味道樂居酒屋 (河內道) (已結業)

同閨蜜行完K11去咗食尖沙咀味道樂居酒屋。三文魚刺身、帆立貝刺身三文魚同立貝都好新鮮，三文魚切得算厚，夠晒口感。鵝肝石窩飯個石窩好夠熱，我食咗成20分鐘個石窩都仲飆緊煙，冬天食夠晒暖笠笠。鵝肝超大塊，表面仲預先煎香過，帶微微焦香。飯底都好香好夠味，又多金菇同香菇。日本牛肉烏冬牛肉好軟腍腍，牛味夠濃，件數都幾多。日式烏冬質地微微煙韌柔軟，好彈牙。帆立貝卷燒香的帆立貝配上蟹柳青瓜味道清新。日本特大珍寶真蠔成隻手掌咁大隻，肉質爽脆鮮甜。餐廳超貼心，幫食客預先起左蠔身，連帶子位都可以食埋芝士年糕同一般炸粉穌炸唔同，呢隻食落口感好似食緊日本麻糬，煙煙韌韌，好有口感。勁好食店員服務都唔錯，咁多客都成日幫我地加茶

有朋友推薦話呢間既鰻魚飯唔錯，所以呢日就揀左呢度做落腳點同其他朋友黎一聚😛👁‍🗨 聖誕版原條炭火燒鰻魚飯（7.5/10）💲128鰻魚係成條咁上，食落都幾厚肉，而且算係無咩骨，至於鰻魚汁就濃味香口，配埋珍珠米，三四個人分再加其他小食都仲得😳👁‍🗨 黑松露溏心蛋（7/10）💲讚好Facebook + 收藏Openrice免費送1客食落帶有微微嘅黑松露味，溏心蛋外層全熟，中心帶點蛋漿，但係如果更加澎拜會更好🙃👁‍🗨 七味唐揚炸雞（7.5/10）💲48個皮炸得脆身，食落亦唔會覺得油膩，肉質算係保持到嫩滑，以七味粉做調味夠曬香口😗👁‍🗨 脆炸軟殼蟹反卷（6/10）💲88炸皮居多，無咩軟殼蟹既味道，成舊有點淡而無味既感覺，想食反卷既話可以試其他料🤤👁‍🗨 流心芝士燒年糕（6.5/10）💲48/3件呢個係要趁熱食，所以一上檯都已經要即刻食無暇影相，可惜食落依然唔係好夠熱身😭好彩中間都仲係流心，帶有芝士既鹹香🧀但略嫌年糕口感唔夠煙韌🤔👁‍🗨 牛肉壽喜燒（7/10）💲98上檯時蛋同牛肉都仲係半生熟既狀態，特別一提係呢度唔似坊間牛肉壽喜燒咁用肥牛，啲牛肉都幾大塊，要記得趁早夾起曬，如果唔係會好似我地咁後尾

12月是滿載歡樂的時分，約班好友睇完戲一齊去了尖沙咀吃日本菜，有點似居酒屋，雖然餐廳面積不大，但裝潢幾有特色。刺身拼盤有三文魚、吞拿魚、帶子及甜蝦等，全部都好鮮甜而且賣相亦很好。雞翼外層香脆有淡淡的芝麻香，內裏雞肉軟熟而且不油膩。煙肉荔枝卷很正，荔枝肉的酸甜味將煙肉的油膩散去。原條成田醬炭火燒鰻魚飯，炭火燒的鰻魚香口而且很大條，醬汁亦都很夾。流心芝士年糕外面煙煙靭靭，咬下去流出芝士。新年飯又快到啦，搵次再同親朋好友去吃。

同朋友約咗好耐，終於有時間去尖沙咀行下街，不過行街之前先要食飽先有力既~依間日本野門口已經好吸引，好似日本啲居酒屋咁，入面環境佈置都好有心思我同朋友叫咗兩個set，分別都有沙律同日式蒸蛋。蒸蛋熱辣辣，又夠滑，仲好香蛋味我就嗌咗個北海道特上魚生飯，入面有甜蝦、海膽、三文魚等等，好豐富呀！佢個海膽非常鮮味，而魚生都新鮮！而朋友就叫咗個壽司定食配牛肉湯烏冬，八件唔同既壽司加碗烏冬抵食又飽肚，正！聽講依度有個鰻魚飯都好出名，下次再嚟試下先

