同人鍋 (已結業)

天氣漸涼係食火鍋時候了。等囡囡放工後一家人去了屋企附近新開的火鍋店，$288任食，有雞㷛有海鮮，似乎ok喎。飲品自取，有汽水，果汁，茶和雪梨水。  啤酒則要另加收費。雞㷛上枱己聞到香味，番滾後，香味更濃。雞肉好滑溜，亞囡食到停不了口。火鍋配料陸陸續續上枱了，龍蝦蕃茄薯仔湯底夠高檔。湯底清甜好味。生菜，白菜仔好翠緑。響鈴嗦嗦聲，新鮮。多種爆丸，食時真的要小心燙咀。冬菇肉厚，粟米清甜。牛肉切得比較厚身，食落唔係太軟熟，還有點臊味。附送的海鮮盤有蟹，青口，魚片，蠔，鮑魚....，整體新鮮度ok㗎。有海鮮，有雞㷛，配菜任食，好抵食！可再回來幫襯，反正屋企附近。

秋風送爽最好約埋班姊妹食打邊爐。人多梗係食放題着數好多，小寶提議佐敦開咗一間新嘅放題火鍋，柴娃娃一齊去，今晚一於食個痛快!先食雞煲後食火鍋，一次過有兩種食法。坊間好多雞煲食完之後加水做火鍋湯底，但呢度係龍蝦湯底做火鍋，夠晒高貴。雞煲上場了，陣陣香氣撲鼻，有乾蔥和芫茜的香。雞肉非常嫩滑又入味，好味👍龍蝦湯底又到啦！煲滾之後嚐了一口，鮮甜，有海鮮的鮮，還有蔬菜的甜。海鮮盤有蝦，鮑魚，蟶子，蜆，青口，蠔和蟹。鮑魚上抬還在蠕動，非常新鮮，肉質柔軟嫰滑。蝦隻鮮甜爽口。蟶子嚼落太多砂，失色了。蟹肉雖然不多，但勝在夠鮮。其他火鍋配料係任叫任食，有響鈴，生根，各式丸類，蔬菜，餃子類.....選擇算多。水準亦不錯，超值！牛肉有兩款，安格斯牛和本地牛，我比較喜歡安格斯牛，因肉質軟熟和牛味濃一點。至於飲品有自家製嘅雪梨水和各式汽水果汁。傾吓講吓，不知不覺今晚嘅食量比起平時多一陪，自己都嚇親了。

一行三人幫我老死慶祝生日，老死係海鮮迷，見喱間野寫到海鮮放題咁就去試下。坐低無耐就上雞煲，叫左小辣。辣味完全欠奉。食完雞煲就話換個海鮮鍋，一等就等左45分鐘先黎個未煲過嘅龍蝦湯底，點解要等45分鐘？真係會諗爆頭都唔會諗到！好喇，個湯滾喇， D 海鮮都又未黎，又等！基本上食完個雞煲消化埋又肚餓返都未食到第二樣野落肚！之後海鮮到另外，再到一大盆丸類，原來係一定要食喱盆丸的，勁多丸，見到都知道食完喱盆丸都應該已經7成飽。海鮮類除左蟶子王係好味之外，其他樣樣都勁普通。服務勁差，永無主動。鍋底好淺，成日要加湯，但服務員數目少，俾你叫到佢又要等好耐先加到，辣椒粒又要另外加錢。完完全全唔抵食，無論服務，食物質素，環境都唔應該收喱個價！永遠唔會再幫襯！

天氣涼涼地。烚烚下就最好不過。俾張poster 吸引咗。黎咗「同人鍋」。任食🐔煲+海鮮烚烚下雞煲d🐔好入味好滑。啖啖肉啱曬我。仲有索曬d汁嘅薯粉好滿足。飲品任飲（自取）龍蝦湯底用一隻龍蝦去滾個湯底。救命。好好好鮮甜。不自覺咁飲咗半碗。是日海鮮拼盤：大蝦。青口。鯇魚片。白蜆。膏蟹。生蠔。扇貝。鮑魚。。。。店員會話你知烚幾耐。平均1-2min 就ok 。太耐Un 咗就唔好味喇。安格斯肥牛～兩個人只有5 片如果份量多d就好喇。丸類有10 款以上。比較特別嘅有黑椒馬蹄貢丸。飛魚籽魚蛋腸。墨汁墨魚丸。台灣腸。龍蝦沙律丸。份量一人一粒。食完飽曬🙈即炸響玲。無臭油益味

