和氣食堂 (河畔花園)

營業中

休息中

今日，我同老公來到麗豪酒店附近的一間日本餐廳吃日本餐。見店內人流都多，就嘗試一下這間日本餐廳！ 我們被安排坐在靠門口的卡位，都算坐得舒適！安頓好後，便開始看menu! 我們點了一個珍寶赤蝦海鮮丼赤蝦、一個火焰三色丼、一碟火焰海膽帆立貝卷、千迴火鳥、韓式芝士燒大肉菇等。 首先，呈上的是珍寶赤蝦海鮮丼赤蝦。這碟菜式份量多，而且三文魚大大塊、蝦亦十分鮮甜好味！ 其後，呈上的是火焰三色丼。同樣地，份量都很多，左口魚邊大大塊、蟹棒配上醬汁一流！往後，呈上的是火焰海膽帆立貝卷。這道菜賣相精緻，味道也很鮮甜！接著，呈上的是韓式芝士燒大肉菇。大肉菇咬下去肉汁有滲出來的效果，味道正！最後，呈上的食物是千迴火鳥。雞翼咬下去除了香口外，還吃到黑椒辣味，適合愛辣人士！整體來說，食物份量多，而且質素高，下次也會再來光顧呢！

和氣食堂喺沙田區一直處於高人氣餐廳之一，今晚終於約左幾個朋友去試，果然係一間性價比極高既餐廳。餐廳位於沙田河畔花園附近，其實沙田圍火車站行過去10分鐘都唔洗，渣車就更加方便，周圍都有好多位泊車。餐廳座位唔算多，但勝在可以GULU攞位，所以唔洗排好耐就可以入座了。餐廳食物質素非常高而且價錢好抵，首先介紹係沖繩風沙律和風，餐廳加左沖繩出產既海葡萄，之前去沖繩旅行食過一次已經覺得好特別好想再試，今晚食返都係煙煙韌韌好得意，可以試下。白咖哩烏冬配炸雞，白咖哩creamy得黎好香滑，烏冬入哂味，炸雞即叫即炸好香脆。黑豚腩燒丼係其中一樣招牌食物，黑豚腩燒得又淋又香又甜，份量又多配埋個飯真係勁正！千迴燒鳥，辣辣地好惹味，雞肉夠juicy，抵食又好味。麻辣鍋份量非常多非常豐富，唔算太辣我覺得味道啱啱好，無論肉定菜都入哂味，暖暖地天氣凍食就最啱。日本南瓜蕃薯天婦羅，炸得好香，南瓜同蕃薯都好甜好正，$48抵得都爆！雙重芝士鰻魚卷，芝土味夠重，配合埋夠哂厚肉既juicy既鰻魚，配撘得好好味。4點剌身，4樣都勁新鮮，刺身又厚切，特別勁鐘意個生蠔，大大隻又重海水味。最後係芝士厚燒玉子，燒得勁香勁，玉子又滑時間啱

今日放工同幾位朋友 一齊去試下呢間居酒屋。 我哋本身都鍾意比較熱鬧嘅居酒屋， 所以上網搵咗呢間都幾多人推介嘅和氣食堂~餐牌非常多選擇， 有各式各樣嘅刺身，燒物， 沙律,鍋物,仲有丼飯等。 四個人去食有個好處就係可以叫到好多款嘢食~ 我哋叫咗個四點刺身盛， 有廣島蠔甜蝦同兩款魚刺身。 最新拼盤賣相非常吸引! 色澤 完全係睇得出嘅新鮮， 尤其推介廣島蠔， 廣島蠔刺身海水味非常重，好鮮甜! 呢個沖繩風沙律好特別， 有比較少可以食到嘅 沖繩特產海葡萄， 口感爽脆~ 沙律汁酸酸甜甜非常開胃。 呢個雙重芝士鰻魚卷 真係冇叫錯~ 每片鰻魚都精心炮製， 配搭飯卷同濃厚芝士, 味道好夾但唔會食落覺得好滯。 日本南瓜蕃薯天婦羅有驚喜， 炸粉幾薄， 天婦羅控制得啱啱好， 外脆內軟。 採用日本南瓜同埋蕃薯， 糖分較高， 食落香甜。 白咖哩烏冬配炸雞亦唔錯， 口感比較濃郁，creamy。 炸雞味道亦很出色。 最後值得一讚嘅係千迴火鳥， 雞翼香脆 但仍然保留著肉汁 ,帶少少辣味， 非常惹味! 四個人買單先八百蚊 ，認真超值! 下次一定會再嚟食呀~

