影片
更多
2018-12-10
53 瀏覽
居酒屋真係一個減壓好地方，經過一天辛勞工作，坐足8個小時喺沉悶死寂嘅辦公室，放工後即刻同朋友去居酒屋大吃一餐大解放。居酒屋就喺K11附近，裝潢就真係喺日劇常見嘅居酒屋咁。 入到去已經差不多爆滿，人聲鼎沸，大聲啲講嘢都唔怕啦，正！【三文魚腩刺身$48】有海藻同花瓣伴碟，好似喺深海世界咁，好有海洋氣息。魚肉鮮美，油脂豐富。【清酒煮大蜆$78】超大隻蜆，好鮮爽，絕對係靚蜆。 配合酒味香蔥，清甜清香。清酒清湯幾好飲，飲晒佢唔好浪費。【煙肉荔枝卷$48】荔枝夠甜但好乾冇乜汁，煙肉味道剛好唔會太鹹。 鹹甜兩種味道相交又幾夾。【香箱蟹$198】香箱蟹即係雌性松葉蟹。 麻雀雖小，蟹膏蟹肉蟹子俱全，好多爽口脆卜卜嘅蟹籽，蟹膏多，蟹肉鮮甜。【野菜特濃魚湯烏冬$98】放喺枱離遠已經聞到香濃魚湯味，先飲啖湯，感覺係純天然冇落調味料。 烏冬軟滑中帶嚼勁。配料有豆卜、魚片、雜菇，好健康。【明太子雞肉串$58】雞肉上面一層Creamy明太子，雞肉有雞軟骨，幾爽口。【流心芝士魚餅$48】魚肉彈牙，芝士軟滑，甜甜地似竹輪魚蛋。【火炙北海道帆立貝蟹膏卷$88】大件夾抵食，蟹膏係賣飛佛，不過帆立貝火炙得稍為未夠火喉，冇咗啲
居酒屋就喺K11附近，裝潢就真係喺日劇常見嘅居酒屋咁。 入到去已經差不多爆滿，人聲鼎沸，大聲啲講嘢都唔怕啦，正！
【三文魚腩刺身$48】有海藻同花瓣伴碟，好似喺深海世界咁，好有海洋氣息。魚肉鮮美，油脂豐富。
【清酒煮大蜆$78】超大隻蜆，好鮮爽，絕對係靚蜆。 配合酒味香蔥，清甜清香。清酒清湯幾好飲，飲晒佢唔好浪費。
【煙肉荔枝卷$48】荔枝夠甜但好乾冇乜汁，煙肉味道剛好唔會太鹹。 鹹甜兩種味道相交又幾夾。
【香箱蟹$198】香箱蟹即係雌性松葉蟹。 麻雀雖小，蟹膏蟹肉蟹子俱全，好多爽口脆卜卜嘅蟹籽，蟹膏多，蟹肉鮮甜。
【野菜特濃魚湯烏冬$98】放喺枱離遠已經聞到香濃魚湯味，先飲啖湯，感覺係純天然冇落調味料。 烏冬軟滑中帶嚼勁。配料有豆卜、魚片、雜菇，好健康。
【明太子雞肉串$58】雞肉上面一層Creamy明太子，雞肉有雞軟骨，幾爽口。
【流心芝士魚餅$48】魚肉彈牙，芝士軟滑，甜甜地似竹輪魚蛋。
【火炙北海道帆立貝蟹膏卷$88】大件夾抵食，蟹膏係賣飛佛，不過帆立貝火炙得稍為未夠火喉，冇咗啲香口嘅焦味。
【明太子雞翼$48】雞翼熱辣辣，明太子嘅鹹香同微辣好惹味。
呢度食物質素高之餘價錢亦相當大眾化，最緊要係氣氛好，大吃大喝暫時忘卻煩惱，啱晒工作壓力大嘅香港人。
張貼
