和氣食堂 (河畔花園)

營業中

休息中

今日約左朋友仔係沙田河畔個度食飯，大家都想食日本菜，所以就去左和氣食堂。我叫左極強特盛定食 (HKD 148) 有刺身壽司同燒黑豚腩丼，軟殼蟹沙律，同跟餐飲，而我就要左忌廉。刺身壽司有6款咁多，分別係火炙左口魚邊壽司，油甘魚壽司，帆立貝壽司，珍寶赤蝦壽司，海膽壽司，三文魚籽壽司。壽司非常新鮮，左口魚同油甘魚色澤鮮豔，入口即溶，正。帆立貝同赤蝦都係珍寶size，非常厚肉鮮嫩，冇得頂呀。海膽同三文魚籽分量黎講非常大，最重要係一啲都唔腥而且好好味添。至於個燒黑豚腩丼，賣相唔錯，黑豚腩非常瘦，唔韌好稔，醬汁同珍珠飯非常夾。個沙律有好多沙律菜，又有蕃茄，蟹籽，青瓜同栗米，好足料呀，最重要係隻軟殼蟹好大隻又好好味。另外，追加左麵豉湯，兩款小食(HKD 16)。 呢兩款小食我選擇左炸蝦卷同三文魚壽司(2件)。 麵豉湯非常足料，唔咸，好清甜。三文魚好大塊同好鮮甜，炸蝦就熱辣辣 。兩者都好好味。非常肚餓既我食完呢次極強特盛定食感到史無前例既滿足。

今日同朋友去咗沙田踩單車, 夜晚去左一間食日本野既街坊店。食完仲可以係城門河散步消化下!環境乾淨具有日本特色而且餐具齊全添!一坐底服務員就會即刻俾杯熱茶一路飲一路睇餐牌先！ 好貼心！首先, 我地叫左個刺身, 白咖哩烏冬, 鵝肝, 帆立貝仲有左口魚邊既SUSHI, 雞骨腸仲有一個牛油果沙律中和返。(兩個人叫得太多，但餐牌太吸引，忍唔到手)之後，刺身既三文魚厚切食落好有口感, 另外魚切到透明, 好用心。。甜蝦生蠔都好新鮮呀!白咖哩烏冬從來都冇食過, 好有驚喜, 又唔太辣咖哩味都好重, 炸雞腿係即炸!正!再食埋三舊SUSHI, 上面仲有黑松露, 特別一提係鵝肝, 好肥美。食哂咁多重味既野, 係時候要食返D清甜野中和下喇‧新鮮蔬菜牛油果沙律加上D醋既酸甜, 好FRESH, 就算已經半飽都忍唔住成個食曬!想提既係個鍋, 上面有適量海鮮, D湯入哂娃娃菜同海鮮既味, 好清甜好飲!最後想講既係, 呢間日本店好有驚喜呀！價錢非常合理，好推介！好感動到推介: 和氣食堂

嚟到沙田除左行商場之外，梗係要睇下有咩驚喜小店啦！呢間餐廳好早就已經開始排隊，相信係街坊心目中都係唔錯嘅！打頭陣當然要試下個沙律啦！通常日式店嘅沙律都好fresh好清新。打頭陣當然要點一份刺身拼盤啦！呢個刺身拼盤有生魚片、蝦、厚切三文魚腩、帶子同吞拿魚。每款都好新鮮同啖啖肉，而且唔會好腥味。薄薄嘅生魚片真係好鮮味！最中意食火灸壽司又點少得呢幾款特色壽司呢？分別點了三文魚、海膽帶子、帆立貝。最中意就係火灸海膽帶子壽司。海膽滑一滑，燒過更是香口主角出場：櫻花蝦泡飯！朋友話嚟呢間餐廳一定要必食。因為唔係間間日式餐廳都有，而且價錢唔貴。櫻花蝦非常大隻，而湯是另上，由客人自己話事要幾多湯，而其他配料都可以自己決定落幾多！整體嚟講，呢間日式小店比起係商場嘅大牌日式店出色好多。

