吉壽日本料理 (已結業)

數數手指，吉壽由14年食到依家，大大話話都食左3，4次而我最鐘意係8點打後嘅時段去食雖然兩人嘅話張枱比較窄，但3人以上去食就坐得好舒服平時都佩服係放題工作嘅員工，因為一到peak hour就好似打仗咁，做唔停，吉壽嘅員工係我見過比較有禮貌嘅刺身就唔講太多啦，反正一定唔會失望，而我呢就鐘意食吉壽嘅燒物，例如燒雞翼，Size好大隻，而且燒到金黃香脆，咬落仲好juicy,鎖到雞汁叫番十隻八隻是常識吧另外值得一讚嘅係雪糕，近年多左放題用milktop,movenpick ，雖然就一定有保質保證，但有時人都會想玩diy雪糕而吉壽就正正俾左個機會我地發揮創意有成五六種材料mix and match懶嘅朋友仔都仲有雀巢雪糕食

其實而家間間放題都差唔多列幾樣我特別深刻既推薦既俾大家😋------------------------------💣榴槤炸彈食榴槤既人必食 外皮脆得黎煙韌入面流啲熱辣辣既榴槤漿岀黎 超正😍------------------------------🐑羊架唔肥 瘦既 但唔韌同好香好夠羊味 好好食😘------------------------------🐮牛柳夠淋夠香口------------------------------👅牛舌有啲地方既牛舌會好韌 但佢好爽口食完成口牛油香🙆🏻------------------------------🐔雞軟骨勁脆 唔硬 唔油膩 會停唔到口🙉------------------------------🦐天婦羅好脆 唔厚粉 唔太油 蟹棒好食👍🏻------------------------------🍡芒果糯米池好煙韌 芒果亦夠甜夠大粒😽------------------------------🍼奶凍質地勁綿勁滑 重奶味 唔太甜😋------------------------------🍦乳酪有原味同朱古力味 個人覺得原味好食啲 夠酸仲有配

今日同2個朋友去左食吉壽，店舖環境都幾好，唔會話好嘈，而且服務態度都幾好，叫左既order好快到，又冇漏單。講番野食，食物同飲品既種類都有唔少，一定有啱口味既野食搵到，有好多野食都值得一試，蟹粥食落味道夠濃，雞翼皮脆肉嫩又香滑，刺身切得幾厚同埋幾好食，食得太快唔記影相😂帶子好香夠嫩滑🤤蝦都幾大隻出面有好多熟食，質素都ok飲品款式好多，連熱維他奶都有甜品方面更加豐富，除左平時都見到既西餅、雪糕同蛋糕之外仲有葡撻同心太軟。

因為朋友生日正日, 所以揀左呢間試下, 生日個位雖然正日有半價, 但食物質數一般, 每款食物的份量都很少, 少原本係沒有問題,因為係自助餐, 但係好以壽司咁會好無咬口,沒有滿足感覺.你就會覺得差D.其他燒物款式唔夠多. 只可以講抵食,但唔會返轉頭.

好耐冇食過放題，終於搵一日試吓新野，可能呢間野已經開咗好耐，但係我都係第一次食。入到去個裝修好靚，我都係第一次接到食放題食都可以食到咁豪華。佢有個好大嘅雪櫃裝汽水，好似去咗便利店咁。其實佢啲食物嘅選擇都幾多，當然我哋一開波就叫咗個刺身食下先啦。食完刺身之後我哋仲叫咗好多唔同嘅熟食，而佢上菜嘅速度都好快，同埋我覺得啲侍應好有禮貌， 依家好少會見到一啲餐廳嘅服務係咁好，同埋啲侍應會推介我哋食野，good!

其實好耐之前已經聽過同事成日嚟食呢一間放題，但係我一直都未食過，難得今日早房，就同女朋友一齊你試吓呢度嘅放題係咪真係咁好食。入到去見到好華麗嘅裝修，同埋侍應都好好招呼，之前我已經一早book咗位，所以去到基本上都唔駛等，直接入去就有位錯。坐低之後侍應就斟茶俾我哋，有同我地推介有啲乜嘢好食同埋同我地講有啲乜嘢今日暫時係無得食，我覺得服務幾好，好友交大唔似得出邊嗰啲放題咁，嗰日無得食都冇通知，要落左單之後等左好耐先通知你話俾你聽無得食。佢呢度一個好大嘅雪櫃放飲品，有汽水、茶、亦都有一啲韓國或者日本嘅飲品，數量同選擇都幾多。之後有個雪櫃係房雪條嘅，雪條同雪糕嘅種類都幾多。令一邊有個櫃係放咗甜品，當中包括有泡芙、慕絲蛋糕、豆腐花等等，女朋友一坐低就即刻叫咗甜品食。之後另外一啲頭盤，包括海蜇、沙律等等。我自己比較喜歡食海蜇，去海蜇個味好好食同埋好彈牙，唔錯！另外佢有個小食bar係放一啲熟食，例如炸餃子葡撻等等。佢呢度放題嘅食物種類都幾多，不過大部份都係刺身同壽司，令我有一小部份熟悉，如果鍾意食壽司同刺身嘅朋友就絕對推介，侍應幫我地落咗一個刺身拼盤，嚟到我哋有啲惡言，因為都好大份同埋種類好多，包括

