和氣食堂 (河畔花園)

營業中

休息中

去到河畔花園，見到咁多人等位就行過去睇下，原來係一間日本居酒屋🏮，我哋二話不說就攞飛等位。大約等左10分鐘就有位了，由於我哋有小朋友，所以店員安排我哋坐最入嘅卡位位置，可見店員非常體貼。除此之外，座位非常寬敞，空間好大，坐得好舒適。首先我哋叫咗三文魚五味壽司，一共有五種味道，當中有一款係原味三文魚壽司。但係我最欣賞就係火炙芝士三文魚壽司，暖暖哋咬落去有質感，而且芝士味道好match。除此之外，我哋仲叫咗刺身拼盤，包括帶子、油甘魚、甜蝦同埋三文魚等等，當中嘅甜蝦非常鮮甜，而且好大隻。主菜方面，我哋叫咗一個濃番茄湯燒雞扒湯烏冬同埋一個石鍋飯。石鍋鰻魚炒飯中，鰻魚一啲都唔腥，而且好少骨，而炒飯炒得好有鑊氣，再加埋佢既蔥花同埋洋蔥粒一齊食，更加滋味。最後仲有一個海鮮雜菜鍋，當中有好多新鮮嘅海鮮，包括蜆同埋蝦、蔬菜仲好入味添。飲品仲有Apple Cinder 同埋熱柚子檸檬下喉嚨，飲完真係爽晒。埋單四大兩小只係＄1000多啲，每人平均消費＄200左右，位於沙田區價錢合理，食物質素高嘅日本菜，值得再encore。

不想太遠 諗住同屋企人系沙田食個飯 見到OpenRice零差評甘犀利咪試下，點知不但嘢食一般 環境都好逼 原本要我地5個人逼住坐4人位都算 仲要隔離枱同我地差一個階磚都冇 成件事好尷尬同搭枱無分別 之後右邊隔離又好近 幾乎連抖氣都聽到 最重要系佢地班人系到劈酒 唱歌 大嗌 當正屋企甘 大家望住曬都吾理 我地坐系佢隔離就固然之好似擺左個喇叭系隔離 好嘈好煩 其實嘢食吾算差 但講返環境，服務態度，真系吾會想再去 又受氣又煩。

沙田出名無咩好食，所以稍為好食d的都會大排長龍，不過呢間有得電子領飛，所以唔駛等咁耐。最鐘意食火炙刺身飯，有大大舊三文魚，左口魚，蟹子同玉子，兩個人share食，再加d小食同壽司份量就剛剛好。芝士焗蠔都好好味，值得推介，鮮甜又大粒，所以呢間鋪頭都成為左我夏天食堂多加支啤酒同朋友啤啤下，就更加無得彈。

心血來潮事件簿(11)🤤今日本尊難得得閒，就約左朋友黎到依間和氣食堂食，見到個餐牌真係有好多選擇，搞到本尊都唔知選D乜嘢好😍經過我同朋友激烈嘅討論之後我地決定要一個燒雞扒蕃茄湯烏冬同埋鰻魚丼，之後發現原來後面可以加錢要小食添，可惜叫個陣啱啱好無左個薯餅，如果唔係都想試下，我就加左三文魚壽司，蔬菜天婦羅同埋麵豉湯，朋友就要左溏心蛋同埋蔬菜天婦羅😎我個三樣加起黎都係$16，真係好抵食😸多啦好快我地D野食就黎啦😇個烏冬湯底好濃好有蕃茄味，D料都好足，之後烤雞好入味同埋烤得剛剛好，但係如果唔係太鍾意烤嘅朋友都可以將佢點湯食，佢同個湯都非常夾👍呢度嘅鰻魚丼價錢親民之餘，味道都相當不俗🤤 微温嘅燒鰻魚外脆內軟，加上香甜嘅燒汁，佐以芝麻、紫菜同蛋絲，好滿足！令外再加埋追加嘅溏心蛋，簡直一次過滿足兩個願望！！🤤多啦！另外追加嘅一款小食係野菜天婦羅，天婦羅嘅炸粉唔算厚，都值得一試㗎👍🏻

