和氣食堂 (河畔花園)

營業中

休息中

話說之前黎過呢間食完之後，男朋友成日都話又想黎食~好啦，見佢都幾乖，就同佢又黎呢度食晚飯啦。黑豚肩燒丼男朋友最念念不忘既飯..同之前食都無咩分別，一樣係噤好食~個豬肩肉肥瘦適中，燒汁味濃，又有大量既葱同洋葱，撈埋一齊食個味道岩岩好！真心推介！三文魚牛油果沙律哈哈哈，呢個沙律男朋友唔鐘意食，佢話唔鐘意個汁既味，不過我又覺得ok wor~辣三文魚腐皮壽司呢個有d普通，食落無好叮一聲既感覺~不過佢d三文魚新鮮！好食！三文魚海鮮沙律脆脆卷唔好睇呢個壽司噤其貌不揚，其實佢好好食d脆脆簡直係精粹~

星期四晚相約了友人到附近一間日式餐廳 - 和氣食堂吃飯。當日大約八時到達, 門口仍然有人等位, 不過剛巧有幾枱結帳, 所以很快便獲店員安排入座。餐廳菜式選擇很多, 無論沙律、刺身、壽司、卷物、主食、串燒等都可選擇。我們一行兩人點了六道菜, 包括石鍋鰻魚炒飯、黑松露鵝肝帆立貝卷、沖繩風沙律和風、柚子芥末燒一口和牛、明太子雞肉串和4點刺身盛。石鍋鰻魚炒飯 ($108)炒飯用了日本米, 飯身飽滿, 食下去有咬口。每粒米都沾有醬油, 令醬油香均勻地佈滿於飯粒上, 另外鰻魚的份量亦很多。由於炒飯放於加熱過的石鍋內, 所以炒飯上菜一段時間仍然很熱, 但小心不要觸碰到石鍋表面。黑松露鵝肝帆立貝卷 ($65)一碟有三件, 每件卷物上蓋上一塊帆立貝和少許松露醬, 裡面包裹住一塊鵝肝。黑松露味超重, 喜愛黑松露味的人必點。沖繩風沙律和風 ($58)我們特意點了沙律作前菜, 沙律菜和蕃茄非常新鮮, 沾上醋後再吃, 特別開胃。沙律表面有不少海葡萄, 口感特別, 有意外驚喜。柚子芥末燒一口和牛 ($32)、明太子雞肉串 ($20)兩款串燒的醬料相當出色。柚子醬味道突出, 消除了和牛的油膩感。明太子味道與雞肉意外

今晚放工約左朋友黎沙田圍試依間日本餐廳，網上睇佢評價都吾錯，8點鐘去到門口都已經有好幾group人等緊。我地等左一陣就可以入座喇。店內既格局都好整齊坐得幾舒服，應該可以容納四十幾人左右。因為實在太肚餓喇，所以我地都叫左幾多野食。刺身盛($178)刺身包括有三文魚，甜蝦，廣島蠔，章紅魚溥切。刺身好新鮮，個人幾鐘食廣島蠔，好鮮甜，咬落好juice，仲一d都吾腥。第一次食章紅魚，感覺又吾錯喎！石鍋鰻魚炒飯($108)炒飯一上枱已經聞到好濃鰻魚飯香味，石鍋可以保持溫度之餘食既時候仲熱辣辣，隔離枱都忍唔住即刻望過黎。個飯好香好足料，除左鰻魚粒之外，仲有兩塊鰻魚添，略嫌炒飯炒得吾夠乾身， 如果再乾身d更好。沖繩風沙律和風 ($58) 沙律菜配甜醋一齊食好開胃，仲第一次食海葡萄，口感幾特別。柚子芥末燒一口和牛 ($32/串) & 明太子雞肉串 ($20/串) 和牛同雞串既肉質比較乾身，不過柚子芥末同明太子醬就幾加分。黑松露鵝肝帆立貝卷($65/3卷)帆立貝好鮮味，而黑松露味道就非常濃郁，加埋入面一細塊鵝肝一齊食，口感豐富。今晚晚餐食到好飽好滿足啊！下次一定會再黎試下其他野。

My friend knocks off at Sha Tin. So, we would like to find a Japanese restaurant there. What’s a surprise!The staff very nice and served us politely~We two have eaten $5xx in total. A bit expensive but it is worth as the dishes are very mouth-watering.咖哩白汁烏冬配炸雞件～ This is not spicy, and the chickens are crispy. 烏冬很滑火灸海膽凡立貝～ This must order👍🏻Very delicious, esp to those like eating raw foodGarlic eggplant~ the only vegetable in the meal~ the garlic taste is very strong燒雞全翼～普通This dish is recommend