放假同男朋友去大埔踏單車，然後去大圍還車，就openrice找了這間和氣食堂，看到很多好評，就在大圍走去沙田，地點不算難找。裝飾精緻，感覺乾淨，員工服務好好。山葵漬赤蝦:好特別的配搭，鮮甜的赤蝦加上輕微辛辣的山葵漬，刺激了味蕾。柚子芥末火炙三文魚:第一次嘗試這樣的配搭，味道好清新，好特別。黑松露鵝肝帆立貝卷:黑松露和鵝肝好夾，加上鮮甜帆立貝，更加好吃，推介！薄切白身魚丶油甘魚：好新鮮好鮮甜，油甘魚入口即融，白身魚好香魚油味，而不腥。韓式芝士燒大肉菇：芝士加上沙律醬，好惹味，超好味三文魚牛油果沙律：我的大愛，材料新鮮，份量充足黃金海膽炒飯：炒飯面頭是海膽，撈一撈飯，每一口也有海膽的甜味，而炒飯炒得好有鍋氣，色澤是黃金色的，真的是好好味道。總結，我同男朋友都十分滿意，價值不算貴，質素超高。讚！讚！讚！

成日經過都好想食，但因為太多人排隊， 所以放棄。今日終於有機會食到， 諗住夜啲嚟唔好咁多人，一去到就可以被安排入座， 多謝迎接我哋嘅店員。已經係夜晚九點半有多，依然座無虛席。角切魚生飯，件件魚生都好新鮮，絕對係值得推介嘅魚生飯， 魚生嘅份量都非常足夠，壽司飯我最鍾意。芝士軟殼蟹卷，果真外脆內香。三文魚五味及牛油果三文魚腐皮，魚生同樣都是非常新鮮。點咗阿女最鍾意嘅番茄濃湯牛肉烏冬， 個湯底真係好濃好香。今晚夜咗，可惜食唔到燒茄子同埋魚皮，超愛茄子的我，確實好想食到麵醬燒茄子

之前幫襯過黃大仙既和氣食堂,當一發現原來沙田都有分店時, 真係好開心,即刻帶埋同行朋友一齊去試!我同朋友一齊點左個芝士左口魚魚生飯左口魚食落好新鮮, 入口爽彈!面頭仲有熱溶左既芝士!一句講哂:正呀!!!!

之前行過見到呢間日本餐廳d 菜色都幾特別，有d fusion 菜色，今日特意來一試!黎日本餐廳當然唔少得，一試魚生的新鮮度就知餐廳用咩級別既貨。點左柚子芥末火炙帆立貝，火炙黑松露左口魚邊，山葵赤蝦。帆立貝和左口魚新鮮，入口即溶，柚子芥末醬幾清新。但黑松露既味反而無咩特出。本身友人話要試牛油果芒果三文魚班戟，我都怕伏，點知原來材料幾夾，個皮 煙煙韌韌，好有趣。廣島蠔刺身，好肥美，配埋個汁好清新，而配菜d 海帶都幾好味。另外都叫左石鍋鰻魚炒飯，鰻魚有兩塊，飯內有鰻魚粒，鰻魚份量唔算多但有中式炒飯的鍋氣同石鍋的飯蕉。而雞翼等左半個鐘先上台，系極燒加，熱辣辣,有7味粉有少少辣，但好香口。總括來說，都幾有特色，下次想試魚生飯!

琴日因為要係cu附近同朋友食飯，所以就無意中發掘咗呢間日本菜🤪佢真係好好好好好好L好食😭 成日覺得喺香港日本菜要好食一定要好貴先得，但係呢一間餐廳完全係改變咗我嘅偏見！我地睇menu睇咗勁耐(因為真係有好多選擇！) 首先叫咗三款軍艦🛳 第一樣野值得讚嘅係紫菜係脆嘅！✨左手邊嘅蔥花拖羅碎份量好滿足；中間嘅三文魚籽加海膽都係好滿足😂❤️ 海膽唔會腥，三文魚籽睇得出好新鮮；右手邊係最驚喜！蟹膏麵豉超好味😭💛 嗰種蟹嘅鮮味充斥住我個口腔，我同我朋友都話下次要叫四舊😂🤪 仲有嗰個黑松露炙燒左口魚裙邊都唔錯，燒得啱啱好入口即溶！而第三道餸就係好hit嘅鯛魚湯泡飯~ 嗰湯十分之入味又唔會太咸，喺凍凍地嘅天氣食最啱🤤☁️整體而言，我地一定會再encore! 特別係壽司堅高質🤤

