同人鍋 (已結業)

同人鍋天氣好像開始轉秋，涼意到來，實在太好了！對我來說，天氣轉涼實在是一個大好先兆，因為火鍋的季節又到來了！這晚，天氣也是涼涼的，所以我便相約友人到尖沙咀吃火鍋，因為聽聞這裏的火鍋非常抵食，只需要200多元，就可以任吃雞煲、新鮮海鮮、火鍋放題及任飲飲料。先食雞煲原來這裏的雞煲是可以任食的，當你吃完一個雞煲，向店員示意要多一煲，他們就會再給客人一個新的雞煲，實在非常豪氣，我看見有客人一共吃了四個雞煲！再說說雞煲的味道，這裏的雞煲所用的雞非常重雞味，而且肉質嫩滑，不會像其他雞煲店，通常都只會給碎碎濕濕的雞件，這裏給的是完完整整的一隻雞。另外，雞煲的醬汁也非常惹味，濃香撲鼻，實在不錯！吃過雞煲後，店員便拿走雞煲，再把季節限定的鮮茄龍蝦湯底上枱，每季不同。我和朋友看到這個湯底，實在非常驚訝，想不到餐廳會把原隻龍蝦放在湯底裏，再品嘗一下湯底的味道，味道非常鮮甜，而且有陣陣龍蝦香味，確是不錯！之後，店員便開始把火鍋配料逐樣上枱，原來這裏與其他放題店有點不同，餐廳是會把所有火鍋配料按人頭率先上枱，然後如果客人想添加任何火鍋配料，都可以向店員示意，這裏是沒有放題紙的，因為餐廳每天供應的火鍋配料都不同，

近排早晚天氣開始有點涼意，很想吃些惹味鍋物，記得早前同老公去北角和富道一間川菜館吃晚飯時，嘗了個味道香辣嘅老重慶奇味雞煲，本來很想再去重溫。不過近日從網站發現，原來山林道一間叫《同人鍋》的食店，都有雞煲供應，而且除了雞煲外，更以海鮮火鍋作招徠，加上用一個價錢，就可以任飲任食，睇落相當吸引，所以趁這晚兒子要返學，不回家吃飯，就兩口子來試試看。店子位於山林道廣利樓一樓，到埗後，先沿著梯級往上一層走。餐廳裝潢看起來雖然有點似工廠區飯堂，而且陳設簡單，以木檯膠椅為主，不過環境乾淨企理，而且地方幾闊落，加上我倆到訪當晚，由於時間尚早，食客不多，店裡沒一般火鍋店的吵鬧，所以感覺挺舒服。先介紹一吓這裡的雞煲海鮮火鍋收費，逢星期一至四，成人 $268、小童 $218，而且無限時任飲任食，當然要另收加一服務費。至於星期五六日、公眾假期及前夕，成人就 $278、小童 $228，限時 2.5 小時，另 +10% service charge。入座後，店員先簡介食法，然後為我們安排雞煲。由於我倆都不太吃得辣，所以選了「小辣」。雞煲上檯後，服務員建議要先待其滾一會才揭蓋，這樣才有足夠熱力鎖住雞汁。打開蓋後，見熱

今晚約左舊朋友們即興食飯，去到山林道搵野食。就比呢個banner吸引左，二百幾蚊有雞煲，仲有高級海鮮任食。甘岩時間尚早，仲唔駛等位，即刻衝上去。樓梯位乾淨企理，上到去見到裝修紅色為主，感覺幾清新幾有活力。佢地呢度既食法幾得意，並無紙仔比食客畫，而係店員按食客進度提供食物。首先，佢地會捧上一煲雞煲，我地四個人約有半隻雞。雞煲好香，睇落每一件雞都沾滿醬汁，好juicy。雞肉切到細細件，無碎骨，可以加分。入口雞肉好滑，有鮮味，而且醬汁味道夠濃，微辣，十分惹味。頭盤既雞煲已經令到我地停唔到口，encore左三次！當雞煲食夠喉後，就可以召喚龍蝦湯底打邊爐喇。火鍋湯底係季節限定，今個月係做鮮茄龍蝦鍋底。呢個湯底好夠睇頭，蕃茄湯無味精，可以直接飲，而開邊龍蝦亦好大隻，多肉多膏夠鮮味。0係我地岩岩好品嘗完湯底之際。店員就會送上各式火鍋生料拼盤。大概係一份丸類、一份餃子、一份牛肉、一份蔬菜同一份海鮮。當中當然係海鮮拼盤最有睇頭，新鮮海鮮大概有6-8款，每日款式不同，我地當日就有象拔蚌、扇貝、鮑魚等等。我地最鍾意就係象拔蚌同鮑魚，新鮮既肉質夠哂彈性，有咬口。味道方便，鮮甜有海水味，唔需要點醬料已經好滿足，

