合益泰小食

營業中

休息中

每次經過合益泰都會幫襯，佢地既腸粉令人印象深刻，口感超滑，彷彿在嘴裡融化。每一條腸粉都經過精心製作，保持食材的新鮮與原味。熱辣辣的腸粉一上桌，香氣四溢，配上一杯凍豆漿，到是絕配

有2年冇去食，雖然知道佢冇自製魚肉燒賣，魚蛋都冇以前好食，但好掛住佢啲香滑腸粉，於是特登山長水遠由銅鑼灣去深水埗食，點知失望至極，腸粉冇咗以前香滑感，而且咬落口仲要好黏口😖嘅感覺，花生醬有冇晒香味，甜醬都同以前唔同咗，真係超難食，以後都唔使幫襯，以前嘅好味已成回憶！是日幫襯咗兩份四條腸粉，一份魚肉燒賣（普通魚肉燒賣，不是自製的那種），一杯豆漿，共消費咗$37 ，幾平唔算貴，如果想回味佢以前嘅味道，勸大家唔使嘥時間去！

由細食到大嘅腸粉店亦係遊客愛店每次經過都見到有條龍其實係排緊外賣堂食就自己走入去搵位大腸粉 $20有四條姐姐一放上枱有腸粉同麻醬豉油其餘甜醬，芝麻就每枱都有自己落腸粉非常之滑，唔會張埋一嚿嚿配埋大量甜醬係回憶嘅味道魚蛋唔辣 $6今時今日$6有五粒魚蛋仲想點一定唔會係彈牙但叫做有咬口少少黑椒打個芡調味收貨🌸🌸🌸🌸🌸預咗環境一定爭啲一定要搭枱人流不絕姐姐態度未必一定好好食物質素同價錢會令人不斷回訪

充滿情懷嘅齋腸合益泰係中學時期成日都會黎食嘅名物估唔到而家仲要排哂長龍！但一場黎到當然要照排隊回憶一下！店舖同以前一樣都係咁多人咁逼枱貼枱咁但呢到始終唔係食環境就冇所謂啦腸粉一如既往咁滑溜最鍾意合益泰嘅地方係可以自由加醬同芝麻混醬達人當然加返夠本滑潺潺嘅腸粉加上甜醬麻醬加芝麻實在係完美配搭！基本上黎到人人都有腸粉係枱燒賣都係推介之一大大粒燒賣有咬口又唔會過份肥膩個人認為燒賣本體比金x燒賣更出色！粉果就正正常常！好少餐廳仲可以任由客人自由加醬！懷舊之選

揾食肥M年前曾經光顧此店，食佢哋個名震深水埗，譽滿食評界有不少天花板級評語嘅鎮店名物，白，滑，彈，米䊢腸粉及蘿蔔豬皮。3月28日肥華和靚媽約咗大仔仔，到深水埗食泰國菜，肥華就諗住帶靚媽到此店，品嚐此兩款平民食品事隔多年此店嘅鎮店賣$19名物腸粉，依然保持水準，又有配撘豬油，令腸粉夠滑夠彈，在同類食品已有A級質数，再加上豬油及此店勝別店一筹嘅麻醬和其他配醬料，就令到呢碟混醬腸粉，成為A+級俾人讚到上天花板嘅平民食品。而今日到嗰碗$15蘿蔔豬皮，似比M年前肥華在此店，食到嘅同類食品更佳，蘿蔔更清甜豬皮更入味，亦喺一個值A級評語食品。更重要喺，此店顧客衹須付出拾幾蚊，就食到呢兩款街頭平民食品👍🏻👍🏻👍🏻👍🏻👍🏻

放早尋尋覓食，途經合益泰，每次經過都係人山人海，今日亦都唔例外！不過發現堂食有位唔洗等，第一時間行入去坐低先。必吃腸粉再加一份燒賣，皮蛋瘦肉粥同一杯豆漿，幾分鐘就送到面前。甜醬芝麻枱面任加，夠豪氣！碗粥就普普通通，腸粉就真係好評！雖然佢比一般腸粉略幼，不過質地真係好彈好滑，令人食唔停口，呢十蚊值呀！樓面姐姐話豆漿係自家製，所以我亦叫咗一杯，不過不失，燒賣冇乜特別。用餐途中聽到好多人叫豬皮蘿蔔，係咪另一名物就冇去考証，一次總不能吃太多😜😜是日消費：腸粉(小)$10 燒賣$10 皮蛋瘦肉粥$22 豆漿$6 共$48

本身淨係想買杯豆漿飲吓 話自助又唔寫點樣俾錢 跟住有個阿姐同我講話依家買腸粉送豆漿 點我去排隊 排完一大輪買完問佢係咪可以自己去斟豆漿 點知個阿姐問我俾咗錢未 我話我俾咗錢（腸粉嘅錢）係咁問我俾幾多錢 仲要態度超差🤣跟住佢問你有冇俾豆漿嘅錢？我話你啱啱唔係話送豆漿？佢話要買滿唔知幾多錢先送 大佬咁你啱啱又唔講埋 跟住又再繼續話我無俾錢又喺度問係咪可以飲豆漿 佢話個個都係咁送佢唔洗做生意啦買到成肚火 我淨係想飲杯豆漿姐 俾人老點咗去買腸粉 仲要勁串講咗勁多句喺到話返我 好無奈 焗買腸粉 講返啲腸粉 勁重豬油味 可以話係完全無特別 以後都唔會再幫襯🫣

