和匠日式燒肉店

營業中

休息中

愛牛喜好者又有好消息若你食過神戶牛又品嘗過松板牛咁排名高於神戶牛同松板牛既飛驒牛你又試過未?今日我就得誠邀好友去到佐敦睇下佢有咩咁巴閉!芥辣八爪魚粒切成細細粒易入口,八爪魚新鮮,辣味適美國perime牛小排類似一口牛,一口入魂牛味重美國perime牛角切色澤較深,但牛肉與脂肪比例低讚非常有誠意飛驒牛A5肩頸肉今晚主打, 賣$368貴得有道理, 首先色澤均勻油膩分佈更密及細膩牛味濃郁,肉質柔軟入口即溶,非常juicy深海老虎大蝦斤兩十足,長度有如筷子般海膽炒飯海膽新鮮,炒飯粒粒分明,色香味俱全

以前成日做野經過佐敦都只會覺得好人 街地人來人往 想搵間野食 都好似只有茶餐廳選擇今日收工 同4個同事 一齊 又想搵燒肉食 行行下長樂街 就見到呢間和匠 一睇個門口就已經覺得好日式 用木材做裝飾好在係平日 我地walk in 等左10分鐘到就好順利坐低Menu 啲字體都已經夠特別芥辣8爪魚 新鮮又夠辣磯燒鮑魚 都好彈口飛驒牛 色澤鮮明 美國prime 牛角切 一口口好juice美國prime 牛小排 最後加埋個uni海膽炒飯 粒粒飯香 係不錯選擇😋😋😋

由我大半年前開始睇一套感人既卡通-您的名字，嗰時係我第一次聽飛驒牛呢個名。再講到三個月前，因為呢一套卡通專登自駕遊飛去飛驒市，食到超好味傳說中既飛驒牛，嗰一種美味簡直無發用言語形容。直到最近，朋友話比我知佐敦都有一間可以食到飛驒牛既燒肉店，於是今日一於約齊老友，黎呢間和匠一嘗久遺既味道!餐廳內座位不多，以木元素為主，餐廳除左牛肉外，仲有不少肉類及小食可供選擇，而今次我黎既目的當然係為左飛驒牛啦未食牛之前先點了些前菜，呢個芥辣八爪魚既冷盤小食為今餐揭開序幕， 八爪魚夠爽口，帶有微微嘅芥辣味道再黎係日本安曇野豆腐沙律，沙律佩胡麻醬，入口酸甜夠醒胃，但份量就略細!我最期待嘅主菜呢喇， 岐阜縣出產嘅飛驒牛 A5級肩頸肉，A5級係牛肉之中既極品，未食落口，淨睇賣相已經相當吸引，脂肪分布狀如幼鹿遍布，非常美觀 ，令人垂涎三尺! 味道方面簡直係入口即溶但也帶少少咬口，這種味道沒有任何牛能夠比美!飛驒牛放入火爐輕輕一辣就已經充滿肉汁，兩邊輕輕燒已經食得， 睇見啲網紋，完全 按耐不住安格斯牛肉保持安格斯既濃厚肉味， 配埋酸酸既柚子汁一齊食特別好吃老虎蝦超大隻，而且仲要有膏，蝦好新鮮，肉質鮮嫩美國Prin

好耐之前食過和匠一次，已覺得好食同好玩，今次特別的帶朋友仔去食。我地一放工就過去餐廳，食客不是太多，老板及服務員非常好的介紹食物如何燒會好食給我地。深海老虎蝦～～蝦非常之大隻，先燒兩邊蝦身，再打直燒蝦頭，食時肉質爽口有彈性，唔需要加任何醬料都食到蝦鮮甜味。帆立貝～～是由日本來的，配上黑松露醬蒜蓉牛油慢慢燒烤，到牛油起熱泡泡時反另一面再燒，黑松露慢慢散發著香味。當帆立貝吸收了牛油蒜蓉同黑松露精華後就可以食，入口味濃剛好熟，所以不會韌。美國牛角切～～全部一次過落燒網一齊燒，要快手燒香肉面，肉的六面燒到有少少甘香味立即上碟，食時肉汁已鎖住了，香口又嫩。芥茉八爪魚～～切到一粒粒，咬口非常好，我的快子功不太好，所以要木匙一匙一匙食，芥茉醬攻鼻，刺激了我味覺及淚腺。大大碟泡菜～～香脆，爽口，一啖肉一啖泡菜，非常一流再配支啤酒，慢慢享受一下。九州豬骨湯底香蔥拉麵～～湯底濃醇，配上拉麵好好食，加上一些香蔥花，簡單又好味。

