台灣館 (已結業)

同同事去緊牛頭角攞野，點知突然暴雨，即刻走入得寶商場避一避，嘩，好耐無黎變左好多喎，多左唔少食店，個場都翻新左添。揀左黎呢間台灣館食野，貪佢有得望窗，而且冷氣好涼。揀左個卡位坐低，啲位都幾濶，張沙發高度啱好幾好坐。自己點左台式午餐嘅台灣滷肉飯＆冬瓜茶，賣相幾好吖。份量比想像中大碗，拎上手都幾重，哈哈。有滷肉，滷蛋同豆腐。滷肉好香，肥瘦比例唔錯，撈飯一流。滷蛋同豆腐很入味，仲有軟綿綿嘅珍珠米，好食呀。冬瓜茶香甜，冰涼涼的好消暑。同事點的港式午餐南乳藕片炒肉片，有餐飲的但無影到。藕片爽口，肉片軟腍，個南乳汁幾好味噃，好好送飯。飯同樣都係珍珠米，綿綿的好正。五十蚊個午餐大大份，餐廳好涼好好坐，有下次呢。