火鍋任食， ＄300一個人有找，又唔算話真係超級平，但係試了之後覺得都值回票價架！一個價錢可以食到兩種火鍋，首先食個雞煲，我哋叫咗小辣（好似分了五個層次：大、中、小、微、唔辣），每一舊雞都煮得好入味，每件雞都大大件，啖啖肉。食落又唔似係麻辣嗰種辣啊，後來問返經理得知係聽咗啲客嘅意見，原來覺得冇咁麻香港人會比較接受到，雖然我鍾意雞煲嘅麻辣成份可以多啲，但都好欣賞餐廳方面願意就客人嘅意見作出改進！雞煲材料見有洋蔥、芫荽同埋京蔥令到個煲好香，最正就係芫荽，好大棵，撈埋雞汁一齊食超正！另外要提一提，個雞煲加左薯粉，由於薯粉已經熟到好透，雞煲嘅汁入晒去，每一啖軟淋淋嘅薯粉都充滿咗雞煲嘅原汁原味，勁正！兩個人食完一個雞煲已經飽左一半，呢個時候侍應捧出一個龍蝦番茄湯，加埋一碟火鍋配料，唔係自己點嘅，係佢哋預計準備好嘅，咩都有啲，都好，唔使自己諗食咩，反正係任食，鍾意食咩可以再添。見到個番茄湯，以為會好似羅宋湯咁嘅味啦，點知些試落先知原來係正嘢。有少少似蕃茄薯仔湯嘅味，唔會覺得係好似加左茄膏嗰隻味，酸酸地，幾開胃。而加入左龍蝦，令成個成個蕃茄湯都變得充滿鮮味，係好濃郁的鮮味。最令人滿足就係嗰隻開邊龍蝦

山林道越黎越多野食 今晚約左老友們係同人鍋聚餐餐廳做緊$268 半自助雞煲火鍋喎 岩晒少辣雞煲 勁多芫茜雞煲底有大量薯粉 洋蔥 個醬汁好好味一啲唔都唔架啲雞 都算嫩滑食完雞煲就火鍋了 湯底係蕃茄薯仔龍蝦超揼本的 足足有一大隻龍蝦 超鮮甜啊好新鮮 食落啲龍蝦肉彈牙之前就有海鮮拼盤 勁勁勁大隻元貝聖子都唔弱 鮑魚重要識郁嘅 即刻覺得好抵食完海鮮飲多兩啖超甜蕃茄湯就開始食丸呢啲丸唔洗㨂 餐廳會按人數直接俾幾耐無試過打邊爐食咁多丸⋯重有菇 蘿白 粟米等等 重有久違了嘅魚皮餃同九菜餃 唔夠可以再叫不過我地食完個海鮮已經飽飽地⋯

In the middle of the typhoon week, with the temperature dropping a bit these few days, we decided to go trying the hot pot in town with my mum.  She is happy about the arrangement, and was too excited with the first dish.. - Spicy Chicken Pot... .  You can choose the spicy level of the Chicken Pot, and our choice is "minimum".  Yet, we regret as it's quite tasty and we order another Pot, andso, we can't have enough rooms for the seafood later... Remember to save some room and not sticking to thi

其實Ulifestyle篇野都要負返不少責任 😡😡😡 以後千祈唔好睇heading, 要睇清楚內文每人任食portion普通過唔普通，大量丸，無問你要唔要，勁嘥野3人共有5塊牛，想追加，要錢so-called海鮮有一隻蟹，3隻霉蝦，3隻不新鮮的蠔，唯獨3隻細鮑魚&魷魚圈幾新鮮3隻聖子皇算係咁醬料又要加錢，星期五又唔係"不限時" (雖然最終用唔著，坐左個半鐘，嬲到上心口，食唔落野，即走) 3人共ordered 6罐森寶，埋單$962, 平均每人$320, 唔知食左d乜想講，要任食，寧願揀"大X口", 甚至乎X興百零蚊嗰d$320人頭已經可以勁多選擇，自選海鮮+靚牛，唔該晒去大X袍飲飽食醉勁多款式勁新鮮都只係加多少少錢，完全唔知佢有乜selling point. 可能因此星期五晚都得半滿 😡😡😡***因d 野普通到爆，無心情影相***