之前聽朋友介紹過話呢度嘅日本野食唔錯，今日就同媽咪嚟試吓。門口見到餐牌有好多嘢食選擇，幾吸引。入去侍應好好招呼，叫咗個和氣壽司定食，入面有好多款壽司，仲有一份烏冬同埋兩件炸雞，最鍾意食芒果三文魚壽司，配搭新奇，味道都清新好食，炸雞新鮮炸起，熱辣辣，皮夠薄肉都夠厚，食落唔錯。海鰻壽司大條，食落冇骨，第一次見咁大條嘅壽司，其他海鮮都算新鮮，壽司份量本身算多，加埋烏冬份量好飽。另外仲叫咗個火炙盛丼，個人最鍾意食既火炙左口魚同火炙三文魚都有，火炙左口魚夠滑，鍾意佢入口即溶嘅質感，火炙三文魚夠香，而且夠厚肉，仲有幾條蟹柳同埋蟹子，蟹子配壽司飯食好夾，最開心係成個飯有我最鍾意食嘅配搭。仲叫咗一隻糖心蛋同埋沙律，糖心蛋夠凍，有透心涼嘅感覺，沙律酸酸味味幾開胃。最後食咗咁多嘢埋單都係$200到，幾抵食，下次會再嚟食過。

今日因為工作的關係去了平日裡很少去的沙田那一邊，就想著順便逛一逛再吃個飯好了。沙田這個地方一點都不熟悉，所以上網找吃的最方便，就看到這裡好評挺多的就決定晚餐在這裡吃好了。店舖並不是很大，進來時是位置都快坐滿了，幸好早了一步不然都要在外面等等位置了。食物都交給男朋友去點，所以也沒有多看餐牌。可能知道我們都餓了，點完食物後不久就上菜了 。第一個來的是白咖喱烏冬配炸雞，炸雞很大一件，而且咬下去又多汁，而烏冬上白色的一層吃起來像是忌廉薯蓉，配上辣辣的咖喱烏冬，十分搭配，這個我很推薦喔。再來是火焰左口魚邊牛油果沙律，整個搭配真時第一次嘗試，左口魚邊魚油非常豐富，加上和風沙律醬，兩者出奇地搭配，也是一個不錯的選擇。然後來的是五色海鮮丼，丼裡有三文魚、鰻魚、帆立貝、拖羅，三文魚子及玉子，種類非常豐富，而且刺身很新鮮，又很大一碗，難怪其他桌都點丼飯來吃。最後燒茄子及燒雞翅是一塊來的，燒茄子是整條配上麵豉醬去燒，非常好吃，差不多整條都是我一個人吃光的，甚至想考慮在家裡也自己弄一下。另外雞翅很大隻又多汁，也是很不錯。整體來說，食物性價比高，這間餐廳在黃大仙也有分店，下次在九龍也可以吃到了。

今晚約咗住附近嘅朋友見面，於是就喺度食晚飯。本餐牌非常非常厚，選擇超級多，基本上你諗得出嘅日本餐廳有嘅食物呢度都有而且仲有好多創意卷物！不過今晚想食啲熱野，冇點壽司刺身。先來一客厚燒芝士玉子真係非常非常厚，而且蛋味香濃！跟住點左燒茄子茄子燒到外皮香脆，幾好食！面頭係濃味的麵豉醬，略為偏咸呢個鰻魚炒飯好味道，除咗飯面鋪左兩片鰻魚之外，炒飯入面都好多鰻魚肉！朋友就食豬軟骨湯烏冬，呢個味道冇乜特別，不過勝在足料， 大大碗好飽肚！我地仲叫咗炒雜菜，用鐵板上枱，夠哂熱辣辣！我哋差唔多八點鐘走人，已經成間餐廳滿座了！好彩每枱限時90分鐘，等位都應該唔使等太耐。

星期日晚6:45到左，都等了一小時先有位下次walk in要6:30就到！或者可以在app “Gulx”拎定位，否則要在門口等好耐啊不過見咁多人食，應該係食物質素有保證既-刺身盛($17x): 最滿意係廣島蠔同油甘魚廣島蠔好肥美好新鮮 鐘意食蠔既一定要試油甘魚加檸檬汁真係無得輸 好新鮮無腥味三文魚同甜蝦就遜色左d，無鮮甜味道，講白d係無味鰻魚炒飯: 推介好香，略嫌少少油，不過整體都好滿意的脆脆沙拉三文魚卷物: 依d配搭係唔會難食推介蒜香茄子: 見好多人食同推介，所以我都叫左，我都好鐘意食燒茄子架，不過依個真係..太油...太濃味太咸。我麻麻地-總結: 2個人食左大約$450 價錢合理大部分都好食既，下次都會再食，試埋其他野食！

