味道樂居酒屋 (河內道) (已結業)

平時去K11都係行街多，要食野真係唔太多選擇，所以都係會行番出大街睇下有咩好食。今日路過呢間門面充滿日本風既味道樂時見入面差不多坐無虛席，睇黎應該好唔錯所以先咁受歡迎！既然係咁當然要碰碰運氣，估唔到比我地坐左最後一枱二人位，運氣真好！原條燒鰻魚飯 HKD 128見到都嘩左一聲！鰻魚真係好大條，而且擺得好靚，隔離有隻匙更令你感覺到鰻魚究竟有幾大。燒過既鰻魚好肥美，亦無明顯既骨，可以放心食。鰻魚汁甜度份量都適中，呢個價錢黎講值得一食。鐵板蒜片香煎厚牛舌 HKD 68放在鐵板上既厚牛舌，一黎到時發出”滋滋”聲，未食已經流曬口水。厚牛舌質感柔軟而厚身，比起串燒店食到既牛舌更有啖啖肉既口感中。岩鹽燒吞拿魚鮫 HKD 228吞拿魚鮫並唔係好多地方可以食到，因為魚鮫比一般三文魚/油甘魚鮫大件好多，燒起來既花時間又花心思，所以當見到呢度有得食既時候確實幾驚喜。魚鮫比較大件的關係都要有心理準備等半個鐘先有得食，魚鮫肉同一般魚身既肉比更嫩滑而多汁，鮮味無窮，所以我同朋友好快就食曬！深海池魚王 HKD 148深海池魚質感偏爽口，魚身唔會太油膩而帶清爽感覺大蔥特上吞拿魚腩卷 HKD 78

一向都好鐘意食日本野，加埋日式裝修令我更加感覺置身於日本居酒屋一樣。成個人都放鬆哂心情！今日就同老婆泥左呢間味道樂開餐！木系裝修，加上柔和燈光，睇得出係有用心經營既！12月大多餐廳都會推出一啲聖誕色彩既食物！我緊係支持下，點返一兩樣應下節啦！芝士粉紅魚鬆燒播磨蠔，超大既一隻蠔，夠哂肥美加上芝士同魚鬆燒，更加香口同有口感！海膽醬燒原隻龍蝦丼，嘩嘩嘩！真係原隻俾哂我，幫我地起哂肉，用海膽醬煮過調味，更多鮮味，而且啖啖肉，絕對抵食！仲有刺身帶子，同魚生！份量十足！呢個火炙北海道帆立貝蟹膏卷，即叫即做，輕輕火炙一下帆立貝面，加上蟹膏，好配搭！煙肉櫻花蝦炒飯，我次次食鐵板燒都好鐘意食呢個飯，呢到都有，緊要食。夠乾身配料多，櫻花蝦炒飯夠哂香！小食方面點左必食味淋魚干！大愛，又抵食！芝麻雞亦炸得夠脆，熱辣辣，香口又惹味！七味唐揚炸雞，雖然外面都有得食，但不得不說佢肉質嫩口，皮脆又薄！好吃！粉紅白桃乳酸梳打，粒粒白桃，甜甜白桃味！好甜蜜😋

在K11旁的味道樂居酒屋去到居酒屋當然要食串燒加上一點日式小食才是滿足呢裡面的環境很有日式風格先上的是吞拿魚卷這吞拿魚卷的用料也絕對不小在每1個卷上都有很大份的吞拿魚蓉在上面加上香蔥很香口芝麻雞翼剛炸出來的雞翼咬下去肉汁都要噴出來了油香加上有一點點辣之後是鱈魚片小食食下去熱熱脆脆的很香口加上沙津醬更好吃燒雞皮皮脆油嫩蒜片牛舌牛舌是厚切的外皮不會燒得太黑而且肉嫩最後還有鵝肝蘑菇飯鵝肝的油融入到飯中每一口都是鵝肝味