平時好少去沙田區，但今日為咗就朋友就去咗河畔花園食個飯。經過餐廳見到門面都企企理理，門口menu 選擇都幾多，刺身、壽司、鍋物同燒物都有。🍲餐廳裏面有啲裝飾，啲位都坐得舒服唔迫。最後我地叫咗麻辣鍋、石鍋鰻魚飯、三文魚五味同燒茄子🍆。三文魚五味（$72)叫呢個貪佢夠抵食又可以試唔同味🙈。佢有五款三文魚壽司［有正常三文魚、海膽、牛油果、咖哩鹽同芝士］三文魚食落都好新鮮，而自己最鐘意既係芝士三文魚，燒完幾香加埋芝士夠邪惡。🙊麻辣鍋（$128)呢幾日涷涷地，想食啲暖暖地既野。♨️個鍋有豬牛雞，同啲菜。佢既豬有驚喜，我地慢慢食，其實都煮咗好耐但都夠淋👍🏼，同時佢唔算太辣👌🏼。入面有我最鐘意食既福袋😍。石鍋鰻魚炒飯（$108)如果想食飯，呢個係唔錯既選擇。首先佢分量夠，啲飯仲粒粒分明，加埋啲鰻魚汁好食。🐟除咗飯面有兩塊鰻魚外，飯入面都有幾多鰻魚塊。燒茄子（$42)🍆燒物最緊要食材新鮮，而呢個茄子本身新鮮，再加香蒜好野味。

沙田河畔不嬲多好野食，只係要轉馬鐵線未必咁多人識。今晚試既和氣食堂，係伊區既熱門餐廳，放假黎食一定要排隊，閒日先有機會唔駛等。餐廳地方唔算大，但坐得都算闊落。今晚兩個人嗌佐五樣菜。第一款芝士厚燒玉子，上檯夠哂温熱，蛋味好濃，食落軟綿綿，上面舖埋芝士，食一舊好喇，要留肚食其他野。再上三文魚海鮮沙律脆脆，係特色壽司卷。海鮮同沙律醬味道好夾，再大啖啲就正。壽司大小適中，大概兩啖食哂。跟住係魚生飯，伊個真係不得了，有牡丹蝦，三文魚，帶子，海膽，油甘同葱拖羅，款款都好新鮮，兩個人食都覺得多。燒雞翼，我鐘意食。火喉啱啱好，食落入面仲有肉汁，滴兩滴檸檬汁更夾。豬肉壽喜燒，入面有温泉蛋，野菜，豬肉，金菇。味道唔差，湯頭夠甜。值得一提係服務員添茶好快手。絕對值得翻啅。

平時好少黎依區，今日經過見到依間餐廳前門大排人等，我地又唔特別趕，就跟風一試。確實一試難忘!沙律(含牛油果，黑松露)有段時間無食過甘高質既沙律!!! 秋刀魚味道正正常常三色刺身丼 (三文魚、油甘魚、鰻魚)內裡有我既最愛，油甘魚! 份量同味道佳，食得唔多既朋友仔叫一碗都夠曬。自選壽司拼盤包括香芒三文魚腐皮、芒果花之戀、甜蝦壽司、帶子壽司etc.每舊壽司都相當新鮮，特別鐘意芒果花之戀同帶子壽司。甜甜既芒果加三文魚構造鮮甜清爽既fusion 效果，正!青蘋果奇異果梳打 草莓番石榴熱情果梳打 人氣之選，超大杯，系視覺同味覺既享受，飲落唔會太甜，甜度剛好。一個人要飲得曬成杯有d 難度，哈哈。可以叫一杯兩人share 都得。

又同朋友去咗河畔花園間和氣食堂醫肚！首先來一個沙律前菜，芒果三文魚蟹籽沙律青瓜絲清甜爽口，好新鮮！芒果肉，夠甜！三文魚大大粒，最重要是好多蟹籽呀，每食一啖都有咬到蟹子發出的聲音！3點刺身盛A（章紅薄切8件，油甘魚三件，甜蝦三隻）刺身最重要是新鮮，冇得輸！一般食刺身都是點醬油加芥末，但食章紅魚薄切點醋食，效果是想像不到，有另一番口味！最重要是店員見議我們這樣食法，好貼心，冇介紹錯！芝士軟殻蟹卷，4件軟殻蟹好脆口，芝士有火炙過，好香！千迴火鳥（3隻）串燒雞翼，燒得香口，惹味又不油膩，正鯛魚湯泡飯，配波菜卷，玄米脆脆個石碢泡飯係自己動手加鯛魚湯，魚湯好熱，淋上鯛魚片上，將之灼熟，再加玄米脆脆，好鮮甜！無得輸！這店除了有美食之外，還要一讚服務人員，服務態度一流！

元旦日不想煮飯，天氣寒冷所以係屋企附近食晚飯，搵到這間小店，之前每次經過都好多人等，今日一試終於明白!我地6點40分到，等左約半小時才可以入座，店員位不多，見到好多4人枱，但店員不分拆，所以等4人枱比2人枱快，幸好上菜速度快!今次食左三文魚壽司，吞拿魚細卷，炸三文魚皮，天婦羅蝦!天婦羅蝦配芝士粉及明太子醬，特別又美味!三文魚壽司有5味，不是薄片!吞拿魚細卷的肉都是厚肉!三文魚皮得香脆，美味!睇餐牌其他食物都好吸引，有機會再試!

