同人鍋 (已結業)

天氣開始無咁熱，又有藉口打邊爐，見依間"同人鍋"有雞煲又有海鮮火鍋，重要用龍蝦湯底，就走入去試下。店鋪好整潔，不會好擠迫。店員好快就問我地雞煲要咩辣，同埋要咩飲品。雞煲一上枱已經覺得好香，而且份量都唔少，我地點左小小辣，辣味會慢慢滲出來，雞件食落非常Juicy，又夠滑同埋好入味。店員見我地食到7788就會拎走個雞煲，隨即上鍋底 "鮮茄龍蝦鍋"，聽店員講鍋底係每季唔同，所以係季節限定。有原隻大大隻龍蝦做湯底，加上番茄、薯仔，味道清甜，又唔會蓋過龍蝦的鮮味，調配得剛剛好。龍蝦肉鮮甜彈牙，啖啖肉，正！ 店員送上海鮮拼盤，因為每日海鮮款式唔同，店員都好細心同我地講今晚既海鮮款式有8款，入面包括象拔蚌、花甲皇、巨型帶子、蟶子、鮑魚仔、魷魚、廣島蠔、海蝦。另包一碟手切安格斯肥牛及丸類、水餃、蔬菜、響鈴等等火鍋料，其中只有兩三款海鮮追加要再俾錢，其他所有火鍋食物都係可以任食。店員會按人數而送上食物給我地享用， 所以唔會浪費。海鮮分量都唔少，size都大，海鮮既質量合理，樣樣都食得出好新鮮。尤其係帶子真係夠大隻，而且好有鮮味。鮑魚大細剛好，食落唔會太韌。蟶子皇和海蝦肉質好爽好甜。至於手切安格斯肥牛，食

秋風此週開始起，尖咀反工既朋友，經同事介紹下，搵到山林道既任食火鍋，講真呀，多年無食過任食邊爐，總覺得任食火鍋不外乎好多什丸，好少創新新鮮既元素。既然係友人發起，妹我不好意思次次話事簡餐廳，也就隨他喜，陪他吃吃未到冬天的邊邊。地方好易搵到，路盲我一出地鐵口轉左無耐就見到。 看來是間新裝修，沒我想像的濶落，卻又有不少人光顧，咁醒咁快有人夏天打邊爐？點解既？？某君向來食好少，自助餐對佢黎講，本來已唔多抵食，奇怪的是：夏天佢照雞煲邊爐到，我就唔得既，一向唔係好享受歎冷氣但食熱到震既邊爐，純粹陪佢就無所謂啦。樓下中式感，樓上韓風簡約味濃，有d得意。先黎個中辣雞煲，份量多過半隻，食完其實乜都唔洗食了wahaha.中辣對我呢個仲喉嚨痛既人黎講，一食已經咳，因為都幾多辣椒籽嫁，唔係好食到辣既人叫小辣好喇，我地都估唔到叫中辣都幾辣下，食味不過不失，不算滑也沒有0鞋，但味道就好香。好彩食第二舊開始都幾滑，好彩姐。食完有得選擇要龍蝦清湯或濃湯簡，我就梗係簡濃啦，佢都係咁話。換左另一煲上，龍蝦湯底係真係有龍蝦既，二人有一隻龍蝦，煮完d肉仲係彈牙。蕃茄薯仔味湯底幾濃香，食物幾多，有肥牛山根腸仔魚皮餃蔬菜丸物水