近期減肥, 正在採用低醣飲食法試試成效, 所以男友唯有陪我食西式或日式餐廳。年尾開始地獄式工作, 要食好一點慰藉心靈呢~ 而男友是重視外表的人, 每次經過味道樂都覺得很有feel, 所以就決定試味道樂！ 因鄰近聖誕, 所以多了聖誕節特別菜式, 以聖誕和紛紅色作主題, 賣相吸引!更難得的是價錢沒有因此而變貴 胡麻醬豆腐野菜沙律《$68》※ 推薦指數: 4/5減肥當然要點個沙律啦!沙律中除了基本的豆腐, 野菜和蕃茄外,  更加了一些紫薯仔~如果不是要介澱粉, 這個沙律其實已夠飽腹了!聖誕三色小食拼盤《$88》※ 推薦指數: 3/5包括: 味淋魚干, 芥辣八爪魚 & 准山漬最想食的芥辣八爪魚&准山漬有點失望, 芥辣八爪魚的八爪魚好像熟了, 而准山漬雖爽脆但過咸。相反最不感興趣的味淋魚干則香甜又會太乾, 幾好食~聖誕五點極上刺身盛盒《$398》※ 推薦指數: 4/5重點來了! 刺身盛盒包括: 大吞拿魚腩, 牡丹蝦, 海膽 & 兩款當做的魚, 而當日我們食的應該是油甘魚和劍魚腩~大吞拿魚腩超鮮甜, 雖不是入口即溶, 但大大片厚刺, 真的很滿足而牡丹蝦跟油甘魚和劍魚腩都是厚切又好味, 反而海膽就太

居酒屋真係一個減壓好地方，經過一天辛勞工作，坐足8個小時喺沉悶死寂嘅辦公室，放工後即刻同朋友去居酒屋大吃一餐大解放。居酒屋就喺K11附近，裝潢就真係喺日劇常見嘅居酒屋咁。 入到去已經差不多爆滿，人聲鼎沸，大聲啲講嘢都唔怕啦，正！【三文魚腩刺身$48】有海藻同花瓣伴碟，好似喺深海世界咁，好有海洋氣息。魚肉鮮美，油脂豐富。【清酒煮大蜆$78】超大隻蜆，好鮮爽，絕對係靚蜆。 配合酒味香蔥，清甜清香。清酒清湯幾好飲，飲晒佢唔好浪費。【煙肉荔枝卷$48】荔枝夠甜但好乾冇乜汁，煙肉味道剛好唔會太鹹。 鹹甜兩種味道相交又幾夾。【香箱蟹$198】香箱蟹即係雌性松葉蟹。 麻雀雖小，蟹膏蟹肉蟹子俱全，好多爽口脆卜卜嘅蟹籽，蟹膏多，蟹肉鮮甜。【野菜特濃魚湯烏冬$98】放喺枱離遠已經聞到香濃魚湯味，先飲啖湯，感覺係純天然冇落調味料。 烏冬軟滑中帶嚼勁。配料有豆卜、魚片、雜菇，好健康。【明太子雞肉串$58】雞肉上面一層Creamy明太子，雞肉有雞軟骨，幾爽口。【流心芝士魚餅$48】魚肉彈牙，芝士軟滑，甜甜地似竹輪魚蛋。【火炙北海道帆立貝蟹膏卷$88】大件夾抵食，蟹膏係賣飛佛，不過帆立貝火炙得稍為未夠火喉，冇咗啲

