吉壽日本料理 (已結業)

在上次的聚會放題,安排了頗好的位置，服務整體尚算可以，反應十分快。食物的質素可以的，刺身，雪糕，串燒等，但是食物種類在放題方面不多，而且份量不多，飲料方面，十分多選擇。。。

有一個中學嘅同學仔好耐冇見，咁我又記得佢好大食🙈所以我諗都唔諗就約佢去食放題其實放題嘅款式其實大致上都差唔多，今次呢間就係我另外一個同事推介，咁價錢都係＄200左右，咁我哋就提早左一星期定位，所以去到都唔使等位就入咗去😊出到去有好多飲品嘅選擇，有好多紙包嘅飲品當然有我最鍾意嘅檸檬茶！另外有水果、前菜小食、甜品同埋雪糕都可以選擇首先我就食咗個士多啤梨乳酪，咁就幾開胃，之後就可以慢慢食其他嘢😚😚咁首先我就食咗一個迷你手卷，係龍蝦沙律嘅口味，龍蝦肉都足夠而且味道酸酸甜甜好開胃呀，而且都做到迷你版，知道食放題嘅人都唔會想食太多飯，好細心❤喺外面拎既小食，我哋就食咗薯格同埋葡撻，咁葡撻就係迷你版，味道都唔會太甜，係可能放耐左少少，個皮就冇咁脆😌重點就係炒牛柳粒，每一粒都好香而且調味都啱啱好，唔會太咸而且肉質都唔會太難咬👍天婦羅亦都係我最愛，佢哋嘅天婦羅蝦，唔會好多炸粉，蝦肉都肥美，另外天婦羅甜番薯個外皮炸得好脆，裏面暖粒粒好窩心😋不得不提嘅就係雞翼都係我嘅至愛，呢度嘅芝麻雞翼唔會太油膩，外層炸得好脆裏面嘅肉質亦都唔會流失咗水份，成隻雞翼都好juicy 😜芒果糯米卷亦都係另外一個唔錯嘅推介，外面既

成日漏單，次次話會跟，但最後冇左回事，。坐左兩個幾鐘，都係冇D薯格。淨係識得準時叫我地交枱，趕我地走，最後D野食當然都係冇黎到，連錢都冇找到，二百幾蚊佢唔值。唔好拎錢去試。

5點2到吉壽..等左陣5點4到入座。可以食住出面啲野先。5點半入單野飲都有幾個雪櫃放。。總有一樣岩飲嘅。。沙律菜幾新鮮。食左三大碗。前菜都有幾款。覺得最好食鳳爪。夠味又夠脆。麻辣雞腳幾大隻。但唔夠麻辣。另外有芝士年糕。幾芝士。但唔夠煙韌。迷你心太軟。唔熱。但心真係軟。食左好多舊。甜品都有五六款。。不過一般。有雪糕同乳酪可以自己整。。乳酪都唔錯。最中意加埋綿花糖。另外仲有雀巢雪糕。雪條任食。魚生方面就一般啦。感覺唔係好新鮮。羊架。我接受到。但中意食羊嘅人應該覺得唔夠味。。牛柳粒都唔錯。。東風螺。唔得。可以略過。鴨舌。好食。。壽司又ok wo。細細件。炸野方面呢。炸榴蓮。炸芝士。炸芋丸。炸蠔。。必食炸榴蓮同芋丸。榴蓮夠哂香。芋丸夠芋同q。17:30-19:30$228而家做緊優惠每位減$30另外1930前離座有85折 加埋一每人$191抵食丫

本身食開吉壽質素都唔錯但今日就有啲"喜"出望外啦😩😩😩🍣刺身方面：甜蝦同埋赤蝦鮮甜帶子好好味見到我都嗌咗好多round但今晚嘅三文魚質素真係好差🙈🙈可以睇到左上角嘅花之戀啲三文魚質素係😅😅而三文魚刺身質素仲差過百佳....色擇淺之外 紋吾靚 吾太新鮮 花之戀仲有D怪味⋯⋯拖羅蓉軍艦D拖羅淡而無味，入口感覺成pat野咁...而海膽手卷海膽係臭嘅⋯⋯-🍤熟食方面：牛柳粒幾好食，雪花牛肉鍋湯底幾鮮甜牛肉都幾好食嘅，燒菠蘿都係好鮮甜嘅，醬燒雞翼嫩滑多汁！天婦羅唔錯，蟹棒天婦羅尤為出色。但吉列生蠔同榴連炸彈炸粉過厚，蠔麻麻地新鮮-🍰甜品方面：新加左乳酪雪糕同軟雪糕乳酪雪糕OK，偏甜軟雪糕非常之甜超級多糖另外試咗木糠布甸都係超級甜北海道牛乳布甸味道還好 但係個質料有啲太膠 應該落咗好多魚膠粉

