和氣食堂 (河畔花園)

營業中

休息中

今晚上堂上到7點半，我地幾個拖住（極）疲倦嘅身軀黎左河畔嘅和氣食堂食dinner🤕🤕🤕叫左個沖繩沙律黎share，居然有海葡萄，幾驚喜。沙律菜好新鮮，但如果有更多嘅酸沙律汁會仲正。之前黎都食過壽司拼盤，最中意都係「三文魚5味」，$72抵食到爆。當中咖哩鹽同芝士味同三文魚最夾，口感豐富，好食！熟食就不嬲都ok嘅！個鯛魚湯泡飯係第一次食，估唔到小店都有咁ig-able嘅野食！鯛魚好新鮮，泡飯份量亦多。我個人又推介黑豚腩燒丼。黑豚腩燒得好香，有肉味，亦都有油脂香，正！

今日是媽媽既生日，佢最愛既就係日本菜，記得之去和氣食過，印象不錯，今晚近近地就帶媽黎河畔慶生-因為中午先決定食呢間，拿拿臨打去預訂，好彩！仲有位7點鐘去到門口都已經有人等緊位店員話由入座起計限時90分鐘，其實都好足夠時間--火焰左口魚邊牛油果沙律左口魚同牛油果都係我好愛食既，燒到半熔既左口魚D油滲出黎，好油香，加上清新既牛油果同沙律菜以$68既價錢黎講係必食！如果左口魚邊唔只4塊，多多一兩塊就更加好啦（貪得無厭mode)-海鰻壽司，味道同相一樣好吸引記得上次食過足個牛油果軟殼蟹芝士卷好食今次再點！不錯不錯！軟殼蟹炸得夠脆身-細佬最愛食玉子，厚厚的，大大件，味道唔算太甜-唔好睇少三文魚五味，五件三文魚壽司都各有特色，咖哩鹽三文魚個味道好新奇，原來都好夾；即使其中一件係外表平平無奇既三文魚，肉質都好嫩口-芝士燒廣島蠔蠔都算大隻，燒完都仲好多汁蒜燒茄子燒完好juicy，蒜加茄子係一定唔會出錯既配搭媽媽對呢還都好滿意

男朋友生日想食日本嘢，就喺屋企附近搵咗間評分都唔錯既餐廳。之前經過見到好多人排隊，本身唸住打電話book定位，點知電話無人聽。去到發現原來可以用gulu app攞定飛，不過唔緊要，都唔係等咗好耐，因為有限用餐時間。店面比較窄同細，不過啲嘢食嚟得好快。我地首先叫咗個刺身拼盤（廣島蠔、帆立貝、赤貝）廣島蠔都唔算細隻，都無話好腥，比預期好。帆立貝就不過不失啦，都幾鮮甜既。赤貝就略為遜色咗少少，無咩味又唔夠爽。不過呢個價錢算唔錯！芝士厚燒玉子個人覺得可以再juicy啲，稍微實咗少少。上面既芝士就可以唔落。可能睇見啲食評期望太大，所以有少少失望。火焰海膽帆立貝卷海膽味唔出，帆立貝幾好，都食得出新鮮。北海卷啫係海膽三文魚籽吞拿魚蓉卷，都幾大舊幾抵食。三文魚5味、汁燒三文魚腩、火炙左口魚邊三文魚5味 (三文魚原味，牛油果，海膽，芝士，咖哩鹽)都唔錯既，牛油果都捻，但係個人覺得芝士同咖喱鹽比較普通。汁燒三文魚腩、火炙海膽左口魚邊對呢兩個就有啲失望，三文魚腩俾我感覺就唔夠肥美。平時好鐘意周圍去試火炙左口魚邊，鐘意佢咬開油香滿溢既感覺，呢度既火炙海膽左口魚邊就麻麻地啦。總括而言，都幾好同幾抵食既。不過，我

