和氣食堂 (河畔花園)

營業中

休息中

We decided to get a huge lunch after 3 morning lectures in a row. It’s probably our 20th time in this restaurant near the Hospital but this is the first time we try their sushi lunches. And they turned out to be amazing✨✨✨I ordered the ‘All Salmon’ set ($108) so there’re 4 different kinds of salmon sushi and a few pieces of salmon sashimi. All of them are very fresh and very good for their price. The set also consists of a small bowl of udon, fried chicken and a beverage. Honestly the value for

和氣食堂喺沙田都頗有名氣同學都讚屋村平民區食到嘅高質抵食日本野 見到隔離枱通常都係一家大細一齊黎食 睇嚟呢間鋪頭已經變咗做一間家庭餐廳👍🏻😂牛油果芒果三文魚班戟 $88首先佢嘅賣相已經好吸引 塊pancake煎得好靚 包得好齊整 都話牛油果加豉油就好似三文魚咁 所以一食落口就覺得入邊係滿滿嘅三文魚 同埋多咗一種飽和道高嘅滋味 （食過牛油果就明白咩叫飽和度高嘅滋味㗎啦）呢個真係特別去其他地方食唔到我建議大家叫一碟試吓三文魚腩壽司🍣Normal as usual 三文魚腩壽司來講 如果都唔好食嘅話都好難喺香港立足 你知啦香港人咁鍾意食三文魚 中規中矩正正常常👍🏻溫泉玉子凱撒沙律🥗本人超愛玉子 加埋沙律簡直有一種refresh既感覺 醬汁濃度適中 最怕啲餐廳起勢落凱撒沙律將 搞到好鹹 大家睇相都見到幾豐富下 做前菜啊芝士口燒玉子 水準合理嘅燒玉子因為平時我只會係去日本先會食 所以個人要求好高 朋友覺得幾好食 我就覺得符合標準 但我始終成日覺得玉子要50幾蚊有少少貴 但係功夫嘅嘢又唔係價錢可以衡量嘅鐵板一口牛柳粒$88佢個牛柳粒又真係幾好食出乎意料脆皮 牛粒夠淋身 蒜頭味好夠做前菜都幾嘢味

今晚想食日本菜，我老婆去咗食和氣食堂，七點半去好彩最後一張枱都俾我哋拎左😆我好鍾意佢哋既裝修，雖然地方唔大，但係唔會覺得好迫，仲有日本特色嘅裝飾品。 4點特盛刺生好新鮮，有個特別既汁點生蠔同鱆紅魚刺生味道好夾，提升左味道。三色花戀一次過滿足幾個願望，份糧都夠大主食叫左一個燒雞排蕃茄湯鳥冬、黑豚肩燒丼蕃茄湯好濃郁，好味👍🏻雞排燒到個皮好脆，啲肉汁仲係度，perfect match!黑豚一啲都唔韌，好滑，個汁好開胃。小吃叫左4樣，有我喜歡既粟米，同老婆喜歡既一口蕃薯。仲叫左燒茄子同三文魚皮。粟米岩岩燒好，放上牛油，一彈就融化入曬粟米度，食個時好滋味😋一口蕃薯燒完好似比平時食既甜👍🏻三文魚皮夠脆夠惹味。唯一要改善既就係茄子既醬咸左啲，如果有白飯配就一流😆

朋友係沙田友，本身想係沙田新城市食飯，但諗諗下佢話河畔呢邊都有好多野食，試左呢間和氣食堂~~入到去唔算大，燈光比人感覺好舒服，入坐之後會上兩杯熱茶~比左朋友發版😂，叫左個4點刺身盛，石煱鰻魚炒飯，韓式泡菜豆腐鍋，沖繩風沙律和風，田樂麵豉燒日本米茄子同千迴火鳥。個沙律有海葡萄，口感好得意似爆水珠珠，個汁都好開胃，好岩做開胃菜之後上左個泡菜豆腐鍋，入邊有五花肉，同泡菜好夾hahaha，不過有少少辣。入邊仲有粉絲同菜，啲料好豐富~~勁靚!!我係鰻魚炒飯既super fans, 今次呢個鰻魚炒飯真係好好食，啲飯好入味，賣相都好靚！店員亦都好貼心咁提醒我地個石鍋好熱~~食日本野點可以唔嗌刺身，呢個刺身盛有廣島蠔， 三文魚，甜蝦同章紅魚，睇得出啲刺身好新鮮，正！！章紅魚口感實實地，值得一試~~見佢個名叫千迴火鳥咁可愛，叫左個黎試下，燒物永遠都唔會出錯仲有驚喜果然係真嫁， 燒雞翼既精粹就係皮脆肉嫩仲有汁，千迴火鳥齊哂！最後上左道麵豉燒茄子，我食唔出佢啲醃料係乜，但好入味，真係燒得岩岩好，我中意食冧嘅茄子，個皮同平時啲茄子又唔同啲，中意食茄子既大家一定要叫最後埋單563，好飽!!

