吉壽日本料理 (已結業)

老實說, 吉壽個名聽左好多年, 不過一陣都未試過, 因為現今放題實在有太多選擇啦~~今日o係旺角諗唔到食咩, 又見到吉壽個水牌, 朋友都未食過就試下啦時間尚早, 完全唔洗等位。呢度既選擇都唔少，應有盡有既。刺身: 雖然唔算係頂級肥美, 但係都比想像中好。三文魚唔多筋, 無咩腥味, 唔算厚切; 蝦就幾甜, 不過都係唔夠肥, 帶子都正常。整體都算排得幾整齊。壽司: 都有成4頁紙。不過壽司飯無咩醋味。炸物: 芝麻雞翼必點啦, 幾惹味, 食完一隻又一隻。天婦羅: 唔夠新鮮，有幾塊南瓜天婦羅淋左。其他岩岩炸起都ok!整體黎講, 一定唔係top個咋, 但係勝價比都唔錯, 可以一解放題癮既。

好想食日本野，但我得同媽咪兩個人，想食多款又食不下太多份量，放題就最好喇。放題食得多，但呢間吉壽是第一次。這裡的環境很不錯，未行到去張枱，已經見到外面不同的冷熱盤及甜品。我們坐卡位，感覺比以往的放題店闊落得多。首先到外面取前菜，有得多款色，都夠涷夠新鮮。特別喜歡味付螺肉。不過都要留肚試其他食物。食物種類基本上其他放題店有嘅野呢度都有。必食的就是下下幾樣：刺身簡直就是必食。非常新鮮，好爽好好味，特別喜歡是牡丹大蝦，好黏好爽的感覺，是我最愛的質地。鰻魚唔可以唔叫呀！！！！食過無數間放題，真係無咩邊間有燒鰻魚，就算食過有間是有鰻魚，都好似好珍貴咁細舊到如絲一樣，所以見到有咁大舊嘅熱烘烘的燒鰻魚，真係十分驚喜，而且真心覺得值回票價。燒物來說我就最愛燒帶子，菠蘿及大翠肉瓜。這樣配撘起來又鮮味又不會太漏。甜品和一般放題一樣，都是有乳酪雪糕，而這裡另外有好多其他甜品雪條選擇，全部細細舊，咁樣終結我豐富的一餐,實在好滿足

第一次一個人去食放題，去到見到有位男士都係一個人食，正所謂“豆腐火腩飯男人的浪漫，獨食放題又有咩可怕喎，哈哈！！！依間吉壽，坐位都幾舒服，燈光光猛。一入黎就見到自助吧區，未坐底睇到已經流口水！！！蟹粥真係真材實料，好鮮甜，粥底軟綿！！！炒元貝，好野味，大大粒啖啖肉！！！上湯時菜雜菌，我以為係一鍋鍋上，如果用鍋上會多d上湯同熱d，味偏清淡，食左好多美食後清清地食依款上湯時菜雜菌岩曬！！！淋係青口既汁，酸酸辣辣好醒胃！！！燒蕃薯仔，細細粒，甜甜地！！！燒菠蘿，酸甜，燒到兩面微燶，正！燒尖椒，辣得過癮！！！

每次想食好嘢但搵唔到餐廳的時候食放題永遠係一個不錯的選擇記得朋友講過呢間放題食到好似自助餐咁梗係要一試啦一入門口就已經見到成個自助吧有自助甜品及水果而且不是普普通通一個自助吧這個自助吧有林林總總十分之多的甜品水果及一些飲品而且呢度仲有個熟食吧見到有一啲炸物例如麥樂雞炸雞翼甚至炸餃子不過主題日式放題未食當然不會食甜品及水果先一坐低指定動作當然係叫刺身及壽司乜都唔好理樣樣都叫齊先我哋叫咗三文魚 北海道帶子 油金魚 北寄貝及超大隻的帝王蝦三文魚鮮橙色而且泛起彩虹光證明十分新鮮而且咬落彈口油金魚亦絕不馬虎有豐富的魚味而且有不吝嗇地用上厚切方法啖啖回味炸物方面叫了紫心香芋丸芝士年糕芝麻雞翼及最開心的是這裏有榴槤炸彈炸物樣樣新鮮炸起內裏熱辣辣而且紫心香芋丸及芝士年糕味道香濃口感軟滑最後果粒榴槤炸彈係囗入面引爆了整個榴槤般的爽快另外我最鍾意就係開個燒羊架羊肉嫰滑而且仲係大大件一次過叫成幾件可以大啖大啖咁食而且仲啱啱燒完就拎出嚟10分吸引另外一定要提的是這裏的飲品簡直好似7-11無論果汁定係茶起碼有成十幾款俾你揀最驚喜嘅係呢度連啤酒都可以任飲最後仲見到有啲人食另一個放題原來呢度新出左一種浜燒放題主要係

