同人鍋 (已結業)

今日同埋啲朋友一行十個人去左同人鍋打邊爐。我地本身book左位，佢地好好人知道我地想有多啲私人空間，預留左間房俾我地。一入去房，間房好闊落，十個人坐都唔會迫！我地坐低左之後就嗌左兩個湯底，嗌左同人鍋同埋蕃茄薯仔鍋。同人鍋最特別既野係呢個湯除左係邊爐湯底之外，係打邊爐之前可以食左佢本身隻雞同埋飲下佢既湯先，可以係打邊爐之前滋補下。之後我地嗌左海鮮拼盤，成個海鮮拼盤都好豐富！有麵包蟹、生蠔、蟶子、蝦仲有鮑魚，成個拼盤都好有份量，每人都可以食到一份，而且仲要好大份。每隻蠔熟左之後都無縮水，而麵包蟹淨係蟹糕都有一個碗咁大！仲有蟹腳，每一隻都好長好有肉。鐘意食蟹既朋友真係點都要試下！另外鮑都好大件，絕對唔係細細隻，都有半隻手掌咁大。海鮮拼盤真係好豐富，同埋好新鮮！食完咁有份糧既海鮮之後其實都有啲飽，但無理由打邊爐唔食丸！我地之後叫左好款唔同既丸，其中手打墨魚丸同埋手打蝦魚丸係食到唔停口！呢兩款丸都係手打，所以食落好易咬，蝦膠既味道都好出，推介點都要留肚試下！另外安格斯牛柳粒都好正！雪花分明，但食落又唔會好漏。呢度有一樣令我好意外既係呢度仲有牛骨髓可以食！我之前有一排打邊爐發現周圍既火鍋店都無左牛

朋友推介話有間燉湯任食火鍋，鍾意滋陰養顏嘅我緊係要去試下。同人鍋-花膠海蔘鮑魚金華火腿老雞燉湯用左冬菇、花膠、海蔘、鮑魚同老雞熬製而成嘅燉湯，鍋底充滿著滿滿的老雞湯及鮑魚味道，老闆話呢個鍋有滋陰補腎，補充體力嘅功效，平時媽媽咁辛苦，呢個鍋就岩哂佢💁🏻‍♀️小龍女鍋-雪耳南北杏天山雪蓮果燉赤肉用左花旗蔘、天山雪蓮果及雪耳嘅燉湯湯底，花旗蔘味很重，加上天山雪蓮果及雪耳，一喝下去非常清甜潤喉，滋陰潤肺😌女生至愛💕💕。期間限定優惠 光顧任何火鍋套餐即送活面包蟹海鮮拼盤（價值約$880）🦑🦐🦀🐙面包蟹每日由法國新鮮進口，蟹膏爆登，隨機配以當日時令5-6款新鮮海鮮，今日就有貴妃蚌、刀背蜆、鑽石蜆、美國桶蠔、青口、帶子同蝦，食完呢個海鮮拼盤已經值回票價。火鍋料亦非常有質素亦好多選擇，當中一定要介紹下我嘅最愛-自家製響鈴，呢度嘅響鈴全部自家製，食落脆身唔油膩，伊玲推介👍🏻👍🏻🤣星期一至四 $298/位 (4位或以下湯底需另加$178)星期五及週末 $308/位 (4位或以下湯底需另加$178)大家要注意哦！

