合益泰小食

營業中

休息中

這天的週四例會定了在深水埗一間飯店舉行，我們早了到達，肚子有點空虛感覺，嚷著要吃串魚旦，同行友人問我可有興趣去試試"長龍腸粉"...聽到有得吃...我當然不會拒絕...跟隨他走過2個街口，看到一條約有10個人的人龍，抬頭看看人龍小店，叫"合益隆小食", 友人說，這就是傳說中最人氣的深水埗長龍腸粉店，我們排在隊後，背後不斷有人加入這條人龍，我們逐步向前移動，看到小店角落的店員只重複一個動作，就是不斷的揮動手中的剪刀，手起刀落的一條條白雪雪腸粉，剪成一段段。牆壁上寫著6元4條腸粉，十分經濟呢...因為這是我們的飯前小食，故只叫了4條來嚐嚐，腸粉加上豉油、 麻醬、舔醬及芝麻，最精闢之處是放了豬油，令腸粉吃起來更加滑溜惹味，"混醬"後的腸粉倍添香滑滋味。那份豬油香味令我憶起小學時候在學校旁邊的士多的腸粉檔，返下午校的我，要待返長週的早上，才能一嚐"豬腸粉"的滋味，那時零用錢不多的我，隔個週末的豬腸粉早餐對我來說，已經是甚為高檔的美食。這頓"豬腸粉"...令我有回到過去的感覺，因為近年來，香港的租金一直大幅上升，很多小店都經不起加租的壓力而結業，加上近年大家開始關注飲食的習慣，推行健康飲食，腸粉

係openrice隨意睇下深水埗有咩好食之後搵到尼間小食舖有好多人去所以同女朋友去試試入到舖頭雖然有好多人但係好快就搵到位店內冷氣非常足夠 夏天去都覺得好舒服每個人都會叫腸粉 因為岀名抵食所以我地都叫左碟佢有分大中細大既10蚊八條 中既8蚊六條 細既六蚊四條之後仲叫左杯豆漿 五蚊一大杯黎到既腸粉已經幫你落左床醬跟住每張枱都有甜醬同芝麻任你落腸粉軟度適中 絕對係值門票價一定會番黎再食

每次經過深水埗都會心思思想去幫襯，店舖食物都係離不開腸粉，炒面，粥，豬皮，蘿蔔，魚旦，珍珠雞等。 店外總有人排隊和站在一旁進食，但作為識食的熟客，緊係堂食喇，有冷氣又有得坐，價錢一樣但可以舒舒服服地進食野食 黎到依度，無理由唔食腸粉，大腸粉$11有9條，因用豬油的關係，口感好滑，再加上麻醬，豉油，和桌上的甜醬，那些醬料混在一起後，好好味，總覺得和其他店不同。 另外，亦食過豬皮，咖喱魚旦和蘿蔔。可能我不太愛吃豬皮, 所以覺得較普通。而咖喱魚旦方面，魚旦雖彈牙，但咖喱方面唔入味。最後，蘿蔔方面，好正，大大件的蘿蔔滲滿湯水，咬落去會好juicy, 諗起都再食 總括而言，依間港式的小食店真係值得再去光顧。服務方面，那些姨姨雖然唔覆order，但又真係會記得晒，野食又好快到，真係得既  

星期日到過深水埔吃蛋牛治看到對面很多人在排隊湊熱鬧，原來是傳說中的合益泰腸粉，基於我未試過，所以排一份，六元有四條，排我前方的全叫十蚊，但由於太飽，所以只叫了四條跟友人Share，熱哄哄滑嘟嘟的腸粉加混醬加大量芝麻真係。超。好。味。如果下一次去開深水埔，我一定會來吃

我, 不懂浪漫, 喜歡老舊事物, 因為我相信這些是人類智慧的累積。而街坊食肆, 除了隱隱藏著經營者的理念之外, 還多了一份鬥智鬥力的人情味。這些東西越來越少, 對我來說就越來越珍貴, 所以我喜歡穿插舊區, 找找這些至寶, 也可讓我吃個飽。合益泰, 本是深水埗區內的一家街坊小食店。餐廳糊口是王道, 但就被一片的懷舊風而令到不少別區人士專程來此追捧。眼下見到名將也要大排長龍, 反其道而行, 晚飯就吃腸粉。餐廳最好賣而且最有名的是腸粉, 堂座分大中細三個選擇。中份量 - HK$8有六條, 價錢公道。比在佐敦後巷有些自命誹不凡的店來得實際。腸粉上桌時已有豉油, 麻醬及小匙的豬油, 所以腸粉已經滑溜惹味。桌上加有甜醬, 辣醬及芝麻, 甜醬也只是一貫味道, 但辣醬香辣而不太鹹, 芝麻炒過有烤香, 建議多落點令惹味感覺更突出。只是可惜晚飯時間, 腸粉流轉少, 所以腸粉不太夠熱。另外還點了一份魚蛋蘿蔔, 索價HK$16, 魚蛋的咖喱汁加上蘿蔔, 原意不錯。但蘿蔔有湯汁將咖喱汁稀釋, 所以連帶魚蛋也差了! 魚蛋雖然彈牙, 嚼勁也好, 但欠缺了咖喱汁的結合, 始終不是味兒 蘿蔔入口甜而有湯汁, 但一碟五件

合益泰小食最出名就係腸粉，其他可以不試，中午時間非常多人堂食，有人選擇買外賣番屋企先食，我就選擇堂食，買左$10腸粉+凍豆漿，腸粉上枱時已加豬油同豉油，花生醬，甜醬同芝麻就隨個人喜好自己加入，腸粉入口超滑，可能落左豬油既關係，配埋其他醬料真係無得頂，最主重係新鮮做好即刻襯熱食！

久不久都會來幫襯.腸粉算滑,口感比以前差左,比較嚡同實,個混醬可以保持,芝麻醬,豉油,芝麻及甜醬.可以取回不小分數.豬皮+辣魚蛋:豬皮唔夠淋,味道還可.辣魚蛋,辣度適中,野味得來唔會死辣,魚蛋味新鮮,有口感.蘿蔔:香甜味美唔會有根.豆漿:香滑夠味.平民小食,要再加油呀!