朋友經常推介這家在她家附近的食店，她常常告訴我這家餐廳性價比十分高！今晚叫了大頭仔來陪我試。晚飯時間基本上全店都滿座，我們要等一會才入到座。火焰海膽帆立貝卷 $68其實是加洲卷上面再加海膽和帆立貝配在一起，好吃呢！三文魚三味壽司 $72原味、海膽、牛油果和火灸芝士。我最愛當然是火灸芝士吧!黑豚肉飯 $75這個朋友都高度推介我吃，甜甜的燒汁配上燒得十分香的薄片豚肉真的很好吃呢！豚肉底下配上白飯的味道真的是最夾了，又不禁吃多了飯。麻辣鍋 $128鍋內是有超多的材料！有牛肉、豚肉、雞肉之外，還有很多蔬菜和其他料，十分足料！兩個人吃一定夠吃，而且是絕對的撐著肚皮走呢。

知呢度等位等得好勁，所以早一晚就book定位，放工甘辛苦黎到想即刻有得食嘛6點9黎到已經好full，本menu好厚好多選擇，選擇困難再次出現。松葉蟹柳蟹子沙律睇相以為細細個，點知好大，２個人絕對夠食。仲有好多蟹子好正，松葉蟹柳鮮甜，比起出面既蟹子沙律驚喜得多。香蔥拖羅手卷拖羅重魚味，再配上蔥及芝麻粒，三重口感生虎蝦刺身唔知以為自己食梗泰菜，生虎蝦厚爽，啖啖肉火焰海膽帆立貝卷餐牌上有多款唔同既特別卷物，最後揀左２款。海膽唔苦，帆立貝好大粒，第一次食呢個配搭！雙重芝士鰻魚卷鰻魚冇骨，燒得好靚，加埋芝士又另一番風味芥辣八爪魚壽司辣辣地好過癮牛油燒一口番薯唔記得幫佢影獨照，掛住食一口番薯好甜，當甜品食總結來說食物不錯，不過座位好擠迫，唔算舒服。

和氣食堂，每一碟餸菜，都能煮出一種鮮味，係對食物一種尊重，勁勁勁勁好食麻辣火鍋 128hkd (京蔥,豆腐,白菜,芋頭,粟米,牛肉,豬肉,雞肉,福袋,芋絲,白蘿蔔,金針菇)火鍋底有大概 15 種嘅材料, 火鍋嘅底以泡菜湯做湯底， 白菜都煮到好入味，又用慢火唔係用石油氣去 控制火既大細，石油綿慢慢去加熱， 坳出嚟嘅湯，同食物，會更加帶大出鮮甜味道。黑豚腩燒丼72hkd黑豚，白飯配泡菜，三種味道加埋一齊絕配甜蝦,山虎蝦,牡丹蝦刺身壽司58hkd唔立口，爽滑，新鮮，正雙重芝士鰻魚卷42hkd挺身嘅鰻魚，加上面頭四方方溶溶狀態嘅芝士，青瓜，yummy， 珍珠米粒粒 分明，有口感。芝士厚燒玉子4件 42hkd一層層嘅玉子，咬落去有好香嘅芝士味道，一夾起仲見到好多煙，好夠熱田樂麵豉燒日本紅茄子42hkd麵豉醬配茄子，味道獨特， 鍾意 麵豉湯嘅話都一定好鍾意呢碟小菜。一到7:30pm. 即滿座， 餐廳可以容納三十人左右，樓面亦有五個夥記招呼，招呼周到。