今晚放工諗住休息一晚，同李老闆出街食飯撐枱腳。但因為今日係星期一既關係，於是我地就揀左去只需要15分鐘車程既花園城搵食。呢間人氣日式小店，可以用app攞位，真係好方便，去到等左5分鐘左右就有位啦！我地每人叫左一個主菜：我就揀左「角切魚生冷烏冬」。我絕對係冷烏冬既超級粉絲，因為冷烏冬比起湯烏冬口感更QQ, 更彈牙，再用胡麻汁攪拌，真係好好食！因為李老闆唔食生野既關係，呢個烏冬真係可以過足口癮👍🏻🤤夏天食呢個真係夠哂清爽！李老闆就叫左個「厚切豚肉丼飯」。豚肉有炙燒既感覺，而且份量仲幾多添，另外仲有泡菜做小食，味道屬於正常，不算特別。最後我地仲點左個「鐵板牛柳粒」，上枱仲試「吱吱吱」架🤩🤩炸蒜同洋蔥既配合，提升左整道菜既味道👍🏻👍🏻其實呢度仲有好多其他唔同種類既野食，下次叫多d人黎share就可以試多幾款。而且價錢非常大眾化，性價比高👍🏻

今晚難得約咗個好耐冇見嘅中同食飯 就就吓佢去佢屋企附近食飯啦😬 今日好肚餓😂 所以兩個人都嗌咗六樣野食 滿載而歸見到門口有部電子攞位機 好彩我地都算早食飯 去到我地食完 近七點半 門口已經好多人等位😮 下次晏咗可以用app拎位😉 店員好有禮貌👍🏻我地嗌咗 脆脆燒三文魚皮 雙重芝士鰻魚卷 3點刺身盛B 金蒜燒日本米茄子 燒日本廣島蠔 櫻花蝦泡飯 樣樣都幾好食😻 下面逐一同大家介紹先脆脆燒三文魚皮 食落口一啲都唔膩 上面有淡淡嘅調味 同脆卜卜嘅三文魚皮好夾😛 伴碟嘅沙律醬令三文魚皮更上一層樓雙重芝士鰻魚卷 個人幾鍾意呢個鰻魚卷 佢鰻魚卷入面有青瓜 芝士 同甜蛋 而上面嘅鰻魚好厚 口感幾豐富🤤3點刺身盛B 有三文魚 甜蝦 赤貝 三文魚既油花分佈好靚 甜蝦就好大隻 赤貝就幾鮮甜😗 全部魚生都好新鮮 好正金蒜燒日本米茄子 呢碟幾清新 有蒜蓉吊味 燒日本米幾香口 令茄子嘅口感豐富咗🍆燒日本廣島蠔 有兩隻味嘅 一隻芝士 另一隻蒜蓉 芝士好濃郁 而蒜蓉同隻蠔都好夾🐷櫻花蝦泡飯 侍應特登提醒我地要趁個鍋熱辣辣嘅時候 將個湯倒入去 如果唔係凍咗可能會腥 個湯好鮮味 係鯛魚湯 啲蝦進一步提升咗佢個鮮味 係好

明天放假，今晚食番餐好嘅。沙田唔多日本餐廳，想起食日本嘢都會嚟呢度。自家制芝士厚燒玉子是必選之一，大大塊玉子上面是溶了的芝士，好香好滑。秋風初起，點個鯛魚湯泡飯，魚湯上檯之後，客人自己淋上面，熱辣辣，出曬煙，鯛魚靠熱煱及熱湯即時煮熟，魚塊熟度剛剛好，又香又滑，中間是菠菜芝麻，配上爆米及葱，香濃魚湯更覺美味。火焰海膽帆立貝卷，海膽同帆立貝都好新鮮。柚子芥末火炙帆立貝壽司，柚子味香濃，好夾，厚切帆立貝大到差點兒看不見壽司飯，帆立貝鮮甜可口。黄金燒珍寶皇帝蟹棒，這個皇帝蟹棒又粗又大，咬落去啖啖肉，上面加了沙律醬蟹籽，令味道更覺豐富。千迴火鳥(燒雞翼)， 師傅即刻燒製，店員熱辣辣送上，非常香口，這個雞翼辣辣地，好惹味。見隔離枱食軍艦五點，賣相已經十分吸引，聽說味道也不錯，好想吃呢！下次來也要吃三文魚五味，之前都吃過，可以再試。早早地食完出到門口，依然好多人等入座，大家都好捧場，證明師傅絕冇失手。

