合益泰小食

營業中

休息中

深水埗必食早餐之一。呢度啲腸粉滑，唔洗講係人都知啦！週六、日通常都大排長龍，就係為咗碟腸粉。除咗腸粉，呢度啲粥都唔錯，平時都會喺呢度食魚片粥，真心抵食。加上裝修之後，堂食舒服咗好多！加多杯荳漿就啱啱好。

食個腸粉先 裝修後重開，店舖位置好像比以前少，人流依然如舊一樣多，可能因為人多又人手不足，地方頗為污糟，也許這就是小食店的風味吧！ 黎到合益泰梗係要食腸粉啦，點左個大腸粉$16，腸粉是很滑但配左個失敗的麻醬，麻醬又稀又淡，如果麻醬濃番少少，整碟腸粉會更吸引，記得要加芝麻，這裏的芝麻又香又脆，值得欣賞，(整體而言本人比較喜歡大圍的坤記腸粉)，以深水埗區黎講，心思思想再食腸粉都會再幫襯。 之後，再點左個碎牛肉粥，純粹要黎配下腸粉，吾難食但也不算好食，下次吾會再叫碎牛肉粥。

有次假日中午前路過想篤碟腸粉,兩個人想搵個位都係好難的事,於是放棄左無食,真有望門輕嘆的感覺.是日一支公來附近行街,重唔來整番碟就對唔住自己喇門口放左堆花籃,個招牌亮麗左,店內依然係咁多人本諗住貪快排外邊亞姐腸粉Q,但一排都排上廿分鐘有多,下次一個人來時,相信可以走入去搵過位,可能會好D.排到喇,八蚊4條腸粉真係超值美味,食完回味燒賣好似係12蚊三粒,味道是不過不失,一試無妨.腸粉真係現在寫緊食評都好想再去食.可惜小店全日都係人多多,本身怕迫的性格,相信不會密密挑戰.8蚊的快樂,勝過好多貴價美食.祝合益泰長賣長有,為深水埗街坊一路服務落去

暑假時，去深水埗，想到合益泰吃腸粉，但去到原來裝修緊，摸了門釘，唯有轉戰斜對面的蛋牛治。今天專程再去搵食，新裝的合益泰比以前企理咗，光猛咗，冷氣涼咗、但格局依舊和舊店差不多模樣。腸粉（中$12）分大中小，分別為$16、$12、$8， 剩載食物的餐碟換了新裝，腸粉依舊幼滑，最喜歡可以自己添加醤料和芝麻，因為加上甜醤、辣醬和蔴醬，再把腸粉撈勻，確是令平平無奇的腸粉增添美味，唯覺得腸粉好似比以前幼咗！豬皮、蘿蔔、辣魚蛋（$28)其實每次來吃這個三寶，每次味道和口感都不大一致，有時來到時豬皮過淋或蘿蔔過硬，真是睇你好唔好彩，但今次都幾好彩，豬皮處理時間剛剛好，爽彈帶點煙靭，蘿蔔又淋又甜，魚蛋的辣度加多一點㑹更好。內部裝修更光猛，座位多咗巷仔依舊很多人排隊吃腸粉。

夜晚同同事黎深水埗買野..諗更食乜好..見好耐冇黎過合益泰..就黎回一回味.嘩..一去到..外賣隊大排長龍.好誇張.即刻入去搵二個位坐底先..二個人易搵位..講真..位一定唔好坐.又迫.大家都會快快食完就走.而今次因為天氣熱..已經流汗.所以冇食粥.唔想大汗搭細汗咁.食野姐.要食.冬天再黎食囉😂😂我地就叫左腸粉同豬皮魚旦羅白..腸粉完全keep到水準..食過咁多次.一樣咁皮薄又夠滑.加埋勁多甜醬一流👍🏻👍🏻而豬皮魚旦羅白..冇咩特別..只是友人想食..不過豬皮夠爽😋