為左同我去左外國讀書翻左黎既friend接風洗塵，食放題走吾甩嫁喇。聽人講吉壽幾好食，就試一試啦！一入到去間餐廳，同朋友仔坐低，覺得幾舒服咼，張枱同座位幾寬敞，配合埋吾錯既裝修同燈光都幾舒適呀~至於食物既質素都唔錯。魚生，壽司，牛肉煲，炸物，串燒等等，要咩有咩，重要新鮮即整！ 我最鐘意食既係吉壽既炸物，特別係炸廣島蠔！起初唸住叫一兩隻試下先，點知一食就愛上佢！佢既炸物全部係新鮮即炸，所以一送過黎就係熱辣辣，當我將炸蠔放落咀嚼既時候，好似爆出黎甘, 溶在口中。其實比起出面其他既放題店都未必做到。食食下，望下周圍，見到出面有個位，有啲人堆係個到，就出去行下睇下有咩特別。點知原來重有小食，例如芝麻八爪魚，薯格，螺仔，例湯等等！而且過隔離小小，有一個大雪櫃，就好似便利店既雪櫃甘，野飲應有盡有，茶都有兩款，有忌廉鮮奶，有汽水，有果汁等，點飲都吾悶，好爽呀!! 食飽左又可以係隔離個甜品位，拎下馬卡龍，朱古力蛋糕仔，又可以自製乳酪雪糕。最後埋單既時候每人大約二百五十蚊以內，其實抵呀。

又到冬天啊❄️❄️又係時候瘋狂食，又有衫遮住啲肥肉嘅時候🙈咁鍾意食嘅我梗係同男朋友仔又去咗食放題💕呢度嘅款式都有好多種類，係我去咁多間放題之中地方最大，而且每個座位都好闊落，自然坐得舒服又食得舒服😌刺身、海鮮、串燒、天婦羅、炸物、飽肚食品烏冬等等種類應有盡有，好豐富👍🏻而且自助形式嘅種類都好多，飲品同埋甜品雪糕、蛋糕都好多款式外面有啲熟食迷你葡撻同埋煎餃子啊都唔錯❤平時喺其他放題大部份識嘅都係煎或者炸嘅雞翼，今次就試吓呢度嘅醬燒雞翼，雞肉好嫩滑，而且佢嗰醬汁都好入味，表面燒到有少少焦，小小甜甜地，都幾開胃😎鹽燒雞軟骨🍖係我男朋友嘅至愛，佢都覺得呢度嘅雞軟骨唔會太多脂肪，而且燒得好脆，帶有少少嘅鹹味，好滿足黃金焗帶子表面係一啲沙律醬下面有一粒細嘅帶子肉，真係一個唔錯嘅配合仲有梗係最期待嘅刺身拼盤，三文魚真係好肥美呀🤤好有口感 ，甜蝦都好大隻，啖啖肉😋係玉子刺身比較乾身，小小美中不足😙牛油粟米係我去每間放題都必食嘅，粟米當然係好甜，而且唔會好乾身，牛油同粟米嘅比例啱啱好🌽呢度御品蟹王瑤柱海鮮粥好值得一試，裏面有蟹令到成個粥底都有海鮮味，呢度有樣嘢好值得一提嘅就係店員好細心，個蟹粥放低之後主動問