今天去完美麗華和酒節，便到附近吃燒肉，這間燒肉店聽說不錯，就和朋友來試試看！！美國Prime牛小排牛小排的牛肉味濃，店員提醒先燒一面，直至出血水才反轉去另一面。牛小排油脂分怖平均，吃起來腍身，味道不錯！！日本國產鹿兒島黑豚這個味道有點兒差少少，吃下肉質較嚡，不太夠嫩。瘦肉的部份居多，不夠脂肪。深海老虎大蝦體型很大，吃下啖啖肉，肉質爽彈。燒鰻魚飯鰻魚好大塊，用料大方！鰻魚的肉質很嫩滑，口感不錯。鰻魚汁惹味。

返工壓力越黎越大,做香港人越黎越辛苦,好唔開心呀放工一定要約朋友,仲要食好野添最近好想去日本,但又未有時間,所以食住和牛期待下啦去左佐敦和匠,好似好正咁個爐好靚,地方都幾乾淨,第一感覺唔錯首先食左個鰻魚飯,鰻魚好香好脆,個汁好甜,撈埋飯好好食而且好珍珠米,所以好好咬口,口感一流幾大碗下,有小小飽之後朋友叫左個沙律,沙律菜好新鮮好FRESH豆腐好爽口,味道唔錯,好開胃和牛扒宦幾大份下,而且紋路好靚,證明係高級野好想即刻燒佢地呀燒一陣就會熟,佢會慢慢出血,要即訂反,如果唔係會膿食落真係入口即溶,好香肉味,值得一試

尋日晚餐, 入到去時, 店員禮貌地問我地有冇book位, 我地都係路過見到唸住試下, 見暫時唔多人就安排我地坐底, 唸住食拉麵, 但見餐牌有推薦既食物就試下, 我食左個海膽炒飯, 個飯有少少硬, 海膽都幾鮮甜, 唔錯！舅父食左個鰻魚飯, 我本身唔食冇試過, 但舅父話份量少D, 但幾好食！另外點左個吉列炸蠔, 唔會炸到乾哂, 咬開仲有D蠔汁流出來, 都好食！仲有點鹽燒鯖魚, 肉質唔會好鞋, 而且冇乜骨！另外都讚下店員有禮貌會主動加茶比我地！

朋友超級好！以原價讓咗Mayday 5.20嘅握手位俾我同男友去睇！實在感動到難以用言詞來形容！請食飯就一定走唔甩～ 朋友話好耐冇食燒肉，我就梗係即刻做功課，飽覽食評之後，喺開飯仔搵到lee間和匠日式燒肉店。第一次來，但都唔難搵，地鐵站出來行三幾分鐘就到，都好方便。可能係weekdays嘅關係，加上我哋book嘅時間比較早，食客唔係太多。餐廳嘅室內設計簡約，set位都幾寬敞，餐台之間夠privacy。我哋研究完一輪menu，揀咗一小食一沙律，一份美國牛小排，一份飛驒牛牛肩，再加兩個主食。芥辣八爪魚粒芥辣八爪魚絕對是喜歡刺激辛辣的朋友必試的食品，除了令人精神為之一陣的芥辣味道外，還有混合很多新鮮彈牙的小章魚粒和鹹香的配菜，刺激醒神﹗溫室番茄沙律天氣炎熱，食味清新的沙律就最合胃口。重點在於油醋汁，以橄榄油、醋來調味，清淡可口，熱量極低，甜粟米粒、沙律菜伴甜度高的日本溫室番茄來添加口感與味道，而番茄含有大量蕃茄紅素和維他命C，可增強身體免疫力。美國Prime牛小排Prime屬於美國農業部牛肉品質分類等級中最高等級的牛肉，肉質與脂肪分佈最佳。而牛小排肉質結實且油脂甚多，燒之焦脆的筋肉最能體現咀

朋友唔中意食韓燒，咁就選左食日式燒肉，店鋪好近地鐵站，餐廳既裝修都充滿日式風情。芥辣八爪魚粒 - 芥辣味適中,不會太辣但又幾惹味，而八爪魚粒口感一流order左3款燒肉店員會精心示範點燒，重會講解下咩肉點邊款調味料最好美國PRIME牛小排 - 牛肉油脂分佈平均，牛肉味濃，中間仍然保持juicy，好味道。鹽燒豬腩肉 - 睇落去超肥，但吃落又唔會好油，入口溶化。飛驒牛A5肩頸肉 - 大理花紋細碎密集，肉質非常嫩滑，唔需要點任何醬汁都已經好美味帆立貝新鮮大隻，上面放在牛油，黑松露醬及蒜蓉，燒完既帆立貝完全不乾，仲吸收晒牛油的香味, 食落又香又滑。食完d燒肉見未係好飽就叫左個海神稻庭烏冬同鰻魚飯。海神稻庭烏冬 - 湯底用上豬骨淆製，有多款海鮮配料，幼身的麵條爽口滑溜鰻魚飯 - 視覺上的色澤不錯，吃起來肉質也夠細，唔會有魚刺的口感，醬汁也恰到好處。