朋友啱啱響英國返黎，好想食下亜洲菜，就揀咗呢間食日本嘢嘅和氣食堂，都好多人黎食㗎，6:45到都坐咗大部分座位。食物有好多種類，黎之前最好睇定先，唔係會有選擇困難症。我地揀咗以下幾款正嘢火焰左口魚邊牛油果和風沙律($68)左口魚同牛油果原來好夾，個汁有少少酸配合沙律菜、蕃茄仔同粟米令個味道變得清新，係一個好開胃嘅前菜。造型好勁嘅5點刺身盛($218)分別有超厚三文魚，大大件嘅油甘魚，甜蝦，蠔同赤貝。先黎要食咗個蠔先，因為太新鮮啦！仲有配埋個日本酢用黎點蠔食，酸味可以帶岀蠔嘅鮮甜味👍🏻赤貝刺身可以食埋群邊，非常爽口。三文魚係平日食開的厚度多一倍！油香加倍！必食！黑松露鵝肝帆立貝卷($65)刺身帆立貝配合煎香咗嘅鵝肝，令成個飯卷食落個味好濃郁，十分creamy，每一口都食到鵝肝嘅油香，所以唔洗點豉油食。燒日本廣島蠔($48)因為食完個好好味嘅蠔刺身之後，好想encore，就叫呢兩款燒蠔。焗蠔有蒜蓉同芝士口味，蒜蓉係海鮮嘅好朋友，少許偏向中式，芝士就厚厚嘅一層放響蠔面去焗，芝士味唔太濃唔會蓋過蠔嘅鮮味，焗完面頭有少少焦香😋白咖哩烏冬配炸雞($88)上面個層係凍薯蓉泡沬，底層係咖哩烏冬，一凍一熱

之前同女朋友講好左下次有機會既話就會食呢間日本野 今次終於有機會兌現承諾喇 格局有少少似味X拉麵（個人覺得咋）我地今次係坐卡位 都幾舒服 唔會有好迫既感覺 唔講咁多入正題 首先叫左個三文魚牛油果沙律 三文魚係粒 唔係片 食落咬口比較好 牛油果唔講喇 正正常常 沙律汁方面出奇地我係覺得少少酸 我係可以食到 識我既人都知我唔食酸 但今次例外明太子醬天婦羅炸蝦炸蝦咬落有爽口感 Size都算大隻 天婦羅漿唔厚 薄薄地 唔會有好粉果個口感 配埋明太子醬 👍👍👍 好過好多大集團軍艦壽司粗略講一講 唔詳細介紹 海膽唔腥 有濃厚海膽味三文魚子唔會有腥味 好怕食到腥 味道比較濃 所以有少少鹹蟹膏帆立貝同帶子 可能因為蟹膏陣會太濃 已經遮蓋左帆立貝同帶子陣味香葱拖羅碎 加左香葱味道多左個層次 但我本身對拖羅冇乜好感 🙏🙏🙏黑豚腩燒丼黑豚肉係切片 加左燒汁 令到食落唔會有肥膩感 更易入口 再加D洋蔥 整體有D似吉X家 尾中不足係肉既邊位有少少燶 食落會冇7😂😂😂三文魚沙律海鮮脆脆卷三文魚👍唔多講 再加上脆脆 口感極佳 好豐富

食厭左新城市既野食，又同朋友行過黎沙田河畔覓食。當時都已經九點幾，但好多食肆都未關，朋友係日食控，又見到和氣食堂既餐牌厚一厚，大把野揀，於是入黎試試新野。餐廳細細地，日式裝飾，燈光柔黃，氣氛幾溫馨，亦都坐得舒服。同朋友岩岩考完試，決定盡情叫野，慰勞下自己。刺身盤首先上枱，全部都好新鮮，廣島甜蝦大大隻，相當抵食。值得一提既係配既醬汁酸酸甜甜，好開胃。除左生蠔，都叫左兩隻燒蠔，一隻芝士燒一隻蒜燒，大大隻之餘蒜味十足。天婦羅唔會太油，炸粉薄薄一朕，蕃薯同南瓜都夠曬甜🥰另外仲要左個黑豚肩燒丼，黑豚厚厚地，好多片，燒得剛剛好，仲係好juicy。個汁好岩撈飯，加埋配上既泡菜，好快就清空d飯。比起其他日本餐廳價錢真係唔貴，但水準好夠，下次再黎食！