為答謝XO師兄幫忙搵到份新工，小師妹週四晚就請客食晚飯，去尖沙咀新開o既「同人鍋」度食佢認為超抵食o既雞煲火鍋大餐。門外廣告牌所示，任飲任食o既「無限時雞煲海鮮鍋套餐」每位$268，另收加一服務費，兩位或以上即送原隻龍蝦湯底。行上樓梯，二人即由一位聾啞服務生接待，小師妹話覺得老闆好有人情味，所以幫襯完一次又一次。店子室內裝修比較簡單，每張枱都內置咗個電子爐，爐上有盞玻璃面o既抽油煙機燈。埋位先點選飲品，啤酒則要額外加錢，都好合理。話咁快就有雞煲食，邊食邊滾，所以好夠熱。雞煲最少有成半隻雞，配料o既洋蔥、蔬菜、芋絲等都入哂味，食完都已經多過半飽。接住上o既海鮮鍋真係有原隻龍蝦湯底，絕無欺言。大大隻龍蝦唔算得上係高質，不過咁o既價錢絕對冇得投訴。海鮮拼盤內有多達八款海產，包括鮑魚仔、蟶子、蠔、蝦、蜆等，十分豐富。除咗限量供應o既其中三款之外，其他全部可以無限添加，個人覺得蟶子同蜆最為鮮美。食完整盤海鮮後，兩口子就應哥哥溫馨提示飲番碗靚湯，果真鮮甜無比，暖胃非常。其他配料中以鬆脆o既炸響鈴、軟腍o既生根、爽口o既生菜同粟米、魚皮餃、及韭菜餃最美味。紋理分明o既牛肉都唔錯，夠薄身，又唔韌。最後

今晚是我們朋友聚會的日子, 地點選的是尖沙咀區「同人煱」, 最喜歡在尖沙咀吃飯, 在等友人放工的時間, 可以逛的地方很多, 亦有很多小店, 很多小東西很好買。朋友選了火鍋，先來一個雞煲, 品嚐完雞煲後，就是鮮茄龍蝦湯底。雞煲火鍋配撘十分完美，又可食雞煲，又可以火鍋，一次滿足兩個願望, 在這秋高氣爽的日子吃雞煲更是適合。店內裝潢時尚，現在吃雞煲可以這麼年輕和型格, 又色彩豐富, 店舖的裝修花了不少心思呢。店內冷氣很足, 所以吃辣雞和火鍋也沒有問題呢, 加一杯飲品, 吃完了清涼解渴, 水熱不會聚在身體, 走出街也沒特別熱呢。主角出場～是我們的辣雞煲，連骨的一種。店員為我們端上雞煲，這是熱騰騰。我們未吃經已聞到很爆香的辣椒和䓤香味，身旁的朋友說「一定很惹味」，我乾脆回應「如果好吃，吃兩煲也行！」哈哈～ 雞件煮至剛好熟，店員提醒我們要盡快吃完雞件，否則雞件會煮得太老就變得不好吃。其實雞件很嫩滑，味道是濃，邊吃邊滲出花椒香料味，很好吃。雞煲裡的蔥段也是精萃，吸盡雞汁，加上蔥香，絕對不能錯過！之後就是鮮茄龍蝦鍋，嘩....大家十分期待。這龍蝦原隻開邊作湯底，這龍蝦最得我心，蝦肉厚又爽甜，呈雪白色的