第一次去吉壽，真係俾個場嚇親！勁大，仲有得自助拎野食！對眼已經發晒光！個飲品櫃真係不得了第一次見放題有咁多嘢飲揀！仲要有解茶！岩晒我地食到勁飽咁飲喺出邊夾左少少頭盤，就開始點嘢食！食放題梗係要食刺身！你嗌幾多佢幾乎都會畀返幾多你，放得勁靚，真係忍唔住要相機食先。而且啲刺身浪係個冰上邊，好新鮮又大大件，正！我最鍾意食個大甜蝦，真係好鮮甜而且原隻上！三文魚啲紋理分怖得好好！最怕出面其他鋪嗰啲一啲白色紋都冇，寧願唔食啊真係佢啲嘢食都好好味，真係熱辣辣！特別係呢個黃金焗帶子！真係每次落單都要嗌埋佢！呢個牛柳粒好林，好香蒜香味！嗌嗰陣幾驚係要識橡膠，真係冇令我失望，一啲都唔un！推介呢一個！必試呀！最後梗係要食甜品啦，真係好想每樣都食啲但奈何實在食到太飽啦！系出邊夾左幾款平時好鍾意食嘅甜品。Tiramisu唔會太甜，仲好creamy！食完忍唔住都要再食多杯。而且個芒果糯米糍都好好食，芒果好甜，個皮都好軟熟牛奶布甸真係有牛奶味唔係得個甜味連甜品都做得好出色嘅放題真係好少有！呢間我一定會再約朋友食過！食早啲仲有得平好好呀！

今晚嚟到吉壽食放題，book 左8:30嗰輪，去到有大批人乖乖喺𨋢口等服務員安排入座。呢棟大廈有好幾間放題，吉壽似乎比其他對手多客幫襯。試咗幾款刺身，樣樣都好新鮮，其中象拔蚌厚切鮮甜彈牙👍🏻壽司都係水準之上，必食燒牛肉壽司同埋甜蝦三文魚壽司（御壽司）😍自助區攞嘅小食款式好多，有我至愛嘅酸辣鳳爪又有香辣雞翼勁好味。燒物類都點咗好幾款，全部即點即做，羊架咁大件真係好抵食，燒牛舌夠juicy，燒菠蘿同燒青椒都好正。必點嘅當然係流心嘅香芋炸彈同榴蓮炸彈啦！加埋雞軟骨，薯條呢啲香口嘢送啤酒一流👍🏻除左有多款自家蛋糕揀之外，仲有雪糕櫃任攞雪糕，呢枝阿波羅雪糕批有雲呢拿加朱古力脆皮啱哂我，食完再encore！見佢另外有款浜燒放題都好吸引，下次試下先！

好久沒來吉壽了，水準唔錯！！超推介羊架，雞翼同榴蓮炸彈。只係食左二塊香噴噴羊架就覺得太值得比二百幾蚊一位了。呢間餐廳有紮住髻既一個中年女服務員態度好好的十分勤快，請佢落左幾次單無漏單又係咁主動收碟，超好服務，其他既服務員就一般啦，帶位個個服務員態度較差，來到因我忘了訂檯編号 ，佢話咁多個人book點搵我個電話号碼就走開了，叫我自己搵自己book左既電話号。呢隻茶幾好飲（相片在5.22日於吉壽用餐時拍）

小時候總是對日式食物有情意結，尤其是包羅萬有的放題，卻不捨得花錢吃。投身社會工作後，終於負擔得起，當然要請客向爸爸表示多年來養育和供書教學的謝意。爸爸雖然不是嗜魚生的人，但仍欣賞放題種類多，適合他喜歡試各類食物的性格。吉壽的放題集團質素向來公認是全港最佳的，這天終於來驗證一下。想不到平日晚市9時都坐無虛席。在場的侍應們個個眼明手快，不論換碟、收碟、端食物都行動迅速。最值得表揚是他們百忙之中仍然待客有禮，實在難得。自助區的食物擺放得整齊集中，我們取了點小吃和炸物，薯條和雞件都又熱又脆，螺肉、八爪魚和鳳爪調味剛好。新鮮刺身和多款壽司，特別喜歡黑松露甜蝦、黑松露帶子壽司，還有吞拿魚蓉軍艦！蒲燒鰻魚水準很高，即炸蝦天婦羅配上天婦羅汁。芝麻雞翼和燒雞翼不相伯仲同樣美味，牛肉鍋味道偏咸但很足料。在眾多款甜品當中，我揀選了最喜歡的鮮奶布丁、cheesecake和朱古力蛋糕，兩款cheesecake 都有濃厚芝士香味👍🏻

成日都聽朋友讚呢間放題好食，今次終於到我試下食物款式好多，由刺身熟食串燒到甜品都有刺身夠厚切，有口感而且好新鮮我最鐘意係燒菠蘿，酸酸甜甜好醒胃本身對甜品無乜期望，點知味道同賣相都唔錯喎有驚喜值得推介比朋友

