同人鍋 (已結業)

近排涼涼地 有啲掛住雞煲 所以就黎咗尖沙咀食雞煲火鍋 任食雞煲之餘 仲要唔限時 啱哂三姑六婆開會🙈雞煲賣相相當好 味道都相當不俗 好香 雞都好滑 冇雪雞味 最鐘意係喺雞煲入面加咗薯粉 之前都未見過 但估唔到食嗰時咁好食 又索哂雞煲啲味 唔錯火鍋 只要有三個人以上 就會有龍蝦湯底 如果唔係就係蕃茄薯仔湯底 龍蝦都幾大隻 不過因為本身唔好 所以冇食 但湯底堅好飲 火鍋跟嘅海鮮一部份可以添加 不過分量都好足夠 所以都冇添任何野 火鍋料都係任加 唔怕唔夠飽 不過大家都係做惜食之人 食得幾多先叫幾多