跟開既都應該知我身子弱成日病，不過其實好多時都係病從口入😷有火鍋店推出兩款中式燉湯湯底，醫食同源滋補養身，但由於製作需時，記住一日前預訂☎️期間限定優惠，光顧任何鍋套餐即送面包蟹海鮮拼盤🤗👁‍🗨 同人鍋中式燉湯火鍋湯底及火鍋任飲任食套餐💲價錢根據日子人數有所變動星期一至四 $298/位（四位以下每鍋湯底加$178）星期五及周末 $308/位（四位以下每鍋湯底加$178）一年四季都岩既「同人鍋」，即係花膠海蔘鮑魚金華火腿老雞燉湯，飲落好清無味精，仲有真材實料既冬菇、海蔘、鮑魚、雞🐥至於春季限定、會做多大半個月左右既「小龍女」，係雪耳南北杏天山雪蓮果燉赤肉，飲落比較重花旗蔘味，有滑身既雪耳同埋雪蓮😎個人都一向麻麻咁濃既花旗蔘味，所以比較鍾意前者面包蟹海鮮拼盤，淋湯上去有啖啖蟹膏既面包蟹蓋度，呢個食法簡直係大滿足🦀除左有面包蟹，仲會隨機配搭多款既活海鮮，當日有蝦、帶子、青口、桶蠔、鑽石蜆、刀貝蜆、貴妃蚌，尤其係桶蠔同貴妃蚌都有成隻手掌咁大😳大部份都新鮮爽口，係略嫌間唔中有某幾隻蜆蚌吐沙唔夠徹底🙈食完個海鮮拼盤已經起碼五成飽任食配料，類別款式多不勝數，不得不提既有香濃牛味既手切牛頸脊同埋保持到肉

我係湯🥣控！中西式湯都愛！滋寶養顏的就更好！「同人鍋」推出 醫食同源燉湯鍋 啱曬一家大小。 主打的「同人鍋」花膠海蔘鮑魚金華火腿老雞🐔燉湯，十分足料！湯連料吃完已經飽了七成！把湯喝完就到火鍋！贈送的活面包蟹 🦀 海鮮拼盤，上桌的時候嚇了一跳 😱! 真是「贈送」嗎？*請看相！📸.面包蟹 🦀 是法國飛機✈️貨，游水的！啲膏多到...😱😱😱貴妃蚌巨型之餘還非常鮮甜！任食火鍋配料竟然有A5和牛🐃切丁、Prime 級優質安格斯肥牛🐂！吃到這𥚃已經回本有凸了！Oh... 還有 現炸響鈴、手打墨汁丸、🦐丸....... 可以打包嗎？👉🏻👈🏻..每位只收$298！ 實在無話可說了！

難得約朋友出黎食飯，雖然大家好耐無見，一樣咁多野講，收返大家近況，真的比電話溝通軟件好，至少有眼神交流等朋友黎之前叫左碟小食 「酥炸雞軟骨」食住等，熱辣辣上檯，少少辣，好味，同時間朋友都黎左啦，襯未凍，食哂先講「同人鍋」 因為得2個人，呢個燉湯要另加 $1784位以上先免費轉個湯好好味，好足料，有鮑魚、海參、螺頭、火腿，又鮮甜。一問之下，原來呢個湯燉足5-6小時，要預訂先有。好在一早訂了，唔係就試唔到。下次有機會叫多點朋友一齊再黎先飲完湯，侍應會幫我地轉個大煲，方便打邊爐，唔駛咁細個煲唔錯喎海鮮黎啦，有龍蝦、貴妃蚌、蝦、蠔、帶子未食先興奮，可能因為自己鐘意食海鮮先咁興奮鮮甜美味，特別喜歡貴妃蚌大隻又新鮮，真心覺得好鮮甜食完海鮮已經鮑7成，物超所值啦，總好過食完唔飽叫左幾款手打丸、手切牛頸脊、是日餃子... 同朋友掛住食同傾計，已經忘記影相希望下次再有機會黎

星期一晚得兩台人，難得打邊爐傾得計的好地方。老闆好nice，全程都好招呼。食物比預期正，尤其係海鮮！麵包蟹超甜，D蠔大隻過我個仔隻手掌✋。雞煲野味，水晶包都好食。不過只收現金。今次同同事farewell，會再同屋企人去試。