餐廳裝修以日式木材為主, 帶有溫暖放鬆的感覺！我們8點左右到達餐廳, 差不多座無虛席, 非常旺場！餐廳提供的食物選擇有很多, 而且價錢實惠! 有壽司, 刺身, 卷物, 沙律, 小食, 燒物, 一品料理, 飯類, 烏冬, 飲品, 甜品, 清酒, 真的應有盡有! 聖誕五點極上刺身盛盒 $398賣相好靚，材料相當豐富! 多種刺身包括有吞拿魚腩、牡丹蝦、海膽、金目鯛和油金魚! 樣樣鮮味十足, 片片厚切,大大件!吞拿魚腩入口即溶, 魚油香味停留在口腔內久久不散, 令人回味無窮! 牡丹蝦肉質彈牙，甜美滋味!海膽肥大肉厚而且鮮甜美味!池魚爽口帶油香, 令人難忘!油金魚味道鮮美濃郁, 超讚!大蔥特上吞拿魚腩卷 $78 有別於一般的卷物，師傅沒有將吞拿魚腩蓉加入卷物內！大量吞拿魚腩蓉卷物上, 相當吸引, 令人食指大動！吞拿魚腩蓉香滑肥美, 好味道!野菜牛肉湯烏冬 $78牛肉湯烏冬的份量相當多! 牛肉半生熟, 呈粉紅色的, 牛味香濃嫩滑! 烏冬份量很多, 質地軟腍中帶少許彈牙, 不錯! 湯底調味適中, 加上雜菌及青蔥粒等配料, 整個烏冬十分美味! 推介!鐵板蒜片香煎厚切煎牛舌 $68牛舌煎得恰到好處, 厚

尖沙咀係味道樂第二間分店，之前第一間店鋪口碑良好，係旺區開多間分店都不無道理餐廳都幾用心佈置，細心留意就會見到整間店都有唔少小驚喜裝飾每個座位下面都有個小勾，當日咁岩係下雨天，用黎掛遮就岩岩好食物選擇多到令我有點眼花繚亂，慢慢睇慢慢揀，就算唔食生野的朋友黎到呢度都有大把選擇日式炒雜菜 ($48)每晚都要食菜係我地指定動作，政府都有宣傳食多點蔬果對身體好啦，呢碟雜菜咩都有D，加左日本醬油去炒，味道帶點甜明太子雞翼 ($48)、鹽燒厚切特上牛舌 ($68)雞翼釀左滿滿的明太子，帶少辣，雞翼輕輕炸過，成了外脆內軟的口感，鐘意爽口食物既我地最鐘意食厚切牛舌，$68有兩串價錢合理火炙北海道帆立貝蟹膏卷 ($88)呢款創意壽司集合左兩款我好喜歡的食材，濃濃的蟹膏彌補味道不太突出的帆立貝，呢個組合不錯牛油香煎銀鱈魚 ($168)銀鱈魚本身魚油豐富，煎左之後已經好香，仲要加埋牛油就香上加香，銀鱈魚果然係百吃不厭的食物

約左細佬食飯，好耐無見過佢啦！今日約係佢學校附近食日本野，我地一早已經去到排隊，估唔到6點半已經咁多人！我地先叫左三款刺身，三文魚同油甘魚都好厚切，三文魚好滑，紋理亦好清晰，油甘魚有d甘香味，一咬時口腔內有甘甘地又苦澀既味，但係魚油好多，夠晒肥！甜蝦都好新鮮，甘甜味。我地揀左一個小食：「七味魚翅」，呢個小食好特別，脆卜卜的，一d都唔硬身，食落個feel仲好似雞泡魚干咁，七味相信係加左七味粉，所以又滋味又惹味！之後細佬話想食壽司，我地特別啲，無揀平日啲普通壽司，叫左「海膽壽司」，海膽壽司有好大舊海膽，呢度d海膽甜架！反而無左聞馬糞味，唔會覺得苦苦地，甜甜既海膽襯埋啲醋飯感覺好match！最邪惡係咩？？平日d人話食雞唔好食雞皮呀！我今日就係食雞皮！日本華美雞雞皮～華美雞出晒名好味，今次我地唔食雞件，改食雞皮，聞落去十分香，一咬d油就飛晒出黎，不是炸時的油，係好香既雞油，雞皮本來平平無奇，宜家十分爽脆！鹽燒特上牛舌：牛舌其實簡單整已經好好味，呢串牛舌落左黑椒、鹽only，但味道已經好出，牛味都好重。黑松露和牛炒飯，我地只叫了一碗，好彩好細碗，一碗$58，兩個人Share剛好。淨係和牛炒飯都已

