合益泰小食

營業中

休息中

二人堂食，等左唔夠5分鐘就已經有位，坐得唔舒服就必然，但坐喺度食總好過喺門口同後巷企喺度食。腸粉（比普通腸粉檔好，幾滑，好齊整同無咁易爛，仲可以自己任落醬同芝麻，花生醬就係佢加比你）魚蛋（係以前腸粉檔大大粒果d）蘿蔔（無渣同埋都幾淋） 豬皮（呢個就真係無乜特別，同一般舖頭差唔多）燒賣（係豬肉燒賣，仲要有冬菇馬蹄，好好味，必食！）粉果（個人認為d香料比較重，唔岩本人口味，同埋最大問題係佢本身穿左）豆漿（無乜特別，個人認為幾好，唔會太甜）

聽講深水埗有間好出名的賣腸粉特登今日去試下睇下點解咁出名！用GPS搵都唔難去一去到哇左聲點解咁多人排的？排排下都見好多人跟住排就好似攞免費的飯盒咁睇黎呢到的腸粉真係好受歡迎懷舊的裝修同充滿內涵的腸粉顯得格外有風味事關買的方式都係堂食企街又或者您選擇外賣自取我就選擇左前者一食落口估唔到出奇地滑醬料呢就無咩特別但真係真係好滑仲要係平民的價錢就食到呢種食的風味係而家連鎖店搵唔反的另外鋪頭內除左賣腸粉，仲有車仔麵賣不過我就無食的

成長於深水埗區，卻最少吃這區的餐廳這次在周日10 am 可以來到遠近馳名的合益泰吃個悠閒早餐店舖分開堂食及外賣的隊伍自行入內等位，但很快就已經有客賣單走人店內姐姐都好忙，所以等位還是要靠自己兩個人就點了三樣雖然是普遍常見的食物，但就最能試出真功夫*皮蛋瘦肉粥* $16市面上質素參差，有時候選用壞皮蛋就會有腥臭味。但這裏的皮蛋和瘦肉都沒有不好的味道，粥底夠綿，添上葱花，一整碗都是清新的味道。*腸粉* (大) $11吃腸粉總愛叫混醬，這裏則是自己配搭桌上的醬料，任君選擇。通常混醬都是被麻醬搶去一切風頭，但這裏卻不會，花生味突出而不霸道，配上甜醬、豉油，酸酸甜甜的。而且腸粉夠熱，並不是那種黏黏的質地，而是輕易能用舌頭攤開腸粉，薄薄一片來吃。(可能只有我愛這種怪異食法吧，汗)*炒麵* $10要飽肚總是要靠炒麵或者米粉，我較喜愛麵，因為米粉有時太乾身難吞嚥。這裏的炒麵不油膩，乾濕度適中，不過吃到最後就感覺豉油還是略咸。~~~~~~~~~~~~~~~~~~~~~~~~~~~~~~一頓早餐雖簡單，但卻可以令我打起一整天的精神來最開心的不過看見雖然是深水埗小店，多人卻能保持水準而且用餐過程也沒有任何不

天氣凍食翻個合益泰腸粉真係一件好幸福既事!!!開咗咁耐第一次試呢度既招牌腸粉。叫咗中size($12)應該有6條腸粉。 腸粉好軟好冧，卷住一條條，咬落好滑又唔似岀面果啲咬落好粉既質感。不過我覺得佢之所以咁岀名係因為佢既醬汁，大量既豉油，甜醬，麻醬，加少量芝麻熱辣辣~~堂食外賣都正。但略嫌衛生方面有待改善，雖然可以算係掃街既特色之一 雖然呢度既招牌腸粉真係吸引咗唔少人慕名而來，但我都係會選擇外賣行街~~

屋企人睇左YouTube 介紹，叫我去掃街。傳聞中佢地的腸粉好食，我地點左中size腸粉，一碟蘿蔔豬皮。腸粉幾硬身，吾難食，但又未致於要得登來食。而個蘿蔔豬皮,就好有驚喜，好入味！

依間野既出名程度相信唔需要我多講。又係一間我由細食到大既餐廳黎。我個人黎講最鐘意食佢既豬油腸粉 同埋凍豆將。 加埋混將一齊食。豬油既香味唔會太油膩。反而拎到啲味道好香。另外仲有佢既蘿蔔。唔知點解永遠都係糖心既 又入味。

今日專程來到食膠粉，堂食，叫咗腸粉，炒麵，牛肉，燒賣，艇仔粥。呢度最出名的腸粉也只是一般，食腸粉緊系要熱辣辣，但佢地的腸粉只是微暖，滑就夠滑唔夠熱。唔見得甘誇要排隊囉，或者可能以前未大肆宣傳系好好食，呢個就真系唔知。炒麵真系唔掂，油咗亦唔香，色水都唔靚。牛肉球粉，燒賣也麻麻。堂食亦要叫阿姐幾次先有人來寫單。我都系覺得唔值得排晒隊等，亦唔值得堂食要迫埋一齊食😞

優閒放假日，行到深水埗想尋找一些輕食。當然 首選合益泰小食第一次坐喺裡面食， 咁可以試下其他小食腸粉真係好滑， 我覺得連調味醬都特別過平常的店。燒賣有驚喜， 原本以為係最普通街邊的魚肉燒賣， 但原來係足料版，有冬菇料的。價錢極大眾化， 最重要唔係平野無好野。最後再追加蘿蔔豬皮，蘿蔔 又甜又淋，豬皮爽。唔係誇張，我連個湯汁都一滴不漏地飲哂！平野無好野喺合益泰完全唔成立呢！下次再經過， 一定會再入座試埋其他食品！！！

