屬味，魚質也挺結實，餘韻更是滲出甘香。一客16片又抵食，質素比元X, 板X更佳。軍艦5點，其實有五款不同的壽司，各有特式：「香蔥拖羅碎」 - 香滑濃厚「蟹膏甜蝦 」- 爽甜蝦粒，豐厚蟹膏「蟹膏帆立貝」 - 清爽的帆立貝配以濃厚的蟹膏的對比強烈「海膽」 - 清淡卻新鮮無瑕的鮮味「三文魚籽」 - 魚籽內的精華是幸福的味道焗蠔有兩款風味，以蒜蓉、芝士甚至沙律醬來調味的確是常見的，原因是其他餐廳