老闆非常有心思 食物質素同賣相都好出色串燒好有特色 今次試咗其中兩款煙肉荔枝卷 $48荔枝一向同煙肉係絕配皆因果肉嘅清甜味會令到煙肉更香而煙肉燒過之後更加惹味汁燒大白鱔 $68看似平凡 但係味道超出眾燒汁夠甜 非常討好最欣賞佢肉質夠厚 咬落好彈牙鐵板蒜片香煎厚切煎牛舌 $68蒜片炸到好香口 而且香味伸延到牛舌厚肉既牛舌非常有質感 食落有肉汁而且鐵板上先聲奪人 香氣撲鼻香煎鵝肝雜菌石鍋飯 $138超邪惡嘅鵝肝令到成個石鍋飯昇華雜菌種類夠多 混合埋一齊非常香個底仲有少量飯焦 超正福岡燒一夜乾的鯛 $178絕對值得一試嘅日式料理市面非常罕見 所以好想試魚肉比較乾身 但係肉質好彈牙而且魚味更突出

有好多香港人食飯都離唔開食日本野，我亦都唔例外而居酒屋都係個唔錯既選擇，三五知己食下野，飲返杯就可以暢聚一晚呢晚同朋友黎到呢間屋酒屋都幾有氣氛，裝修佈置都好有日式風味踏入十二月，呢度仲有張聖誕meun添啵我同朋友都係meun上搵到自己既心水我地先黎一個“聖誕五點極上刺身盛盒”HKd$398+10%呢個盛盒有齊海膽、牡丹蝦、深海池魚、拖羅同油甘魚腩，都真係好豐盛啵個蝦仲好爽甜鮮味，正而串燒都唔差，呢串“鹽燒厚切特上牛舌”HKd$68+10%都幾爽彈最後我地仲要左個聖誕版既“原條鰻魚飯”HKd$128+10%一齊share肥美無骨既鰻魚配上沾有微甜浦燒汁既香軟白飯，根本就無不清光光既理由，滿足滿足當晚仲飲左佢地既粉色系列既聖誕特飲，要左杯“白桃乳酸梳打”HKd$38+10%酸酸甜甜咁，好夠氣，仲有啲果肉係底，相當唔錯啵

去親TST都好少行去K-11個邊,今晚行過, 見到呢間餐廳門面日本街頭D地道居酒屋,就決定係入黎食晚飯竟然第一樣野係叫清酒#真澄山花, 仲可以自己揀隻杯, 好得意!一杯兩杯落肚, 之後興起叫左勁多野食, 哈哈#明太子雞翼漲卜卜一啖咬落去, 爆漿, 正!#牛油香煎銀鱈魚勁香勁多魚油#日本華美雞皮 #汁燒大白鱔雞皮香脆, 大白鱔多汁無骨#火灸左口魚邊魚肉入口即溶#海膽壽司 蟹膏帶子壽司一個字, 鮮!#牡丹蝦 #吞拿魚腩 #日本生蠔 真蠔 蝦甜多膠質生蠔CREAMY水域唔同, 真蠔係會有浸鐵鏽味, 特別!#油甘魚腩油脂比例好, 拍得住日本魚市場質素!#醬油漬鮮帶子大大隻, 唔洗再點豉油!#唐揚炸雞啖啖肉, 香脆可口!一輪起勢咁叫同起勢咁食地道居酒屋, 緊係要咁食就夠爽快餐廳一直都熱熱鬧鬧咁我食飽啦~~~