尼間餐廳，已經食過5次，一次比一次差！首先，講環境，真係唔明，日本餐廳，點解開到d音樂好似炸機咁！音樂越大聲，好自然其他人講野就會大聲d!成餐飯，簡直人都癲！得個嘈字！食身方面，賣相已經唔得，壽司飯散既，帶子冇味，海膽唔新鮮！蝦仲要又嗅既！一間壽司🍣餐廳，最好食唔係壽司，而係串燒牛舌！真係搞笑！🤢🤢🤢🤢坐低冇人沖茶比你，唔叫唔使指意有！成餐飯只加過一次！2個人食左7百幾蚊！冇質素冇service! 坦白講，咁既價錢，食元氣一定平過佢好食過佢！

近日有開心事, 梗係要帶老婆出去撐枱腳慶祝下啦.心血來潮想食日本嘢, 今晚就揀返係屋企附近嘅和氣食堂, gogogo 人逢喜事, 加上吾知點解好想食海膽, 一於叫豪啲先 (落order 時老婆有少少黑面, haha )黃金海膽炒飯 $128好似有啲貴, 但係當碟炒飯一上, 老婆大人見到份海膽幾乎有成個拳頭咁大, 當堂開心曬, 佢淨係影相都影左5分鐘 跟住上嘅2杯 drink 又係好靚, 甜得剛剛好, d冰溶左又吾會變淡, 好嘢食日本嘢點可以無剌身呢, 份3點刺身盛一共有三款刺身 : 三文魚 ~ 超厚, 勁肥美 甜蝦 ~ 好大隻, 蝦頭仲有dd膏, 甜赤貝 ~ 彈牙, 鮮味點左好多款壽司, 最驚喜嘅係蟹糕甜蝦同蟹糕帆立貝, d蟹糕超正, 滿一滿, 又夠鮮! 仲有全晚最健康嘅溫泉玉子牛油果凱撤沙律, 溫泉蛋又滑又甜, 菜夠爽, 麵包粒夠脆.咁食法, 埋單都係$609, 吾係貴啦

老表介紹，响佢屋企樓下的呢間隱世居酒屋食飯。 三點刺身盛 （三文魚、甜蝦、赤貝）$118食日本野點可以冇刺身？打頭陣就係呢個三點盛。有肥美的三文魚，三件厚切，正！另外有原隻赤貝切成的刺身，鮮味又夠爽。三隻甜蝦，係大 size 的，好鮮甜。火熖海膽帆立貝卷$68係自創的卷物，鋪面的海膽與帆立貝係我最喜愛的組合。海膽輕輕用火炙過，更潻鮮味。而卷內的配料就有齊小卷三寶 - 青瓜、蟹柳、玉子。各種味道加起來既豐富又和諧。唯獨係一客得三件，唔夠分噃！和氣田園野菜沙律$52沙律好大盤，蔬菜種類多又新鮮，好抵食。鐘意佢個dressing ，酸酸甜甜好開胃。蒜蓉燒日本廣島蠔(兩隻）$48食左咁多冷盤，見到呢pair 燒蠔真係口水直流。熱到出煙勁多蒜，好鬼香。燒蠔夠 juicy , 又鮮味，呢個價錢唔貴噃。鯛魚湯泡飯 $98上枱時呢個泡飯的造型已經好吸引，熱辣辣的石鍋。底層係飯，上層舖左生鯛魚片，中間再有一束灑滿芝麻的菠菜。而佢仲會另配一壺熱湯，一小碟炸米和蔥。將壼熱湯緩緩倒入熱到爆的石鍋內，望住魚湯滾起，鯛魚徐徐變白，炸米同芝麻香氣四溢。成件事，跟本就係一件藝術品。急不及待即刻要試一下，湯底係秘製的熱

