和氣食堂 (河畔花園)

營業中

休息中

今日因為要做證件所以去咗沙田，做完大約5點幾左右，肚餓了，記起朋友話沙田河畔附近有好多餐廳，過去睇下在交通安全公園周圍，真係好多餐廳，行咗個圈先揀到，最後揀左食日本菜。我哋入座時間大約6點左右，唔洗等，但相信餐廳喺區內都幾有人氣，大約6點半就差不多坐滿客人。餐廳環境舒適，乾淨。餐牌選擇眾多，刺身，沙律，手卷，卷物等等4點刺身盛B有三文魚，油甘魚，甜蝦和活赤貝。厚切三文魚夠新鮮肥美，甜蝦比一般甜蝦大隻鮮甜，活赤貝鮮甜爽口，油甘魚夠鮮味。温泉蛋牛油果凱撒沙律牛油果和沙律菜新鮮爽口，小弟食法係拮穿隻蛋，將蛋汁和沙律醬一起撈沙律菜，加上脆身既麵包粒，多重口感。軍艦5點，黃金燒珍寶皇帝蟹棒，火灸芝士虎蝦壽司有三文魚子，海膽，香蔥拖羅碎，蟹糕甜蝦和蟹糕帆立貝， 由於小弟只係試咗三文魚子同埋香蔥 拖羅碎， 個拖羅碎好滑， 有少少入口即溶嘅感覺， 有少少葱香做點綴， 個三文魚子都好新鮮，友人話其他軍艦都好味夠鮮。虎蝦壽司小弟都無試，個皇帝蟹棒，幾重蟹味，啖啖肉，好滿足。芝士軟殼蟹卷軟殼蟹，蟹子，芝士和沙律醬令卷物有多重口感和味道，燒過既芝士令芝士味更濃郁。石鍋鰻魚炒飯個石鍋真係夠曬熱， 因為我哋食到最

在沙田河畔找到一間讓我喜出望外的日本餐廳💓幸好今日早放，可以食個早啲嘅晚餐，唔洗食飯時間迫住等位！温泉玉子牛油果凱撒沙律 $58凱撒沙律配上嫩滑的玉子，加上落足料的牛油果，果然是抵食！脆脆燒三文魚皮 $28第一次食三文魚皮，烤過的魚皮又薄又脆卜卜好香，加上伴碟嘅沙律醬好夾！雙重芝士鰻魚卷 $52鰻魚卷入邊有青瓜、芝士、甜蛋，上面有塊厚厚的鰻魚再加上一片芝士， 食落口感豐富，大件到一啖但都食唔晒！刺身盛A $178三文魚3 薄切8 廣島蠔 甜蝦3首先被選中先入口嘅幸運兒是廣島蠔，好大隻好厚實，甜蝦都好大隻好甜，唔講仲以為食緊大蝦添！火炙海膽左口魚邊 $46好好味呀，入口即溶，好想食多幾件！三文魚腩壽司$28抵食！鐵板一口牛粒 $88板燒牛，加上洋蔥、金菇、秀珍菇、燒汁，冇得輸。一口牛入口juicy 美味！黑豚肩燒丼 $75肉汁甜甜的，豚肉薄薄的好入味，配上燒汁、蔥花、芝麻，一粒飯都不能剩呀！附有一個小泡菜 日本餐廳無啦啦有個泡菜確係有點怪怪的，但在於最愛泡菜的我來說，沒法抵擋！7味河豚干 $58甜甜的，燒到有啲似食緊魷魚絲！不妨當小食試試。另外還點了柚子芥末一口和牛 $32 & 鹽燒開邊

今日嚟到沙田想食日本嘢食 就去咗試呢間和氣食堂 七點半嚟到 好彩唔係好多人 等左5分鐘到就入得 睇佢餐牌見到有好多選擇 壽司魚生燒物小食同主食 好多都好吸引壽司方面就試咗佢餐牌上推薦嘅火焰海膽帆立貝卷 一試果然冇失望 壽司上面嘅海膽同帆立貝都好鮮! 而飯包住嘅就係青瓜蟹柳同蛋另外叫左都係主打既 田樂麵豉燒日本米茄子 芝士厚燒玉子同埋 千迥火鳥3隻 個茄子係一條完整既茄子 切開一半 每邊上面有滿滿的麵豉 好濃味! 🤪個芝子厚燒玉子 有一層芝士係蛋卷上面 好香又唔會漏 個蛋真係好厚好足料 好好食!🤤 非常推薦!個千迥火鳥其實係燒雞翼黎既 燒得好香 而入面既雞肉都好juicy🤪主食方面就叫左白咖喱烏冬配炸雞 同埋 黑豚肩燒丼 個白咖喱烏冬上面有一層厚忌廉 撈埋一齊黎食好夾 而個咖喱本身亦都好香 個烏冬配既炸雞外皮都炸得好香脆 配埋沙律醬 好食!🤪而個黑肩豚燒丼 飯上面既燒豬肩肉 個人好鐘意! 燒得好香 而且佢會配一小兜既泡菜 辣辣地又幾夾😙