今晚與媽媽去河畔花園覓食，路經一間很多人在排隊等候的日本餐廳，我便決定湊熱鬧也拿了一張票結果等了10分鐘左右就可以入座了，實在是太幸運了！這裡的餐牌厚厚的一大本食物種類繁多，所以沒有把它們一一照下。以下是今晚ordered的食物:枝豆 $30這個枝豆煮得十分軟，分量多，非常好吃，平時自己在家都煮不到這麼軟。媽媽超愛吃的3點刺身盛B $118有三片厚身的三文魚、三隻大甜蝦、三片赤貝全部都非常新鮮這個刺身上桌5分鐘就被我們清光了！實在是太好吃了！連不吃生的媽媽也忍不住吃了幾片赤貝松葉蟹柳蟹籽沙律 $52 這個沙律非常清新，蟹柳、蟹籽和青瓜的分量拿捏得很好，每口都能吃到三種食材，不像其他的餐廳只吃到青瓜。牛油果炸蝦卷 $48 這個壽司我非常喜歡，牛油果的份量超級多，裏面的炸蝦也炸得很香脆，實在是太棒了廣島蠔寄世鍋 $128 有2隻大蝦、2隻大蠔、2隻蟹鉗、2隻墨魚仔及5隻大蜆。愛吃海鮮的人一定要點！全部海鮮都非常新鮮，而且都非常大隻，品質及味道絕不馬虎。裏面還有雜菇及雜菜，湯頭很鮮甜櫻花蝦泡飯 $108這個泡飯也不簡單，首先裏面有2隻大蝦及一顆大帶子，帶子有用牛油煎過，非常好吃。這個吃法是

Great value lunch sets near Prince of Wales Hospital that guarantee to fill your belly and last you till the end of the day! The tofu was delicious and silky, the fried chicken crispy and the beef tender and succulent❗️❗️this was only $82 and came with a cold or hot drink as well!The only downside of Waki Shokudo is the service which at times can come with a bit of an attitude.During lunchtime, there can be queues so arrive early for a table! (I suggest around noontime)

星期六晚嘅七點鐘門口已經排曬長龍， 我哋攞咗張飛等咗一陣就入得非常好彩！食物嘅選擇非常豐富， 唔同嘅卷物似乎係呢間餐廳嘅特色。芝士軟殼蟹卷， 蟹籽好多淋喺面， 芝士用火槍燒過， 食落好香， 軟殼蟹好脆身， 卷物份量都好大件， 略嫌啲飯有啲散散地唔係好夠實。芝士厚燒玉子， 初時以為仲會有啲醬汁喺面， 嗰款應該係汁燒玉子。 芝士同玉子本身唔算好夾， 而且玉子入面好乾， 係有好濃嘅蛋味但係真係好乾同好實， 點咗豉油都彌補唔到， 個人有啲失望。大阪豬扒丼， 同佢餐牌張相一樣咁大碗！ 吉列豬扒上面有厚厚嘅椰菜絲同木魚絲， 豬扒底下嘅飯有啲似滑蛋飯， 豬扒脆身唔漏，麵粉亦唔厚，非常好食！配埋滑蛋飯完全加分！

難得去到沙田果邊食飯，唔太想食集團式既餐廳，於是上網搵下有咩好介紹，一搵就搵到呢間餐廳，地點算易搵，但都行左一陣。等左無幾耐就入左去，位置唔太大，只有大約30個座位左右。餐牌有好多野想食，揀好左等5分鐘就有野食~玉子燒好厚身，咬落蛋味出晒黎，但覺得上面醬有少少多餘，無左可能更好。而炸蝦卷味道好豐富，有好多蟹籽，仲有微微燒左既芝士，好好食。虎蝦感覺蝦味唔太夠，仲有少少雪藏味。三文魚腩好驚喜，食得出好新鮮，加埋個醬更加好食。反而炸大蝦較為一般，可能太多炸粉。炸豬扒丼既外表好靚，上面既椰菜絲疊到好高，仲有埋木魚。豬扒好脆口，加埋滑蛋好配合。整體感覺唔錯，下次可以再試其他食物。