天氣雖然凍，但都阻唔到我想食魚生既心情前日就同男朋友去左河畔搵日本餐廳，途中就見到間餐廳門口幾多人，心唸應該不錯！餐廳入面已經好有新年氣氛，裝飾都好靚估唔到有禁多選擇，串燒卷物壽司拉麵丼飯樣樣有脆脆燒三文魚皮，同我地打邊爐食既魚皮完全唔同嫁！超香超脆！仲可以沾上沙律醬鐵板一口牛，有好多粒牛粒上枱既時候仲有鐵板既｛沙沙｝聲，好正呀三文魚海鮮沙律脆脆卷，卷物係反卷黎，包住青瓜蟹柳同雞蛋，而脆脆其實係炸天婦羅個d脆粒黎，一齊食個口感好特別三色花之戀（芒果，海膽拖羅蝦，蟹籽），有三款口味，最岩我呢d樣樣想試既人芒果好鮮甜，三文魚子同海膽完全唔腥仲要大大件，好抵食！刺身丼飯既刺身好新鮮，帶子又大粒又甜塊油甘魚係腩位黎，仲要超厚餐廳仲有個優惠就係下載左個遊戲程式，就可以即時減＄5我覺得呢間餐廳真係唔錯，種類多，環境靚，食物夠新鮮夠大大件

香港天氣凍左一個多星期，忍口唔食壽司咁耐，終於回暖少少，一定要食番餐日本野！今次選來沙田河畔既和氣食堂為自己打打氣！來到已經咁多人等位！一定要食啦！店內坐無虛席，雖然客多，但職員服務好，夠速度，仲好細心！午市套餐選擇多，麵食，丼食，當然唔少得我來既目的.......壽司刺身啦！終於上菜啦！朋友叫左五色魚生飯！魚生質素好，有水準！份量剛剛好！到我有得食啦！和氣壽司🍣定食。9件大壽司，仲有沙律、烏冬、味噌湯！我仲退加左兩款小食！不得了！好好味，食完好滿足！最後當然唔少得飲杯野！呢杯青蘋果奇異果梳打，外型已經好吸引，飲完好舒服，簡直係嚴寒中既最佳選擇！柚子梳打都唔錯！整體而言，係一間會再去既食店！

天寒地凍，個friend係都要食日本嘢， 佢話平日好多人排隊，趁今日早啲嚟試個出名嘅魚湯泡飯芝士厚燒玉子~芝士溶咗係面甜甜地嘅蛋上，非常出色!鯛魚魚湯泡飯~配以脆卜卜嘅炸米及葱魚湯上枱後自己淋魚湯上燒熱咗嘅鍋，做魚湯泡飯過程非常精彩! 熱辣辣的飯，正!清酒煮蜆~ 酒味好濃， 蜆好新鮮， 豐富海鮮味，個湯食完飲埋!壽司三文魚海膽三文魚牛油果三文魚炙燒芝士三文魚炙燒黑椒三文魚鵝肝炙燒三文魚鵝肝帆立貝鵝肝鰻魚鰻魚多汁好和味， 面頭加埋鵝肝， 豐富嘅脂肪感，入口即溶， 好正!田樂麵豉燒茄子~ 茄子嘅麵醬味好濃，超好味，食過返尋味!

終於可以起weekday攞返日假約左個friend 去沙田行街但黎黎去去都係起新城市食野見天氣又幾好朋友就提議去佢以前讀書既沙田圍食野話有間日本野幾平幾好食行左20分鐘左右到左和氣食堂估唔到平日lunch time都幾多人不過都唔洗點等位都有好多選擇有刺身丼、便當同埋烏冬2個都鐘意食三文魚所以都叫左刺身三文魚丼我叫左$72三文魚帆立貝刺身丼配牛肉烏冬貪佢有飯又有烏冬三文魚同帆立貝都好新鮮而且個飯上面仲有好多蟹籽正！！個飯size剛剛好 可以比我食埋個烏冬烏冬幾彈牙肥牛又唔會韌$72仲包埋凍飲 都幾抵食朋友話佢親子丼都幾好食下次行開沙田可以再過黎試其他便當！