呢度有我最鍾意食既大赤蝦, 大大啖肉唔洗剥殼, 一次食幾條好爽, 而且佢既刺身比起其他放題我覺得好新鮮同埋夠凍(我覺得夠凍先好食), 之前我食過某D放題D刺身竟然係暖既, 我覺得好影響個口感, 呢盤刺身睇落好少, 因為已經係第3ROUND, 同埋呢盤淨係FOR我一個人食, 佢既帶子刺身 係我FAVORITE 一啖食4.5片個口感真係食過番尋味。燒物方面我只點左我鍾意食既牛舌同羊架, 牛舌味道ok, 羊架我覺得好好食, 咬落去一啲都唔難咬或者痴牙, 羊有羊味。飲品方面其實選擇都好多, 不過我比較鍾意飲健康d既橙汁同蘋果汁, 呢到都有提供。 佢仲可以自己出去拎d小食。埋單都係每位200左右, 呢間可以下次再黎, 希望佢keep到個水準。

好耐冇黎過吉壽放題啦，對上一次已經係成七八年前，依家成個場都翻新左，啲嘢食又唔同晒感覺好新奇。當日約咗五點半至七點半食嘢，一開始入去當然冇乜人啦， 我地得三個人食，佢俾咗張近窗嘅枱我地，仲有個好大個窗台可以比我地放手袋添，真係唔錯！一開波就梗係即刻叫嘢食啦，刺身有我最鍾意鍾意嘅甜蝦帶子，北寄貝同象拔蚌，尤其係甜蝦，真係值得一讚！蝦肉夠大條又冇雪味，真係encore左好多次仲有天婦羅，有天婦羅蝦，小番薯，南瓜等等，上到枱時仲熱到有啲燙口，個炸蝦嘅炸粉夠哂薄， 食落啖啖肉唔係啖啖粉呀！我哋仲叫咗個蟹粥， 入面有好大隻蟹鉗架，啲粥好綿好夠味，不過叫一次夠啦，太多呢就真係飽到食唔晒仲有食放題必食嘅芝麻雞翼， 芝麻味夠岀夠香就固然啦， 個雞皮都好香又炸到超級脆卜卜，出面啲嘢食我都有試到，仲有不到佢個合掌瓜中湯黎飲添，味道OK。我係最鍾意飲湯嘅飲湯怪， 每餐都必定要有湯，真係啱晒我！＊值得一讚嘅係，雖然好忙，但係啲姐姐都不忘幫我地執碗同掉垃圾，速度仲好快添，真係好體貼！！態度一流！

小學同學聚舊 最好就是火鍋或放題 冇話題既時候可以不停點菜和食野 哈哈～ 十幾人 都是各自各點 我當然先掃一輪刺身～ 三文魚 油甘魚 帶子 甜蝦 玻璃蝦 玉子。全部都算新鮮 完全冇腥味或者肉質好'梅'。特別喜歡甜蝦 帶子 象拔蚌 夠甜又新鮮～ 嘩 蒲燒鰻魚都有～ 雖然可以燒得再香脆一點 但魚肉好滑 我的至愛 yummy~炸物少不了天婦羅 炸粉不算太厚 熱辣辣 蝦都幾爽口 都Ok架！炸蠔 都幾大隻 肉質唔會太差。芝麻雞翼、雞軟骨都好香脆 特別雞翼 入味又不會炸得太過火。迷你牛肉鍋～ 壽喜燒湯底 甜甜地～數片肥牛 滑豆腐 娃娃菜 另外叫一個熱烏冬一齊食 仲正～芝麻醬凍烏冬～ 手打烏冬配芝麻醬邊有得輸 有火腿絲 蝦仁 勝在細細碗 唔會太飽。鐵扒大蝦 超正！推介！蝦夠大隻 而且爽口彈牙 用蝦汁煮過 似媽媽版既茄汁蝦碌 食唔停口～甜品我主攻雪條 好多款式 傳統的大腳扒 韓國既果汁雪條都有 好多選擇～ 飽飽 大滿足～

大家對‘放題‘兩個字認識有幾多呢？其實放題係日本漢字，解做「自由地」，「任做」 ，然而香港大部份人都一知半解，誤以為是任食的意思。放題兩個字通常會連埋前面個動詞或名詞一齊用，好像：食べ放題（任食）、飲み放題（任飲）、乗り放題（任搭）、読み放題（任睇）、やり放題（任做）之類。今次跟大家分享這間吉壽，食物種類款式多，水準高，值得一試再試！刺身十分新鮮。甜蝦美味到停不到口！要再三加單！自助區沙律吧自制沙律！炒蟹很野味！味道好像茄汁蝦碌，酸酸甜甜。鯖魚很多魚油，啖啖肉！羊架燒得很好，生熟度適中。翠玉瓜。如果不說，單看照片以為置身於便利店呢！林林總總的飲品十分多選擇！自助甜品區，七彩繽紛真漂亮！這裏還有雪糕機，自己動手制雪糕，隨意加上配料，好玩又好食！