點解通常工作辛苦之後都好想食雞煲🍻我真係有雞煲癮🍲人類已經進化到春夏秋冬都會食火鍋尤其是我身邊有一個火鍋控鍾意打邊爐嘅程度真係想像唔到最近連雞煲都愛上了上禮拜大家都要加班一放工即約去食雞煲plus打邊爐佢搵咗間正野帶我去之前聽佢講過同人燒而家就帶我去同人鍋好抵食同埋質素幾高一個價錢 $268基本上冇限時間交枱地方裝修乾淨整齊簡約風格一坐低無幾耐店長就幫我地安排食物火鍋料唔夠可以無限再叫首先食咗雞煲有得比我地揀小辣香噴噴個汁好惹味仲要有我最愛嘅薯粉索晒啲汁而且雞件件都好嫩滑而且雞件肥瘦適中我估計兩個人都起碼比半隻雞我哋如果鍾意食雞煲仲可以 refill 之後再黎個季節限定的鍋底打邊爐每季推出唔同既出品今期正到不得了做鮮蕃茄龍蝦做鍋底大大隻龍蝦真材實料龍蝦肉夠晒鮮甜又爽又彈啊好好彩一坐低就有新鮮炸出來響鈴每人一件想再叫已經要等半小時後先新鮮出爐加上各款新鮮海鮮日日海鮮款式都不同經理話嗰日街市乜嘢靚就比乜嘢人客食大致上每款火鍋料都可以重覆無限再叫每日只有兩三款海鮮限定我今日就好好彩有鮑魚食又有扇貝食海鮮新鮮之餘大部份都肥大肉厚口感彈牙有嚼勁我哋其實唔大食所以只叫了 round其他火鍋食材都唔

海鮮火鍋放題，任叫任食周街都係，但係好少真材實料，比埋d次貨，食左仲一肚氣今次聽朋友講山林道開左間火鍋放題，真材實料，用料新鮮，就即管去試下食！首先，食左個雞煲先，雞算幾大件，啖啖肉，雞汁夠濃海鮮拼盤真心足料，帶子仲好細心幫你清哂所帶內臟，帶子肉質結實，新鮮！鮑魚滾兩滾就食得，海鮮甜出到黎大蝦 好爽口，唔需要沾上任何醬汁都夠味魷魚，廚房將鮮魚切到一碌碌，方便食同埋製造口感除此之外，係度皇牌必叫即炸響鈴，由於即炸關係製作時間會較長，放係鍋中一秒即拿出，咬落去仲好卜卜脆，好滋味

雞煲店愈開愈多 近期係山林道有間新野 主打雞煲之餘 仲有唔同既鍋底打邊爐雞煲其實都幾大煲 d雞好滑普遍雞煲湯底都比較油膩 呢間唔錯喎唔係好油 仲辣辣地 好入味再黎個指定的鍋底打邊爐, 原來每季唔同, 今期做鮮茄龍蝦鍋底配一盤新鮮海鮮, 每日海鮮款式不同今日有蝦 象拔蚌 鮑魚 帶子 食海鮮前先試左個湯底先 湯底本身都好好飲再加海鮮入去煮 隻隻都唔錯 好鮮甜火鍋料都係set 定既 一黎到咩都有其實我地覺得有d浪費 畢竟唔係樣樣都有人鍾意食 但係好處係唔使逐樣叫🤔🤔火鍋料都唔馬虎啵 大部分都好好味特別要讚一讚好足料皮薄既韮菜餃同即炸既埋響玲當晚美中不足既係 新開張 人手不太足夠個邊爐湯底同埋d野飲都上得比較慢但overall 食物唔錯 268食哂雞煲同埋邊爐！Ps 因為主打湯底 呢間冇豉配料油俾架 想食要加錢🙈🙈