陪朋友仔出開河畔花園附近聽講座，聽完已經9:30,肚仔已經好餓，係附近搵食，見到有間和氣食堂，我本身去開黃大仙食，質素有保證，一於醫肚啦！沙律叫咗個温泉玉子牛油果凱撒沙律，牛油果好甜，大大塊，又多件，沙律菜又新鮮脆口，脆麵包粒又口味，配上醬汁，恰到好處！剌身叫咗刺身盛A、有章紅薄切8件，油甘魚3件，甜蝦3隻，剌身極新鮮，鮮甜，必食之選！日式炒野菜，日本椰菜，配上好多木魚塊，不油膩，正！朋友至愛，田樂麵豉燒日本米茄子，茄子燒得剛好，不會太軟，有口感，配上個麵豉醬，好惹味！黑豚肩燒丼，啖啖黑豚肉，個醬汁好好味，加上泡菜，又係天作之合！枱面有個溫馨提示，提示大家記得下載即慳＄5現金券，有埋下載流程，真貼心！下次去開河畔食飯又多個選擇啦！

老公同呀仔同我提前幾日慶祝母親節，我選擇食日本料理，沙田圍有兩間日式餐廳，徳美已食過，今次試和氣啦。^_^閒日星期二晚上八点半不用等位，雖然店子小小，但也坐得舒服。

河畔出名多野食，今日咁啱喺沙田做完運動，就同友人黎河畔搵食。同事介紹過有間日本野好食，我同友人就碰碰運氣睇下有冇位。好在我地早到，等左一陣就有位。刺身拼盤 - 三文魚、甜蝦同赤貝都好肥美同鮮甜，食得出好新鮮！甜蝦啜埋個頭一樣咁鮮甜，回味無窮。三文魚海鮮沙律脆脆卷 - 好似天婦羅嘅脆脆配埋蟹籽一齊食，索索聲，味道好夾。點少少豉油已經好正。友人話個脆脆卷係全晚最正👍🏻👍🏻三文魚五味 - 而呢樣就係我最鍾意嘅一道菜。個人對三文魚無法抗拒，仲要加埋海膽同芝士，點可能唔鍾意先。三文魚照樣肥美，而火炙三文魚就好滑，又鮮甜，真心正日本南瓜蕃薯天婦羅 - 我最鍾意南瓜天婦羅個炸粉唔會好厚，又脆又薄，可以食到南瓜同蕃薯嘅原味。白咖哩烏冬配炸雞 - 第一次食白咖喱，上菜時有驚喜，賣相好靚。撈混後即刻試左啖，好正，烏冬又彈牙，三兩野就清哂。不過炸雞略嫌燶左啲。金蒜燒日本米茄子 - 我同友人都好鍾意食燒茄子，加埋炸好嘅蒜蓉同蔥粒，好惹味，為呢頓豐富嘅日本料理畫上句號。

話說前天就同男朋友去左食友人家附近的日本料理 當然6點幾左右 好少可見到已經有三份一既枱已經有人坐緊 正正因為依個原因 羊群心理所以就入左去食了 首先叫左個刺身盛拉 有五樣既 我個人就鐘意甜蝦同帆立貝拉都新鮮既同埋厚切既觀感 成件事好開心連男朋友都大讚油甘魚刺身好食再叫左個蒜香一口和牛茄烏冬拉無諗過佢個茄湯底無我想像中稀都叫濃郁湯底黎 我覺得幾足料 始於佢都要85元而已蒜未溶入湯底 仲痴住係和牛上咬落都口感鬆軟既 烏冬吾叫係街市個隻 很彈牙的說再叫左個牛油果溫泉蛋凱薩沙律哇 牛油果好大粒 好足料的說 cp值好高58蚊好抵食阿 仲大份過板長既芒果沙律千迴火鳥係我男朋友想試下既um 佢就話ok既 我就無食到 不過就話好食過板長個串燒雞翼最後叫左5件軍艦 因為佢1set甘叫等我地依啲有選擇困難既女士吾洗冧甘多我覺得個組合幾高質 始終有海膽同蟹膏蟹肉又有魚子 而且飯不會很多 分量剛剛好食壽司最緊要賣相 依一碟佢完全做得到