🔍🔍🔍🔍🔍🔍今生🔎🔎🔎🔎🔎🔎此店是香港最著名的混醬腸粉店，最近裝修完成，我特意來試嚐。🔍裝修先說裝修，橫伸出桂林街招牌較以前清晰，如你是第一次來，港鐵站C2出靠右前行1分鐘，留意排檔後食店便找到。店上招牌與其他裝修均是藍色風格，晚上會發光。內部佈局依舊，近門右方是豆漿機，左方是外賣腸粉車仔；座位同是擠迫令人不愜意，煮蘿蔔滾粥區仍然佔用前舖大量空間，令通道水洩不通。蘿蔔，粥等其他食品水準一般，我寧願持碟在巷子內，車仔旁立食，更有風味。🔍價格價格方面，裝修前後價格不變；真實詳情是部份粥加了價，蘿蔔由13元加至14元。腸粉方面，2014元是6元4條，2016年是7元4條，今年年初加至8元4條。由1·5元加至2元一條，仍是廉價食品。車仔販賣年代，它已是比車仔麵便宜，比魚蛋燒賣飽腹的美食。一個人立食，買中碟即12元已足夠。望著腸粉車仔來吃，別有風味。🔍🔍🔍🔍🔍🔍前世🔎🔎🔎🔎🔎🔎🔎贏在起跑線能如此價低，皆因小販商是向山寨粉麵店取貨。山寨工業對香港很有貢獻。此店當年是粉麵批發商，兼賣腸粉，漸漸變成「長龍店」，食店。如取回家享用，我會自備膠盒，買大碟即16元。回家後蒸熱，熱蒸汽十足，比立食，堂食更香，

中腸粉！凍豆漿！唔該！在合益泰小食吃東西可以像打仗也可以很悠閒，視乎閣下當刻的精神狀態。我就看到有位女士坐下不久，店員在收拾桌子叫她等一下，她就離坐而去，都可以放鬆少少既。其實阿姨們都很厲害，一眼關七，事情一件接一件做，一次可以落很多單，菜也超快速上，你等她拿著單簿過來，看準機會點餐就可以了。中腸粉份量頗多，如果還想吃粥、炒麵或蘿蔔魚蛋之類，就點個細腸或跟朋友分享吃好了。腸粉預設了醬油和麻醬，甜麵醬、辣醬、芝麻粒和竹簽在桌上自己加。我覺得她們的豆漿也蠻好吃。

聽朋友介紹話呢間D腸粉好好食，所以見去深水埗，就黎呢度食，我地兩個人叫左一個中腸粉，一碗羅白，兩杯豆漿。腸粉比想像中好食，真係好滑，我叫左多麻醬同落左好多芝麻，所以勁香口，而且勁多醬，重口味既朋友，一定中意。另外既豆漿都吾錯，吾會太甜又不失豆味，而且一D都吾粉，都係$6一杯，值得一試。羅白都好好食，好多汁，但又吾似用白開水煮熟，似用清湯煮過，好清甜，多汁。整體而言，呢間好抵食，下次會試埋其他😋。

試過合益泰既堂食;立食同外賣,尼度無咩裝修,堂食其實都幾迫吓,真係手踭碰手踭,同個地方都幾熱吓,但為左食到好味既腸粉燒賣,忍耐吓~仲有尼度既落單"遮遮"超好記性,你叫左咩,佢大叫一聲,就入左單,最勁係個"遮遮"竟然記得邊位客人叫左咩野食,其實一單半單漏單左所難免,而家每次去親堂食都比人淪陷咁,連行人位都係人海~ 外面又排哂外賣既人龍!正正因為合益泰既腸粉柔軟細滑有米香~燒賣大粒有口感有豬肉味~足料!!!凍豆漿濃濃黃豆味~ 夏天一飲即時涼爽又順喉!!!正啊!!!