久聞佐敦呢間和匠的日式燒肉 (即烤肉)好正，材料上乘新鮮，待應都會協助顧客燒烤，這夜便和朋友到此晚飯。雖然近年的韓燒店越開越多，而驟眼看看這裏的環境也跟韓式的没太大分别，除了較為為清靜 (没有個人覺得吵耳的Kpop)，菜單選擇也頗多，個人較喜歡食牛，結合待應的推介，㸃選了牛，豬，沙律，海膽炒飯，啤酒等，都幾豐富飽肚，埋單每人约只$350元，食材優質，待應全程協助及介紹燒法，真是招呼周到兼非常抵食。日本安曇野豆腐沙律先吃沙律清新一下，胡蔴醬撈沙律菜豆腐粟米，配埋韓風泡菜同又滑又新鮮的芥辣八爪魚粒，作前菜開胃醒神。美國Prime牛小排 $138鮮紅的牛小排上分佈有序的雪花油脂，賣相吸引，燒的時候，應先待上面的血水和肉汁被熱力逼出來後才反轉再燒，一下子便好了，看到表面有鐵架燒成的微焦網紋就最完美，輕輕的炭焦同牛味混合又不失嫩滑肉汁的牛小排確實美味。美國Prime 牛角切 $168本想將六個表面的方塊肉粒都慢慢燒下，原來錯晒，待應立刻走來紏正，原來要像炒餸般快速不停兜來兜去，這樣才能鎖住肉汁，免卻在慢煎時流失，食落果然不錯，鮮味軟屬中保留了大量肉汁在內，真的多得醒目的待應及時出手。豚腩肉( 味

耳聞此店好多次，今次終於約到飯腳去聚下加食餐好既。去之前知道佢地係一碟一碟甘計啲肉既，都有啲擔心會比較貴。但食完真係覺得物超所值，同埋吾算好貴！原來佢地仲有埋飛驒牛，好吸引啊～首先點左個前菜，我同朋友都好想一嘗螢光魷魚，所以就點左泥食！螢光魷魚 $58睇落立立令，食落好似北海道魷魚絲個種味道，有啲咸味！作為前菜都不失一個好選擇～美國prime牛小排 $138睇個量好似吾係好多甘，但幾碟牛夾埋都有飽肚感架！每邊燒幾秒就可以食得，而口感都好嫩，油脂部分令佢帶啲入口即化既感覺。但可能吾係和牛，所以美國牛都仲有種實在啲既口感！豚腩肉 $80豚肉係薄切既，所以燒到佢啲肥膏位微焦金黃就搞掂！食落好似脆皮甘，肉都好香燒左一陣我地就忍吾住嗌埋野飲先，我揀左passion fruit mocktail $28美國prime牛角切 $168本身以為一粒粒會好難燒，但佢既質地都係似牛小排，係嫩既！所以都好易燒，每邊燒到無乜血水就可以食得！細細粒好易燒！睇到啲油脂幾勻稱，所以食落係好腍身食完啲牛，我地就點左啲海鮮深海老虎大蝦 $158/2好大隻蝦！！開左邊，燒左兩邊就可以燒下中間好新鮮，仲幾彈牙！燒到熟而不影

我地一行四人點左個無雙4人前價值$1,928元正。先黎一個厚切美國Prime牛小排啲色水係唔錯同埋好有牛肉味,但完全食得出係有兩款肉係度。但有啲厚,面都燶但入面都仲好冰唔熟，唯有當住五成熟先。之後黎左個牛舌，寫就8舊，但黎左7舊，同佢講返，佢都畀返一舊你牛舌無影,但由於都係厚切既關係,面燶但入面都未熟之後黎左個日本雞呢個雞其實食唔到係咪日本黎同埋好易痴底，但係有雞味既之後再黎個蟹腳，一般之後再黎個羊同豬個羊係好食,但個豬呢就好靭再黎個大蝦，真係好大隻但始終都係冰鮮既關係，無蝦味同埋啲肉係霉既最尾黎個和牛肉眼，啲油花真係好靚但事實上一啲牛味都無而且好油膩當4個人食晒上面既野之後發覺其實一啲都唔飽最尾叫多個好多食評都贊好既海膽炒飯如果我無形容錯，呢一個係用珍珠米炒既揚州炒飯再加一篤仔海膽係面怨我直言，我真係唔識欣賞總括黎講，散叫好似仲抵除左個牛小排之外，其他都真係好一般唔明點解問多食評贊

