和匠日式燒肉店

營業中

休息中

終於都考完試了，而且成績出左又合格。今晚決定要去慶祝下食好些。於是就同朋友一齊去食下燒肉。 七點半左右黎到，店面裝修好日式，而且舖面非常乾淨。雖然係燒肉店，但都感覺唔到有油煙味。 睇睇餐牌，他們都有不同既套餐，價錢最高既有飛驒牛套餐，又有和牛同埋美國牛套餐。除左套餐之外，佢地又有得單點。因為第一次黎既關係，又驚自己燒得唔好，所以決定試下D 「入門級」既牛先。 首先點左一些前菜先，點左兩隻磯煮鮑魚。廚師好用心咁將鮑魚去左內臟，而且將每隻都一分為二，容易入口得黎又入味。 食完前菜之後就到主菜啦，燒肉！！！單點左美國Prime 牛小排，一碟148元，同埋美國Prime牛角切，一碟168元。以百幾蚊黎講，份量係幾多，都幾抵食。 睇相都睇到牛小排肉脂肪分佈平均，肥瘦適中，而且入口牛味好濃，絕對係新鮮靚牛。牛角切亦係比想像中好，牛味濃，而且燒完都唔會係好韌。 除左食牛肉，都想試下其他肉，一於就請下日本國產鹿兒島黑豚、日本產阿波尾雞腿肉。但相比起牛肉，豬肉同雞肉比較難掌握燒既過程，但經過服務員指教之後，都成功燒到好味既肉。 食完肉都要食下菜，點左牛油炒雜菜 最後，以男仔黎講其實都係要食小小碘粉質先會

同事們今晚相約去佐敦和匠食烤肉，佢哋喜歡和匠食材新鮮又高質，侍應招呼也不錯，我也有興趣去試試，放工就跟大隊去吧！和匠裝修設計都好有日本風味！温室蕃茄沙律，沙律菜新鮮，加左沙律醋，味道酸酸地，好開胃！韓風泡菜酸中帶辣，醒胃菜！胡麻醬、燒汁、柚子醋，是用來點燒烤食物的。日本國產鹿兒島黑豚肉都比新鮮，烤的時候要多注意一下，因為肉質比較實，口感比較豐富！日本國產帆立貝大隻又厚肉，加了黑松露蒜蓉牛油燒，黑松露味香，蒜蓉牛油惹味，帆立貝鮮甜。和匠海神稻手打烏冬(九洲豬骨湯底)：材料豐富，、有大帆立貝、魷魚、八爪魚、蝦、蜆肉、紫菜、粟米，烏冬幼滑又弾牙，配埋鮮甜的豬骨湯底，十分美味！

秋風起, 又係對住個爐暖笠笠食燒肉既時間, 喺佐敦收工見到附近有間和匠日式燒肉店日系木氣裝修, 增加左入去坐低既意慾🤤d 肉類都幾高級架, 仲有d 海鮮可以叫黎燒, 驚唔夠飽既都仲有d 熟食係烏冬呀炒飯呀之類既比你醫肚👍Asahi 334ml - $30食燒肉, 叫番杯Asahi 黎送下都好正常姐😂冰杯黎架, 都 keep 到幾耐凍👍日本安曇野豆腐沙律 - $64作為頭盤, 一開波緊係食左個沙律先啦😍香滑豆腐配埋芝麻醬, 粟米粒味道更加出, 加埋d 車厘茄, 醒神又開胃美國Prime 牛角切 - $168粒粒牛比較易燒, 每邊都燒一燒就食得, 鮮嫩肉汁鎖實晒喺中間😍日本產帆立貝 - $902粒大大粒新鮮帆立貝, 配搭牛油粒同黑松露醬, 一路燒一路入味, 陣陣香氣撲鼻而來😍美國Prime 牛小排 - $148見到呢d 雪花紋, 就知道油脂分佈極平均, 燒既時候同食落口既時候兩者融為一體, 肉香極濃🤤豚腩肉 - $82食完咁正既牛, 係時候食番 d 豬黎中和下😂呢款豚腩肉都幾高質架, 唔會話燒到好"鞋", 豚肉都可以燒到咁滑, 證明本身肉質幾高👍jaja 聲😂牛油炒雜菜 - $48食完咁多