好耐冇去沙田河畔啦！ 上次因工作關係去咗河畔之際，發覺比之前（其實都相隔幾年時間㗎啦😂😂）多咗好多食肆，有越南嘢啦、有台灣嘢啦、有日本嘢喇、有泰國嘢啦、仲有一啲茶餐廳。 上次就選擇咗食台灣美食，當時經過間日本餐廳, 門口好多人等位，之後上網睇睇，見評語都唔錯喎，所以今日就去試下先🤗🤗#四點刺身拼盤:有甜蝦同廣島蠔，雖然唔算好大隻，但二款都肉質鮮甜！ 加配一個酸酸地既汁，當堂提升味蕾，三文魚夠肥美！章紅魚，鮮甜！ 價錢只係$178 , 簡直係超抵呀😋😋 好滿足👏👏#溫泉蛋牛油果凱撒沙律， 見到好開心， 因為賣相好靚， 啲菜好新鮮，配上牛油果，蕃茄仔， 健康選擇！# 雙重芝士鰻魚卷， 鰻魚份量絕不孤寒， 配埋芝士同鳗魚汁， 極度香濃！#鲷魚泡飯，鐘意魚鮮既朋友仔一定喜歡，石鍋上夠熱，要自行倒上鮮甜魚湯，鯛魚切得好薄好快變熟，魚肉爽滑，完全無腥味，再配上玄米脆脆同葱花，流晒水口🤤🤤估唔餐廳外表平民，但食物質素超高！GOOD !

12點幾黎到，已經坐到9成滿但好彩唔洗排隊! 啲lunch set大約$5x，魚生飯就$7x起跳，唔算太貴，同隔離德美差唔多。我食呢個雞扒+蕃茄湯烏冬幾好食！湯底好香濃，好多蕃茄肉，湯底亦有粟米嗰類配料。啲雞扒煎到皮好香脆，肉大部分都嫩滑嘅，係邊嗰一兩舊有啲啲乾。但成個set份量好大，$59唔洗加一好抵！lunch set包埋野飲，凍熱同價，除左一般咖啡奶茶檸茶檸水外，仲有柚子蜜揀，唔錯。唯一係坐得有啲迫，同唔關門所以冷氣有啲啲唔夠

There’re actually quite a few Japanese food restaurants in the neighbourhood, but the most popular ones are definitely this bistro and Sushi Tokumi. Though there’re lots of people, the turnover rate is quite high so you don’t usually have to wait for long to get in.Their lunch sets are usually priced from $50~$100, with sashimi rice bowls being the most expensive. The 2 sets we had today were pretty decent. The portion of the sashimi was quite generous and they’re in fact pretty fresh. The beef

沙田河畔周邊地舖都有食舖, 今次同朋友睇岩e間日式料理。😊👭 店鋪入面多數2人同4人座位, 都有大卡位比一家大小。黃燈加埋擺左d日系裝飾, 又播住音樂, 感覺良好。😎大概6:30pm, 開始滿座了！ Menu一本過, 有圖易明, 刺身、壽司、燒物、石頭飯等等日式料理大部分都有！😁今次叫左幾款唔同類料理試試。 首先, 黎左青瓜沙律, 好fresh, 多汁爽脆, 粗幼適中。👍🏻😃 海膽帶子鮮甜👍🏻, 同低下壽司好夾, 帶子再大件就perfect!😋 蒜蓉、芝士焗蠔熱辣辣上枱！😋😋芝士濃味, 可以拉絲。😂👍🏻而金黃炸蒜好香, 同蠔都好夾。主角蠔都鮮味飽滿！😍 三文魚夠凍, 有魚味、赤貝雕蘇好靚, 爽口新鮮, 而甜蝦大隻, 都鮮甜！😊 炒飯炒得好香, 有鍋氣！同鰻魚一齊食熱辣辣, 好好味, 好推薦！👍🏻 巨峰梳打正常提子香。柚子檸檬梳打少甜, 柚子味特出, 同檸檬好夾, 好鐘意e杯！

晚上來到和氣吃晚飯，之前來過幾次，覺得食物質素不錯，所以再來光顧。餐廳好像裝修了，很明亮，店舖細細，坐得和隔離枱頗近，但還可以接受。首先叫了一道青瓜沙律，份量很大，很足料，十分多的青瓜和蟹柳絲，不過沙律醬可以少一些，會健康點。另外，叫了牛油果炸蝦卷，卷物相信是此店的名物，實物的樣子是餐牌上一樣，炸蝦很脆，熱騰騰的，配上新鮮牛油果，口感十分豐富，很好吃！令蜜桃小丸子最失望是三文魚腩，一點兒都沒有腩的感覺，吃不到魚油的香，吃下口和普通三文魚沒有分別，那為什麼要付上貴點的價錢吃腩？？總括來說，食物質素還是可以的，卷物尤其出色，但三文魚腩實在是令人失望。