工作壓力大，放工後最鍾意就係食好西，佐敦內街其實有好多好嘢食，我今晚就選擇日式燒肉。見到飛騨牛即刻流口水，不過都係等出糧先啦燒肉啤酒吹下水先。口裏說減肥所以都係要吃沙律先，清新的開胃菜，準備好胃口吃燒肉了。我就無牛不歡嘅，自己話事叫咗個美國prime 牛小排 $138。好靚嘅雪花肉紋，新鮮嘅表現。輕輕燒幾下，medium 就可以食得啦！仲可以見到網紋，入口冇喳，一個人食半碟都唔會覺得油膩而且肉夠晒鮮味，唔需要點任何醬汁都已經 yumyum雖然未出糧，但都可以食鮑魚嘅磯煮鮑魚飽滿豐盈~~2pcs 都係$98。味道鮮而且口感煙韌。深海老虎大蝦，2pcs 只係 $158。好似手掌咁大只，抵食我自己就好懶燒海鮮的，所以唔怕羞咁叫店員幫我一把，好彩店員妹妹都好樂意幫忙，技術一流。蝦肉紥實，爽彈鮮美最後食埋海膽炒飯$108，感覺十分之滿足。飯炒到粒粒乾身，面頭仲有大大塊嘅加拿大海膽，鮮甜又冇腥味，真係好抵食！

去完旅行，個人總是好似想繼續可以停留在去旅行時嘅心情，但工作總不能放下，唯有用食嘅方法找回在旅行時嘅感覺，今次同朋友就去了間唔錯嘅日式燒烤店，一來質素高，而且店員服務又好，當然要同大家分享一下！店舖位置就係DGS旁邊，一啲都唔難搵，而座位都幾寬敞，枱上有個燒爐，當然主要係點不同嘅肉類燒啦！我就點了最喜愛嘅牛，雖然有和牛，亦有美國prime 嘅牛，但今晚只點了份美國prime 牛角粒$168，而豬就點了份日本國產鹿兒島黑豚$110，大家愛吃肉，價錢分量較抵吃，朋友亦點磯煮鮑魚2pcs$98，最後再加多個蒲燒鰻魚飯$98先上居然是磯煮鮑魚，鮑魚已經煮熟，入口感覺到鮑魚肉嘅肉質彈牙爽口，煮鮑魚時嘅飽汁，在口中散發出鮮甜美味！跟住店員為我們燒日本國產鹿兒島黑豚，純熟嘅技巧，在火爐上反來反去就將塊黑豚燒熟，入口時能品嘗豚肉嘅肥美同埋而店員將豚肉燒至保持到佢嘅肉質嫩滑軟熟！自己落手時就感覺差少少！可能時間多了，而燒得較乾身！另每燒一樣食物時，店員亦會先講述同示範如何燒得好味！今次都由店員代燒美國prime 牛角粒，店員不同在鐵板上將牛角粒炒來炒去，而時間比豚肉長，一來牛肉粒厚身，二來要急速將牛肉粒

最近聽朋友講佐敦有間唔錯既燒肉店，仲有飛驒牛食喎！哩日放工就一於黎試下先😜 打開餐牌，見到肉類都幾多，不過就冇叫飛驒牛，因為我地點果幾款已經夠吸引了！螢光魷魚…襯等朋友就前黎個前菜先啦，其實好多地方都有得食，不過就從未試過。魷魚細細條好得意！經醃製過，質感有少少爽口滑身，魷味十足！不過就唔知係咪真係有螢光呢…美國prime牛小排…哩碟牛小排我諗拍得住飛驒牛，脂肪分佈好平均，起哂網紋嫁！輕輕燒到兩邊轉色就食得！質感超嫩，有牛味，一d都唔鞋唔韌嫁！美國prime牛角切…基本上同牛小排一樣，只係形狀唔同。肉比較厚身，食落更滿足！豚腩肉(鹽燒)… 本身麻麻地腩肉，因為諗落都覺得好肥膩…不過朋友想食就冇所謂啦。燒完片豚腩肉勁靚！！燒到一格格網紋，係個爐既功努😂 結果自己心思思食左片，佢真係令我對腩肉改觀，雖然依然係好肥，不過食落口完全唔覺膩，表面仲燒到有焦香帶點微脆，好正！最後都食左兩片😝深海老虎大蝦…蝦肉有我手心咁長！質感都幾彈牙爽口，預先開邊所以好易燒熟。蒲燒鰻魚飯…估唔到哩間鰻魚既質素都唔錯，肉都幾厚身，肉質唔會酶淋，最正係啖啖肉唔會彬到骨。鰻魚汁味道咸甜適中，岩岩好夠我撈飯😎