吉壽日本料理 (已結業)

同屋企人黎到呢間日本放題，發現都好有驚喜。飲品一支支同雪條種類好多，唔係平嘅貨式，出面唔會有呢d選擇。小食中華沙律，味付螺肉等好醒胃添呀。刺身好快送到上枱，三文魚，帶子，吞拿魚等刺身都系厚切嫁，好肥美鮮甜，好新鮮呀；蝦好大隻，肉質仲好晶瑩。壽司選擇超多款，好喜歡壽司嘅份量，飯吾會太多，吾會用飯塞飽你，食完個肚仲有好多空間試其他野。炸物都炸得好夠脆，炸粉唔會係好厚。燒物方面就揀咗燒菠蘿，牛舌雞翼等，燒完都唔會好乾身，仲encore左幾串添。最後梗係要食返支大腳板，牛奶樂 做埋尾，非常滿意，會再encore。

旺角既放題開得愈黎愈多, 要搵間滿意既放題, 真係親身試過先知! 今晚重臨吉壽, 記得對上一次黎已經係8,9年前, 當時對呢間放題冇特別深刻印象, 野食質素唔太差, 但亦唔係特別突出, 所以一直冇再光顧。今晚有朋友提議去吉壽食放題, 太耐冇去, 所以都有興趣一試!吉壽離旺角港鐵站廿步左右, 而且價錢唔太貴, 宜家仲做緊 promote 每位成人正價減HK$30! 7:30前離座/9:30後入座仲有額外85折! 真係好抵啊~ 踏入吉壽, 原來呢度已經全新裝修過, 店內設大部分卡位, 坐得幾舒服, 而且地方整潔。 同多年前黎, 只係環境上已經有大大不同!打開order book, 有十多款刺身、廿幾款壽司、卷物、手卷、炸物、煮物、串燒、燒物等等...款式多多~ 飲品方面係自助形式自取, 整個大雪櫃中各式罐裝汽水、啤酒、紙包飲品, 就連熱飲亦有提供。Order好快就已經送上檯, 刺身以冰墊底三文魚為厚切, 食落有爽而充滿豐富魚油味!! 珍寶大赤蝦很爽口, 甜蝦鮮甜, 而象拔蚌超級爽。刺身質素果然不錯~三文魚腩壽司 - 三文魚腩都有些少厚度, 魚油味更重, 壽司飯細細舊唔會咁易飽驚喜既係呢度竟

大食嘅我又同朋友仔一齊出動啦😎又係食好嘢嘅時候，今次我哋揀咗呢間嘅放題都幾大，而且啲位置都好闊囉，咁我哋一早book咗枱就食八點半呢段時間，但係我哋一位嘅時候都見到有自助嘅沙律吧、大量飲品、小食、同埋我最鍾意嘅甜品，仲有自助嘅乳酪雪糕添！好興奮啊款式真係好多樣化，咁飲品我就飲烏龍茶，因為可以消滯，咁我就可以食多啲野😂一嚟緊係先叫刺身，三文魚好肥美，玉子刺身都好甜，仲有帶子刺身都好新鮮，最重要就係啲刺身食落去唔會有雪藏嘅味道😋黃金焗帶子我覺得係一個一定要點既食物，連平時唔多鍾意食海鮮嘅朋友，因為焗得好香，而且有一啲沙律酸酸甜甜配埋一齊，好惹味😜避風塘炒鴨舌， 呢個我真係第一次係放題到食到，因為我本身好鍾意食鴨舌，但買到嘅地方真係唔多，見到呢度有得食，我就即刻叫，而且鍾意食辣嘅我，呢個真係好正😆鴨舌都幾肥美，食下食下都會越食越多，如果鍾意食香口野嘅都可以試吓😙😙鍾意食炸野嘅天婦羅蝦都可以點黎試吓，粉唔厚，蝦都大隻同都新鮮🦐🦐牛油果軟殼蟹卷、法式漢堡卷同埋吉列蝦卷細細件壽司仔，想有少少飽肚感既都可以點，味道不錯燒羊鞍唔會有太大既so味，好易入口，而且肉質好軟，唔會難咬，放題啲質素可以做到咁真

