台灣館 (已結業)

係有台灣風味嘅有啲似街坊小廚🤣德寶商場有一間鑊氣小廚!燒汁薯仔牛肉粒🐄牛肉粒炒到剛剛好一啲都唔韌，燒汁送飯一流🍚黃金南瓜🎃黃金蝦就食得多，黃金南瓜真係第一次食估唔到味道又真係好夾！鹹蛋黃嘅香同埋南瓜嘅甜味出奇地好食！好有創意!南瓜嘅健康可以蓋掩鹹蛋黃嘅邪惡😈洛神花茶🌸冰凍嘅洛神花茶，味道酸酸甜甜，夏天飲消暑解渴！香芋珍珠🧋最有台式風味嘅飲品，珍珠奶茶我淨係飲香芋味！呢度超級出色，好香芋頭味！支持好味道嘅街坊小店！

九龍灣德寶商場近年大翻身，入邊多咗好多唔同嘅餐廳，而且每間都有自己嘅特色，今次就同朋友嚟呢間食台灣嘢，門口嘅餐牌都幾吸引，而且價錢都相當抵食，所以就入去試吓。餐廳嘅環境幾光猛闊落，座位都幾大坐得舒服，係一個幾啱可以享受美食話同朋友傾偈嘅好地方。綠茶拿鐵珍珠奶茶25先來飲品，呢杯顏色鮮艷嘅綠茶特飲，味道係綠茶同咖啡味中間，兩者嘅味道都有，另外都幾多珍珠，珍珠都幾彈牙，而且都有黑糖味，都幾地道嘅台式飲品。冬瓜茶23夏日消暑最好就係飲冬瓜茶，淡淡的茶味，配上冬瓜真係有清熱嘅感覺。招牌台灣牛肉麵58午餐來講好抵食，有四大件牛腩，蘿蔔都好大舊，而且都算入味，面嘅份量都夠多，湯底亦唔會太鹹。酸菜烤魚$63條魚炸過所以夠脆，而且骨都可以食。配埋啲酸菜同熱辣辣嘅湯，係一個幾好味嘅午餐，仲配上一碗白飯，份量真係好夠。

食物一般，飲品太甜雞扒唔好食，3杯雞都可以，個飯有啲硬，刀削麵係759個款，鹵水拼盆都可以，質素對面咁既價錢有點貴，環境都可以夠大，有bb椅，不過試過一次就夠。

今天與朋友經過得寶商場，剛好又想吃小炒菜，誤打誤撞就來到了台灣館。不得不說得寶多了不少餐廳👍🏼 店鋪的座位很寬敞，亦有卡座。員工的服務態度也不錯👍🏼————————————————鳳梨甜酸肉 $68當中有三色椒、菠蘿🍍。豬肉的口感很結實，不再是吃到厚厚的粉漿，酸甜掌握剛好，相當不錯。黃金日本南瓜 $88黃金即是用咸蛋黃，如果有吃過咸蛋魚皮，大概就知是甚麼味道了。配合上日本南瓜，鮮甜得來又香口。草莓珍珠奶茶 🍓珍珠有Q彈的口感，非常大大一杯！而且粉粉嫩嫩的顏色看得很舒心💖不會太甜水蜜桃紅茶 很香水蜜桃🍑味，夏天喝非常解暑！————————————————環境：👅👅👅👅食物：👅👅👅👅性價：👅👅👅👅👅服務：👅👅👅👅

行完淘大過得寶搵野食~唔知係咪好耐冇黎呢, 好似多左幾間新開既食店呢.....見呢間食台灣野既餐廳好似都幾四正, 又幾岩食咁就入去喇餐廳有多款台式食品~~有散叫又有套餐.....價錢經濟實惠叫左2個套餐, 餸+飯~~另叫飲品就半價......芝士黃金蝦 $78芝士+蛋黃~~ 超好味丫!!!有多重層次感~~每一隻蝦都入晒味呢~~蝦肉新鮮, 爽口彈牙唔肯賣相靚, 味道一流添丫!!!好想再食丫!!!辣子雞 $88辣子雞炸得好乾身~~配上大紅袍花椒、乾紅辣椒，交相輝映、濃香四溢!!雞肉質地酥軟,麻辣味濃,香辣可口凍菊花蜜: 清甜滋潤凍洛神花茶: 酸酸地, 好開胃

今日探親，落左樓下試左呢間餐廳。有台灣裝修風格而幾有港式風味的小炒。燒汁薯仔牛柳粒： 牛柳粒幾入味， 而且個薯仔炆得都幾冧 ，港式小炒嚟講算係唔錯。真係幾有屋企feel。美極豉油蝦: 呢個豉油蝦己有家居煮食風味， 因為佢每一隻蝦個蝦殼都有鑊氣，而且美極豉油嗰種味道都幾入味。食落ok!最後飲埋杯椰島珍珠奶茶同菊花蜜就閃人。杯椰島珍珠奶茶整得幾好，好椰子味。有興趣可以一試。Overall, D嘢食可以的，但比較細碟，如果大碟少少會好D。不過價錢取勝。