豬腸粉 $8/4條-每次想堂食都要等一陣先有位 倒不如買完企喺後巷食仲快啦😳😛唔洗5分鐘已經可以清哂😂水準依舊 實在太滑喇😭😭😭-今次仲專登叫阿姐落多d麻醬😍點解? 食過合益泰既朋友都知 阿姐係會將最邪惡既豬油😈混落麻醬度 所以多麻醬=多豬油=再滑d=再肥d😳😳😭唔緊要啦一次半次!!!🙈

今日去深水埗鴨寮街買電子零件！甘岩經過一間港式特色小店其實這間小店唔起眼！因爲間小店比一檔檔排檔遮住左！幸好它的人氣搭夠源源不絕既人龍讓它顯眼這間出色小店就像漆黑中的螢火蟲一樣就算你躲係街中一角都係甘受歡迎👏甘出色可能有麝自然香可惜我食完午餐先經過這間小店否則我會order得更多野食係甘多選擇入面我選擇左這間小店最出名的腸粉！腸粉爽滑夾帶出陣陣米香再加埋混合豬油既花生醬甜醬！咸度適中既豉油！香脆既芝麻簡直係一碟出滿人情味既腸粉

深水埗呢間出名食腸粉應該大部份人都知，今次去到見到外賣要排長龍，反而堂食就唔使，所以很快就決定係入面堂食。我非常應同價錢反映了很多事情，例如環境，服務等等。其實去到深水埗比較平民化嘅地方。我對於異常的要求都會相對地降低。呢度嘅環境擠迫，幾乎要背貼背坐。不過食碟腸粉都係十幾分鐘既事，當然冇問題啦。腸粉大$16，蘿蔔魚蛋豬皮$27腸粉都算滑溜，除左本身腸粉質素要好，腸粉既醬汁，豉油更是關鍵之處！呢度既醬汁都算唔錯，略嫌麻醬比較稀。相比腸粉，豬皮蘿蔔魚蛋都要比下去了。我個人喜歡食蘿蔔。燒賣$4粒，呢個燒賣比起出面$5/4粒很貴，但是也比較失望。整體好死實實，下次唔會再點。

好耐之前食過，一直覺得佢好重豬油味，而佢既豬油係唔太好味個種，個人黎講真係唔太喜歡。今次黎開深水埗又咁啱出呢個地鐵出口（ 呢樣好重要），咁梗係俾多次機會佢啦。佢生意好好架，以佢既名氣黎講，8蚊4條都幾抵食。但真係無下次啦，同佢講甜醬放一邊又無反應，又依舊係好重豬油味。要食滑腸粉既去B仔啦，佢同一個供應商架，個人認為無左豬油味，一黎無咁肥，二黎真係好食好多。而且，為左個腸粉而食左啲豬油真係浪費哂啲quota......

每次黎合益泰當然唔少得食腸粉。聽說佢地既腸粉係用豬油撈，所以特別香滑。同埋好欣賞佢地服的阿姐一眼關七，無論落單，上菜都唔會錯，完全都唔算寫單就可以應付晒所有人，換座率奇高.。呢到通常都係比人食完就即走既小店。每次黎都會必點腸粉，仲有豬皮魚旦。同埋特色燒賣。腸粉大家都知好食就唔駛再介紹，但係佢既魚旦同燒賣確係特別。佢地既魚旦係比較大粒同彈牙，唔似街外店咁淋晒。豬皮就比較淋身入味。另外好食既燒賣，呢到既燒賣係特別大粒，用豬肉做，食落去有肉汁。美味可口。其實佢地食物質素同價錢真係好抵食,但只可惜要快食快走。

平日大概8點半到，見難得唔需要排隊，又唔逼人，就入左去坐。原來已經賣晒所有粥腸粉同豆漿，得珍珠雞同燒賣咋。唔太想食燒賣，就叫左隻珍珠雞，即叫即上，但無咩特別，細細隻，料唔夠多又唔夠食，所以唯有再叫多隻食，有可能因為就黎收舖嘅關係，所以d 珍珠雞都唔係好夠熱。 整體黎講，勝在夠平又夠快，$5隻，埋單都係$10 咋！如果想食好西，下次都係要早d去先得。估計應該都係要食佢地最出名嘅腸粉同飲豆漿先正，其他嘅都唔係主角。