第一次寫食評，星期日晚再次幫襯，6點左右唔洗等，仔仔好喜歡佢嘅烏冬，我地就鍾意佢嘅刺身丶羊架等，今次仲多咗好多飲品選擇，又有甜品和乳酪，d職員服務又好好，好細心，已心思思想再去！真心推介比大家！

又到weekend，當然要約班朋友出黎聚下，今次去左吉壽放題！ 地方尚算ok呀，坐得都舒服，侍應服務亦唔差，最緊要緊係可以一班一齊嘻嘻哈哈又一晚，同lee度價錢都好合理！未坐低一入黎見到個飲品櫃，真係睇到呆左，竟然咁大咁多款式飲品揀，差d以為自己去左7仔！lee食物款式都算多，樣樣都有，刺身肥美得黎，都好鮮味！ 值得一讚係lee度既熟食，都幾好食，大大隻燒海蝦，蝦肉鮮甜彈牙，雞軟骨燒到岩岩好，外皮脆卜卜，軟骨爽口滋味！燒蕃薯仔，睇得出蕃仔洗得好乾淨，所以我都好放心連皮食埋，細細粒燒蕃薯size岩岩好，一口一粒，好甜蕃薯味好重，食多幾串都唔覺濟！ 味道十足十糖醋既燒豬仔骨亦唔錯，酸酸甜甜，食落好開胃！ 呢到甜品都好多選擇，燉奶香濃得黎都幾滑，米糍煙煙韌韌，仲有cake，啫喱糖都有，都唔錯！

香港有好多放題店，但講起始祖， 吉壽都算係我頭幾間聽過既放題，之後就愈來愈多。吉壽又係旺角開左店，地點好方便，就係旺角地鐵出去行幾步搭lift就到，可以好懶坐底即點刺身先，之後出去拎野飲（好瘋狂，有4個飲品櫃左右，20款以上飲品）刺身 來了：三文魚.甜蝦.希靈魚.赤貝.鮑片三文魚切得好厚，質感滑而爽，最緊要有三文魚味香香。甜蝦都好不錯，大大隻頭部冇黑色，即代表新鮮，唔係擺放左好耐，甜味都唔錯。希靈魚切得幾大，爽爽地，腥腥地，但又同時甜甜地。赤貝爽口但有鮮味，冇咩其他特別。鮑片真心甜但有點似調味調出來呀。芝麻雞翼好香，芝麻香香！雞翼肉質控制到好滑，食多幾隻都冇問題。黑松露花之戀有特色，黑松露味係口腔散發時超香濃，仲有三文魚腩鮮味，都幾推介。和牛SUSHI+蟹柳SUSHI，熱熱地，和牛就有咸香，幾軟熟，好易咬開。蟹柳都係少咸，配搭埋cream幾好味。價格同質素都keep到，放題始祖冇令我失望！

新年梗係要約下朋友見下面打下牌，但當然要大家一齊食餐飽先去攻打四方城。食放題其實第一下感覺最緊要就係盤刺身！吉壽刺身唔錯，夠凍上！而且都見到師傅有心機鋪到靚靚先會出菜。刺身我就認為三文魚同北寄貝都唔錯。三文魚厚度剛剛好，點小小醬油就更帶出鮮味，食落口都充份體驗到三文魚油脂的香味。北寄貝就食落有口感，幾爽口，夠凍身，食下食下又唔覺又不其然食多2件。再叫左d壽司食，其中花之戀最吸引，可能我本身太鍾意食三文魚，加埋個醬再點上黑松露，食落口又唔會太油膩，確係一個perfect match.食完凍野要食番熱野暖下個胃，叫左個雞翼，加埋芝麻鋪面，食落份外香夾脆身。唔好比佢住，再食多個羊架就好飽足啦，燒得幾jucicy,唔太乾身，但略嫌有羊騷味，希望下次更好。總言之其實性價比都唔錯，食物種類多，前菜到甜品都一應俱存！好難會食唔飽！