沙田河畔果個位真係好多野食，之前經過呢間和氣食堂覺得幾有興趣，講左下次黎食。😅終於有時間同男朋友去撐下枱腳，未去到已經好肚餓。好彩唔洗等位，我地入座之後就full哂，之後都keep住見到人等位。😳—野食選擇好多，有飯、壽司、刺身、炸物、小食，真係花多眼亂。😵—三文魚牛油果沙律藍妹好怕沙律菜好苦，好彩呢個完全唔會，醋既份量亦適中，唔會好酸。😉三文魚係一舊舊既，唔同平時切薄片，好似食風咁。最正既一定係牛油果，藍妹最鐘意食嫁啦！牛油果獨有既香甜味好正。☺️—明太子醬天婦羅炸蝦永遠新鮮炸起既天婦羅都好正，炸漿薄得黎好鬆化。😍蝦爽口，大隻，啖啖肉可以食到尾。—軍艦（海膽、香蔥拖羅碎、三文魚籽、蟹膏甜蝦、蟹膏帆立貝）1⃣海膽：唔會腥，味道好濃。2⃣香蔥拖羅碎：本身唔太鐘意拖羅陣味，呢個反而冇平時果陣味，有香蔥既香味，好易入口。😁3⃣三文魚籽：男朋友話唔係好腥，藍妹怕所以冇試到。4⃣蟹膏甜蝦：蟹膏既味道超級濃，蓋過左蝦既味道，如果鐘意食蟹膏就會覺得好正。😍5⃣蟹膏帆立貝：帆立貝好滑嘟嘟，口感唔錯。—黑豚腩燒丼賣相有85分，肉都有8塊左右。用燒汁去燒，所以味道好重，雖然藍妹鐘意燒汁味，不過今次太甜啦。😖黑豚腩係類

六點半無預約去到順利入座，九十分鐘交枱。環境乾淨舒服，音樂合適。首先叫咗刺身，沙律，軍艦，串燒等。食野當然要飲啤酒，細支$22仲係枝裝冰杯，爽食物品質好，價格合理，而且選擇都多元化。最後追加天婦羅，燒茄子。食飽埋單七百走人，有機會一定會再光顧ps...服務有禮細心

平時去沙田，多數都係喺番火車站附近，不過嗰度嘅選擇多數都係D連鎖餐廳，為左搵好野食，就行遠少少嚟到河畔花園附近搵食我鍾意食日本野，所以一見到呢間日本餐廳就想試下餐牌有頭盤、刺身、壽司、小食等等，花多眼亂，都幾多選擇好多都好吸引食日本嘢唔可以唔食刺身呢度D刺身好新鮮， 而且每一片都非常厚身，食落口感十足最鍾意食三文魚同埋蝦，非常鮮甜呢個芝士厚燒玉子嘅調味唔算好濃，只係靠芝士調味，但我鐘意食到蛋原本嘅香味，所以覺得好啱口味呢碟軍艦加火炙壽司，一上碟已經覺得好正，因為每件壽司都大大件好足料因為同屋企人share，所以我都係試咗一部分最鍾意食係虎蝦壽司，因為大隻又啖啖肉，好好味呢個蒜香一口和牛濃番茄湯烏冬幾有驚喜，因為 個蕃茄湯底好濃郁， 連埋烏冬一齊食，啖啖番茄味D和牛好香肉味，咁樣一啖一口，食得方便又好味呢個雞翼有個好得意嘅名，叫做千迴火鳥顧名思義，雞翼係即刻燒出嚟嘅， 所以一食就覺得好香脆，同埋有少少燒過嘅味道我哋走嗰陣出面已經排曬隊，下次想嚟食都要早啲先得

星期五晚和氣食堂超好生意！未夠七點已經坐滿哂！好在可以攞飛，而且每台限食90分鐘，所以都唔使等太耐！雖然今日天氣凍，但我真係好想食刺身！呢度好幾款刺身拼盤，都幾抵食，而且選擇都算多！我哋揀咗個四點刺身盛呢個組合有三文魚、甜蝦、章紅魚同埋廣島蠔！三文魚非常厚切，口感唔錯，不過就唔算超級肥美！廣島蠔最好味，大大隻，味道好鮮甜之後點左個火炙左口魚邊牛油果和風沙律，呢個沙律材料好豐富！ 火炙左囗魚好香，撈埋沙律一齊好夾！沙律嘅醬汁酸酸甜甜，非常開胃見隔離枱食嘅麵豉醬燒茄子睇落好好食，於是我哋又點左。呢碟茄子味道都幾濃郁，麵豉醬鹹鹹甜甜咁，味道幾特別！芝士玉子好味呀！芝士份量十足，芝士控必食㗎最後要埋鰻魚石鍋炒飯！呢個飯又係好足料，而且炒得好乾身，食到尾仲有少少飯焦和氣食堂嘅餐牌超級厚，選擇勁勁勁多！下次試吓其他食物