同朋友慶祝生日，特登揀咗佢好鐘意食的燒肉，而呢間位於佐敦地鐵站附近的燒肉店出名燒法正宗，食材新鮮，就訂位同朋友來食。日本安曇野豆腐沙律（胡麻醬），$64,沙律生菜新鮮爽脆，豆腐好滑溜香甜，配上惹味的胡麻醬好夾。磯燒鮑魚，$49/隻，鮑魚大隻厚身，煮得入味，咬落煙韌有嚼勁。美國Prime 牛角切，$168, 顏色鮮艷新鮮，切得每粒都大小均勻，燒熟嫩滑多汁，牛肉味濃郁。美味Prime 牛小排，$148, 雪花脂肪分佈均勻，肉質嫩滑香濃，香味散發咬落軟稔。豚腩肉，$82,用鹽燒，肥瘦適中，切得夠薄身，燒得好快就熟，鎖住肉汁，肉質爽脆。日本產阿波尾雞腿肉，$86,去咗雞皮，肉質嫩滑爽甜，唔肥，味道清甜，雞肉味濃郁。日本產帆立貝，$90/兩隻，配黑松露醬，蒜蓉同牛油，帆立貝肉質好大粒，鮮甜多汁，嫩滑。鰻魚炒飯，$108,炒得粒粒分明，日本米夠結實，醬汁好惹味，鰻魚味香濃。啤酒係燒肉的好配搭，日本的Sapporo, 味道清甜香醇，冰凍可口。

平時都係食韓燒多今晚朋友話想試下日式燒肉所以就試下呢間環境都寬落 但唔係好多座位餐牌有好多唔同種類既肉類仲有其他熟食 小食我地叫左兩款啤酒店員推介磯煮鮑魚好厚身 好爽口日本安曇野豆腐沙律好足料 好開胃跟住就叫左幾款肉初初自己燒左一轉店員就過黎教我地每一款既燒法好細心好詳盡 原來都好有技巧比起自己燒真係唔同好食好多美國Prime牛小排燒完都好多肉汁 好煙韌美國Prime牛角切好惹味 配上燒汁真係一流豚腩肉睇落好似好多肥膏但燒完出黎食落岩岩好日本產帆立貝上面有牛油 蒜蓉同黑松露醬燒得好入味好鮮甜三文魚籽海膽炒飯估唔到熟食都好出色啖啖都有海膽 好足料 海膽好甜食得好飽好滿足 了解多左燒肉既技巧原來可以燒得更好食

好耐冇係香港食過燒肉見呢排涼涼地 就約埋好友試下呢間地點好隱蔽地方唔算好大 但都坐得幾舒服除左肉類 都有飯 烏冬 小食先叫左個磯煮鮑魚唔洗燒既 鮑魚好煙韌 好大隻呢到仲有好多款啤酒 清酒店員會好細心每一款肉類都教我地燒一次原來每一款都有唔同既技巧果然比起自己用錯既方法真係好唔同燒出黎可以咁好食唔似其他燒肉店要不停加油每一款都唔需要油 呢款係美國Prime牛小排油脂分佈平均 好juicy 好嫩滑美國Prime牛角切燒完好香口 店員教左點鎖住肉汁日本產阿波尾雞腿肉雞肉好嫩滑 配上柚子汁好夾日本產帆立貝上面加左黑松露一齊燒好入味好鮮甜牛肉稻庭手打鳥冬鳥冬都好出色牛油炒雜菜炒得好爽口 仍然保持到鮮菜味第一次燒肉燒得咁好食 而且食材好高質 店員又細心

幾高質性價比高男待應耐心講解食法配醬汁燒法但2人set牛魔好掋食，但叫左個串燒牛舌超難食燒肉高質小食完全fail本身個service 係滿分,到埋單，有個女待應態度勁差我對一對張單姐係到吹我簽名差勁👹

同朋友好耐冇見，搵間好嘢敘舊。友人鍾意食燒物，上網睇過呢間嘅燒物好似好受歡迎，決定一試。喺佐敦地鐵站一出，唔夠2分鐘就行到啦，很就腳。一入門口，裏面嘅裝橫好別緻。此店有一本很大嘅Menu，有很多食物可供選擇。我哋首先揀咗兩個前菜，日本安曇野豆腐沙律同埋磯煮鮑魚。沙律裏面嘅豆腐好滑，漿料調味野味，鮑魚大大隻，好彈牙跟住上枱嘅係一連串嘅燒物，首先要講下佢嘅香蒜牛油黑松露焗雜菌，用錫紙包住黎燒，一切開個錫紙，好香嘅香蒜味，熱騰騰，好正啊！接下來是三文魚子海膽炒飯也都上枱了，三文魚子連海膽飯一起食，真係唔識形容跟手一連串嘅美國牛小排，牛角切，豚腩肉同埋日本阿波尾雞腿肉，全部都送到黎啦！係我地燒左小小牛既同時，好專業嘅老闆可能見我哋燒野嘅手勢唔係咁好，好熱心咁講解左我哋聽點樣燒先可以食到外脆內嫩既燒物，我哋用佢嘅方法黎燒唔同嘅雞牛豚肉，果然所有肉汁包在外脆的肉內，真的特別好味學到野！然後此店嘅飯立貝加黑松露醬，燒起上嚟香味撲鼻。 不能不說嘅係佢嘅冷慆庭手打烏冬，真係好彈牙。雖然已經很飽，但把烏冬浸了在充滿Wasabi嘅冷汁之後，不期然就把全個烏冬吃光光了今晚真係好滿足呀！