同朋友聚會好喜歡去居酒屋，飲下酒食下串燒，係一個傾計好地方。富士蘋果蟹子沙律$68吃到兒時好喜愛的蘋果沙律味道，蘋果爽脆清甜，加上開胃沙律醬及大量蔬菜，食唔停口。三文魚腩刺身 $48/3件性價比好高的剌身，每件剌身都是超厚切，三片抵上人地六片既份量。剌身柔軟鮮甜，食到腩位既濃濃油香。大蔥特上吞拿魚腩卷 $78吞拿魚卷味道比較清淡，魚腩蓉特別滑同細嫩。原條成田醬炭火燒鰻魚飯 $128令人期待的原條鰻魚飯！睇落似一個巨大版既鰻魚壽司，鐘意食鰻魚既人就岩哂。鰻魚軟腍多汁，燒過既外皮帶點焦脆，燒汁味道恰到好處，而且上菜的木板是聖誕樹造型亦好加分呀。串燒雞骨腸 $38造型別致，啖啖肉，拎住骨食好有滿足感。芝士色治雞肉棒 $48有雞軟骨既脆脆雞肉棒，口感豐富。煙肉荔枝卷 $48咸香煙肉包上清甜荔枝，令味道充滿層次。黑蒜黑豚肉卷 $48黑蒜意外的比想像中酸，亦因為甘所以無甘溜，可以食到好多件。流心芝士燒年糕 $48芝士流心，外層煙韌。汁燒大白鱔 $68份量好足，白鱔燒過後好甘香。檸檬威士忌梳打 $58蜜糖味生啤 $65

「味道樂居酒屋」位於尖沙咀河內道，因其性價比高及品質不錯，所以蠻具人氣。一貫日式居酒屋的格局，以深木色系作主調，但座位空間較小。油甘魚腩 ($78/3切)、吞拿魚腩 ($188/2切)、赤貝 ($98/2隻): 油甘魚腩爽滑而富魚油香，味道鮮甜可口；而拖羅 (吞拿魚腩) 含更豐富的魚脂，魚油香更重，肉質非常幼滑，可謂一分錢一分貨；可是赤貝雖爽口，但味道較淡，不建議點選。鐵板蒜片香煎厚切牛舌 ($68): 牛舌共有五片，非常厚切，以大量脆香蒜片一起煎製，相當香口惹味。牛舌很有肉感，但牛味一般，勝在價錢夠實惠。汁燒大白鱔 ($68/2串): 白鱔肉質爽滑，皮脆肉嫩，配日式照燒汁更為香甜。牛油香煎銀鱈魚 ($168): 銀鱈魚以牛油香煎，除了本身的魚脂及魚油香，亦滲透陣陣牛油香味，魚皮尤其香口惹味，而且魚肉非常幼滑。

在日本最出名嘅食店除咗壽司店外，應該是居酒屋吧！在香港的話，平日放工後，三五知己約埋去居酒屋放鬆心情，舒緩一日嘅辛勞。也是一件樂事，呢間【味道樂居酒屋】亦是我心頭好之一，它的地理位置也十分方便啊，尖東地鐵站一上便是了。呢度環境充滿日式風情...店主特意將日本居酒屋文化帶嚟香港...所以會見到好多木製特色牆有懷舊既日式海報，玩具，擺滿日本唔同類型嘅酒同埋日本海報等裝飾。而環境像傳統居酒屋，好舒服會令你感到一個減壓同埋放鬆心情嘅地方。坐下來後看看餐牌，有不同的套餐及散叫，漬物、燒物、刺身、飯麵應有盡有...各有特色。但此刻朋友跟我說...「放心，由我發辦，食物一定啱你口味」既然友人講到咁實牙實齒，加上難得一敘，決定人晚交給她點菜吧。就黎聖誕節有埋限定的聖誕餐牌喔！吃主菜前還是再品嚐多點小吃，才有居酒屋的味道黑蒜黑豚肉卷 $48比較外面一些卷物，我較喜愛這款黑蒜黑豚肉卷。我心裡有質疑這會不會是簡單一味香蒜豬肉，但老闆神筆一揮改了一個畫龍點精的名稱。黑蒜香味撲鼻，豚肉肥瘦均勻，入口多汁，沒有半點肥膩感。汁燒大白鱔 $68白鱔淋滿燒汁，魚肉富鮮味，沒有鱔類可能會出現的泥味，比吃普通的鰻魚更有口感

上次試過LUNCH 後, 今次黎試下DINNER~我地冇訂台, 行到黎先知好多人訂左台. 好在重有位咋~帶個FD WALKIN 即興黎試~好想食赤貝. $98 2只. 呢個好似細只左D, 我EXPECT 呢個價錢會大只D~唔夠厚身~灸燒左口魚邊壽司. $48 2件.呢個好味, 灸燒完D 魚油出哂黎, 勁香~入口即溶.芝麻雞翼. $58 3只.. 隔離台上左個串燒雞翼先後悔叫呢個.我地冇冇到串燒個頁..LIKE FB 同OPENRICE 可得黑松露醣心蛋, 位上..朋友冇OR ACC 就冇得食...SO SAD!我既主菜. 滿滿幸福海膽丼. $258.呢個係貪心人必選, 因為佢有齊海膽, 魚子, 吞拿魚蓉3款野..好吸引!! 不過...個日D 海膽麻麻地..><我成日驚叫全海膽既野就係驚中招. 但呢個都有其他野配搭.朋友叫既炭燒鰻魚飯,$128朋友話咸左D. 同埋好大份, 食到尾已頂唔順, 食唔哂呀!我覺得呢度LUNCH 抵食D~ 同埋送醣心蛋呢個方法, 好多餐廳都只係LIKE FB 就夠.佢要BOOKMARK 埋OPENRICE.我朋友冇OR ACC 就冇得送..咁樣又

