吉壽日本料理 (已結業)

再試一次，年幾前太差今次由入去到坐下，已有好印象，裝修和空間有非常好的改變，不像以前爛檔低服務最期待第一口的食物！ 一咬刺身蝦已feel 到新鮮，再慢慢品嘗至落肚，只能說＂掂＂ 估不到有咁大改善，食材提升了好多，之後其他食物質數也好好，還有大家一定要點鰻魚，因為不是快餐店果d，而係生燒的！美味超凡，所以我們下一次一定再來食，何況 九點半 只收＄201 😱⋯⋯超抵食呀！

friend子生日，一行4人去搵地方食飯見到吉壽做梗午市優惠，就去左食放題這次係我第3次食吉壽。依家做過新裝修，成間舖顯得靚左，啲員工都有禮貌左唔少。我同friends一口氣食左3，4盆刺身。三文魚同鮑片都好新鮮，真心幾正。全場食物都唔錯，唯一有點美中不足，就係我地order幾次牛舌粒，但都冇送黎。臨到埋單個陣，個waiter先一次過上左4客。為左唔好哂，我地幾個快快脆食哂佢。對我尼啲窮人黎講，吉壽算係幾好嘅放題。

係旺角咁多人嘅地方搵間食野嘅地方唔難，問題係實在太多人啦哩間日料嘅地理位置都幾好搵，就係旺角站附近嘅建築5樓...門店雖然唔大，不過我鍾意食哩度嘅刺身，三文魚好厚，好大舊，甜蝦都係！朋友唔食得魚，就點咗牛肉，好嫩雞脆骨，羊肉串味道都中規中矩啦炙燒同三文魚腩唔錯，不過我自己並唔係好鍾意食米飯，後嚟都係點番刺身啦榴蓮炸彈都唔錯，仲有好多甜品同飲品可以揀，布甸有兩種，推介食牛奶味果款...

今日朋友帶左我黎呢間放題, 餐廳裝修都幾靚, 比一般放題餐廳坐得舒服, 第一件事order左刺身! 刺身既款式都算多~而且材料幾新鮮!!同埋寫幾多黎幾多~ 之後再Order左幾個round都無漏單~ 壽司款式都唔少~ 我鍾意佢D飯細細舊~  唔會好快就食飯已經食飽左燒三文魚腩入口即溶~重有幾款創意壽司, 配搭都幾創新同特別~ 味道都唔錯!因為我好鍾意食炸物, 所以好欣賞佢個炸物既自助區, 有炸蝦炸雞炸春卷等等~ 佢會不斷refill, 食既時候都係脆同暖暖地既~另外, 前菜同沙律都係自助的, 咁樣份量就可以自己控制, 食幾多拎幾多~唔怕浪費!

禽晚放工約咗兩個好姊妹聚會，之前已打電話訂枱，8點半去到，唔使等好耐冇嚟過，原來呢度裝修咗，靚咗好多，地方闊落咗，好多梳化位。店員帶咗我地到卡位坐，無論環境，座位都感覺好舒服。坐落一陣，有店員埋嚟問需唔需要為我哋準備刺身拼盆，咁當然好啦～幾姊妹好耐冇見，大家一邊傾計一邊點吓食物，隔咗一陣，又有店員話，唔好意思，阻你地一陣，大家都轉頭望，咩事呢？嘩~好有心思嘅刺身拼盆已到了，上面仲有吉壽兩字嘅冰雕，乾冰製造嘅煙霧，真係忍唔住相機食先師傅~多謝您影完一輪大家都好肚餓啦！開餐啦其他食物都陸續嚟啦仲有好多美食都冇影到，因為大家都不停食不停傾計總括禽晚我地食得好開心，食物質素好好，刺身好新鮮，種類多又好味。P.S.出面仲有個自助區㗎，好多食物，有多配搭嘅沙律，老火湯，啱哂平時少湯水嘅我，有小食及甜品區，仲有一個好似7仔嘅飲品櫃，飲品種類多到睇唔哂，仲有自助雪糕機，有乳酪雪糕同軟雪糕添仲有多種雪糕雪條，有咁多美食，我地今次都未食哂咁多款式，下次 我地一定會再嚟 yummy埋單時先知，原來訂枱係有九折優惠，您哋真係好呀！

我同妹妹兩姊妹最中意就係食放題！源源不絕既食物，可以比我地一邊暢所欲言，一邊吃個飽。我地試過無數咁多放題，水準可謂參差不一，有高水準的，有一般的，更有中伏的。今次選擇吉壽，因為妹妹有個嘴刁朋友極力推介，所以有去試下！**生蝦刺身**妹妹至愛~~~肉質彈牙結實唔黏口，味道鮮甜，佢一個人食左兩round**薑蔥炒蟹**我至愛~~~海鮮控必試！炒得香脆可口，微辣。蟹肉結實唔"梅", 薑蔥味重，d汁好好味，連殼都啜到乾乾淨淨呢個都好好味呀~~賣相同味道都有d似茄汁蝦碌。香口得黎又唔會太漏，正仲有炒雜菜同燒翠肉瓜都係我覺得好食的^^價錢合理又高水既放題唔多，旺角區黎講我會再選擇吉壽

