合益泰小食

營業中

休息中

啱啱食完劉森記，難得嚟到深水埗，當然要繼續食食食，所以於元州街沿桂林街向茘枝角道方向行，穿過隧道到桂林街近鴨寮街之合益泰，眼見門外長龍一條，不過他們是排隊買外賣的，有啲人唔知會跟住排，而內行人(邊有咁多內行人？)就識行入鋪內自己等，好快又等到位了，食物種類都不少的，點了大腸粉，有8條($12)，另一碟蘿蔔、魚蛋、豬皮少辣($25)。蘿蔔、魚蛋、豬皮先到，蘿蔔好腍好甜，無渣；魚蛋少少實，不過幾好咬口；豬皮夠入味，可能我已經係老人家，如果腍啲更好，少辣，其實只是加些咖哩汁，味道不算太出。大腸粉出場了，本身已有多麻醬同豉油，首先加啲芝麻同甜醬，之後才拍照，有人落醬都會DIY啲圖案，腸粉算滑嫩，熱辣辣的，配上麻醬更滑，其實醬汁是最肥的...........由於好多人等位，所以速食後便完成桂林街第二站 - 合益泰，想再去堅記食蛋牛治，不過實在太飽而放棄了。

晨早上班，會經過這條街，每次總見有一條小人龍在這店排隊買腸粉，七元有四條，算幾便宜，想定找天來試。這天起得早，很早便來到深水埗，夠時間吃個早餐才上班。點了腸粉和白粥，腸粉是捲得幼細的，端來時已放了豉油和麻醬，我喜歡加些芝麻，但不喜歡放甜醬，腸粉很滑，加了麻醬更滑，簡簡單單很好味，白粥煲得綿綿，不稠，送腸粉很適合。原來腸粉有分大中小，也許下次點碟大的。

早上到鴨記買野！打算買完便找媽媽飲茶！但太肚餓了！便走到合益泰吃腸粉+豆漿。早上不用排隊！入去即有位。腸粉依舊很滑，豆漿依舊香濃。不用5分鐘！便享受了一個美味早餐！才十多元。真是一個很好的開始。

晚飯時間還未肚餓，於是屋企附近找點小食。以為這家店只做外賣，原來裡面還有堂食位置，於是便坐下來稍稍填充一下肚子。港式小食食的格局，除了腸粉魚蛋外，還有幾款粥品。點了大腸粉和魚蛋，不一會便送上來了。腸粉很是大碟，而且做得蠻軟滑的。而魚蛋則是大粒而軟身的那一種，沒甚特別。由於個人覺得配腸粉的魚蛋應是要細粒而實淨的那種，所以這個種魚蛋讓頗為失望。不過還是會再來。在這區可以以20多元的價錢換到大大碟腸粉魚蛋，算是一種對小店的支持。合益泰小食算是一個價錢實惠的小食選擇。

街坊價錢 米芝蓮享受腸粉依舊做得出色條條腸粉都唔會好似出面食店蒸得過淋亦唔會粉皮破裂條條腸粉表面都好完整加埋豬油 好香 想唔好食都幾難加了甜醬,麻醬,豉油,芝麻真係完美既味道

今晚嘉明說要掃街頭小食，因為他食指大動，頭炮我們一定要吃滑溜溜的豬腸粉 - 合益泰小食，這間豬腸粉真的是街知巷問，家明說我們一定不能放過!  既然弟弟這樣說，我一定百般願意的追隨他!六時己排滿長龍了，我們也排到第十二個!  我們很快地要了一碟，我要的是混醬，腸粉七元四條，真的很滑，加上混醬汁，真的很入味，難怪大家在大熱天時也跑到這裏來!下次我一定要和甜宝宝來，他最愛吃豬腸粉!

今時今日係香港已經好難搵到可以堂食的腸粉店. 而深水埗呢間可算係碩果僅存.黎到叫咗碟混醬腸粉加杯豆漿. 腸粉夠熱夠滑, 麻醬亦都好香. 細份都只係$7! 好抵食後來仲想食多D, 叫咗一份細豬皮蘿蔔, 只係 $13. 蘿蔔夠淋. 但豬皮切得比較大塊, 不過都幾爽口幾好味.唯一不足之處就係呢度D姐姐好惡, 想加單個時叫咗幾次都無人應. 但其它食客似乎已經習慣咗, 唯有叫多幾次.

腸粉滑溜不失咬口，油份充足，因此每條腸粉好分明，不會有黏著的狀況，甜醬芝麻隨意添加，不過芝麻唔算好香；豬肉燒賣雖然$10只有3粒，但混有馬啼絕不求其，老字號小店，長期排長龍兼長期坐滿是絕對有原因。P.S. 堂食無需排隊，像舊式茶樓般等位便可

小豬孤陋寡聞 最近先知合益泰呢間餐廳適逢同朋友行開深水埗 當然要試下啦叫左3樣野食1. 細腸粉 $7一嚟就聽到腸粉賣晒 好彩咋😀腸粉好滑溜溜 麻醬好夠味2. 細豬皮蘿蔔 $13豬皮同蘿蔔都好多稔 仲索埋個湯味可能食開重口味所以覺得啱啱好但個fd食開淡味就話咸左d3. 炒米 $11炒得乾身但淡左少少今餐總共$31