台灣館喺得寶商場一樓。入面有寬敞嘅卡位，坐得好舒服。卡位靠近落地玻璃，可以望到天橋同馬路車來車往嘅景色。原本以為台灣館剩係得滷肉飯嗰啲食點知仲有酸菜魚！好驚喜呀！😍桂花魚可揀水煮或酸菜，有辣有唔辣，我唔食得太辣就揀左酸菜。除左有大量酸菜，入邊重有胡椒，食落酸中帶微辣。桂花魚魚肉嫩滑，夠新鮮，一d鯹味都冇。重有爽脆萵筍。嗌左個晚市小炒「蒜蓉炒萵筍絲」配白飯。重可以半價加配飲品添！萵筍爽脆份量多，用蒜蓉炒好香口！同朋友各自點了杯野飲。洛神花茶洛神花唔會太酸，有d甜味，甜酸度調配得恰到好處，酸酸甜甜入口清新。入面重有兩粒洛神花，可以食埋添！柚子蜜微甘嘅柚子配清甜嘅蜜糖，唔會太甜之餘又潤喉。

女朋友住喺九龍灣，廿四孝男友就梗係搵間近女友既餐廳啦，所以今日就黎到食得寶商場入邊嘅台灣野。坐低未見到個Menu以為係肉躁飯嗰啲，竟然原來係家常台灣小菜。我哋就叫咗個二人晚餐，蒜片黃花魚，炒台灣A菜，加兩杯野飲。埋單都係百零蚊，好抵食！先來嚟咗個台灣A菜，炒得幾靚仔，菜一啲都唔老，調味啱啱好。推介👍🏻然後係蒜片黃花魚，超好食超有心機，佢係成條魚拎去炸，睇樣都知佢炸得好脆但係唔會成層炸粉，我見到真係呆左，超有心機做得！食落口佢個汁係好好味，甜甜地，送飯一流！女朋友都食到chep chep聲。極度推介👍🏻👍🏻👍🏻最後兩杯嘢飲，水蜜桃紅茶唔太甜，大大杯好抵飲，洛神花茶就清清地，酸酸甜甜好開胃，啱晒解左炸野既油膩感，完美！同女朋友食完開開心心返屋企，大滿足👏🏻

收工喺九龍灣德寶商場附近，食埋飯醫下個肚先🥱，都有一段時間冇黎，原來個商場改變左好多，最後揀左間台灣野食🙌🏻，因為都幾多人，所以就揀佢🤣。2個人叫左2個主菜，同一個滷水拼盤，沙茶芥蘭炒牛肉配白飯，沙茶味幾香😙，牛肉軟身易咬，仲好入味😝，芥蘭嫩口無渣👍🏻，成個餸都好有鑊氣👏🏻，加埋個飯都幾夠😝另外一個就叫咗個台灣牛肉麵，個湯夠晒香濃，而且無乜油，好清😋，仲好有誠意好好足料😍，一碗有成5，6件牛🐮，仲有的蘿蔔。牛肉食落有的筋位，但煮得好軟綿👍🏻，有口感得黎又唔難咬開，而蘿蔔就多入味。個麵底係最鐘意，軟硬適中🤩，仲係曲邊既麵😍。台式滷水拼盤都唔錯，整體來講滷得入味👍🏻而且唔太咸，牛展豆腐各4件，仲有蛋同豬耳☺️。冬瓜茶真係好有台灣feel，唔係得個齋甜，仲有胚芽芋香珍珠奶茶🧋，芋香味已經正，的珍珠食落好有口感，唔會太黏👍🏻👍🏻

民生區德寶商場近排大翻新，開咗間台菜因為都近近地屋企所以同媽咪一齊去試下😁 #有驚喜.首先係環境，呢個位前身係足浴店，所以地方都唔細都幾多枱有幾張近窗嘅卡位，我地坐咗店名燈箱下嗰張，影相好正(圖二)中午陽光都幾勁，不過餐廳冷氣好夠！唔會熱👍🏻👍🏻.牛餐/下午茶有台式＆港式嘅選擇揀，加埋都有十幾款我當然揀台式😁［台灣滷肉飯］滷肉唔會過肥，食落幾滑又夠香飯粒ok少許煙韌，我中意！.［招牌台灣牛肉麵］五香牛肉好多舊，而且舊舊都好大件！掋食👍🏻湯底幾香濃，飲落唔油膩不過我唔太中意佢啲麵，對我來講太冧🙈.［台灣鹽酥雞飯］呢個真係超人氣🤤個雞炸得好酥脆，而且幾厚身，唔會得層炸粉咬落入囗即酥化，真係好suprise 💯.飲品一定要order台飲啦 #高質［香芋珍珠奶茶］甜度合宜，珍珠夠Q彈，香芋味唔錯！［香濃朱古力］呢個好好飲！ #朱古力迷