吉壽日式放題其實算幾抵食 啲刺身比一般放題食店新鮮 自從裝潢過之後 食物同服務質素都有所提升 食物款式多左好多 我同屋企人食左蜜汁雞翼🐥、羊架🐏、蒜香牛肉粒🐮、串燒、肥牛湯鍋、蠔、帶子、鰻魚等等 係咁多樣野食裡面 最抵食都係刺身 同埋牛肉湯鍋🍲 雖然刺身唔算十分高質 但至少唔會食到異味或者大量魚骨～😅 野飲都有好多選擇🍸🍹 韓國同台灣出名好飲既飲品都有 仲有最新出既椰子水😃 但服務態度都係未夠好 上菜時間好長 又會漏下單咁 催好多次先食到啲熱門野😩

一班十幾人gathering，地方都好大有雪糕機、大雪櫃自己拉雪糕取飲料還有不少熟食自取⋯魚生好靚，每次都有用冰上；但味道一般，蝦有點腥味⋯熟食比魚生好食；雞全翼、羊鞍、烏冬都係好介紹

好耐都冇食過放題今日行過旺角見到佢哋派傳單所以今日就試咗呢間叫做吉壽日式放題店入到去就梗係點晒所有刺身呢一間放題嘅選擇有好多一次過點晒佢哋三文魚，油金魚，劍魚腩，象拔蚌同埋大大隻嘅甜蝦呢度啲啲刺身都好新鮮完全冇嗰啲放題店嘅雪藏味可能因為人多幫襯快所以出貨快令到刺身保持新鮮而且沒有啲怪味呢一盤刺身只係用咗10分鐘就完全清晒了之後叫左一大堆炸物包括芝麻雞翼，榴槤炸彈，炸芝士同埋紫心丸每一種都係一炸好就上枱非常之咁好食但係一定要小心熱因為嗰啲丸完完全全係流心的所以一個唔留神好容易會灼傷另外我最鍾意就係呢度有自助沙律吧呢度啲沙律有好多選擇而且啲沙律醬都十分之豐富完全滿足晒我呢個沙律迷最後最喜歡嘅就係呢度mega完全任食的！

又可以食我最鍾意嘅食嘅放題不過今次我唔想淨係食刺身就食到飽因為今次主打想食佢哋嘅熟食同埋特別嘅小食不過一坐低通常第一樣野都係點返刺身不過今次就小小地點住三文魚同埋大蝦三文魚都依然十分之新鮮唔單止色水十分之靚個厚薄重啱啱好而且每一塊都冇咁根大大隻帝王蝦就好好肉而且肉質晶瑩剔透入口落去又彈牙又爽口最後呢個大蝦encore左三次呢道除咗可以入紙點嘢食之外佢仲有打好大部份嘅自助餐區今日就係主打一啲炸嘢食除咗有炸雞炸墨魚咀仲有薯格同薯條每一種都脆卜卜十分之新鮮而另一種令我喜出望外嘅食物就係嗰種環球美食嘅燒鰻魚呢種鰻魚完全係同出邊食咁鬼貴一碗嘅鰻魚飯一樣每一塊鰻魚都大大塊又肉厚而且又多汁油份充足最後最特別就係食咗鰻魚天婦羅估唔到平時天婦羅係硬硬嘅質地將佢製作成天婦羅之後嘅鰻魚完全係外脆內軟直情拍晒手咁好食

最近天氣變幻莫測，跟友人的飯局聚會都最消了好幾次，今天即興相約，放題想必是最好的選擇。吉壽對我們來說一點都不陌生，只是今次去裝橫上大有不同，金金黃黃色的主調，燈光等等都更有氣派，食物方面增潻了很多新元素，長話短說，相機食先！•這個椒鹽鴨舌極至推介，一口一條，鴨舌的肉與軟骨十分香口野味！第一次見放題推出這款式！•豬軟骨，咀嚼時發出“啪啪聲，甚有咬口。•燒海蝦，較乾身。•冷面小碗份量，不會造成浪費，有蝦,火腿絲，冷面醬油不夠，麵身不夠濕透。•與友人一樣不吃魚生，卻情有獨鍾甜蝦，吸吮蝦頭甘甜的蝦膏再咀嚼鮮甜的蝦身，激讚！•羊架沒有燒至乾身，仍封存肉汁，肉質香滑。•焗扇貝，大大隻份量十足，調味適中不會掩蓋了扇貝原有的味道。•花螺帶微辣刺激味蕾•完餐後，店員每枱客人派發意見表，喜歡頁面的話... ..“口味因您而變，服務為您而改，你們的意見，就是我們的進步！我也給了一些意見呢，是晚又從歡笑中完結。