近排涼涼地 有啲掛住雞煲 所以就黎咗尖沙咀食雞煲火鍋 任食雞煲之餘 仲要唔限時 啱哂三姑六婆開會🙈雞煲賣相相當好 味道都相當不俗 好香 雞都好滑 冇雪雞味 最鐘意係喺雞煲入面加咗薯粉 之前都未見過 但估唔到食嗰時咁好食 又索哂雞煲啲味 唔錯火鍋 只要有三個人以上 就會有龍蝦湯底 如果唔係就係蕃茄薯仔湯底 龍蝦都幾大隻 不過因為本身唔好 所以冇食 但湯底堅好飲 火鍋跟嘅海鮮一部份可以添加 不過分量都好足夠 所以都冇添任何野 火鍋料都係任加 唔怕唔夠飽 不過大家都係做惜食之人 食得幾多先叫幾多

同人鍋係佐敦地鐵站岀黎行幾分鐘，好近，位置都好方便。 地下係reception，樓上先係餐廳既所在地，一條直樓梯，光猛同乾淨。一坐底，店員已經介紹今日海鮮，好好服務。由落單到上雞煲，唔洗十分鐘，我地叫咗微辣，雞煲材料豐富，雞大大件，洋蔥，薯粉。薯粉好好食，有哂雞煲啲汁，又腍，如果份量多啲就好啦。成個雞煲最畫龍點睛既係啲蕃茜，等待雞煲滾起，已經聞到好香，之後再同雞一齊食，又香又滑。之後食完雞煲，就轉咗龍蝦湯底既火鍋，龍蝦都幾大隻，店員都有介紹可以試下個湯底，再落海鮮，再打邊爐。個湯底果然有龍蝦味，又有蕃茄既酸味，好爽口。海鮮有鮑魚，好新鮮，又夠彈牙，扇貝都好大隻，食落好厚肉。不過可惜兩樣都唔以加。不過仲有花甲，墨魚仔，青口係可以加嘅。火煱料有好多，基本上係預你一人一件。但相信我，係好足夠嘅。腐皮好薄好香，響玲好香好脆，一問之下至知原來係即炸嘅，所以更加唔會有嗰種油益味，值得推介！

同人集團除了同人燒之外，最近還開了同人鍋，提供任飲任食無限時雞煲海鮮火鍋。 看到這裏大家已經不自覺地流口水了。 無限時雞煲海鮮火鍋適用於星期一至四，星期五、六、日、公眾假期及公眾假期前夕，改為限時兩個半小時，另外每一位加收 HK$10。 除了酒類之外，其他飲品無限添飲。 這裏絕對沒有豪華的裝潢，但是非常清潔衛生。大量調味配料直接放在枱上任用。 一坐下，就端上了這個雞煲。 雞煲可以選擇辣或者不辣兩種。不能吃辣的豬豬，當然選擇了不辣。 3分鐘後，就有香噴噴的雞煲可以進食。 雞肉嫩滑可口，更重要的是完全不油膩。煲底的湯汁內，接近看不到有油。負責人告訴我們，雞是經過處理，所以肥油特別少，讓客人吃得更加健康。 海鮮以外的其他任食火鍋配料，當中以餃子最受歡迎。其他供應食材還包括安格斯肥牛及精選火鍋配料和田園蔬菜。 雖然沒有豆腐，但是腐皮和粟米卻是出奇的香滑和清甜。 安格斯肥牛，肥肉不多，牛肉味香濃。 海鮮拼盤每天供應7-10款，包括扇貝、蟶子、鮑魚、廣島蠔、白蜆、魷魚、海蝦、青口、八爪魚、鯇魚、白鱔、象拔蚌仔、刀貝蜆、鑽石蜆、貴妃蚌及珊瑚蚌。當中扇貝、鮑魚、象拔蚌仔、貴妃蚌