日本菜是朋友心頭好，今日放假約左個大學同學行街食飯。假日食飯價錢都比較貴，我地見到K11出口有間日式餐廳，招牌夠哂吸睛，紅當當充滿日系感覺，而且仲有lunch set供應，價錢好抵食！我地一人叫左一個set可以share食試下！朋友叫左香煎厚切牛舌溏心蛋飯，我就叫左原條炭火燒鰻魚飯！店員先送上沙律、前菜、麵豉湯。沙律爽甜清新，日式蒸蛋好滑溜，夠哂滿足！麵豉湯好濃郁，味道唔會好淡好稀。主菜到啦！牛舌片片燒得香口，加上黑椒調味，入口好滋味！燒得焦香而且又夠厚肉，口感夠豐富！溏心蛋最驚喜，溏心度高充滿蛋香，醬油味十足，蛋白位置好滑滑！原條炭火燒鰻魚上枱，好霸氣！大大一條鰻魚厚肉肥美，有炭火香入口咸香突出，魚味重無咩幼骨，醬汁香甜，加上蛋絲增加色彩！朋友超級滿意，我地下次放假可以再黎試下啦！

朋友生日想食日本野，見openrice介绍很多人讚，於是選了這間試。一行八人点了一個刺身，新鮮而且厚切，魚油十足。燒牛舌肉質鬆軟，雞軟骨非常脆口，燒池魚都是第一次試，炸得外脆內嫩，味道也不錯，配上一杯冰鎮梅酒超正，枝豆都幾好食。吞拿魚卷上加葱也第一次吃，頗有特色賣相不錯1

見到好多人都食呢個鰻魚飯 真係幾抵食👏🏻 鰻魚大大條 好厚身 香氣十足!!不過醬汁偏濃 單獨食鰻魚就會有啲咸，配飯就岩岩好👌🏻！吞拿魚刺身，厚切冇咩根，海膽壽司鮮甜😝，火灸左口魚邊壽司入口即溶😋！ #北海道帆立貝蟹膏卷 好豐富，又有軟綿既帆立貝，又有鮮甜嘅蟹膏😍 . 串燒我地叫左#汁燒大白鱔 同 #黑蒜黑豚肉卷 ～～ 燒白鱔好好食🤩，魚皮脆脆地，魚肉彈牙🤤，豚肉卷既邊位有少少脆，黑蒜醬幾好食☺️ . 芝士年糕好正，口感好好，芝士亦都有好多，#芝麻雞翼金黃香脆，肉質很嫩！ 😊#煙肉櫻花蝦煎廣島蠔 ，呢個有少少貴🙊，得4隻蠔，不過蠔肉沾滿了要櫻花蝦同煙肉既咸香，都幾好食😗 . 流心芝士燒年糕 $48黑蒜黑豚肉卷 $48汁燒大白鱔 $68原條成田醬炭火燒鰻魚飯 $128煙肉櫻花蝦煎廣島蠔 $88芝麻雞翼 $58吞拿魚刺身 $78火炙左口魚邊壽司 $48海膽壽司 $38火炙北海道帆立貝蟹膏卷 $88 . 味道樂居酒屋地址：尖沙咀河內道2號地舖

上星期同朋友去尖沙咀食飯，去左間日式居酒屋—［味道樂]🍣🍣🍶 門面設計已經充滿日式感覺🎏🏮🏮室內環境不算大，但整潔乾淨。餐具擺設精緻可愛餐廳內仲有不少日籍客人，好似真係置身日本咁食物款式選擇甚多，除左刺身壽司，仲有不少特色燒物、丼飯等等，連聖誕餐牌都已經推出了海膽軍艦壽司 $38@ 估唔到海膽份量多到咁，色澤新鮮，入口鮮甜 完全沒有苦澀味，真係會忍唔住再叫幾客必點！三文魚腩 $48友人最愛三文魚，叫左腩位刺身，肥美鮮甜！味噌蟹甲羅燒配蒜多士 $118店員送上時已經香氣撲鼻，蟹膏份量足夠，燒熱左拌勻再夾多士食，一流！足夠將多士搽到滿滿煙肉櫻花蝦燒日本廣島蠔 $100/3pcs 我地mix左另一款雙色芝士蠔，每隻蠔上面都鋪滿餡料，好豐富，定價都合理。蠔肉燒過後比較細隻，但味道不減，櫻花蝦個款仲好入味添適合喜歡濃味熟食既朋友～芝士味就較為普通。海膽醬燒原隻龍蝦丼 $288最後壓軸登場就係龍蝦丼我地都等左一段時間，建議可以早點落單。師傅好好細心已將龍蝦起肉，方便食用肉質爽口彈牙，的確好新鮮兩個人分就剛剛好夠食