深水埗，唔好睇在佢多人，又迫又熱，但其實肚餓起上黎，隨時都有卧虎藏龍的小吃。每次去合益泰，個個都會自動自覺排隊，企定定，換拎定散銀錢出黎，今次單單叫左中腸粉，每次叫佢落齊咁多醬，不過每次都叫佢落多少少佢最右手邊黃色既醬汁。果個係乜。就係豬油，小時候老豆成日話帶我去食豬腸粉，就係咁解。我覺得叫得豬腸粉，就一定要落豬油，無錯！係多豬油，你依家日日飲豬油咩，一次半次唔健康就由佢啦。不過我就唔會拎走，因為D豬油會瓊。連埋D汁凍食就麻麻，加上我鐘意佢果D香脆芝麻，食落去又香又滑，加上我係痴線的，飲埋最尾既精華。咁先係完整食腸粉既過程。總結，得閒經過就會買，好過你去買7仔OK個D熱賣點既點心。

夢幻街腸粉來到深水涉搵食居然食腸粉！？我最近太迷腸粉了～立志要把港九新界的腸粉吃過夠！！當然來到openrice榜上有名既合益泰～腸粉～真係非常滑，很軟很有米香味～完全沒有乾的口感。咖哩魚蛋～不會太辣，是咖哩粉煮的魚蛋很經典口味～魚蛋很大粒，很彈牙，有咬口！非常讚～冬菇豬肉燒賣，有芫茜和冬菇和豬肉，口感軟軟的（有點像健康工房賣那種），不過味道不是我喜歡的口味～覺得還好～粉果～皮不會太厚，料很足，味道還好～總評8/10～覺得腸粉果然是招牌很好味，其實簡單腸粉自己加醬料，或者腸粉和魚蛋就夠～不用點太多👍🏻

二人叫了碟大size腸粉share!原來份量係好多，早知叫中size!我見好多人都叫炒麵和粥，見到都想吃，可惜重要留肚吃其他！材料沒有偷工減料！每條腸粉好實身同好滑丫！唔似平時吃個d咁軟同淋身！最後落多醬是吃腸粉的常識吧，甜醬丶麻醬令這碟腸粉綿上添花

終於第一次試合益泰，果然無令我失望！腸粉水準非常高，好滑好彈牙！暫時都未有邊間好食得過佢！腸粉下已經預先落好豉油同花生醬！自己落甜醬、辣醬同芝麻！好好食！除咗腸粉，試埋咖喱魚蛋同牛肉艇仔粥！咖喱魚蛋好大粒但唔好食！超普通！反而艇仔粥粥底唔錯！都幾綿！同埋好足料！值得一試！3樣加埋都係$28！好抵！

下午兩點幾響深水埗工作，因為唔想食咁飽，所以就諗到嚟依間食下腸粉點心，但入到去完全爆滿，好彩一個都搵到個位撘枱！見到同枱每個人都好似日日嚟食咁，知道曬佢落單嘅節奏同叫法！雖然我都好耐冇嚟，但我都唔輸得曬，馬上接住叫左"細"腸粉+燒賣+牛肉同豆漿好快阿姐就拿齊啲嘢食嚟，見到佢碟腸粉放了滿滿嘅芝麻醬同豉油，我自己再加甜醬，三個醬嘅味道再加人佢其滑無比嘅腸粉，真係可以代表香港嘅獨有美味，佢條條腸粉都好修長，真係好似BB皮膚咁滑，我諗如果佢可以張整腸粉嘅祕方去研究護膚品，我諗可以上市！之後仲有牛肉同燒賣，雖然唔係酒樓嘅用料，但仍然令人食得很滋味，再配埋個豆漿都只係$33！給我一個完美嘅午餐！

深水埗的合益泰腸粉，幾乎是人人皆知的名物之一~但其實除左腸粉之外，仲有好多野食架~~合益泰小食的店在桂林街，地鐵站出口一出右手邊就會見到二樓伸出的白底藍字招牌，好容易搵。穿過排檔，就進到開放式的小店，4月中的晚上，不算太熱。小店風格就是要自己搵位，可幸星期天的晚上人不多，搭檯雖然是常識但很容易就搵到位。快快手點左腸粉(中)、燒賣、珍珠雞、瘦肉粥、豆漿。這裡的腸粉分大(8條)、中(6條)、小(4條)，方便不同人的配搭。上碟時已配花生醬和豉油，甜醬和芝麻則是自助形式任你加~~出面食，經常因為腸粉煎過燶燶地或是蒸到太黏口，醬的味道被搶過。但這裡就不會，因豬腸粉很滑，與混醬混得很配。燒賣有3粒，大大粒，不過不失~但$5真的很平!!珍珠雞就是正常口味，$6平通街...........因皮膚問題戒口中...所以點了個淨瘦肉粥，粥底很綿，不得不提是瘦肉很足料!!!而家物價貴，$17淨係D瘦肉都買唔到.....再來是豆漿...不算很甜，飲到底飲到渣，証明用料十足，無溝水呃人~lol(因為行左成日太肚餓，連相都唔記得影......)