今天同老公行完旺角 諗住食好少少 所以食了吉壽的御品放題一入到去已經有一個熱食的枱bar放著心太軟 ,葡撻, 炸餃子還有 麥樂雞拿了心太軟及葡撻的質素也十分不錯心太軟一齊落口已是流心這裏總共有三個甜品吧 一個放 馬卡龍 泡芙 及林林總總的甜品杯別一個放著雪糕及特色雪條的 雪櫃裏面還有 榴槤雪條及椰子香芋雪條榴槤雪條十分濃味 而且椰子香芋雪條也十分香滑 使我食完一條菜一條還有一個是 士多啤梨及yogurt 軟雪糕 可以自己隨意添加不同的糖果給零食在雪糕面上出邊還有凍食食物區 有泡椒雞腳及 雞翼雞腳腳雞亦十分之爽口彈牙而且還有陣陣淡淡的辣味避風塘炒辣蟹 避風塘炒辣蟹 辣蟹係經過頭走油 調味十分足夠所以好惹味雙色花之卷 上面有三文魚及鯛魚製成而且三文魚子及蟹籽在花之卷上面細細粒而份量十分足夠牛油果蟹腳反卷蟹腳反卷上面有塊牛油果牛油果可以增加蟹腳的鮮味

許久沒吃放題,友人選了吉壽作為是次聚會之選。 地點非常方便, 地鐵站一出便到。 這家放題人流很多,沒訂台就不知要等多久了。 款式種類很多,一般刺身種類都有,值得一提的是飲品櫃,種類比相同價錢的放題為多,還有熱維他奶等供應。 上菜速度很不一,第一輪等了很久才有,及後就快一些。 食品方面手卷是不錯的,很迷你,多吃數個也不怕過飽,吃不了其他東西。 天婦羅沒有最愛的冬菇,炸蝦好像油有點多的感覺,不夠脆。 京蔥三文魚挺好吃,做到火灸應有的效果。

難得聽日放假，我就約咗我BB同我去旺角行街shopping ，行咗一陣條街真係好多好多人，人來人往非常之迫， 所以都行得非常攰，就決定補充番啲體力去帶佢食一餐，最後喺朗豪坊附近有人派傳單，所以就決定去咗食吉壽啦！呢間放題裝修都幾靚同餐廳都非常大，估去唔到原來都有好多人book咗位同門口有好多人排隊，都有幾多嘢食下大家睇返張order紙！呢間放題除咗order之外仲有熟食吧、沙律吧、甜品吧⋯⋯首先，我哋就叫左刺身，刺身都好新鮮好大塊，油甘魚都好肥美，我bb不停地order之後，叫咗蒲燒鰻魚，而家好少放題會有單點蒲燒鰻魚，燒得都唔錯架另外，泰式炒辣蟹，辣蟹炒得好入味，蟹都幾大隻，叫一份已經有半隻啦蒜香鹽燒雞軟骨，唔使檸檬已經好香蒜蓉味，炸到好脆👍🏻芝麻雞翼，雞翼炸到外脆內滑，可能係調味料嘅關係，所以都好入味仲叫咗燒羊架，要一份份量已經好多，羊架都燒得好軟熟，好香最後就緊係甜品啦，奶凍、木糠布甸、tiramisu ⋯都整得好好食！總括而言，間餐廳食物質素、份量、環境都唔錯，放題來講佢都坐得幾舒服，食物款式多，最緊要嘅係，從來冇漏單，下次我都會帶屋企人來試吓！

今日放工攰攰地，我同我男朋友就決定去旺角食放題，我個朋友就介紹咗我哋去吉壽，其實我N年前食過，佢話吉壽裝修左之後多左好多嘢食！我哋就book咗五點半至七點半，一去到門口已經好多人，好彩又book位，成間餐廳五點半就已經full晒啦！一入到餐廳就見好大個飲品雪櫃，仲有好少放題會有嘅沙律吧、乳酪雪糕機、甜品櫃同熟食區⋯出乎我意料之外！介紹下d食物先😋刺身拼盤：刺身都好新鮮，三文魚好肥美，大赤蝦同象拔蚌都好爽口鐵板大蝦：呢個我要推介一下，大蝦好大隻，個醬汁調製得好入味，酸酸甜甜，我無限encore 左好多次創作壽司：御壽司👍🏻無論賣相同味道都好ok，有海膽、甜蝦同三文魚！燒有機菠蘿：超甜又多汁！呢個都值得encore 😂炸吉列蠔：又脆又香口，入面蠔都好有蠔味！甜品：呢間放題真係有好多甜品選擇，要推薦：乳酪雪糕、芒果糯米池、奶凍⋯都好好食，乳酪雪糕仲有配料tim!總括來講，我覺得呢間放題質素真係左高好多，無論係食物款式味道賣相都好好，另外，我要讚一下間餐廳嘅員工，好有禮貌，好快手收走我哋食完嘅碟，最緊要嘅係咁忙都有笑容，都係二百零蚊每人埋單，真係性價比高！