沙田係一個小社區，各式美食應有盡有。今次黎到河畔花園附近，揀咗呢間日本菜餐廳。餐廳環境佈置精緻，座位舒服寬敞 ，令人感覺放鬆，可以好好享受豐富嘅晚餐。今次嗌咗6道菜，最推介五味三文魚。五味嘅意思係有原味、牛油果、海鹽咖哩、海膽同埋芝士版嘅三文魚壽司，體積頗大，魚生新鮮，賣相亦都吸引，食落好有滿足感。至於天婦羅亦都唔失色，天婦羅炸得唔算非常油膩，有我最鍾意嘅蝦天婦羅，仲有番薯天婦羅同埋蔬菜類天婦羅等等，加埋天婦羅汁就一流啦。仲有火焰海膽帆立貝捲，一共三件卷物壽司，每件上面有大大嚿嘅帆立貝，仲有啲顏色鮮豔嘅海膽，賣相非常吸引，而且啲飯同上面的材料唔會夾一夾就鬆散曬，值得推介。至於熱食方面，點咗鐵板牛柳粒。作為暖胃嘅前菜係唔錯嘅選擇。牛柳粒份量都幾多，加埋啲香蒜，遠遠都聞到香味，令人垂涎。另外推介刺身盛，有廣島蠔、帆立貝同埋赤貝，適合二人份量。廣島蠔有特製嘅醬料，口感配搭特別。帆立貝色澤光鮮，味道新鮮。赤貝就非常彈牙。最後點左炸三文魚魚皮，炸得嚟鬆脆，薄薄地一塊，幾特別都可以試下。最後埋單二百蚊一個人，食得都算幾飽同埋好滿足。

朋友話去食呢間…… 但我見到啲嘢食就覺得麻麻地， 先入為主咗😅😅 食完呢餐飯之後👉 我可以話畀大家聽，可以encall😉 尤其是係嗰一款白咖哩烏冬配炸雞😋😋😋 壽司都好新鮮， 刺身方面都係厚切😍😍😍😍 這餐飯入面最差都係👉長腳蟹棒壽司🤦‍♀️完全感覺唔到有用火燃燒過🙈🙈🙈， 有啲失望！！ 這店內位置不多……大約30至40座位，所以一到晚餐時間就很多人排隊，我都等咗半個鐘頭， 提提大家可以用apps訂位😉 是日晚餐食咗450蚊，抵！！

這幾個星期，外母帶我們去水門那邊飲茶，三間酒樓也試過，食物也算不錯，今個禮拜我們試新的食物，去河畔那邊吃日本菜，是和氣，中午有很多set都好抵食，不過要等位，因有很多人，可想而知他的抵食程度我叫左個黑丸拉麵🍜$59，麵質彈牙，湯底夠濃香，不過我本人不太喜歡吃日本式的叉燒，但這裏的味道也算OK外母叫了和氣壽司定食$115，有三文魚🍣、刺身虎蝦、油甘魚、帆立貝、特長海鰻壽司，刺生鮮味可口的，嘩！塊鰻魚真係好長，好好味，香蔥拖羅碎軍，一咬軟綿綿的感覺，都可以，芒果花之戀和花之戀，當然是一定好吃😋，還有跟了一碗烏冬，烏冬也很煙銀一份揚物係炸雞🍗，這個餐十分豐富加＄14還可追加食物，可選兩款，我們要多一碗麵鼓湯和溫泉蛋，溫泉蛋熟到剛好有流心蛋黃還有兩杯餐飲，味道也不錯

今日去沙田探姨婆，她在河畔附近住，因為姨婆不太舒服，我就自己一人去吃午餐，看到和氣門外有很多人等位，之前也吃過黃大仙哪間，食物不錯，這間比較细，而選擇比黃大仙少，但也有很多種類中午時間餐廳人很多 因為特別肚餓， 所以叫咗和氣 極強 特盛定食$148,有炙右口魚、油甘魚、帆立貝、珍寶赤蝦、三文魚籽壽司，刺生超甜美和新鮮，尤其是 海膽壽司， 很清甜 冇腥味， 和我在大阪 即開的海膽味道差不多 ，軟殼蟹沙律， 沙律菜清爽甜美， 但 軟殼蟹 炸得不夠脆，差一点点， 燒黑豚腩丼， 好彩是細碗的， 因為食到這裏已經很飽了， 不過豬肉味道 香甜 好味， 忍不住口 也扒了幾啖飯， 再嘆一杯熱咖啡， 咖啡味香濃有回甘的味道， 飲得出不是是旦沖的咖啡這裏的店員服務態度也很好， 經常微笑示人