深水埗美食團第一站尼到合益泰食腸粉同蘿蔔，下晝三點去到已經好多人，同啲朋友一齊又好想坐低食所以決定等一陣。腸粉六蚊四條好抵，佢會落左鼓油同花生醬先，走醬既要提早講。啲腸粉好滑，加埋啲甜醬好好味！蘿蔔十一蚊好大碗，抵食！啲蘿蔔好甜，好好食！

相信很多女生沒甚麼特別原因也很少會來深水埗鴨寮街逛街，今天就因為要幫爸爸買軍刀才獨個兒來到，完成任務後順道試試有名的合益泰腸粉。可能正值下午二時這非午飯又非下午茶時間，完全不用等便可進去坐下，環境絕不能夠叫整潔，也不能叫舒適，但這才有小店風味。由於不太肚餓，只點了有名的$6四條腸粉和一杯豆漿。豆漿沒太大特別，主角腸粉看上去也沒特別，但吃上去才見真章。它比平日所見的腸粉幼身一點，碟中只有豉油，其餘的調味料都是自行加上，而我就加大量芝麻和甜醬，辣醬少許。腸粉入口滿口豬油香，令人想多吃幾條，但腸粉質地不算很滑。一條腸粉加一杯豆漿，作為女孩子的下午茶一定足夠。

去得新香記又怎會不到合益泰吃腸粉呢 HKD$6-4條是抵食!!!!!滑的確是滑但感覺面層掃油很多油膩感有點但真的滑 另外叫了魚蛋&牛肉球還好!!!是好吃但醬料好肥好內疚

今日要去元朗燒烤，順便來深水埗食個早餐先。晨早流流就有好多人排隊，但原來堂食唔使排。外賣係一條條腸粉剪斷，预先帮你混上所有醬。堂食就係一節節分開蒸好，好似無现現剪甘正。澆上有花生醬，豉油。自己可以加甜麵醬，芝麻，享受DIY樂趣，秘訣就係檯面所有醬加曬落去啦，越混醬約好。等一陣間，腸粉充分吸收混醬滋味，漲卜卜。用竹籤來食。各種層次滋味混合，數味雜陳，口感層次豐滿，最突出嘅係花生醬，聽說店家混合了豬油，所以特別香口濃郁，再怕肥，也忍不住一條接一條。之後一直心思思，心掛掛，幾時再去食啊。

那天來到鴨寮街，行下有小小肚餓，見到有很多人排隊，又發揮我本色。原來很多人排隊買腸粉。但我又見店內有粥吃。於是入內吃些小東西。不過有要自己去找位，店員不得閒理我。好不容易才有位，就叫腸粉白粥豆槳啦。不消一分鐘人便來了。白粥是舊式做法先張米磿半爛。這樣很快便煮好，之後便是加豆粉水。很有舊的味道（不過當天很很很很很很很熱）。腸粉比一般的滑。更開心是可以自己加料。豉油辣油甜醬麻醬芝麻。 份量多少，自己喜歡LA。混醬我最LIKE，我會多辣油。吃下去硬開心。豆漿很香豆味。幸好我叫了，如果吾係我就熱到熔左。這餐十分鐘很快便別完。價錢才19完。可以話很化算啊

Oh yes! 豬腸粉!!When thinking about 豬腸粉, some Depeche Mode song lyrics come to mind IMMEDIATELY.Martin Gore is a f**king genius, he can even be singing about Hong Kong food and he will make me swoon.Just Can't Get Enough: "When I'm with you baby, I go outta my head, I just can't get enough! I just can't get enough". (OK Vince Clarke wrote this one, it's ok.)Blue Dress: "Put it on, and don't say a word, put it on, the one that I prefer" "Can you believe, something so simple, something so trivial, ma

深水埗既出名小食點又少得合益泰既腸粉門口總係排住等外賣既人龍腸粉夠滑 皮夠薄而當中既麻油更係超香口佢既腸粉比其他店既更幼滑更香口加上醬汁同芝麻都可以自己加至於牛肉方面 係用半肥瘦既牛肉黎做質感夠軟 又吾會老 夠足料加上醋真係好正

由細食到大，好有辨識度既招牌腸粉：又長又買碌碌又幼 不過之前都係因為阿媽落完鴨寮街，順手外賣返白田屋企比我凍左，差好遠～識食，一定要堂食本人好在意腸粉既醬料，難食既醬料如果加左落去，就會好似加左粒老鼠屎入一窩粥入面，整盤就毀了！合益泰既　麻醬，甜醬，豉油，辣醬　實在調配得太好！加落不斷新鮮蒸出來既幼滑腸粉，實在無得輸