探訪完朋友新居，便到樓下覓食。河畔花園樓下有很多不同餐廳的選擇，不過始終偏好日本菜，所以還是選擇了和氣食堂。在PEAK HOUR前入座，不用等太耐就有位。餐廳座位排得比較密，晚飯時侯一直滿座，應該是蠻人氣的餐廳。MENU選擇好多，令人心思思每樣都想一試。三文魚5味($72)5款不同口味的三文壽司，最適合每款都想試的人。5個口味包括淨三文魚﹑海膽﹑牛油果﹑咖喱鹽和芝士。每片三文魚都蠻大件又厚身，每樣配搭都好食，個人挺喜歡燒芝士及牛油果，味道比較突出。海膽味道不錯，都新鮮，質地都CREAMY，不過份量就比較少。火焰海膽帆立貝卷($68)厚身的帆立貝上面放上海膽和燒味，再稍為火炙過，帶出鮮味。這樣的配搭味道不錯，不過個人覺得就算沒有燒汁味道都幾好。明太子醬天婦羅炸蝦($68)值得一試的一個炸蝦。大蝦外層的炸粉好薄身，而且好輕身，食咬唔會覺得咬到成口油膩的炸粉。加上惹味的明太子醬，令本身味道唔算太重的大蝦更鮮味。燒日本廣島蠔(2隻)($48)一般燒廣島蠔都好易容會整到帶點苦澀味，不過這2隻就完全沒有這個問題。因為廳用上大量的蒜蓉和芝士去調味，焗好後令蠔吸收了蒜蓉及芝士的味道。千迴火鳥3隻($3

上次行過見好多人排隊Openrice search見d嘢食都幾吸引，就黎試下平日7點幾左右，已經差唔多滿座見到menu選擇超多卷物好吸引其中呢款鰻魚牛油果pancake好特別估唔到味道又幾夾！可能有d沙律醬mix埋，同加好多嘅蟹子增加咗口感之後嗌咗我最鍾意嘅火炙左口魚邊不過今次係配沙律份量好慷慨，有成5，6舊左口魚，燒過之後魚油非常香同沙律一齊食，配搭新鮮見到人哋枱嘅刺身船賣相吸引我哋都忍唔住叫咗個刺身盛A魚生厚切新鮮以呢個價錢真係性價比非常高小食就揀咗唐揚日本池魚仔睇落個樣似細嘅多春魚食落香脆，新鮮炸起，成條都脆卜卜真係非常適合配啤酒！！可惜朋友唔飲得，自己一個嗌又冇癮蜜糖芥末雞骨腸又係佐酒小食，點解自己係咁引自己😂我哋太睇小咗呢度嘢食嘅份量諗住嗌一個主食，有d飯落下肚黎到見到堆到咁高大阪豬扒丼上面係沙律菜，已經加咗sauce同木魚絲，撈埋就食得炸豬扒皮薄脆下面個飯係加咗蛋同洋蔥係日本嗰種親子丼嘅味道好食！因為朋友一句好肚餓，叫到成枱都係咁樣每人先250左右，好抵下次再黎試其他

食評咁高 - 住附近諗住試試 ，昨晚食客都多 ，應該唔會中招啩 ，點知叫嘅壽司一啲都唔新鮮 ，仲有新鮮赤貝完全唔掂 ！紫菜上枱已經軟晒 ，赤貝亦都冇光澤 ！擺明放咗好耐 三文魚梅嘅 壽司飯散散地 点解會咁㗎 烏冬湯底好淡冇味 唯一好啲就係個天婦羅好少少 第一次寫食評就比十個差 仲要限時食個半鐘 兩條友食咗五舊水 唔係叫好多野 價錢都唔係話好平😤 舖面又窄 ，窄都唔緊要 食物好食就得啦！ 其實壽司刺身最重要新鮮 所以食野都唔好期望咁大，無下次 black list

和氣食堂我喺黃大仙反工時食過，味道不錯，但無意中係沙田圍約左朋友見面食飯見到有呢間分店！所以就排左十幾分鐘就有位！兩個男人叫多左少少野！分別有：石鍋鰻魚炒飯$108 個石鍋飯呈上來係好熱，而且鰻魚燒到好香，啲飯入面仲食到好多鰻魚肉，十分之惹味，非常好食！每件壽司握得好精𡟹，一如既往的鮮甜美味！火焰海膽帆立貝卷$68(3件) 雙重芝士鰻魚卷$52(3件）芝士厚燒玉子$42 （4件）以下各2件咖哩鹽燒油甘魚$42 芒果花之戀$40 黃金消珍寶皇帝蟹棒$38鯛魚壽司$35辣三文魚腐皮壽司$30 呢個出乎意外的好食，成個金錢袋，而且又大件，三文魚辣辣的同腐皮好夾！呢間分店食物上得快，而且價錢合理，不能抗拒再去食過！