天氣冷，和朋友都想吃火鍋，睇到食評內的評語唔錯，又是放題2.5小時任食，於是選擇了來這間火鍋店試試。很失望及有壓力的一餐，食物質素認真麻麻，服務態度也比較差。一坐下便一催再催要我選擇湯底及催促下單，但當時6:15只有我一個客人而我的朋友也未到達，點解要咁趕？！雞煲無味，什麼和牛任食，幾片也吃不下沒有吃完，隨便找間快餐店食的肥牛也比這家的好吃，豬肉也如是，很難吃！可以添吃也完全沒意思。我很喜歡吃海鮮，但是海鮮也完全不吸引，所以沒有翻點。至於服務員，全部都是阿姐大嬸級，打開火鍋的煲蓋也被大嬸服務員叫停說未得！？我在想，在家的媽媽也沒有這麼煩人。另外，一般餐廳酒樓也會給客人換碟，但是裏的大嬸是有幫我們跟進，但是他們不是幫我們換碟，她們站在枱旁邊好幾分鐘又倒又盛，然後用我枱上用過的污糟廁紙幫我們抹碟！？眼都呆了，咁都得？很不衛生！寧願你唔好幫我們處理碟吧⋯⋯我們比幾百蚊食一餐，換過另一隻清潔的碟子也不可以嗎？廚房內沒有人洗碗嗎？感覺很寒酸⋯⋯呢班大嬸大部份都對客人黑口黑面，對我們多翻打擾！令我們這餐飯聚感覺很不爽。Dislike我唔會再幫襯

天氣太太凍 本身都虧虧地既我就黎要出埋暖貼😂😂呢個天氣打邊爐係最岩 之前成家人去食 無限任食雞煲海鮮火鍋🍲海鮮就唔係任食既 但雞煲呀其他邊爐配料都係！🥩🥦🥔🥚雞煲好食 重口味一定會愛！！我地點左3次😂小辣跟住中辣跟住大辣🙌🏿呢間#推介 啊 食物新鮮而且雞煲好味🤤🤤

三個中學同學聚餐，想搵個就腳地點坐耐少少，所以選左尖沙咀我提早幾日打去book, 聽電話個店員態度一般（可以講係屬於少少串果種） 可能佢一日聽好多個咁嘅電話，所以唔耐煩啦我估我地閒日夜晚去，個場半full，店員服務都唔錯，我地選左微辣雞煲，第一啖食落去辣辣地，但其實之後食落去淡淡地無乜味，唔算特別好味。店員見我地食得7788， 都有主動問使唔使幫我地收起個煲，原來佢哩度係雞煲還雞煲，打邊爐就用另外一個煲！打邊爐我地選左龍蝦湯底、龍蝦係一早煮熟左嘅、純粹整返熱就食得所以其實哩個跟本係蕃茄湯底上加左隻龍蝦⋯所以隻龍蝦其實都係無乜味⋯佢會跟份海鮮拼盤，其中鮑魚同大蜆係只有第一轉先有得送，之後追加嘅話係要另外收費⋯啲海鮮味道都唔錯，幾好食其他嘅食物例如菜啊、丸類都有不少選擇，肉類就雞、牛、豬哩啲啦⋯⋯佢哩嘢都上得好快、不過叫親牛肉果啲呢⋯⋯就會陣唔中無來，但情況係可以接受嘅至於飲品類選擇唔多，大概6-8款左右⋯大路汽水只有可樂！ 至於雪碧、忌廉果啲係無嘅！！！ （本人好鍾意飲忌廉）主要都係烏龍茶果啲（ 本人係唔好飲茶嘅） 所以飲品方面本人有少許失望⋯整體哩間餐廳都唔錯嘅，因為我地主要想搵個地方