之前同2個朋友去食，好啦，入到去填紙仔叫野食，第一轉都好正常，好快就有食物到，咁第一轉食物差唔多食完，就再填紙仔，諗住叫第二轉，咁我地等左15分鐘，見一樣野都無黎過，就叫店員幫手睇下幾時到，跟住我地又等左10分鐘，又係一樣野都無，我地再叫店員過黎，問到底咩事，點解咁耐都無野食？D店員先話再幫我地睇下咩事，過多3幾分鐘，又有另外一個店員行過黎，話可能廚房漏單，要我地重新再填過，結果我地3條友on居居坐左係度30分鐘以上，先再有第2轉食物上到枱！

星期六晚慶祝朋友生日，係旺角吉壽訂左位食放題一上到去，見佢裝修左，比起以前啲坐位闊落左好多，high class左好多.感受好舒服除左日本野，佢新出左好多其他國家既小炒，例如炒蟹，加拿大螺等等.我地就試左個炒辣蟹!估唔到主賣日本放題，個炒蟹又炒得好香wo.辣椒香味好入味前菜區選擇亦好多例如有辣味螺肉，各式各樣嘅蔬菜同沙律，而我就選擇試咗佢個鳳爪，雞sun,同螺肉.雖然選擇好多但水準仍然好好例牌叫左唔同嘅刺身，值得一讚嘅係象拔蚌，珍寶蝦，啲蝦大大隻話珍寶真係唔係得個講，加上覺得好鮮甜，食左好多隻先捨得走！個象拔蚌更加係十分爽口，完全冇腥味之餘有淡淡既海鮮鮮味另外有令我意外嘅係個蔬菜煲，佢好清甜，啲蔬菜入晒味，有好多唔同既雜菜，平時食放題都唔會叫煲類嘅食物因為怕太飽，但呢個反正會令我更開胃，之後仲飲埋一部分佢啲湯另外，令我食唔停口嘅就係佢嘅海膽手卷，唔使擔心會太飽因為平均一個手卷嘅長度只有手指尾咁長，海膽份量絕對唔會太少啖啖海膽味！臨走前仲可以去佢個甜品bar,食到飽一飽先走人！仲有馬卡龍添

喺好幾年前我們去過旺角彌敦道655號胡社生行嘅「吉壽日本料理」食放題！當時店內嘅環境燈光比較陰暗，坐位同行人通道亦比較狹窄，但今晚表妹同我們講話聽聞他們重新裝修過同想去食晚市放題，所以我們就決定咗去食！一到達嗰陣我們見到店內嘅環境裝修比以前華麗咗同舒服咗好多，而且仲係用撲克牌嘅圖樣嚟做主題！之於食物出品都幾好，款式種類都幾多，刺身就相當新鮮！創作壽司嘅賣相好精緻同味道都幾配合！海膽手卷就唔係平日食開嘅一大件，而係一口一啖，感覺都幾特別！鐵板大赤蝦嘅肉質好爽甜彈牙，醬汁嘅味道好惹味！日式中華冷麵同本格冷烏冬嘅麵質都係非常爽口彈牙，而且相當冰凍，芝麻醬嘅份量唔會落得過多，所以唔會有好膩嘅感覺！另外仲有冷盤小食同甜品可供自助選擇，除此之外仲有媽咪至愛嘅乳酪！

其實呢…佢啲食物吾係吾掂既，但就吾係好中意某啲侍應既態度囉…😶*我就比幾個控訴點比你睇呀下…↷1.話明last order係11：30既可以食到12點就走過黎吹我地比紙…2.最離譜既係重要企係我格離，比壓力我，搞到我是是但但就寫完！🙅3.黎第二轉既時候已經有漏單既情況現,我個“羊架”吾見左我覺得雖然我地係食你“最平果個價錢”🙎但你地啲態度都吾可以減一半架麻！😤我都係做飲食業明白當中既辛苦，有時啲客係"pop guy "啲但都吾可以“少”佢地係辛苦既…但我又吾係果種客人，點解重要咁樣對我地呢？4.有啲侍應見到啲碗碗碟碟，疊到咁高都吾收…你係有嘢吾得閑幫我出你咪出聲話：一陣幫你收番咁囉～其實吾難姐…*雖然我講到咁差但都有好地方既↷1.我打去問價錢果陣，聽電話果個係有耐性既，好細心咁解答我既問題…2.第一轉既嘢食係整得好靚既，又有乾冰又出煙又成…係吸引既…3.一黎到見到成個場既環景都好靚，重比左張四人卡位我地，坐得好舒服…4.海膽細細件容易食…幾好吾錯！5.我更喜歡既係佢地會幫你挑走刺身蝦既腸，即係啲💩…吾錯吾錯岩哂我尼啲中意食蝦既人…最後埋單…既價位係↷