臨近農曆新年約埋舊同學食團年飯，上次去河畔食叉燒皇，見到隔離日式食堂同樣排晒隊，上網見到一個喊都冇，決定一試門口有輪候位置亦有等外賣既客人，我地預先訂枱所以唔洗等就有位，小店餐牌選擇多，係門口見到鯛魚湯泡飯已食指大動日本清酒石鍋煮蜆（$78）bulu bulu 咁滾住上，侍應提醒小心石鍋燙手，以為熱力會蒸發所有酒香，蜆肉吸收清酒香味，鮮甜味美脆脆燒三文魚皮（$28）未食過咁薄既魚皮，脆卜卜灑上七味粉調味，同潮州粉麵店食到既完全兩回事芝士軟殼蟹卷（$55）放上半片芝士炙燒，軟殼蟹脆身，飯卷得實淨唔會一夾就散五味三文魚壽司（$68）五種款式各取所愛五式刺身盛（$98）唔洗一百蚊食到咁鮮味既刺身，最帶子同油甘魚，鮮味沒法擋廣島蠔寄生鍋（$128）蠔味濃，仲有蝦、墨魚仔、蟹鉗、蜆，全部成雙加大量配菜，食完刺身最啱飲返碗暖笠笠海鮮湯鯛魚湯泡飯（$98）最期待既終於出場，新鮮鯛魚片包住菠菜同白飯，灑上玄米同芝麻，奶白魚湯，食用時倒進熱燙石鍋可保持白飯Q彈口感，營養鮮味100分雖然坐得比較迫，但都唔影響我地聚舊，加上食物質數搭救，唔怪得咁多人幫襯，連附近酒店既游客都識嚟搵食

係沙田收工，同同事係附近河畔果邊搵野食，想食日本野，就去左試呢間小食堂～係門口見到poster做緊鯛魚推廣～係日本食過好難忘 ，點知味道有驚喜☺前菜XD鯛魚薄切刺身，片片都好通透啊，唔會有魚腥味淨係食到鮮味，淨係朵花已經有3-4塊～賣相吸引，唔洗食黎食去都食三文魚😗櫻花蝦、帆立貝、大海蝦、鯛魚湯泡飯個泡飯好特別，唔同一般整好左，倒哂湯比你，店員送到黎係一個石頭鍋裝住熱辣辣的飯，灑有不同調味料，事先煎香的海蝦+帆立貝，加埋小許荺韮茶，真係好香！仲有一啲脆米同蔥花自由加，然後有一壺鯛魚湯比自己倒落去，即刻香噴噴既泡飯出爐啦～٩(˃̶͈̀௰˂̶͈́)و食落去好熱辣辣因爲石油頭鍋夠保溫！同同事share食剛剛好～湯亦都太好飲啦吧重魚味！軍艦呢度嘅海膽好鮮甜，仲有甜蝦配蟹膏，帶子粒配蟹膏，小小驚喜小店食堂千迴手羽新鮮即炸好雞翼連尖，好正好靚！又有木棍串住方便自己食，超juicy~~~田樂麵豉燒茄子我勁鐘意食麵豉味既野！加埋茄子口感軟林林同燒得好入味～～😍推介 價錢相宜 like! 我地7點半都有位坐，慢慢越黎越多人黎爆場，因為地方有限，不過下次收工人唔多都會再試！😋

河畔一帶，最近發覺多了間好多人排隊嘅日式小店。望入去，地方不算太大，雖然枱與枱之間較窄，但客人食得好滿足似的。我地一家就最鍾意試新野，好在未到繁忙時間，等了一陣就可入座了！脆脆燒三文魚皮，真係好好食，炸脆之餘亦沒有油沈沈的感覺，餐前小食，確係一流！火鳥燒得好入味，裡面仍保留雞肉嫩味，好食！而呢個海鲜鍋，大蝦，墨魚仔，蟹鉗等，種類很豐富！我最欣賞係鲷魚泡湯飽，不只賣相吸引，而且充滿動感，食材好像活起來似的！