合益泰小食

營業中

休息中

深水埗食腸粉合益泰係唯一選擇，合益泰最出名係咩呀！！佢出名就係啲阿姐忙吖嘛！點知今日嚟到，只有食客只有平日既三份一，阿姐招呼輕鬆自如，首先叫一個中腸粉，艇仔粥走牛，腸粉一如既往，腸粉冇痴埋一齊，豉油，麻醬一應俱全，艇仔粥走牛，足底夠熱，材料充足，豬皮，鹹豬肉絲，魷魚，花生，足曬料，埋單＄29，值得一食再食。無可否認，呢度腸粉真係非常出色，怪不得每日過百食客，排隊喺出邊等買最出名嘅腸粉。

差唔多半年無黎堂食合益泰...行左陣深水埗...同男人一齊去食腸粉，店面外賣條人龍依舊長....入去搵位，咦！裝修左嘅？！上次買外賣時，裝修左未呢？！唔深究喇，感覺比以前仲細左...收銀就比以前大左咁....坐牆邊嘅人要出黎，係要坐出面嘅人行出去先出到黎...今日坐嘅位....搞到我連相都無影...淨係想快快食快快走。 我同男人叫左大腸粉、蘿白魚蛋，兩杯荳漿...大腸粉 都係咁香滑啦！蘿蔔魚蛋....平時我只會叫淨蘿蔔，今日男人加左咖哩魚蛋，咖哩味溝淡左本身蘿蔔嘅甜味...所以我建議下次都係食淨蘿蔔好喇....荳漿 無咩特別..不過不失啦！食物依舊好味，姐姐收銀依舊無咩服務...而食緊時，有啲小昆蟲飛黎飛去，幾擾人...我個好評 係俾食物嘅！

深水埗有很多小食，下午選擇了食腸粉。這間小食店總是人來人往，很多都拿著碟站著吃。腸粉分大中細碟，2蚊有1條，最細的8蚊碟，價錢可以接受，要了一碟細的試試。腸粉滑而幼身，薄薄地卷在一起。醬油要了混醬走辣，麻醬、甜醬及豉油混合一起，令平平無奇，淡而無味的腸粉頓時變得美味可口。即使有很多醬汁，但亦不會覺得很鹹。如果覺得單調，還可以用6蚊自行用豆漿機倒一杯豆漿飲，即健康，又可以減少油膩感。總括而言，小食也可以吃得很滋味。

合益泰係深水埗鴨寮街, 公廁對面。深水埗地鐵站一出就係, 無人30秒就到, 人多要逼番出黎, 2分鐘先到。間野附近都幾多小吃, 但我最愛就係佢。間鋪好細, 肥少少都唔會入到。裝修完, 靠畿果邊凳變左長凳, 可以坐多少少人。即使吃腸粉不夠飽, 也可叫粥, 叫豬皮蘿蔔魚蛋我說這裡是無可取替的腸粉, 是因為腸粉夠滑, 麻醬的豬油味其他地方不會這樣做,而炒香過的芝麻也任落, 不欺場, 也不欺客, 是我每次經過深水埗無論飽式餓都會進來的店舖之一。

第一次食米芝蓮推介的香港街頭小食 ~合益泰腸粉.之前經過幾次都排長龍買腸粉, 今次見到得小貓三兩隻, 梗係即刻走埋去買份嚟食下.拎住份腸粉已經聞到好香的芝麻醬味道但腸粉並唔係滑捋捋(仲有啲啲榎口)!!同時腸粉比平日吃的縮了水...應該少了幾圈.混醬(甜醬 + 芝麻醬 (混入了豬油!?) + 豉油)的味道的確出色, 但腸粉質素實屬一般

來到深水埗出名小食店！腸粉（大）$16炒麵$13魚蛋+蘿蔔$19豆漿$6.腸粉名不虛傳👍🏻👍🏻 真係好滑又夠薄身喎！加左花生醬甜醬少少芝麻已經好好味喇～炒麵味道適中，唔會好咸👍🏻 有適量芽菜～岩哂我呢d 麻麻地芽菜既人 haha蘿蔔好甜！！超入味，又大大舊魚蛋就普通d~~.豆漿：夠平呀 $6咋！非常平民價又有重豆味，like it.後記：堂食要自己等位架記住！！企埋去人地枱旁邊，等人地食完坐埋去就得，唔洗排隊

唔知係我個人命格出現咗咩問題🤦‍♀️，我真係特別招惹怪人。繼上次蒸氣火鍋火爆呀叔後，我喺合益泰遇上了佢既另一半－火爆呀姐。🤬話說我同朋友唔知咩事，呢排三日唔埋兩日過深水埗，朋友話好掛住合益泰既勁甜蘿白，借過開深水埗機會去重溫吓啦。一坐低我哋就落單，兩碟中腸粉，一碗蘿白。落單的火爆呀姐就黎料丙我哋：講慢啲，我新黎既，唔會寫得切架！🤬🤬🤬我哋呢啲好聽話架，咪好似立法會議員宣誓咁一秒一隻字，兩…..碟….中……腸……..粉…….點知呀姐佢用唔知筆定手指督我肩膀！又丙埋黎：繼續啦！仲要咩！成個落單既過程我比佢督我肩膀足足三次，我真係成個人著咗火！🤬對面呀叔落單要牛肉兩粒，又俾火爆呀姐丙：講清楚，牛肉咩呀？牛肉粒呀？！我忍唔住幫呀叔串埋去：咩有其他牛肉架咩？除咗牛肉球之外？！大家可以睇返佢牆上既menu，寫「牛肉」架！佢既腸粉係我認知入面全港最好味既，佢個蘿白真係清甜到不得了，total我哋食咗兩轉！但係我一定唔會再光顧，服務態度差到咁都得既，係咪呢啲出名好味既餐廳就一定要咁既服務態度？！再唔係下次想食買外賣好啦，搵衰佬買，唔想受氣！🤬