到沙田區﹐如果不想吃大型連鎖店﹐就一定要來河畔覓食 這次就到了和氣食堂 一間什麼日本菜都有的餐廳這裡的日本菜比很多日本餐廳都齊全由小卷﹐串燒到鍋物 ；由刺身﹐麵類定食到天婦羅這裡真的一應俱全 雖然外面看進去人很多 (畢竟是沙田區好評很高的餐廳)但坐下來卻不會覺得很擠壓可以沒壓迫感跟朋友聊天而他們用的餐具也真的很和風！就連牙籤筒和醬油壺也精心採購一番 我和朋友2人點了5道菜先來兩道小食唐揚日本池魚仔 $46上碟精美﹐是用一個金屬小兜盛著﹐配合木板作底托﹐打卡一流 份量很多﹐我和朋友兩個男人才剛好吃得完池魚我倒是未試過﹐吃下去覺得滿滿魚味魚肉不算多﹐但魚肉味就很足骨頭已炸至酥脆﹐基本上吃不到外皮金黃香口﹐強烈建議搭配啤酒享用！七味河豚干 $58小食當然一不離二﹐就來試試這七味河豚干河豚中央燒至微焦﹐兩旁則沒有燒焦我個人覺得是滿貼心的設計可以增加層次感﹐又或給愛好健康的人士河豚很香甜！ 雖然外層微焦但裡面還保留水份 連同沙拉醬一起享用又一配酒之選 5點刺身盛 $198叫這個原因很簡單﹐因為有生蠔﹐有生蠔和有生蠔整個拼盤都很美很壯觀生蠔很大隻﹐滿滿蠔香﹐加上檸檬汁﹐令我食指大動三文魚很肥美﹐而

大人話要食日本野，心諗凍到咁點食日本野呀？😂😂入到去坐底左，wa!!竟然有得sabusabu!!🥘天寒地凍❄️唔洗講野，立即叫番一個先！咁當然都仲叫左其他野。.火炙鵝肝拼三文魚帆立貝鰻魚🍣 $62 (推薦指數:👍🏼👍🏼👍🏼👍🏼)以抵食來講係滿分的！真係好大件，但佢唔係淨係得d飯多果種，件鰻魚都合理的大件，食完必飽飽！.黑豚腩燒丼 $72 (推薦指數:👍🏼👍🏼👍🏼👍🏼)呢們飯又係好大碗！所以一定飽肚，個豬肉係靚豬🐷唔會話有雪味的的情況出現。個燒汁同個豬配合得好好。燒日本廣島蠔兩隻 $48 (推薦指數:👍🏼👍🏼👍🏼👍🏼👍🏼)我地揀左一隻芝士🧀燒，一隻蒜蓉燒，兩隻都好大隻，用料都唔會用d會縮的蠔。呢個就係一入來見到果個sabusabu赤味憎麻辣鍋 $128 (推薦指數:👍🏼👍🏼👍🏼👍🏼)好暖，好辣，我平時米線食10小果批，覺得有點辣，食唔到辣的朋友，請叫店員準備小辣。

晚上和友人到了沙田區覓食，知道沙田一帶有很多商場和食肆，在河畔花園附近一直是眾多小店聚集之地，可能是因為位置不在鐵路站附近，所以能提供價格相宜的美食。今次就來到了聞名的和氣食堂，一試究竟。平日晚市是在6pm開始，店舖雖不是超大，但因為我們早來，所以不用輪候就已入座，但過了一會，人流都漸多，差不多都滿座了。座位不會很擠擁，算坐得挺舒服，裝修亦柔和。由於我和友人都頗大食的緣故，我們點了不少食物。首先來的是鹽燒牛舌($38)，燒得十分香，是新鮮燒好的，調味亦足夠，濃味得來吃得出少許牛味，以第一道菜來說相當開胃。第二道菜是櫻花蝦泡飯($108)，配料很豐富，有兩隻大蝦，帶子，菜，還有一些脆米和蔥花，能先在石鍋做些DIY(我和友人更做了些飯焦)，再倒入附上的海鮮湯，熱燙燙的很合冬天吃，口感又豐富。第三道菜是3點刺身盛B($118)，有三文魚、甜蝦、赤貝。特別好吃的是赤貝，新鮮爽口。第四道菜是燒日本廣島蠔，非常大隻，蠔的味道相當突出，不會被配料蓋過。最後還有點不滿足，點了牛油果炸蝦卷($48)、火灸海膽左口魚邊壽司($46)、汁燒三文魚腩壽司($32)。這三款壽司都是一絕，用料新鮮，牛油果夠濃味，

喺河畔附近番學，回頭率最高嘅餐廳一定係和氣食堂，因為佢地啲lunch set真係抵食又好食，但今晚係第一次黎dinner。雖然佢地只係小店，但啲壽司都做得唔錯。特別係啲軍艦，紫菜唔會濕、淋哂，啲餡都好多，吞拿魚碎同海膽好新鮮，冇得輸😋三文魚五味都正，個芝士同海膽三文魚幾特別，係雙重味覺享受！豚肉飯好食，燒得好好，係個飯份量爭啲啲，男仔未必夠食。以下呢啲都係第一次食。個麻辣鍋係唔辣嘅，不過勝在料好多，啲雞肉好滑，湯底亦濃。燒蠔比想像中好，芝士味比蒜香味做得更香濃，層芝士都幾厚，蠔本身都大嘅。鯛魚泡飯睇落幾特別，而鯛魚食落都新鮮。天婦羅蝦好大隻，炸得好香脆，下次試埋其他天婦羅啦🤓