初秋，天氣開始涼爽，吃貨的人士自然離唔開一爐一煲，滾下滾下一邊聊天，一邊吃貨。市面上，亦出現了以唔同湯底來招徠客人。在佐敦，就開了一間韓式燒烤，打邊爐的食市，任君選擇。上到餐廳，看上去，好些韓式風味，地方都幾大，客人都幾多。裝修簡潔，餐桌擺設整齊寬闊，招呼周到。座位坐得舒適。打邊爐前，必食雞煲，雞煲用料豐富，雞肉入味爽滑彈口，大大件，份量都唔少，水晶粉放底，同樣吸收了雞肉、醬料味，入口滑溜，香菜增添了食慾大增，一煲唔夠食，可以再來一煲，任食！切記，食完雞煲後，先可上邊爐湯底，後就不可再添食雞煲。番茄龍蝦湯底，分為淡、濃湯底，純食原汁原味，唔會有任何的調味配料，如需要，則要另加費用，只提供豉油。湯底都好鮮甜，龍蝦肉質爽口鮮味。先來一盤海鮮拼盤，每天都有十多款海鮮提供，分量因應人數而定，有三款的海鮮指定不可添食，（餐廳決定），其它的海鮮可以任食。牛肉比較薄，鮮美肉嫩，沒so味，都是一次提供，不設添加，再要，另加費用。火鍋配料，款多，任叫任食，魚皮餃、韮菜餃子，餡料十足彈牙，汁多，口感豐富。響鈴，值得一提，非常正，是即場新鮮製作，要食需要等等，出場時，脆口湯嘴，稍放下湯底一下，即食，兩種口感

周日在山林道覓食，路過從前是奇香雞煲的店，現在已經是同人燒及同人鍋，形式變為放題，平日$268/位，假日貴$10只是$278，先吃雞煲，然後轉為原只龍蝦湯㡳繼續火鍋，看來吸引。店舖間格佈置沒有大改變，只是客人除了火鍋外，多了燒物的選擇。除了啤酒，飲料無限追加，我們選了石榴汁及自製雪梨水，後者清甜，清熱解毒正好。雞煲（小辣）紅外線發熱，雞煲水準不錯。蓋子一打開，醬油雞香撲鼻；醬汁濃郁，辣度合心意，能見紅辣椒處處；吃一口雞，肉質嫩滑，醬油入味，透出宜口的辛辣香，滋味無窮；洋蔥方才是精華所在，我們小片亦不放過。雞煲美味指數：4/5原只龍蝦湯底鍋番茄蘿蔔湯頭，原只一分為二的龍蝦可見。龍蝦肉厚膏豐富，可惜煲煮並非最佳品嚐方法，久煮了，蝦身肉質略為嚡了，但蝦爪的已嚡而無味！是日海鮮拼盤有8款，扇貝、鮑魚、貴妃蚌、白蜆、生蠔肉、青口、蝦及蟶子，有可追加亦有限量的，全部新鮮，但非上乘貨，放題任吃，可以理解，而且我們並不熟識烹調之時間，多半過火了，尤其貴妃蚌及鮑魚過韌！火鍋材料自動送上，自家製餃子不俗，皮薄肉厚，韮菜餃的韮菜特色香。另一值得提及的是炸嚮鈴，新鮮即炸，灼三秒，最佳效果，吸滿湯汁後依然略脆。

睇網上宣傳話有任食海鮮火鍋，見到話二人或以上送小龍蝦一份，仲有鮑魚、海蝦、蟶子、墨魚等等任食，二話不說就約左個愛吃海鮮嘅朋友一齊試新野，點知伏伏地。。首先，侍應先端上雞煲俾你食，雞煲味道做得唔錯，仲有索哂味嘅薯粉，開頭印象唔錯，仲覺得間野係咪做緊蝕本生意，晚市一至四係$268+ 1。完左之後，侍應端上蕃茄湯底，上面連一隻小龍蝦，直接佢奇奇怪怪咁端上一碟丸類同餃子，之後海鮮盤。我就覺唔妥，既然係任食，點解唔係客自己任叫咩就咩，而係類似套餐咁上碟。海鮮盤嘅食物，每人只得一份，鮑魚未處理好便盛上，蜆仔好細粒，煮完得番一丁點，薄薄嘅鯇魚片唔多新鮮，偽廣島蠔細粒到似大姆指，食落仲要有沙，唔知係味湯底問題，隻小龍蝦夠多肉但好咸，較為接受到係魷魚，蟶子同急凍蝦。食完想翻兜，鮑魚？無得叫。蟶子？無得叫。仲有餐單上寫嘅貴紀蚌同象拔蚌，無蹤無影。其實係confirm booking 電話中，我有問過侍應海鮮係咪可以任叫，對方用了語言偽藝，話侍應起菜時會講番當晚有咩海鮮可以任叫，每日都唔同。我明白海鮮任食可能成本好高，但其實你就開宗明義，係confirm booking 個通電話度，或者facebook公布