呢間係腸粉店黎架 佢D腸粉都好新鮮熱辣辣架 腸粉好嫩滑 而家好小可可以食到呢種腸粉 因為一來唔多人賣 腸粉再加埋甜醬麻醬就更加好味 愈食愈想食 就叫左個羅白黎食 羅白都好甜 唔錯 幾好食

呢度係黎親深水埗都要食既腸粉店，之前見佢舊舖重新裝修，而家終於開番喇，最有特式就係大家會係店外排腸粉，之後拎住立食，排隊既長龍依舊咁多人。裝修完之後入面光猛左，座位坐落無咁迫，當然都乾淨左少少喇。今次想食蘿白所以入左去坐，《大腸粉》($16)，必定要叫多麻醬，加上仼灑既芝麻同甜醬混埋一齊勁正，不過腸粉好似無以前咁滑。另一樣鍾意食既《蘿白》($14)，夠清甜最緊要係無渣，一陣就成碗食哂。店名：合益泰小食地址：深水埗桂林街121號地下即刻入去Like & Share埋我地既其他頻道喇Facebook: KJFOODLIFEInstagram: KJFOODLIFE歡迎報料同合作:Email: kjfoodlife@gmail.comMobile: 63525193餐牌:

黎到深水埗行完黃金再行去鴨寮街去睇電話卡啦！咁啱見到裝修完嘅合益泰，價錢加左價，但仍然咁多人排隊幫襯，見唔係好肚餓就買幾條腸粉食下啦！腸粉熱辣辣，夠雪白同滑，混埋醬食一流，加多杯豆漿，夠豆味，好飲黎到真係要必食腸粉，之前黎到試過賣晒，好彩今次排幾個人啫

除咗比9假期個啲吹到天花龍鳳，其實好多鋪都係真功夫，唔洗吹捧都一樣大把生意！早排同男友行過，終於再去食下，腸粉滑溜彈牙，啲混醬自由配搭，仲有大大支芝麻俾你撒😙又香又好咬，唔掛得之大受歡迎

腸粉 $8 細.又試左一間排長龍食腸粉既深水埗小店 其實都係排左15min者 入口的而且確幾香滑 同熱辣辣所以都好食既 個花生同甜醬我覺得太水 所以d腸粉點唔夠汁咁.可以一試 不過我睇唔透點解要排隊買😂不過都幾多遊客既

全地球人都知合益泰嘅腸粉好食架喇，裝修前裝修後都人龍不斷，最近去過一次，店鋪環境比以前乾淨企理左，但擠逼程度同以前無差，既有食緊野嘅人，都有等位嘅人，啊姐送餐都依然係過五關斬六將。週日黎到，本來都諗住買外賣企喺巷仔食，但唔知點解買外賣腸粉車嘅人龍仲長過店面入面等位嘅人，可能有風味啲。或者以為嗰條隊就係堂食(?) 我地入去自行搵番個靚位，基本上都不花幾分鐘店內都係圓枱，黎親呢啲名物，搭枱係常識，但都唔會話好逼狹，有足夠空間坐，只係間中要麻煩其他客人起身，又或者要起身讓一讓位俾人。餐牌供應腸粉、燒賣魚蛋豬皮蘿蔔珍珠雞、粥品等。腸粉 $12/中分大、中、小碟，定價$8/12/16。腸粉一如既往只有麻醬、豉油。甜醬、辣醬、芝麻係自行添加，基本一定要多甜醬多芝麻啦。腸粉老實講真係好滑溜嘅，亦都唔黏身，條條分明不過因為「出貨」太快嘅關係，腸粉上枱唔係好夠熱，只可以叫微溫。食腸粉唔夠新鮮熱辣，噴哂煙咁又真係爭少少。始終週末可能忙啲，平時平日黎買早餐，腸粉熱辣辣好多架。豬皮+魚蛋 $19碟魚蛋非常普通，豬皮都冇乜特別，勝在夠大碟。醉翁之意都係在腸粉嘅啫，咁其他野，豬皮、魚蛋、蘿蔔食唔食就個人喜好啦。

合益泰的腸粉一直以來都是「冇得輸」，前陣子去的時候裝修中，好不容易找到機會特意來吃久違了的腸粉.除了每條腸粉漲了價，由$1.5加價到 $2一條（嘩，現在想想是33.33%的增幅呀！）門面跟以前沒有改變很多，當然排隊的人們也跟以前一樣.....等了大約10分鐘之後，腸粉終於到手！.急不及待開來吃，就是失望。.不知怎麼的，腸粉不是從熱櫃拿出來，奇怪地小店只是把腸粉放在旁邊的鐵盤，對哦，腸粉就是一直暴露在空氣間，先不要提及衛生的問題，好味的程度確實令人失望.....買的時候也心知不妙，果然，腸粉沒有以前的新鮮熱辣好吃的感覺。.微溫的腸粉，大家想像到可以有多好吃吧.另外腸粉的豉油不足夠只有甜醬和蔴醬的腸粉，沒有豉油吊味，完全失色.或許是希望越大失望越大吧.今次完全是失望而回。