地點好容易搵 一眼就見到 平時都有係附近經過一直好想試下 今次終於有機會店入面裝修幾靚幾舒服 落左單之後好快有得食 首先係個軟殻蟹卷物都唔錯 係包得唔太實 一夾成個散開左依個係大條鰻魚壽司 但同相有d分別無咩鰻魚味 麻麻地之後魚皮都唔錯幾香脆 係咸左小小鰻魚炒飯就真係最香最好味 野飲都好大杯好好飲整體黎講價錢唔貴味道都唔錯

沙田河畔花園一向多野食 聽聞有一間性價比好高既日本餐廳 所以就黎試下啦 果然係人氣餐廳 12點半黎到已經有十幾人排緊隊 2點食完門口都仲有人排緊午市既選擇都唔少 有魚生飯 壽喜鍋 丼飯 拉麵 便當火炙盛丼魚籽份量好多 三文魚厚切口感好好 火炙左口魚燒得好香 仲有幾條蟹棒和氣極強特盛定食呢個定食好豐富 配有軟殼蟹沙律 燒黑豚腩丼 六件壽司🦀炸軟殼蟹 炸粉薄薄一層 咬落去好脆 又唔會有油膩既感覺🥬新鮮既沙律菜 配上芝麻醬 好滋味 仲有啲幾甜既栗米同番茄仔🐷黑豚腩薄切入味 燒得好香 條邊仲脆脆地🍚日本米飯配上黑豚腩既燒汁 蔥花 芝麻 好香口 夠撈哂成碗飯六款壽司 包括 火炙左口魚邊壽司 油甘魚壽司 帆立貝壽司 珍寶赤蝦壽司 海膽壽司 三文魚籽壽司🍣壽司色澤睇得岀好新鮮 油甘魚油脂豐富好香 赤蝦果然係珍寶 尺寸大又彈牙午市套餐加$14就多兩款配菜 好似幾抵咁 估唔到追加食物既質素都唔錯喎炸雞🍗炸雞唔會炸到好油 雞肉一啲都唔柴忌廉蟹肉薯餅🦀小小一件 咬落去外層好薄好脆唔油膩 佢唔似有啲蟹肉薯餅會有蟹肉絲同薯仔粒 入面既忌廉蟹肉反而係稠稠既質地好滑 入口即融 又有蟹肉味 推介雜菜天婦羅🍆 雜菜天婦

今日同朋友嚟到沙田圍食晚餐，嚟到呢間和氣食堂食日本料理，到嘅時候七點半，已經滿座，外面仲有好多食客喺度等緊，可見呢間餐廳風評唔錯。白咖喱鳥冬配炸雞（$88）上層有打發起泡嘅cream，食嘅時候將佢同底下嘅咖喱烏冬撈勻，咖喱當中嘅椰汁味好突出，配埋cream做到香濃柔滑嘅口感，而讚岐烏冬，食落彈牙，同湯底非常配搭！至於炸雞，有三隻雞鎚，外皮酥脆，內裏仲保留到肉汁，雞肉嫩滑～5色海鮮丼（三文魚、鰻魚、帆立貝、拖羅、三文魚籽）（$128）除咗以上海鮮之外，仲配有玉子同青瓜。當中嘅三文魚切得非常之厚身，啖啖肉，而三文魚籽一d都唔腥，至於玉子食落去甜甜地，口感結實，非常好食～燒日本鄖島蠔2隻（蒜、燒芝士味各一）（$48）蠔最怕腥味，但呢間整嘅燒蠔一啲都唔腥，而且蠔大大隻，夠肥美😋，有兩種口味，配蔥蒜同芝士都好夾～芝士厚燒玉子（$42）食落去甜甜地，食落一啲都唔乾身，層層蛋之中仲保留到湯汁，玉子亦唔會煮得太老，好嫩口～溫泉玉子牛油果凱撒沙律（$58）第一次試溫泉蛋配沙律，估唔到溫泉蛋同沙律嘅配搭好夾，溫泉蛋可以調和蔬菜嘅草青味，配埋沙律醬、牛油果同多士粒，整體唔錯。