食放題當然首先要叫一碟刺身拼盤, 刺身就正常嘅都ok嘅, 普通放題刺身, 有我至鍾意食嘅三文魚同希靈魚正呀, 刺身拼盤上面有一盤乾冰, 釋放啲白色嘅二氧化碳感覺都幾有氣氛, 切刺身嘅刀功呢就唔錯, 唔會一舊大一舊細, 唔會有呢一岩一忽。我叫咗一碟蒲燒鰻魚, 個鰻魚實在太好食, 所以相裏面只係淨返一舊鰻魚, 佢哋嗰碟鰻魚煮得十分之林又少骨, 我十分推介。呢個牛油焗帶子十分邪惡, 呢個焗帶子加咗牛油同芝士仲有忌廉同洋蔥, 一食落口牛油同忌廉味非常濃郁, 又唔會冚咁過帶子嘅鮮味, 值得推介！呢碟牛肉壽司(我已經唔係好記得菜式嘅名) 牛肉輕輕咁被火燒過, 非常之惹味！唔知點解好多放題餐廳嘅壽司都係比普通嘅壽司細咗個碼, 不過唔緊要好食就得啦, 呢個三文魚腩壽司ok嘅。最好呢個火鍋牛肉(我已經唔係好記得菜式嘅名) 鍋裏面材料十足, 有豆腐有娃娃菜有牛肉有金菇, 唯一美中不足嘅地方就係湯有少少甜得滯。呢間放題餐廳嘅裝修十分有特色, 有一個大嘅雪櫃好似7仔咁樣畀你任攞嘢飲, 服務態度亦ok總括而言我認為這間放題值得推介！

冬天放假既生活就係瘋狂食同訓...就去左食放題,其中一位友人話吉壽質素唔錯,價錢都合理,於是就去試下。放題黎講,吉壽既選擇都算比較多,想食既野大部份都有。食放題當然空肚食...點完野食後第一時間先開始食小食,有炸鮫子,葡撻,薯角等等,拎番去食既時侯重係熱同脆,冇話凍哂淋哂,味道不錯。天婦羅,一般有既天婦羅都有,另外重有饅魚天婦羅,聽落幾特別,於是就試試,咬落去有鰻魚汁既甜味,外脆,咬下口汁踴出黎,幾特別,其他天婦羅沒什麼特別,不過一樣香脆。牛舌,調味唔會過濃,搶去牛味,牛舌亦都冇話太堅韌,以牛舌黎講算幾易咬,味道亦不錯。帆立貝:牛油味相當濃,主角亦不會太細粒,甜味十足,而且到時非常熱辣辣,有質素,但小心食時太熱!和牛壽司:牛肉入口即溶,不算太生,食落口時感覺到香蔥味,配合本身牛既味一流,食完之後忍唔住叫多幾件食!牛肉鍋,份量稍為大份,但相對地牛肉份量不算太多,適中,鍋內菜較為多,較為清淡,雖然係牛肉鍋,但不算油,而且多菜類,可以用來清一清淡口內其他食物既味道。座位幾舒適,算寬敞,6人位坐迫少少應該夠8個人坐價錢亦算合理,每人大約$250

這是我常常來的放題店之一，品質高之餘選擇也非常多。哈，這只是其中一部分啦每一件都超新鮮的！玉子甜甜嫩嫩的，蝦子很有彈性，魚類都超肥美！！不會很乾，脆脆的很容易咬，配酒一流牛肉粒不會老不會乾，肉汁超多，牛味很濃。超級好食！！超級嫩的，超肥，而且都要剛剛烤出來的喔！醬汁不會太咸，一定要食炸蝦很大隻，炸到很透，香香脆脆，而且蝦蝦很有彈性下面的蔬菜都很甜很新鮮喔～雞翼加了點芝麻很香，好嫩而且很多汁，微微咸咸的，好吃！

2016-01-19吉壽******************吉壽特別之處係增設左一個自助區, 有炸薯格、雞翼之類既小食, 日式泰式都有。刺身新鮮, 選擇一般多。另外壽司款式好多, 原創壽司不錯, 但法式漢堡卷, 由於係飯+ketchup, 味道有D唔夾。燒物方面, 燒鰻魚D肉有D散, 導致口感一般。炸物方面, 冇失望(但都冇大驚喜), 炸蠔粉漿好薄, 好彩的話, 隻蠔可以好大隻ga~最後講一講個冷麵同冷烏冬, 冷烏冬幅圖明明係用冷麵湯汁, 但變左麻醬, 口感唔煙韌, 種好粉tim; 冷麵學到好硬, 其實應該從雪櫃拎出黎放一陣先上。******************總括黎講, 呢個價錢, 食到呢個質素, 性價比叫幾高! ******************消費: $232 / adult (已加一)優惠:/