天氣開始涼，食火鍋係指定動作。尖沙咀山林道最近開左一間新餐廳叫「同人鍋」，行過見到餐牌價錢都幾抵，二百幾蚊就雞鍋同邊爐任食，閒日食仲唔會限時，啱晒成班老友開心吹水。 餐廳採用電磁爐，每張枱都有獨立抽氣系統，唔怕食到個身一陣味。 店員先送上雞鍋，可以自選辣度。我地先試微辣，真係好少既辣味；雞肉嫰滑，連雞胸都軟腍；我好鍾意墊底既薯粉，滑嘟嘟好入味，雪雪聲就食晒落肚！ 食完一煲，心思思想「再來一個」，於是今次要小辣，辣味提升左，更加惹味，可恨個肚唔夠位，否則真係要再黎多幾煲！ 除啤酒以外，飲品都係任添任飲，我揀左自家製雪梨茶，甜甜地夠清潤。 之後熱辣辣火鍋就黎啦，係番茄薯仔龍蝦湯底。呢度係唔offer椒絲、蔥花等配料的，因為餐廳想大家打完個海鮮邊爐後，可以好好細味鮮甜既海鮮湯底，而唔係一味食咁鹹、咁重口味。(我之後真係有飲番，的確幾鮮甜，因為海鮮料多嘛。) 海鮮火鍋料黎啦，估唔到場面都幾震撼！除左鮑魚、扇貝、刀貝之外，其他都可以任添，我最鍾意係個扇貝，勁厚肉，美味！ 之後不得不介紹既，就係個安格斯牛肉 (呢碟同樣無得任食)，有肉味，軟腍無渣；仲想推介個墨丸，彈牙爽口，而且入面仲有新鮮墨魚肉

一行三人初試一開始雞煲也正常但之後火鍋不ok海鮮一如所料不是任食 當然這個價錢不是任食正常但海鮮食物差。蜆細，蠔有沙，鲍魚未處理好就上。安格斯牛得幾片。另外，服務差，叫極冇人理,不論汽水，豉油要叫好多次。三個人埋單$9xx ,完全不值

係面書見過有介紹，又係雜誌見到，於是相約三五知己一齊去，其實當初去係因為貪無限時，咁樣先夠時間俾我地慢慢吹，坐低好快手即上雞煲，少辣唔算辣，好夠味，跟住轉海鮮煲，職員細心介紹今日有乜，邊d可以re-order.....，海鮮煲用番茄薯仔龍蝦做湯底，真係夠哂鮮甜，後再加埋其餘海鮮，真係甜到無朋友，另外見相每一種食物都是預人數而上的，當日我地3條友，所以可見全部都係3粒3件這樣上，我同朋友都覺得好貼心安排，平時街外一上就一碟，份量多易飽，遇到唔好食的就麻煩了....另外唔好就係侍應雖多，但係都係多甩漏 及 出錯，廁格有3格但只有1格可用

最近在香港愛上吃雞煲，辣與不辣也喜歡吃，我就是這樣，一喜歡上吃的東西，短時間內總是不停去吃相同的東西，密集式吃完一輪就會長時間不去吃。結果，周圍去食雞煲火鍋，這家可是朋友介紹我去的，位於尖沙咀的「同人煱」。店子在山林道，位於地鐡站附近，地點方便。店子環境不錯，散座及卡位各半，三人行進佔當中店中間的位置，坐得舒適。就是晚所見，人客也不少。什麼未問也當然要先來雞煲，這裡的秘製雞煲由辣至小辣都有，今日有兩位辣妹在，要個大辣的是走不了。只見阿姐先將開電子爐，再在上面放上雞煲。這個雞煲不出十分鐘已聞到麻辣香，除了雞件及辣料外，其他配料如洋蔥及蔥段都下得不少，難怪是香味十足。雞件本身滑，因為在「重料」滾煮之下不太吃得到是否鮮雞，不過也是鮮度十足的。幾辣，有點麻，但反而是甜甜的。喜歡與否就視乎大家是否接受得了甜辣的味道，在我而言，還是麻辣好吃一點。食完雞煲後，店員說火鍋來了，我以為是雞煲加清湯做火鍋底, 原來不是，最驚喜就是來了龍蝦鮮茄湯底。湯底應放了不少茄膏, 令味道較濃, 湯中也放多點蕃茄。要讚的是, 龍蝦肉質彈牙, 而且肉滾過湯仍然嫩滑, 可以吃。登!~登!~看!! 早說了....看見他們的海