住左喺呢區好多年，食lunch一係行去第一城，一係行去河畔/沙田圍嗰邊，而我去得最多都係河畔呢間［和氣食堂］！食過咁多次，最抵都覺得係呢個$108嘅三文魚壽司set，個set個名叫「三文魚 三文魚 三文魚」，創意比100分😂🍣🍣🍣 個set有三文魚sashimi 3片，唔同嘅三文魚壽司8件，仲有個烏冬、炸雞同餐飲，份量大到難以置信，抵到爛！！！三文魚刺身同壽司都係好新鮮的，而且油脂幾豐腴，食到我超滋味🤤 炸雞炸得剛好，脆皮同唔會太油！烏冬個湯好清，加埋7味粉食會更惹味。我朋友個餐都好吸引：條鰻魚壽司好長好正，調味剛好！三文魚腩都超肥美，如果想壽司多款式啲就揀呢個餐！我地加左$14要2款小食：推介溏心蛋，整得好流心，好食！

一直住在樓上都無食呢間成日要排隊的日式餐廳!炸三文魚皮超級脆口，我連條脷到界傷了！大家要小心！黑豚肩燒丼附泡菜四色魚生丼火焰黑松露左口魚邊壽司美味厚切三文魚刺身

又黎到沙田圍覓食時間，今次搵下搵下，搵到呢間和氣食堂，門口唔算大，入面座位都唔算多，本身冇咩大期望，但結果令人意外，總體幾好食，是在民居中一間好的日本餐廳！溫泉玉子牛油果沙律58蚊好大碟！一篤開溫泉蛋，鮮黃蛋漿落入沙律菜入面，配上牛油果，食完呢個沙律已經飽飽地（講笑哈哈）廣島蠔海鮮鍋冬天凍冰冰，最啱食暖笠笠嘅鍋物。廣島蠔唔算大隻，但好新鮮，加上材料豐富，有蜆、大蝦、八爪魚、不同蔬菜，食完再飲完個海鮮清湯，成個身都暖晒！黑豚脊燒丼令我諗起日本成日食嘅松屋，好多蔥花，加上剛剛燒好的豬脊肉和洋葱，好有喺日本食丼的感覺！豬脊肉冇咩肥肉，燒過又唔會好韌！三文魚海鮮沙律脆脆卷朋友話黎食日本菜一定要叫下壽司食，呢個係幾驚喜，上面啲脆脆和壽司飯一起在口中咀嚼，好特別又好味！燒雞翼唔使多介紹，燒得好香，必食！

一家大細食晚餐，如常叫卷物，烏東。食物保持水準，份量都算合理，一家三口都夠飽。手打烏冬係推介食物，一定要食蕃茄湯底，酸味適中，加埋和牛粒，味道相當夾。另外玉子豆腐，口感好鬆軟，吳會太漏，小朋友都合食。星期五晚上都吳使等位等好耐，和氣係河畔區都算係受歡迎，一來食物ok,二來方便就腳。

沙田河畔花園的和氣食堂，以街坊價提供有質素的日本菜, 就趁是日人在沙田, 在晚上時段來一趟, 看過究竟。看了餐牌，菜色選擇也算多，看來質素也不錯。飲品方面, 點了抽子檸檬梳打, 酸酸甜甜的味道, 夠清涼而且好易入口。緊接的有清新的沙律，一個簡簡單單的沖繩風沙律(和風)，有新鮮生菜和蕃茄, 味道酸酸甜甜的夠開胃, 蕃茄也鮮甜, 生菜極之爽口,整個沙律清新可人。再來個4點刺身盛B, 用一個大碟子盛上來的，各款刺身包括有三文魚、油甘魚、甜蝦、活赤貝放滿一碟。三文魚刺身肥美而切得厚身, 口感柔軟細膩, 非常鮮味; 油甘魚口感結實, 鮮味十足; 甜蝦是原隻連蝦頭奉上，非常新鮮鮮甜，食落夠爽口彈牙; 活赤貝爽甜中帶點韌性，很不錯, 整個拼盤的用料是鮮度十足。要了一客千迴火鳥, 雞翼燒得雞皮脆身還帶點焦香, 雞肉口感很嫩滑，調味方面也做得好。到了主角出場,大盛刺身丼是也，整碗丼飯完全被多款刺身食材所遮蓋，堆得滿滿的, 包括有牡丹蝦、三文魚、帶子、油甘魚、海膽、香蔥伴吞拿魚及三文魚籽。牡丹蝦肉厚而且非常新鮮鮮甜; 三文魚肥美; 帶子厚肉而鮮味十足; 油甘魚爽口鮮味; 海膽鮮香無比，令人齒頰留香; 吞拿