又到半年一度的放題日。因為我和家姐都會定期試唔同地方的放題。今次來到吉壽，裝修美觀，位買闊落。我事先預約，到達就立即我舒適的座位。這裡未點菜已可到自助區取小食、前菜及飲品。涷雞腳及雞翼都幾爽脆及新鮮，加埋前菜及沙津，令我更加開胃及為之後的放題大戰揭開序幕。天婦羅整得好好味，唔厚粉，而且不會油淋淋的，天婦羅蟹棒及蝦都是大推的。剌身今次叫得不多，因為女士們都唔想食咁多生冷野，但都點了幾款至愛的。牡丹大蝦，三文魚及帶子是最好吃的，有魚味，夠新鮮。另外其實這裡點手卷也不錯喲，好迷你可愛，不會弄飽自己吃不到其他，而紙菜也是很脆！雞軟骨、雞翼是我必吃的，雖然熱氣啲，但好香口好脆，放題食就最啱，可以唔駛多叫少少👍🏻甜品簡真多不聲數，外面有很多蛋糕仔、心太軟，雪糕雪條等等…我試了很多，大推嘅就是炸榴鏈，好重榴鏈味，裡面質地就是溶溶地的流心，我都翻點了兩次。另外都是吃了乳酪蛋糕，雖然同其他分店差唔多，但習慣上總是食放題必要食吓佢先走。

吉壽的大名很早就聽過了，是放題界中的先驅。可惜一直未曾試過，這次好友告知吉壽大翻身，便雙雙去試一試。一進去感覺裝備很新，坐位幾乎都是卡位設計。而且設有大量的飲品，涼菜和甜品的自助吧，讓食客方便自助選取。一下完單當然先拿點小吃，八爪魚，素翅和螺肉。雖然放在自助區，但十分夠凍，味道亦新鮮彈牙。先試壽司，一看到想叫的就是白松露油甘魚同黑松露赤蝦。加了松露好像整體感覺高級了。油甘魚非常肥美，加上白松露提升鮮味。而黑松露赤蝦味道則比白松露濃，蝦大隻彈牙且鮮甜。火炙壽司亦試了好幾款！最喜歡的是特式柚子皮鹽燒平目魚，其實就是左口魚邊。一口一件入口即溶，加上柚子味道清新。另外元袓燒京蔥三文魚也很推介，三文魚同樣有入口即溶嘅感覺，燒過後味道更加出色。醬燒雞翼平時吃芝麻雞翼就食得多，醬燒雞翼都十分惹味。有醬汁不會乾身，而且雞翼肉質很嫩。牛舌來放題怎少得牛舌，一吃便停不了！牛舌帶咸香有肉汁，十分彈牙。燒羊架羊架同樣燒得惹味！啖啖肉，而且沒有so味。燒得很嫩。黃金焗帶子這個最推介，帶子是真材實料十分大隻的。醬汁很配，帶子是吃放題而來最彈牙和好吃的！水準中上的放題，旺角來說比很多別的好吃！

吉壽出名多選擇，高質素，今日決定黎試下！首先，刺身係好好好好味！三文魚好厚身，食落口感一流。啲蝦全部都大大隻，好鮮甜，記得係必點刺身之二。不單止刺身，熟食都好多花款。雞翼配個汁甜甜地幾好食，熟蝦依然係好大隻，沙律蠔必點，忍唔住叫左8隻，因為賣相實在太吸引！仲點了蟹粥，好鮮甜！炒蟹竟然任食，仲係好多肉，好抵！火灸壽司好香，好大件。總結係，食物質素真係好高，服務都好好，收碟上野好快手，性價比值，會再黎。

一大班人，想不起要吃什麼的時間，放題便是一個好選擇。這次選擇到了旺角的吉壽，因為位置很便利，最重要的是有優惠！放題食物選擇多就很平常，質素才是重點！刺身的都是新鮮，當中我最喜歡的是帶子和三文魚。三文魚不但新鮮，其油脂分佈亦很平均，肥美、鮮甜！而帶子質地很滑，十分美味。這個蟹是出乎我意料之多的美味，肉質不會軟軟的，有彈性口感。最吸引我的是其調味，用辣椒、蔥炒，十分惹味。有種大排檔風味，立即想來一碗飯配。壽司份量少少，不用擔心會吃一、兩塊就把肚子填滿，可以試不同的款式。三文魚和燒元貝都是我的愛，因為有燒過，所以更能帶出其香味，但因為只是輕輕一燒，所以仍保留其嫩滑的口感。吃放題第一次吃鴨舌，是惹味香口的小吃。蕃薯仔依舊很美味，甜甜的，不知不覺就吃了幾串。甜品選擇很多，有frozen yogurt ，但味道偏甜了一點。甜品種類亦很多元，