網路上看到這裡的海膽丼飯，看似非常好味，便六點來到。這裡座位有四十個，似足日式居酒屋裝修。不過未到七點半已經滿座，好彩我早來。味道樂自家製生啤$68。生啤夠凍，味道帶點苦澀和酸味。油甘魚腩刺身$78(三片)。油甘魚味道濃郁，魚肉爽脆，脂肪甘香，很久沒有吃這麼好味的油甘魚，所以追加多一碟。😋😋😋😋😋火灸北海道帆立貝蟹膏卷$88。蟹膏的鹹香味蓋過帆立貝的鮮甜味道，整體尚算不差。牛肉壽喜燒$98。上枱時，牛肉是半生熟，侍應點著酒精爐，再煮幾分鐘，牛肉就剛剛好，而且牛肉味十足。加上鍋肉有洋蔥、冬菇、津白，就成了一道熱食。滿滿幸福海膽丼$258。加拿大海膽覆蓋了全個碗，下面還鋪滿吞拿魚蓉，另外還有三文魚子可以加在海膽上。海膽、吞拿魚蓉、三文魚子和飯一起放進口裡，感覺鮮甜無比，吃完真的感覺幸福滿滿。以這個價錢、質素，非常值得推薦👍👍👍👍👍💯芝麻雞翼三隻$58。雞翼皮炸得很脆，內裡保持肉汁，味道帶點，作為小食就非常適合。

同另一半經過河內道呢間味道樂，見到門口餐牌有聖誕限定《粉紅聖誕》主題菜式十分吸引，就決定喺度食晚飯。餐廳風格充滿日本風味，同事亦掛咗好多聖誕節嘅裝飾，又靚又有特色。粉紅聖誕系列入邊，好多都好吸引我哋揀咗：聖誕版原條炭火燒鰻魚飯 ($128) - 原條炭火燒鰻魚足足有筷子咁長，鰻魚十分肥美，配上滋味鰻魚汁、香口嘅蛋絲，十分滿足！芝士粉紅魚鬆燒播磨蠔 ($78) - 顏色十分漂亮，粉紅色嘅魚鬆實在吸睛，播磨蠔肉質肥美juicy，配上鹹香芝士，滋味得嚟帶甜嘅粉紅魚鬆，又靚又好食！粉紅白桃乳酸梳打 ($38) - 桃味濃郁，酸酸甜甜，有氣好飲！粉紅色嘅 fancy color 好浪漫!除咗粉紅聖誕系列，我哋仲點咗：香煎鵝肝雜菌石鍋飯 ($138) - 石鍋飯表面鋪滿新鮮大葱，下面係美味鵝肝，幼滑creamy嘅鵝肝表面煎得香脆鬆化，配上飯入面爽口嘅雜菌，齒頰留香。火炙北海道帆立貝蟹膏卷 ($88) - 味道濃郁嘅蟹膏配上鮮美帆立貝，有特色之餘，味道相得益彰！大葱特上吞拿魚腩卷 ($78) - 新鮮嘅大大蔥碎配上肥美嘅吞拿魚腩他他，帶出吞拿魚腩嘅鮮味。燒油甘魚鮫 ($128) - 魚皮燒得香口充滿

日本料理永遠是我的favourite,今日與友人來到一間很有特色的日本料理店。日本人很喜歡在放工後去到居酒屋放鬆一下，今天我也想嘗試一下日本人的生活方式㗎，私は日本人ですどうぞよろしく看見餐牌已經有很濃烈的聖誕氣氛了，每一款食物都很吸引，吃什麼好呢？還是周圍的環境之後看到枱面上所擺放的餐具，已經覺得好像去了日本了，多麼美麗的餐具啊啊啊！先來了兩款不同的燒蠔，一個是芝士，一個是煙肉，兩款的賣相也很吸睛，其實我想兩個也吃掉！再來一個燒魚翅，香味很濃再來一個刺身拼盤，每一款刺身也是厚切的， 十分感，吃了他們會肥10磅嗎，不過我也不理了，食咗再減吧居酒屋必點的芝麻雞翼，果然沒有令我失望， 十分香脆可口松露糖心蛋，第一次嘗試，おいしい最後，すき焼き作結，我明天可以再來嗎