呢間小食店出名日日排長龍，今日經過啱啱冇乜人，就試下佢哋最出名嘅腸粉。10蚊有4條，腸粉比一般食店無咁粗， 入口非常之滑，另外精髓應該係啲醬料度，除了正常甜鼓油、甜醬和芝麻， 最出色就係麻醬，又香又滑， 令到普通通嘅腸粉都非常美味， 唔怪得次次經過都排隊。

合益泰小食，在深水埗非常出名，出名係蒸腸粉，點樣食先夠港風地道又好味呢？今次同大家分享下，一般蒸腸粉上枱，已經配有麻醬同腸粉豉油，依兩種配料是不能自己加配，只有甜醬同辣醬可以，因個人口味加自己喜歡分量。好啦，分享我個人既調味啦！先不要撈混，先落大量芝麻，因為有醬油芝麻係唔會黏上腸粉面，落多多都會在豉油面，落幾多，最好可以覆蓋腸粉面3分之1或2，再落大約一個茶匙既辣醬，跟住落埋甜醬，甜醬就係辣醬既3陪份量。因為芝麻會增加咬口同香味，每咬中芝麻就有一種爆香味道，食蒸腸粉就係食甜醬既香味，但不能太多，唔係食完就想飲水了，辣醬一定要加少，就可以增加甜醬既層次，要留意，愛辣者，都不要加太多，太多就會搶哂所有醬味了同有一種微微苦辣。最後撈混，就條條腸粉有整所有配料既味道

每次到深水埗買嘢，都一定會去食豬腸粉😋一間超級人氣米芝蓮推薦的小食店🔥 招牌腸粉無人不曉，由早上開舖便人頭湧湧，堂吃永遠座無虛席，門外長期有人排隊，是深水埗人龍店之一👍 。主要售賣魚蛋、豬皮、蘿蔔、牛肉/艇仔粥、豆漿 … 等港式小食。豬腸粉為小店招牌，每日新鮮現做，皮薄嫩滑且富米香，加上豬油的香氣，與甜醬、麻醬和醬油搭配得天衣無縫👍👏 聽說每天賣出超過5000條腸粉😱👍雖然是平價小吃，卻令人有格外滿足的滋味😋

久不久就會想念合益泰的豬油腸粉。先找位子坐好，阿姐會按自己的時間來幫你下單。中的腸粉（$15）有6條，剪的長短不一，光是吃沒沾豉油的腸粉已非常好吃了，滑滑溜溜的，又有米香，軟滑如一的美味真令人感動。和那種橡膠似的、過份有彈性的豬腸粉比，合益泰的腸粉軟滑得來有少許咬口，腸粉皮不會捲得死死實實的，中間像蛋捲一樣有空洞，腸粉皮並沒有全捲到中心。灑上大量芝麻，麻香加上米香真是好吃極了。另外點了蘿蔔（$17），粗切成大大塊，入味也滷得腍甜；不過若能多削些皮，吃下去會更順口。埋單才$32，已非常滿足了，真不愧是平民美食。

今日凍凍地，突然間好想食豬皮蘿蔔😆喺深水埗附近，就諗起出名嘅合益泰，一喺C1出口一出就見到佢個招牌，去到叫咗個腸粉，豬皮蘿蔔魚蛋，腸粉好滑😋😋😋不得不讚佢個豬皮蘿蔔，蘿蔔好甜，大大嚿，又好腍，豬皮爽口彈牙，浸滿咗湯汁😋😋😋加埋幾粒魚蛋，爽口彈牙😳😳😋😋腸粉一定係要審判芝麻，混帳所有醬都重手落多啲，童年回憶🤪🤪食嘅係情懷

深水埗明物之一就係呢間小食店，可以坐低食，又可以企喺街邊食，當然可以外賣啦，三種我都試過，最奇怪嘅就係明明都係同一間舖頭出品嘅腸粉，但係唔知點解都係企喺街邊食最好食。我揀咗15蚊六條腸粉，冇加燒賣冇加魚蛋冇加豬皮，因為聽講呢一度主要都係食腸粉，其他嗰啲配角都係麻麻地。腸粉好食，個混醬一啲都唔混帳，我鍾意多麻醬多芝麻，因為我覺得咁樣食落去會特別香，同埋如果甜醬太多嘅話會搶曬啲味，所以我鍾意high少少甜醬然後狂撈麻醬。

經過深水埗，未食早餐，黎度呢度，叫碗皮旦魚片粥，加腸粉。門口好多人排隊買腸粉😅😅入面座位就唔太多，搭枱都好快有位，碗粥就都算足料👍🏽👍🏽腸粉係比起出面滑，勁多麻醬👍🏽👍🏽其餘醬汁擺晒喺枱面任加👍🏽👍🏽

今日行深水埗買電腦配件💻，順便入咗合益泰試下佢嘅招牌腸粉同蘿蔔🥢。腸粉真係一流👏，粉皮夠滑溜，加埋混醬嘅香味，絕對係經典街頭美食🎯！每一啖都充滿濃濃嘅懷舊味道❤️。蘿蔔方面，甜度適中，而且夠腍🌟，不過口感上有少少渣渣嘅感覺，唔算完全完美😅，但都係非常值得一試嘅特色小食！每次嚟都要排長龍，隊伍可以去到街尾😵‍💫，不過轉枱速度算快，等唔耐就可以坐低慢慢食👍。唯一美中不足係環境好迫😮‍💨，如果鍾意舒服啲嘅食飯體驗，可能會覺得有啲唔方便，但為咗咁好味嘅腸粉，真係值！💯係深水埗買嘢時必試嘅補給站🔋！