前陣子和爸爸去日本 他說日本無啖好食 因為冇港式日本放題 雖然心底裡覺得佢唔識貨 但佢生日 一於滿足佢大魚大肉的生日願望吧。吉壽我都是第一次試 勝在夠方便 地鐵站一出就到 老人家好容易搵到。地方幾大 好多卡位 坐得幾舒服。除了點心紙 原來出面好多熟食 冷盤 甜品 雪糕 飲品～ 種類都好多。特別對乳酪雪糕心心眼 配料都有4、5款 最後食左3杯！冷盤特別喜燒泡椒雞翼 微微辣 好入味 雞翼肉質又OK。爸爸最鐘意食三文魚壽司 老人家一定要有飯 不喜歡齋食刺身。前後點了十幾件三文魚壽司和手卷。三文魚都不錯 放題來說 質素幾好 肥美 鮮甜。我腸胃炎剛癒 只敢食熟食。壽司飯全部細細件 唔會食到太飽～ 厚燒玉子壽司好味 玉子微暖 都算軟熟 帶點甜味。牛油果軟殼蟹卷 賣相不錯 軟殼蟹幾脆 蟹籽都幾新鮮 encore x2!爸爸是羊架的粉絲 食左三件! 熱辣辣 剛燒起。他說都幾香脆 唔會太老 而且醃得幾入味。燒物～燒翠玉瓜幾juicy 冇乾爭爭。燒海蝦 蝦又幾新鮮喎 喎算大隻但幾彈牙。避風塘鴨舌 爸爸一個人KO左。鴨舌用炸粉炸完再兜蒜頭辣椒 幾惹味香口。炸物～爸爸主要狂食'榴連炸彈'。榴連肉帶點流心 外

食過旺角咁多間放題，吉壽都算係唔錯嘅一間！天氣凍返啲，好彩依度有熱飲，岩哂我宜啲怕凍既潺弱港女喇！餐廳除咗飲品係自助之外，仲有自助甜品小食任拎！有興趣嘅仲可以一展身手，自己動手「滋」雪糕！除咗雪糕、蛋糕之外，仲有一啲健康既乳酪同豆腐花。各式各樣嘅刺身都有好多，我哋就鍾情於食三文魚同蝦！蝦都有兩款，有甜蝦有虎蝦，甜蝦味道較鮮甜，而虎蝦size就較大同爽口！壽司小巧精緻，可以每樣都食一件又唔會吃得太飽。熟食方面有串燒、天婦羅、海鮮等等，水準都唔錯。黃金焗帶子size都唔細，加上芝士去焗，鮮甜之外仲芝味濃郁！天婦羅叫即炸，新鮮滾熱辣，油分唔會太多，食多幾條都唔膩！茄汁蝦有手指咁長，蝦肉索哂茄汁，好夠味！而且肉質結實，夠新鮮。出乎我意料之外嘅係估唔到放題都有馬卡龍吃！雖然冇買馬卡龍甜品專門店嘅咁好吃，但都唔差唷！

朋友生日當然要食餐勁喇！！！放題絕對係最佳選擇！好耐之前黎食過，覺得唔錯，所以今晚就同朋友再黎食餐勁！環境寬闊，而且沙發坐得非常舒服！飲品選擇非常多，除咗汽水之外仲有啤酒，鍾意飲酒嘅朋友飲多幾杯真係抵返晒啦！我就選擇左無糖嘅道地茶，可以留返多d卡路里盡情食!haha食放題當然唔少得食刺身啦，除咗刺身之外仲有好多款款式可以選擇，有壽司、串燒、天婦羅、一品料理等等……刺身款式亦都非常多超過成10款，有三文魚、蜜汁鮑片、油金魚、甜蝦……三文魚不但肥厚而且仲非常鮮甜！另外推介蜜汁鮑片，鮑片鮮甜之外仲有甜甜既蜜糖味，好惹味特別！卷物細細件，唔洗擔心壽司飯太多會食飽！龍蝦沙律手卷清新鮮甜，值得一吃！不過海膽手卷就有點令人失望。海膽賣相不吸引，味道一般！花之戀壽司同蟹棒壽司非常好吃！蟹棒經過火槍燒非常香口，但同時亦都保留左蟹棒嘅鹹鮮味！牛肉粒加上少少黑胡椒粉，份外香口！牛粒肉汁juicy，牛味濃，同朋友不停order！除咗自行落單之外，仲可以出去拎小食同甜品！真係食盡會1分每1秒，唔使擔心等食物上枱時會浪費時間！