地點比較偏所以人唔太多，不過好近地鐵站其實好易揾。預先book左位但去到仲有位。相信呢間鋪租金比較平所以可以放得多左成本落食物質素到。經過今次發現原來自己燒同佢幫你燒既味道都好大出入，師傅燒得好有技巧，長知識了。厚牛舌都幾貴但堅係好食，薄牛舌燒得仲保持住肉汁同爽海。另外都推介燒鰻魚，又脆又爽加埋個汁都好正。食物質素好冇乜油唔會好似其他咁靠醃同多油補救，食完都唔覺得”利”，以後想食日式燒肉都會返返呢到。

我好喜歡吃日本菜，今次就跟朋友一起去吃燒肉，朋友家住佐敦，她說她常常經過一間燒肉店，很想進去嚐嚐，所以我們就訂了枱啦！一坐下，二話不說先點了飲品，太口渴的關係，立刻喝了兩口 很清新又不會太甜 日本安曇野豆腐沙津（胡麻醬）這沙津材料真多，有沙津菜，番茄仔，粟米粒，豆腐很滑，配上胡麻醬，吃個不停 磯煮鮑魚又大又厚身又鮮甜，不會韌 ，還有酸酸的漬物，很開胃燒肉方面，我們點了：美國 Prime 牛小排美國 Prime 牛角切朋友說食燒肉怎能沒有牛，所以她點了兩款牛。她說牛很嫩，沒有筋，好吃！日本產阿波尾雞腿肉由於我本身不吃牛，所以我就點了我很喜歡吃的雞。脂肪較少，很快就熟，但又不會乾，還是嫩嫩的，有肉汁 豚腩肉鹽燒好喜歡這個，豚腩肉每塊都切得均勻，點上燒肉汁，好惹味 燒起來，豬油令火旺，燒出炭燒感覺！香蒜牛油黑松露焗雜菌用錫紙包住來燒，燒完後「香噴噴」雜菌已吸收了蒜香牛油黑松露的精華，味道濃郁，讚👍🏻日本產凡立貝（牛油、蒜蓉、黑松露醬）凡立貝配上牛油、蒜蓉已經超棒，還要加上黑松露醬，很有層次，真是太讚啦！好想 encore 冷稻庭手打烏冬 口感爽口彈牙 最後三文魚籽海膽炒飯大愛三文魚籽，炒飯一

同朋友約好咗喺佐敦食燒肉，因為一早預约咗，一入店就有位坐。我哋睇咗個餐牌叫咗好多唔同種種嘅嘢肉，肉的原產地有啲係来自日本，有啲係美國，另外再配一個沙律，日本產帆立貝，同一個主菜三文魚籽海膽炒飯 ，手打烏冬。首先嚟咗個豆腐沙律，磯煮飽魚，啲豆腐一咬即溶，好鮮甜爽口配埋啲新鮮嘅沙律菜 非常之夠味，再上一個飽魚，淨係前菜都食到好滿意，之後今日嘅主角重點嘅燒肉 好快就上到，因為我哋唔太識煮，有啲束手無策，所以就直接請教咗店員嘅煮法，佢好細心咁教我哋每一種肉吧嘅煮法，我哋都係第一次知道原來每一隻肉都有各自唔同嘅煮法，有一啲肉係需要時間不停返，不停手， 有一啲係需要時間去配合去煎，等佢出肉汁先再返，雖然係要花時間去煮，但係做出嚟嘅效果係非常之好食，令人非常之滿意每一種肉都有唔同嘅煮法，再配搭唔同嘅汁入口， 食落非常之特別。最後嚟咗個日本產帆立貝，汁多，配牛油，一入口就食到好心甜。再上埋個炒飯及烏冬同兩杯飲品 ， 兩個人嘅份量非常之足，今次真係食到滿飽而歸，相信下次會帶朋友再嚟一邊燒肉一邊傾計，過一個開心嘅晚餐