呢晚成功約到龜襪三人行黎食下呢間雞煲加火鍋！個雞煲係Bb 辣就返我呢個能力不足既人💁🏽😆呢煲野肉質好夠嫩滑，個汁都好夠味又唔會太鹹，我地都留低左佢黎做火鍋既點醬之後就要講下呢鍋花膠湯底，個鍋一上黎既時候店員就提我地開始淥野之前要飲左個湯先。唔好睇佢個樣成煲青紅蘿蔔湯咁😂😂但其實內有乾坤！入面有好足料既花膠sss, 我地都補充到膠原Bb 啦 xd咁個海鮮盤都幾豐富同新鮮，有好養顏鮑魚 😎😎仲有蟶子大蜆～下次都再黎先～

為左依間野 第一次開帳號 第一次寫評價同廣告完全唔一樣 口頭落單（無寫單） 十幾人可以拎得果4片結冰既牛黎 完全不知所謂 食物半個鐘到黎一次 十幾人每款幾粒幾件 另外仲有果幾隻攝埋邊係底 未放鍋已經肉殼分離 擺明唔係同根生既扇貝 有4隻有甘情況妳甘計教又要收甘既價錢咪鬼做放題啦單點明買明賣咪好地地 完全浪費左時間去食果d結晒冰既食物好唔好食先唔講 各人口味唔同 完全十幾人坐係到等 2個鐘唔知有無黎左廿碟 吹單就黑面 無食夠2個半鐘就走 完全晒時間 果3個爐好似長期煲水甘空既 唯一爽手既就係問佢拎幾樽湯黎加水2個鐘頭 每次落單都叫烏東比小朋友食 有2次問過可唔可以黎多d 2個鐘頭加埋黎得3個剪半 total 6份仔 小朋友人頭都唔止啦態度就如其他師兄講差到無人有 一模一樣

打邊爐呢樣野，無論幾時都係咁想食咁鐘意食！今晚就同朋友去到出名多餐廳嘅山林道，食下呢個無限時嘅雞煲火鍋。餐廳需要上一層樓梯就到，坐得都闊闊落落。坐低無幾耐，店員已送上熱辣辣雞煲，配料非常豐富，包括有大量洋蔥、辣椒、芹菜同芫茜等等，雞件都幾多同肉質嫩滑，沾埋D洋蔥一齊食好惹味！ 食到咁上下鷄煲後, 就到重點火鍋湯底登場！有原隻龍蝦/花膠湯底選擇, 我地海鮮愛好者就當然選前者，除左大大隻龍蝦，仲有海鮮拼盤：鑽石蜆、鮑魚、廣島蠔、白鱔、和海蝦、花甲、魷魚等等時令海鮮，包你個湯底更加鮮甜無比！除左特定幾款如鮑魚,無得追加，其他都可以refill, 食多幾轉真係好抵！店員都好好咁提醒海鮮的受烹調時間，唔會overcook浪費左海鮮喇！最緊要D海鮮係新鮮無沙，咁先食得安心。 店員轉頭又遞上火鍋料，如肥牛，丸，午餐肉，腸仔，蔬菜、水餃等等，當然大家可以食完再REFILL。比較特別如紫薯水晶包同台式腸都好好味又少見，我食左好多紫薯水晶包，好煙靭又唔太甜，值得一試！ 飲品方面，店中有個飲品櫃，可以自己隨便去拎，無限時關係，可以盡情食下飲下傾下，都係朋友聚會好地方呀！

久仰「同人鍋」大名，這天終於有機會約埋朋友一齊去試試，一進去發現它的場地比想像中大，裝潢也簡潔時尚，不錯的環境👍🏻我們先來了個雞煲，這個雞煲微辣都已經非常惹味👍🏻雞肉也十分嫩滑入味，令我們忍不住再加多半隻雞😜然後就進入主題：「龍蝦湯火鍋」🍲這個湯底一滾起已經香味撲鼻，再加上「海鮮拼盤」：原隻龍蝦、蟶子皇、鮑魚、廣島蠔、白鱔、鑽石蜆和海蝦等，整個鍋鮮味十足！🤤👍🏻不得不說的是：他們的鮑魚是新鮮到還在動來動去的😳活生生的！還有龍蝦都非常厚肉多膏，有咬口又多汁！其他海鮮都十分有份量和高質，這個海鮮拼盤真的不得不試！接著我們還點了很多有特色的火鍋配料，例如：安格斯肥牛、魚翅餃、紫薯水晶包、龍蝦沙律丸和自製辣味豬肉腸等等，全部都很特別和美味😋👍🏻絕對值得一試！另外值得一讚的是：他們任飲的飲品種類繁多，任君選擇🤗 還有他們自家制的健康酸梅湯和竹庶茅根等，讓你不會食到「口寡寡」😜😉