難食到不得了，又話係高檔海鮮，完全食唔到鮮味😪個場都只係坐等一半人，但人手又唔夠，叫野食成二十分鐘先有😤仲要三吹四請先到😡食到二小時後，問佢係咪應該有牛肉，佢先話冇比你咩😡人都癲，仲講到有幾正😒都唔知係咪比左錢買廣告既，廣告中既相片d 海鮮幾大件幾新鮮，而我地叫d 就聖子同手指尾差不多，又不是大蜆，完全相差好遠。中晒伏😱超失敗😣，唔合格😖，好難食😩

山林道真的是一個美食天堂, 走進街上隨意可找到一間不錯的餐廳。今晚跟朋友發現多了一間新鋪做 “無限時”雞煲海鮮火鍋, 每人$268 , 而且2 位以上還送原隻龍蝦! 新餐廳食火鍋就有這個好處, 環境乾淨舒服不擠人, 而且設備都很新, 我最欣賞的就是餐廳的抽氣系統好好, 食完身上都沒有很大的味道, 而且那個抽氣的罩是透明玻璃呢, 可以跟朋友傾計食飯無阻擋! 餐廳先來了一盤雞煲用了鐵煲去炒一炒, 真的很香, 雞肉本身不會很多肥膏, 而肉質很嫩, 用上了很多洋蔥, 香草, 紅椒….把雞醃得很入味, 而且不夠還可以無限添加! 而我最欣賞的是餐廳不會用上同一個雞煲來打邊爐, 他們用上了原隻的波士頓龍蝦及鮮蕃茄做湯底, 可以先食了這隻大大的龍蝦, 再用這個湯底食海鮮火鍋! 而這個海鮮拚盤有夠誇張了, 很大盤而且擺放得很有氣派! 有蟶子皇, 鮑魚, 廣島豪, 海蝦, 花甲, 魷魚, 紐西蘭青口, 韓國象拔蚌! 看得出餐廳把海鮮都洗得幾乾淨 , 放在龍蝦蕃茄湯底的鍋中煮熟很鮮甜! 食得出全部海鮮的新鮮, 後來經理有時間, 走來跟我們介紹才知他們是每天早上在魚市場新鮮入貨, 要讚! 另外還有安格斯肥牛,

無限時雞煲聽落好吸引，原來伏伏地…1. 上一個雞煲要15分鐘，8個人只比一個雞煲我哋(佢話張枱放唔到)！2. 有房坐以為好開心，原來係無人理，叫親野都要行出去先行！3. 叫野飲要找人落單都算，全部開晒口先比人連我另加錢的啤酒都係！4. 雞煲加打邊爐只提供鼓油其他都要加錢！5. 海鮮尚可，但8人只比左一集龍蝦，花甲滾極唔開口無食放一邊比職員話，6. 安格斯牛只提供一次無問題，但連普通肥牛都無，其他可以無限加的就只有丸丸丸同丸總括黎講，2人去尚可，多人唔建議

之前試過同人燒的燒烤，感覺不錯。最近得知推出了無限時雞煲海鮮火鍋，平日位位（$268）五、六、日、假日（$278），一個價錢任飲任食，食完仲可以換左個鍋打邊爐，2位或以上即送原隻龍蝦湯底。 先食雞煲，香惹美味，雞肉嫩滑，肉質入味，可選小、中或大辣，食完再encore 都得架，我們一口氣吃了兩鍋！ 食完之後上埋個原隻龍蝦蕃茄湯底，有成隻龍蝦係個鍋度，湯底鮮甜，蕃茄味道香濃 配埋十多款火鍋配料如丸類、精選火鍋配料、安格斯肥牛、田園蔬菜、腸仔、午餐肉、菇、餃子、生根、即炸響鈴等，當中最出色的是即炸響鈴和韮菜餃。 另外，再加一盤重份量嘅海鮮拼盤，拼盤海鮮每天供應7-10款，日日唔同。 海鮮拼盤（每天供應7-10款） 扇貝、蟶子、鮑魚、廣島蠔、白蜆、魷魚、海蝦、青口、八爪魚、鯇魚、白鱔、象拔蚌仔、刀貝蜆、鑽石蜆、貴妃蚌、珊瑚蚌 一個價錢任飲任食絕對超值！週日食過左2.5小時如果無人等位都可以繼續坐，服務周到。