和氣食堂我喺黃大仙反工時食過，味道不錯，但無意中係沙田圍約左朋友見面食飯見到有呢間分店！所以就排左十幾分鐘就有位！兩個男人叫多左少少野！分別有：石鍋鰻魚炒飯$108 個石鍋飯呈上來係好熱，而且鰻魚燒到好香，啲飯入面仲食到好多鰻魚肉，十分之惹味！每件壽司握得好精𡟹，一如既往的鮮甜美味！火焰海膽帆立貝卷$68(3件) 雙重芝士鰻魚卷$52(3件）芝士厚燒玉子$42 （4件）以下各2件咖哩鹽燒油甘魚$42 芒果花之戀$40 黃金消珍寶皇帝蟹棒$38鯛魚壽司$35辣三文魚腐皮壽司$30 呢個出乎意外的好食，成個金錢袋，而且又大件，三文魚辣辣的同腐皮好夾！呢間分店食物上得快，而且價錢合理，不能抗拒再去食過！

今晚約左個朋友dinner ，諗住近近地食。見到有間和氣食堂日本野，好似唔錯，入面都幾多人。好彩兩個人唔洗等太耐，大約五分鐘就有位。 我地一共叫左七樣野，個和牛同刺身真心好正，下次都會再叫！小食叫左個茄子，味道似豆豉茄子，都幾特別。先有芒果蟹子卷，好多蟹子，同芒果好夾。兩個人仲點左個鰻魚食，份量好多，三個人都夠食。最正係個啲飯蕉，好香口。仲有個雞翼，都唔錯。最後仲叫左個甜品，賣相都好靚，綠茶味夠濃，同中村藤吉個啲質素咁上下，不過價錢絕對抵食。兩個人食得好飽，又唔會好趕，老闆都幾好人，識講笑，竟然有間咁高質日本野！下次再試下啲don 好似都唔錯！

是夜嚟到沙田河畔嘅和氣食堂，同友人行咗一個圈決定都係食和氣食堂～我地好好彩唔使等位就有得入,我地左去之後就開始要等一等先入得～睇到門口餐牌啲嘢食都好想快啲入去食呢間日本菜佢個餐牌都有好多選擇不能一一盡錄，見到石頭鍋飯都好想試下，不過過要留番下次～呢個溫泉玉子牛油果凱撒沙律， 將溫泉蛋撈勻所有菜，令菜沾到溫泉蛋嘅蛋汁～麵包粒非常鬆脆，生菜新鮮蕃茄粒都好有甜味食完個沙律令到人非常之有幸福嘅感覺！呢條蜜糖芥茉雞骨腸一開始覺得好似係台灣嘢食咁樣冇乜特別，但係原來食入口之後發覺腸仔非常之彈牙配上芥茉小小嘅辣味，兩者結合得非常之恰到好處！好彩有人死都話要食腸仔，我先有機會食到個咁正既餸菜！登登登登呢個櫻花蝦泡飯實在係不得之了本身覺得係日本餐廳食泡飯簡直係一件好蠢嘅事！點知原來呢一間和氣食堂整嘅櫻花蝦泡飯個味係咁特別！蝦非常之脆，嗰個湯浸落啲飯度，兩者結合得非常之夾！呢個海膽帆立貝卷一句講晒非常之鮮味！大食既我哋仲更加叫埋刺身！包括有甜蝦油甘魚貼章紅磚！全部都好新鮮！！食嘢當然不忘飲嘢啦！分別叫咗荔枝梳打同金桔檸檬梳打～唔太甜非常之解渴

Came all the way to Sha Tin to have lunch with my friend who has class in the hospital nearby. Luckily the food at this small Japanese bistro is actually quite decent! This salmon lunch set is priced at $108 only but the portion is unbelievably huge. The sashimi is very fresh and the grilled salmon sushi is amazing!! The udon has a nice texture too and it makes the whole set less greasy