最近發現尖沙咀一間居酒屋非常扺食，大多數每碟食物，包括卷物、壽司、小食等均$100有找，而且味道頗不錯，可謂CP值高！這間居酒屋位處河內道，近K11，位置不算難找。內裡的裝潢以木色為格調，配上多款舊式玩具，其中不乏Kaman Rider的面具作點綴。打開餐牌，發現大部分食物均$100有找，如卷物、壽司、小食等價錢實惠，可點多幾款吃。火炙北海道帆立貝蟹膏卷/$88，每件卷物均鋪上帆立貝，而帆立貝新鮮，配上蟹膏，令整件味道更突出，不錯不錯！至於七點刺身/$428，內有三文魚、甜蝦、帆立貝、油甘魚、中吞拿魚腩、金目鯛及深海池魚。其中小妹覺得口感以中吞拿魚腩為最佳，其色澤粉嫩，紋理細緻清晰，食落充滿魚油脂肪，肥美可口。七味魚翅/$68，乃是取自魚鰭中的軟骨，口感硬身，食落帶點脆口，用來送酒最不錯！明太子雞翼/$48，雞翼嫩口，外層燒得不俗，釀入明太子後，濃濃的明太子，令整隻雞翼帶微鹹，更可口。這裡的Sake選擇不算太多，最終選了較易入口的瀧澤特釀/$358 (720ml)。特別推介這支酒，雖這支酒是本釀造，但精米達59%，賣點是以長野縣內礦物成分非常少的超軟水 －「黑耀水」釀出，酸度不高，口感

今日同朋友去左尖沙咀食飯，見到大大個招牌「味道樂」，門口好搶眼架！朋友想食日本菜，我地就去試下啦！假日中午都有lunch set，我地一人叫左一個開心share。每個餐都有沙律、日式蒸蛋和麵豉湯，沙律菜爽甜好新鮮，好鐘意蒸蛋夠哂滑溜，入口好清甜！唔會水汪汪！麵豉湯咸香濃郁，朋友期待午餐主菜啦！我地叫左原條炭火燒鰻魚飯，賣相好吸引呀！大大條鰻魚好霸氣，鰻魚軟腍厚肉，入口無幼骨好滋味，魚香濃郁，外層用炭火燒香有陣陣焦香味道，醬汁夠多，好惹味！另一個主菜是香煎厚切牛舌溏心蛋飯，牛舌厚肉好爽口，燒香好爽口，無筋最好啦！蛋絲+溏心蛋，溏心度高而且有醬油香，味道好豐富！朋友好欣賞啊！下次再黎試下魚生飯先！

去完日本好掛住日本料理....好想好想食海膽丫, 仲有好多日本野都想食!!忍唔住一返到黎香港都即刻揀返間日本野去食!一於去尖咀食好西!!揀左間叫味道樂既日本料理, 餐廳唔算好大, 但都可以容納多人聚餐架。內裏設計不論佈置, 餐桌擺設等都充滿日式風格⛩個人好鍾意日式碗筷, 科科又到聖誕...又到聖誕........黎到味道樂好感受到聖誕將至, 因為佢既餐牌已經有聖誕限定版喇!!🌲好多魚生同刺身選擇, 見到都興奮!!!除左生既食物, 當然都有好多熟既食物啦!漬物, 小食, 燒物, 一品料理, 飯麵, 飲品甜品都有齊晒!巨峰乳酸梳打🍇 $38好濃既巨峰味丫, 甜度剛剛好, 又夠氣粉紅甜蝦海膽盛丼 $268好期待既刺身黎喇!!係海膽丫!!!仲有3文魚籽同甜蝦!! 好豐富呢!!加埋聖誕既裝璜, 未食已經超吸引!刺身好新鮮, 海膽鮮甜, 而且仲係好多舊!甜蝦滿滿一碗, 加埋三文魚籽, 好滿足喔!!!!!原隻龍蝦丼 $288好澎湃既龍蝦丼!!!大大隻龍蝦, 拆晒肉, 好多好多舊呢....仲有幾粒帶子同三文魚籽!龍蝦肉好新鮮, 而且爽口彈牙, 簡直冇得頂丫!帶子大大粒, 有4粒咁多!!媽呀......