呢日要過沙田開會，自己一個人食飯，去咗附近嘅河畔花園搵食，見到有間日本嘢睇落唔錯又有lunch set，就入去試下🙆🏻睇完menu發現有好多選擇😍刺身飯/定食/便當/丼/壽司/小食，睇到我有少少選擇困難😂經過一輪掙扎最後決定叫咗以下嘢食💁🏻.⭐️和氣壽司定食 HKD115呢個lunch set真係好抵食，除咗可以試九款壽司，仲有埋湯烏冬，小食同飲品。.✨三文魚/刺身虎蝦/油甘魚/帆立貝/特長海鰻/香葱拖羅軍艦/三文魚籽/芒果花之戀/花之戀每款壽司都新鮮好味👏🏻超鍾意食芒果花之戀，芒果鮮甜三文魚香滑，口感同味道都一流👍🏻✨迷你木魚湯烏冬烏冬煙煙韌韌😋仲有爽口木耳絲👍🏻✨揚物炸雞外皮炸得香脆，肉質保持鮮嫩juicy。✨熱柚子蜜食完壽司，歎返杯清新柚子蜜，正呀😌.我絕對唔認為自己大食😂只係見到Menu真係覺得好抵，冇可能唔追加囉🙆🏻.⭐️加HKD16追加以下 :.✨炸蝦卷✨加州卷✨味增湯

之前朋友食過和氣食堂，話好好味，今次尼左食，門店唔算好大，不過坐得都幾舒服，同埋啲staff好醒目我地一尼叫左個溫泉蛋牛油果沙津，好新鮮，同埋啲面包糠好脆好正！另外有個鮮蝦天婦羅，尼個真係不得了！個醬本身已識好match, 脆得尼又唔係燶喇，仲要個蝦係好彈牙好滑！石窩鰻魚飯都係好正，好香好足鰻魚汁味，同埋鰻魚份量都好多我本身都好鍾意食黑松露，再配合帆立貝、鵝肝、左口魚，超好味！又勁香！燒雞翼，尼個都係燒得好香，少少辣，我唔係好食得辣，但佢辣得尼又好吸引你食咁樣，鍾意食辣嘅人一定要試試～三文魚卷好足料，唔會係菜多過三文魚，所以都幾大舊😂個口細啲都食唔哂頭先一路食一路聽到兩邊枱嘅人都話好好味呀，我都見到真係出尼每碟都係好decent presentable, 有機會會再尼食下其他野不過行過沙田圍，見到好多都唔係咩大品牌嘅餐廳，真係好值得大家尼explore下尼到

今天吃日本料理，本來想吃魚生飯，但因天氣凍，所以改吃熱騰騰的烏冬，蕃茄湯底味很濃，雞排肉質多嫩滑，不是燒得很老那種，雖然午飯價錢比周邊店鋪貴十多元，但值得一試。下單時店員誤把我的凍檸茶改為凍奶茶，態度有一點不是太友善，希望下次會更好吧，為免她辛苦，凍奶茶照樣喝了

朋友想食日本野，聽聞呢間食物質素幾有保證，所以我就同佢黎試下喇😆 餐牌好厚😂有好多野食簡，除左一般刺身、壽司，仲有好多特色野食前菜叫左松葉蟹柳蟹子沙律（$52），沙律好大碟，青瓜絲好新鮮，食落幾fresh。叫左大盛刺身丼（$168），有兩件牡丹蝦、兩塊三文魚、兩塊油甘魚、海膽、蔥拖魚同玉子，好豐富呀😆食落都覺得好新鮮，尤其牡丹蝦非常鮮甜，好滿意個刺身丼呀！個黑豚腩燒丼（$72）都吾錯，諗住會平平無奇，點知個黑豚腩燒得幾好食，吾會太咸或太乾，配埋泡菜好開胃。仲叫左雙重芝士鰻魚卷（$52）好鍾意呢個鰻魚卷，鰻魚好大塊，又燒得岩岩好，上面有塊芝士，睇落去已經好吸引。壽司飯入面都卷左芝士、青瓜同玉子，青瓜中和番芝士同鰻魚既油膩，食落口感豐富。小食叫左田樂麵豉燒日本米茄子（$42）同七味海豚乾（$58）。個人口味偏淡，所以會略嫌菇子落得太多麵豉有d咸，但茄子燒左後都非常juicy, 值得一讚，至於個海豚乾都好香口，又吾會太硬，點埋個醬味道更加惹味。梅酒（$58）易入口，梅味好出，又吾會太甜，好岩配小食。我地7點幾到，呢間餐廳都幾多人食，所以都等左15分鐘度，大家黎食都要預d時間等位。雖然係咁，野