尖沙咀山林道一向多美食，今次去到門面好開陽嘅尖沙咀，《同人鍋》火鍋店試吓佢嘅雞煲火鍋。餐廳面積佔全層，只需要上一層樓梯就到。餐廳裝修以簡約為主，我哋四個人就被安排坐四人枱位置，窗邊更可以望出去睇到鬧市嘅風景。餐廳推出的優惠同出面嘅餐廳與眾不同，就係「冇限時任食任飲」，海鮮都仲可以任食，價錢都只係$288/位。首先就品嚐佢嘅雞煲，除此之外，仲有其他滋補養顏嘅湯底選擇。遠處已經聞到好惹味嘅「雞煲」味道，配料非常豐富，包括有洋蔥、辣椒同埋香蔥等等，雞件嘅份量比較多，而且更食到兩三隻雞髀同雞翼，而肉質非常滑嫩，而且好入味，由於太好食，我哋再encore左一份雞煲，都只係加$48一份。「海鮮拼盤」賣相非常吸引，當中包括有鮑魚、龍蝦、蟶子同埋蜆等等，原隻龍蝦切開兩件，有我手板咁大，食落去爽口鮮甜，仲有蟹膏食添。火鍋配料都多款選擇，當中我哋點了牛肉、羊肉、韭菜餃、魚皮餃、粟米、蘑菇、午餐肉同埋冬瓜等等，非常豐富。當中不得不提就係「韭菜餃」皮薄餡靚，脹卜卜份量好足料，冬瓜滲哂火鍋入面嘅海鮮味道，食落去口感軟林林，好好味。除此之外，飲品更多款選擇，以自助形式供應。最欣賞係冇限時任飲任食，食完休息一陣傾計

天氣開始涼啦，即刻出動去烚烚下，平時去尖沙咀搵食都會覺得又多人又迫，今次俾我搵到間環境清靜，仲有西餐廳feel既火鍋放題，可以電話預約，咁就唔怕等餐懞啦。餐廳位於內街，地下係接待處，上一層樓梯就到用餐區。裝修好有Cafe味道，空間感十足，就算滿座都唔覺迫，而且有一排窗外望街景，感覺開揚。調味料自助調配，另外飲品選擇都好多，最體貼竟然有酸梅湯，蜂蜜柚子同菊花蜜，菊花蜜清甜潤喉，唔會太甜，絕對真材實料。麻辣雞煲一上枱就聞到香噴噴，配料絕不馬虎，麻辣醬夠晒惹味，雞件嫩滑多汁，讚！呢度對食好有要求，食完雞煲，就換個湯底鍋先開始打邊爐。而且有專人指導每款海鮮既烹煮時間，好細心。嘩，真係未試過打邊爐打到咁高級囉，竟然有原隻龍蝦海鮮拼盤。龍蝦啖啖肉，鮮甜彈牙，龍蝦頭蝦膏都好滋味。鮑魚爽口彈牙。生蠔飽滿唔縮水，夠晒海水味。海蝦大大隻，又彈又甜。好簡單既道理，因為夠新鮮，材料靚，所以樣樣都好有水準。配料選擇多，連海鮮都任叫任食，唔知係咪個海鮮湯底太正，普通淥個烏冬淥粒丸，都好味過人既。