日式放題，呢間真的很不錯，刺身超新鮮，三文魚又夠厚身，蝦最緊要新鮮，先好食，同有大件既北寄貝。熟食更吸引，好小放題熟食會咁正，竟然有椒鹽鴨舌，一定要試下，又唔太咸，好夠味，又夠脆口，另一款要出力推介係和牛壽司，可比美元氣果款，一樣咁好食，但竟然可以係放題食到，真的超正，和牛香滑，連蔥一齊放入口，一定要叫完再叫先得，其他熟食都好好味，仲有燒大蝦，焗扇貝，都好夠海鮮味，店內有好多正既甜品 雪糕同大腳板雪條，都好正

其實食過吉壽好多次，種類都算喺嘰多～～ 魚生都新鮮～～但每次都好多人食 ，排隊排到唔想再等～～order完都要等一段時間先段～～不過都真係嘰好食～～價錢來講都可以接受。

今日同朋友係旺角行街，行完想食放題，就選擇左依間食。我地7點入座，吾洗等位，好好彩！我地一坐低，就開始叫好多野食，基本上好多你想食嘅都有，上面嘅係部分刺身嘅選擇，仲有好多其他野食刺身當然係必叫，我地叫左三文魚、鮑片、帶子、油甘魚等等三文魚好鮮，油脂分得好好，而我最鐘意帶子，好fresh出面有一推小食可以選擇，葡撻雖然吾係好熱，但真係超級好食餃子嘅料好足，塊皮又吾會好厚，脆卜卜焗帆立貝芝士味好濃，第一啖就覺得好好味道，食完忍吾住再夾，好值得一試炸蠔及炸芝士及芝麻雞翼。芝麻雞翼熱辣辣，一咬落去，d汁咇哂出黎，味道好香炸芝士有d漏，但食一兩舊就可以。而我吾食蠔，所以就吾太知味道牛肉煱。湯有少少咸，牛肉好食，吾會好硬，豆腐好嫩滑，如果可以配一碗飯，就更加適合牛柳粒同牛舌。牛柳粒係唯一我地叫左三次嘅野食，可想而知係幾好食味道吾會太咸，但係有令你覺得已經好好，而且好嫩滑牛舌嘅味道都好香，好可口，配上少量的鹽更加好食仲有好多食物叫左都好好食，但我覺得依幾款係最好味道嘅。總括，我覺得食物味道味道非常好，尤其係牛的食物而且，有好多6人卡位，好適合一班朋友一起食，環境好舒服會約埋其他朋友，下次再食過

好耐之前都有食過吉壽但因為覺得不太特別就無再幫襯啦今次再去簡直係煥燃一新環境非常整潔，排位都好吸引，飲品款式好多，韓國、日本以至普通汽水都有，可以話係國際化嘅飲品區。另外，熟食方面雖然唔係好多種類，但就勝在特別竟然會有臐蹄、仲有泰式魚肚，可以話係難得嘅小食刺身當然係放題中嘅主角吧每那樣各點了少少，三文魚非常新鮮，好有厚感，而最最最正係佢嘅鮮蝦刺身，好爽口，同埋整盤刺身都無冰鮮嘅味好正當然都會試埋卷物類，平時放題店都會係大大舊飯塞飽人，但呢間就真係唔同啦⋯⋯佢每卷壽司都好細件，正宗嘅一口壽司，咁樣就真係可以品嚐到好多款啦除左壽司，手卷都係我嘅摯愛，點了海膽手卷，袖珍到好似玩具咁，不過就真係好多海膽嘅，一食落去全舊海膽食放題最忌就係等好耐拖時間，但呢度就真係好快嘅，同埋落幾多都出到幾多，正