今晚同舊同學食飯，她很喜歡吃日本菜，所以選了這家日式燒肉店。店舖座落於佐敦長樂街和志和街交界，交通方便。店外設計以木製為主，非常有日式風味，別樹一格。我們實在太餓了，點了很多東西。聽說這家店的飛驒牛很有名，但舊同學不吃牛，所以沒有點，點了其他牛。我們點了這些....磯煮鮑魚：光是看已經很吸引，味道鮮甜，口感煙靭，旁邊配有漬蘿蔔，非常爽脆。😋日本產帆立貝：帆立貝肉質肥厚彈牙，很鮮，加上蒜蓉牛油和黑松露醬，燒起來香味撲鼻。美國Prime牛小排：厚薄適中，油脂分佈均勻，肉質軟腍，不須沾醬汁也很好吃。美國Prime牛角切：大小適中，一口一粒，燒至半熟口感很捧，肉汁跟油脂混在一齊，回味😌豚腩肉鹽燒：腩肉以為很肥，但吃起來一點也不覺得，燒至兩面金黃色的，口感特別香脆，樣子看起來有點像煙肉，已預先用鹽醃製，味道剛剛好。日本產阿波尾雞肉腿：肉質嫩，很有BBQ風味。日本安曇野豆腐沙律：吃了太多肉，要吃點沙律中和一下。蔬菜鮮甜，豆腐很軟滑，配上胡麻醬汁，感覺非常清新。香蒜牛油黑松露焗雜菌：用錫紙包住燒，能夠保持雜菌的水份精華，，口感很爽，加上香蒜牛油黑松露，無得輸👍🏻冷稻庭手打烏冬：我覺得烏冬要吃手打冷的

朋友話想食燒肉，去左佐敦和匠試下。因為唔係任食，我同朋友都心大心細，樣樣想試下，所以都花左d時間考慮先係豆腐沙律，賣相已經一流，豆腐好香好滑，沙律菜好新鮮，配埋胡麻醬，十分開胃磯煮鮑魚好彈牙，咬落有濃郁的醬汁，口感十足！因爲除左必食牛，我地都想試下豬同雞，就每樣叫一款試下！豬選左豚腩肉，每片薄薄的，很快燒好，而且好夾脆！而雞就選左雞腿肉，啖啖肉，肉質新鮮，又滑又唔會乾！輪到最愛的牛，因為價錢問題，選左美國Prime牛小排，但質素一d都唔差，色澤鮮紅，食落好嫩口，好多汁仲有美國Prime牛角切，同樣色澤鮮紅，食落好有咬口！雜菇好香牛油味，配上黑松露，食到停唔到口！帆立貝超大粒，脹卜卜，燒完又鮮甜又多汁！最後，因我想食冷烏冬，朋友想食飯，我地又2款都叫左！先講冷烏冬，好彈牙，而且份量超大盤！而海膽炒飯，好足料，好多蝦肉，食落好香口！總括而言，食得好飽，好豐富的高質燒肉店！

今晚去左佐敦的和匠燒肉，地點方便，佐敦MTR B2 出口直行轉左再直行就係。門口係和風木的設計，好有日本feel~ 店唔算太大，但都相當闊落，仲有三隻飛禪牛公仔陪坐添。我地揀左小食、雞、牛、豬、帆立貝、炒飯同烏冬，叫完都覺得好似多得濟~前菜叫左磯煮鮑魚（兩隻）同日本安曇野豆腐沙津配胡麻醬，磯煮鮑魚已經切好左兩件放在殼上，都未食過冷盤鮑魚，都幾特別，夠大隻又厚肉有咬口，甜甜地又入味。配胡麻醬的沙津係我至愛，再加埋豆味濃的嫩滑豆腐，清新開胃。香蒜牛油松露焗雜菌店員會簡介點燒最好食，最後仲幫我地燒埋開埋撈埋，令雜菌充滿蒜同黑松露，好香又唔會咸，份量多。鹽燒豚腩肉薄切豚腩肉唔駛燒好耐就食得，所以唔會驚燒乾同燒濃，依塊腩肉有油脂，所以燒時豬油滴落炭上令豚腩肉搶火，燒到金黃色，香脆得黎又不失豬肉味。日本產阿波尾雞腿肉之前食燒肉好少叫雞肉，因為燒得唔夠會唔熟，耐左又會乾，但依碟雞腿肉好快就熟，仲要唔會乾唔會硬，肉質嫩滑，又夠juicy~.美國Prime牛角切 & 美國Prime牛小排食燒肉點可以無牛，我地揀左兩款。細細粒既Prime牛角好快熟，牛味香濃唔會韌，口感好，而牛小排比豚腩肉厚切少少，睇住由

上星期放lunch時，因間中經過依間野，所以走咗入去試下。一去到，打開門有位職員用一個奇怪眼光嚟問我幾多位。答咗佢後，叫野食時仲離譜。原本想叫鯖魚定食，點知待應對我講鯖魚定食要等20分鐘。一個lunch hour, 一定唔會等20分鐘比你去整個定食囉。於是，我叫咗個鰻魚定食，叫咗就後悔。雖然鰻魚定食嚟得好快，但係鰻魚定食的汁太多，攪到啲汁的味蓋過啲鰻魚同飯。前菜係醃製過的白蘿蔔，但太濃味太冧，好難食。反而，蒸蛋同miso soup就不過不失