去深水埗買少少野, 處於唔肚餓又口痕的時間, 合益泰係我最喜歡解口痕的落腳地。合益泰雖然店鋪細細, 外賣/係鋪口外立食要等, 係鋪頭入面都係要等, 仲要背貼背但佢貨如輪轉, 人都如貨, 除非有細路一齊又或者食粥, 其實好難係間鋪頭食超過20分鐘。所以我其實等左5分鐘就有位。話明只係解口痕, 所以只係少少地叫左8蚊腸粉(細)除左豉油同花生醬(有豬油炒過), 芝麻同甜醬任落, 為起只係2蚊條, gam ge 質素 gam ge 價錢, 仲可以去邊到搵呢?所以呢篇食評, 藉得我改個名叫「快食唔肉赤」

難得閒日朝早出沒在深水埗 腸粉控既我特登行去食碟腸粉 中腸粉$12碟 坦白講都幾貴 不過堂食可以係咁落芝麻都係令人感到好快樂既事。 腸粉依舊白白滑滑 好有光澤 真係無咩失色 值得一讚。

遠近馳名深水埗另一名物~ 合益泰小食！其實真係第一次食，打Google Map差啲去錯咗另一間合益小食，所以大家記住佢係叫做合益泰小食。店內環境比較擠迫，而我哋都食咗午飯嘅原故，所以冇諗住堂食，企街食都係一種香港風味😂門後大排長龍，但外賣阿姨一於少理，慢慢咁take order 😂😂 可能人多關係，腸粉未熱透，但都真係算幾滑，混醬又香好正！（罪惡感勁爆🤫⋯⋯）所以我諗如果佢真係熱辣辣咁樣，應該真係超好味！因為香港依家搵啲好味嘅腸粉都好難哦⋯⋯

喱間小食店嘅腸粉由細食到大，每次食我都覺得喱到嘅腸粉係世界級。佢好滑，唔會有平時其他腸粉黏黏嘅嘅感覺。我亦都好欣賞佢嘅醬汁，佢嘅麻醬同甜醬一流，我好怕好油嘅麻醬味，但佢喱個無。強烈建議一定要即叫即食，真係勁好味。外賣都幾好食嘅，但當然唔多即食咁正啦。但平常都幾多人排隊買，有時都可能要等二十分鐘先買到，但咁好味，排一陣都值得嘅！

合益，好記得以前讀書時候經常買距地腸粉食，媽咪放學經過都會買，記得以前$5依家食到好飽，今日同小學同學再經過幫襯，眼見裝修左，門面睇上去乾淨左。我地等左一陣就有位，可能下午時候無甘多人，我地點左豬皮蘿蔔，豬皮有沙，蘿蔔可以幾甜。之後點左個$20腸粉、牛肉球，粉粿豆漿。腸粉味道變化不大，價錢份量就同以前差好遠啦。牛肉球好似好多粉感覺，唔好食（好彩只叫左2粒）粉粿皮好軟有少少溶噶感覺（唔得）豆漿算係可以吧，不過距無熱的，天氣冷時候飲完全身都好凍，尤其係我苗條的一個淑女🤣

因工作關係一年沒來了，真的可惜，以前這裡腸粉的米香，幼滑完全沒有了，依架係唔香又唔滑，還有就是縮水，比以前幼了，如果真的鍾情於這裡的腸粉，這些問題是非常明顯的，難道都只是因名牌慕名而來？！另外還點了粉果，味道大小也是跟以前完全不同了，但係渣了好多好多，換了師傅還是供應商？？好多地道小食店被米芝蓮後便不如以往完全兩回事了，還有不倫不類的新裝修，完全唔夾這些地道店舖，不過最重要好食和正常的服務態度！！但非常可惜，以後去SSP不用來了，留番個肚吃其他未變名牌的地道小食啊！！！

黎得深水埗掃街，當然唔可以錯過合益泰既腸粉啦！兩年前已經黎食過，當時已經將佢放入口袋名單，今次終於有機會encore喇😆同上次一樣，買外賣既人龍超級長，即使堂食亦見人山人海，不過舖頭裝修過，環境叫做企理左加左價但仍然好平兩個人食，叫中腸粉加碟蘿蔔魚蛋夠哂數😄腸粉仍舊是滑溜又煙靭，配甜醬食無得輸；蘿蔔魚蛋食落係清甜既，而魚蛋好彈牙，其他地方未必有呢度既水準架另外叫左一人一杯豆漿，唔算太甜，豆味足夠，解渴一流今次食完覺得好滿意，希望不久既將來會再黎食啦

店外總是有人排隊外賣，店內亦有人排隊等位入座，但係好在排隊外賣的速度很快，大概等了5-10分鐘喇～可以打包帶走，也可以站在旁邊吃，吃完之後自行把碟子放到水桶裡面即可這是細份齋腸，八蚊，平民小食，價格好公道，但是感覺腸粉味道和質感其實和其他餐廳的齋腸沒有太大差異，不明白為什麼會出名？會如此多人排隊？最多外賣客人選擇的是齋腸，齋腸的配料挺多，有甜醬、花生醬、辣醬、甜醬油、白芝麻粒，我最喜歡甜醬油和辣醬 不太喜歡太甜口