同同事去緊牛頭角攞野，點知突然暴雨，即刻走入得寶商場避一避，嘩，好耐無黎變左好多喎，多左唔少食店，個場都翻新左添。揀左黎呢間台灣館食野，貪佢有得望窗，而且冷氣好涼。揀左個卡位坐低，啲位都幾濶，張沙發高度啱好幾好坐。自己點左台式午餐嘅台灣滷肉飯＆冬瓜茶，賣相幾好吖。份量比想像中大碗，拎上手都幾重，哈哈。有滷肉，滷蛋同豆腐。滷肉好香，肥瘦比例唔錯，撈飯一流。滷蛋同豆腐很入味，仲有軟綿綿嘅珍珠米，好食呀。冬瓜茶香甜，冰涼涼的好消暑。同事點的港式午餐南乳藕片炒肉片，有餐飲的但無影到。藕片爽口，肉片軟腍，個南乳汁幾好味噃，好好送飯。飯同樣都係珍珠米，綿綿的好正。五十蚊個午餐大大份，餐廳好涼好好坐，有下次呢。

通常去九龍灣，不外乎到德福及淘大等兩個較具規模商場搵食😋得寶商場好似進行緊翻新，都好耐冇嚟過，確實多咗好多間大大小小食肆進駐，雖然不太起眼，最重要係價錢抵啲質素都唔差👍🏻一入到台灣館內，差唔多每枱都叫咗烤魚，充斥住香麻辣🌶不過最近真係食咗唔少川菜喇，套裝都幾吸引🍴🍍鳳梨甜酸肉 $68即係經典小炒咕嚕肉，酸酸甜甜好開胃🥦蒜蓉炒萵筍絲 $58萵筍切成幼絲，蒜蓉炒得又香又爽脆！🦑黃金鮮魷 $72非常邪惡，炸鮮魷再用加入咸蛋黃炒勻🥤凍洛神花茶 跟餐+$12🥤凍芋香珍珠奶茶 跟餐+$13

今日剛好過九龍灣準備同朋友食飯，於是選左這間台灣館。一入來就先點了2杯飲品，百香果蜜和冬瓜茶，飲料就正常，水平 無功無過，冬瓜茶有台灣風味，下次會想試下珍珠奶茶。這次就嗌左2個晚市小抄，一葷一素搭配，對於處在減肥階段的女生份量剛剛好黃金南瓜一上來就有很鹹香蛋黃味 炸得夠脆 南瓜甜鹹甜適中，好味~米飯粒粒分明，軟硬適中而蒜片牛仔粒 沒有牛肉味，不過有家的味道，家常小炒的感覺。分量都剛好。總體感覺不錯，環境不錯，位置寬敞，$200樓下的2人餐可以一試。

餐廳裝修幾新, 簡單又坐等幾舒服。有中式、台式料理。午餐算經濟，$50-$60左右。▶️櫻花蝦蟹皇炒飯$58夠大碟，兩個人唔大食都夠。飯抄得較濕，多蝦，有櫻花蝦、蛋等等。味道唔錯，飯較多油份，所以都幾飽。▶️酸菜珍珠斑$63用爐一直滾住一路食，魚肉質ok, 有好多好多酸菜夠晒酸。仲有大豆芽、蓮藕等等。食食吓辣辣地，送白飯一流。▶️凍朱古力珍珠奶茶🧋面上有忌廉，朱古力味幾濃。▶️ 熱菊花蜜清熱夠蜜糖味，養生！

今早去朋友家幫手執屋,點知執完已經差唔多2點了🙈朋友話不如去得寶商場一樓嘅台灣館lunch 😗 台灣館一面全部是窗，除了可以望窗外，室內也很光猛👍🏻梳化位多，地方寛躺整潔！店員姐姐亦很nice 😗鹽酥雞扒滷肉飯，雞扒份量不少，炸得剛剛，皮脆肉嫩，不會太乾肉汁豐富👍🏻滷肉肥瘦比例適中，不會太膩，配飯一流👻蘿蔔牛腩刀削麵，湯底濃郁，有4件牛腩，又大又厚，惹味又夠咬感，不會太淋又不會太韌！蘿蔔煮得夠淋亦很入味！百香果紅茶，比例剛好，味道清甜，可以中和剛剛的吃濃味😗香芋珍珠奶茶，芋香味濃，甜度剛好（我沒有叫少甜）