同女朋友今晚黎左旺角食放題, 真係食到好飽好滿足😝😝😝 吉壽既食物種類真係比其他既放題多, 而飲品都好多好多選擇除左寫紙落單之外, 出面仲有雪糕機, 熟食, 炸野食比客人自己攞, 真係超多野食❤️飲品攞左我同女朋友最中意飲既椰子水甜甜地, 飲左好多支🙈刺身～刺身～～好好食既刺身～～～刺身既款項都算幾多, 三文魚等等既刺身食落富有口感, 帶子帶點鮮甜👍🏻 素鮑片, 蛋都係正常野芝麻雞翼 新鮮熱辣辣, 外脆內嫩既炸雞翼味道剛剛好, 女朋友食左好多隻😂廣島蠔個炸皮比雞翼厚, 味道比較濃好味, 不過食多幾舊可能會有點膩魚好似係放題比較少有, 醬汁唔會太多, 味道都唔錯啊! ❤️ 呢個我幾中意食😁😁😁食太多生冷野食返個熱湯係個唔錯既選擇, 而且入而有好多菜, 唔錯👏🏻☺️燒翠肉瓜好好食! 燒得岩岩好又保持到原有水濕👍🏻 好味道😁😁😁今晚又食左好多好多野!野食多而且味道都幾好嫁! 有機會會再黎食😁不過係時候要跑返步, 下次再黎食返夠本🙈

今日同男朋友去左旺角行街, 行到攰攰地大家都想搵個地方好好坐低休息下... 啱啱諗起好似好耐冇食個放題啦! ❤️馬上打過嚟吉首呢度睇下仲有冇枱, 因為呢段時間並非繁忙時段, 估唔到打過嚟都有位😀 所以同男朋友就過咗嚟食放題順便休息下食下野😁😁😁呢個係最早嘅晚飯時段 5:30-7:30其實食呢段時間都唔錯架, 雖然7:30已經食完晚飯, 不過之後仲可以慢慢再行下散下步, 不失為一個好好嘅落格活動😂😂😂👍🏻放題種類來講佢都算選擇幾多, 除咗嘢食種類多之外呢度嘅嘢飲都多不勝數架! 唔知仲以為去咗7-11買汽水😂😂😂😂😂 四大個汽水櫃比大家攞野飲除咗熟食, 乳酪供客人自己攞之外, 仲有雪糕🍦種類真係多不勝數! 相信呢度嘅老闆絕對唔怕嘢食會買唔晒, 只怕你哋唔食😂🍣Sushi Sushi GO GO GO!🍣好多人來放題通常都會帶好多種類同數量好多, 不過我同男朋友都係一個唔鍾意晒嘢嘅人, 所以好多時都會叫小小份量先, 唔夠食先再叫黎得放題當然要食刺身啦!😁😁😁 刺身應該係香港人最鍾意食嘅放題食品之一煙霧離漫既刺身增加左原有嘅賣相😀 刺身食落唔錯嫁! 魚生剛好切左邊邊位置, 令到多左一層口感😍😍😍

幾年前食過一次，好記得當時唔食蠔既我食完炸蠔之後就從此愛上當晚8號風球，夜晚會開既餐廳唔多，所以咁啱見到呢間有開就黎左呢度裝修同幾年前唔同左選擇唔算多野食黎得幾快而且無咩漏單，睇落唔覺但其實好細件，不過食放題就係為過口癮所以幾好不過野食明顯水準無以前咁好，炸蠔亦變得好細隻，所以下次食放題會揀另一間

話說友人超喜歡食放題，多元化食物加上吉壽坐得好實在舒適，於是每每想不起食什麼的時候，就來到吉壽。放題必食，林林總總的壽司，美味！由於天寒地凍，今次食熟食多：滿滿的一碗牛柳粒，足二人份量，口感軟腍且牛味濃，配合黑椒、洋蔥，入口腍又不會太油膩，很惹味。串燒吃多了怕膩，薄薄的串燒牛舌兩片份量剛好，即叫即燒的牛舌熱氣騰騰，薄切做法入口爽脆，塗上些許的檸檬汁，能減少膩口感之餘更能帶出牛舌獨特的味道。貴妃、滷水鴨舌吃得多，但在自助餐中能嚐到椒鹽鴨舌，實屬驚喜。這道鴨舌外皮炸得金黃，外層撒上椒鹽，香味四溢…咬下去，內裏的鴨舌仍能保持嫩滑，值得一試。羊排外層酥脆，內裡肉質嫩滑多汁，配合孜然調味，濃濃的香氣將羊肉腥羶味完全辟去，配上檸檬汁,完全提升了羊肉的鮮味 ... 燒鰻魚，醬汁正，大大提升鰻魚味。來一碗熱烏冬，好彩小碗的，份量剛好，熱熱地食完好舒服。