係好西林立既沙田河畔花園能夠佔有一席之地都真係絕不簡單而和氣食堂,經過今次一戰竟然係當中既高高手欽敬欽敬店外既裝潢已經感受到濃濃日本氣息諗起當年回鄉到日本,不論大阪定係東京店外真係同呢間有九分相似令我思鄉之情越發就睇下係咪真係可以一解鄉愁==============================首先講下我覺得最好食既世界級黑豚腩燒丼(P.S.世界級係我自己加上去既)老實講,其實我好怕食黑豚因為唔靚既黑豚,佢既豬味係豬騷味而且會比一般豬既騷味會重好多好多而靚既黑豚,佢既豬味係豬香味而呢到正正就係豬香味另外燒得夠晒火候燒到豬腩既脂肪變到少少香脆豬油又有少少融化而變得非常香口又不失豬腩口感加完照燒汁既調配,香味四溢得黎唔會搶左豬香味燒完既照燒汁又將香味昇華到更高層次細食如我,我都相信三碗都一定食得落各位一定要試試生虎蝦刺身虎蝦新鮮又爽口蝦刺身如果唔靚D肉會霉霉爛爛佢呢到既刺身咁爽口就係靚同新鮮既證明最有特色既係一般蝦刺身只點鼓油或者WASABI呢到除左呢兩樣仲有蒜片,泰式汁,檸檬汁同(相信係)明太子可以有咁多唔同口味係其他日式食肆係比較少見值得一LIKE黑松露鵝肝帆立貝卷三樣食物既質素其實

放假同屋企人去新城市行街街，本來想去7樓d餐廳食晚餐，可能假期關係好多人排隊，所以就上open rice睇下有咩好食，一按沙田就見到呢間『和氣食堂』，見食評唔錯就行去河畔試試門口都有唔少人等位，好彩預先用app拎左飛等左15分鐘就入得。牛油果🥑三文魚沙律🥗平時去食日本料理都會叫蟹子沙律🥗今次試試新口味牛油果🥑唔會太熟有口感沙律汁好好味酸酸地好開胃芝士軟殻蟹🦀卷上面鋪滿了蟹子相當吸引香脆軟殻蟹配上沙律醬美中不足係芝士燒得唔夠，未能溶化。雜錦天婦羅🍤粉夠薄天婦羅蝦蝦爽口隔離枱見到仲立即叫返碟添日本料理有泰式生蝦食我好愛泰式生蝦所以叫左碟試試，估唔到又幾好味新鮮爽口，最重要個汁酸酸辣辣小插曲，餐牌上寫明有八隻蝦，但我哋食完得七隻蝦尾🙈🙈同店員講，佢致歉後好快拎補返一隻俾我地大阪豬扒丼🐷好大碗丫厚厚豬扒（唔乾有肉汁）配上滑蛋加埋椰菜仲未咁油膩反而雞翼有點乾，味道還可以，微辣埋單四百幾蚊，價錢合理。飽飽後同屋企人散步行返屋企，幫助消化

友人推薦和氣食堂，今日特意到沙田圍嚐一嚐。我們是食晚餐，幸好較早到，不用輪候便可入座。餐廳的空間不大，但坐得舒適，店內還播著音樂，令人感覺放鬆。餐廳的菜單十分厚，選擇很多，有沙律、刺身、主食、邊爐、小食等，一定會找到適合口味的食物。這裹的上菜速店快，下單後不消5分鐘便上了頭盤。沖繩風沙津(和風) ($58)這是我第一次吃海葡萄，其感覺好像在吃淡味的魚子，一粒一粒，口感很特別。而沙律用了上和風醬汁，感覺很清新。燒日本鄺島蠔2隻 (蒜味&燒芝士) ($48)是次晚餐中最期待的食物！大大隻廣島蠔配上燒芝士，兩者經典配搭，望落己經覺得很吸引 我用筷子夾開廣島蠔時，未食已聞到一陣好香的蠔味。蠔很新鮮，入口非常鮮甜，且非常Juicy。其外用上淡味的芝士，不會搶去主角蠔的鮮味，反而令味道更有層次。而蒜味蠔，同樣蠔也是大大隻，蒜味非常香。蒜量很多，吃下時整個口腔都充滿蒜味，會蓋掉了蠔味。所以，如果想嚐多點廣島蠔的鮮味，建議可以撥開少少蒜先食。整體而言，這道小食非常推介一試。芝士更有拉絲效果。三文魚五味 ($72)、柚子芥苿火炙帆立貝壽司 ($45)三文魚五味，以三文魚配搭不同的食材，包括海膽、牛油果