吉壽嚟過幾次，皆因地理位置極正，係地鐵站一上地面右邊就係入口，食飽飽再行陣街，幫助消化😜😜呢度好多嘢食，每樣點一次，都好飽而且除餐紙上面嘅嘢食，外面都有得拎，正遞完餐紙去拎嘢飲先推薦飲解茶，無糖份，勢助消化，見隔離枱嘅女仔飲咗5、6枝😆yeah....拎完嘢飲，嘢食就到，時間啱啱好👍🏻👍🏻食放題，成枱都係最開心😍😍我地無浪費架，全部食哂，唔做大嘥鬼😎魚生，鍾意食劍魚腩，好油脂但唔覺肥膩😝珍寶大赤蝦，夠大件，肉質爽，好味！象拔螃，爽、甜、好得😬😬白松露油甘魚，必食聞果陣白松露好香，配埋油甘魚一齊食，好香好好味避風堂鴨舌風味菜，第一次係放題食到，唔辣，好惹味，令鴨舌呢種本身無乜味嘅食材變得好吸引，又係必食推介😎😎炸芋頭球、炸芝士波、炸榴連三款都好味道，而且熱辣辣上枱，夠哂新鮮即整😬辣味螺，都幾辣，但夠入味乳酪雪糕，放題必食，鍾意它唔太甜，又可以自選配料👍🏻👍🏻迷李心太軟擺係大堂自己拎，所以唔太熱，有少少流心效果，好好味，食咗幾粒😬😬

又去食放題lu~今次呢間選擇都幾多下，仲有熟食同雪櫃最愛食燒菠蘿，因為有好多汁，而且唔太燶，一咬落出d汁流晒出泥呢個唔記得叫咩魚D肉幾“實”下，但燶左小小，味道都ok既放題當然仲有壽司，薄左dd，但都幾新鮮，生蝦好滑好正呢個牛肉湯好大份，但略嫌牛肉肥左小小，但好入味好濃，d娃娃菜好淋，我中意呢個羊架唔太羶，食落好香，呢個時蔬加左木魚花（好似叫呢個名），食落好清新，d菜仲好清脆

五點半黎到食放題，等左一陣就有得去坐d位都坐得幾舒適，唔迫。出面有個自助吧可以任拎沙律前菜飲品甜品等等，竟然仲有部分炸物，真係好多選擇，未點餐個時我已經拎左唔少食，可能太肚餓啦實在😳😳😳文魚刺身勁厚，我見到都嚇左一跳。三文魚好肥美，而且好新鮮冇雪藏既味道鮑片好鮮甜，甜味係口腔久久不散，而且好彈牙！甜蝦都係好大隻又爽口😋😋😋忍唔住encore左次，實在太好味！白汁焗帶子推介👍👍👍本身以為好細隻所以叫多左少少，點知上到枱好大隻😳😳😳帶子大大隻而目配上濃濃既白汁，時間又焗得岩岩好，成件事好夾😋壽司質素唔錯，同專買壽司舖有得揮。芝士蟹捧燒到香香地好好食，牛肉壽司好嫩燒得岩岩好😋花之戀都有得食，但就不過不失啦！因為有其他款色更加好食😂仲有D特別壽司可以叫，試左幾種都相當不錯。外型靚唔洗講，食物既搭配相當夾，真係睇得又食得。我本人就鐘意食饅魚個款。芝蔴雞翼熱辣辣上枱，好香口。皮炸得好脆但入面肉仲keep到好嫩滑，好正😭😭😭日式蒲燒鰻魚都好唔錯，鰻魚啖啖食，燒汁好入味，食食下好想要碗白飯😂今次放題相當唔錯，我同朋友都食得好滿意😂

朋友生日於是去吃日式放題。。有幾道菜式也很喜歡，就是這個一口牛，口感不會太乾身，很香口和多汁。還有一口帶子，大大顆，配上我最愛的洋蔥，清清甜甜的。放題吃刺身當然少不了，賣相很吸引，更配合了噴煙效果，也很新鮮，蝦刺身很滑，大大隻，甜蛋刺身切得厚一點就更好了。天婦羅炸得很脆但炸粉比較厚，但裏面的蝦肉很爽。第一次吃靖魚，原來魚肉很“實”，也很入味。