台灣館 (已結業)

平時天橋望落黎見到新開左間餐廳，今日終於有機會可以試下啦，選擇都幾多，環境舒服又有卡位，想慢慢歎既可以食雞煲、烤魚，想快食既又可以叫小炒，彈性好高❣️酸菜烤魽魚連爐送上一大碟烤魚，雖然係酸菜烤魚，但都食到有少少辣味，面頭鋪滿芫茜，移平後就見到一大條魚啦，魚質滑溜，仲有D 蓮藕片萵苣都好好食，好爽口，味道又好夾，亦都唔會愈煲愈鹹❣️ 沙茶芥蘭炒牛肉翠綠既芥蘭好新鮮，成碟餸味道唔錯，比起平時自己屋企炒係唔同D，而且牛肉份量仲好多，抵食，沙茶同牛肉係絕配，有大排檔嘅風味❣️百香果紅茶有百香果既香味，味道唔會太甜，食辣野飲返啖的確減辣不少❣️冬瓜茶打邊爐食烤魚飲杯冬瓜茶就岩哂，味道唔錯，又有清熱效果，好有台灣嘅味道

得寶商場最近開咗間台灣菜，好受街坊歡迎。今日特登試吓佢哋嘅晚市小炒，套餐跟白飯，亦可半價加配飲品。🎃黃金日本南瓜 $88呢道菜式用上連皮嘅日本南瓜。南瓜香甜，加上鹹蛋黃醬後色澤變得金黃，賣相甚佳。食落鹹香美味，適合配飯食。煮法簡單但味道不錯。🧄蒜片牛仔粒 $88蒜片先炸過，口感香脆。牛仔粒嫩滑多汁。醬汁以甜味為主。墊底嘅大蔥吸滿醬汁。飲品方面我哋揀咗凍百香果同抹茶latte，半價加配飲品可接受。兩款飲品甜度比外面嘅餐廳稍為低。只係抹茶味道有啲啖。

九龍灣得寶商場大翻新之後, 真係唔同左好多，開左好多新既又獨特既食店，各國菜式都有，要間間試下都有排試呢。其中呢家台灣館，門面好吸引望入去都好光潔，睇下餐牌又好多食品選擇，價錢又幾抵下，所以就入去試下午餐先。鳳梨甜酸肉 好開胃的小菜， 鳳梨好甜，好味道而且份量又多，可以放心暢快地食。招牌牛肉麵 好大件牛肉，賣相好靚，麵的質地都好彈牙，粗麵可以好夠飽，湯底味道都唔錯，又唔會好口干~鹽酥雞飯 台式至正既食物之一，香脆可口，卜卜脆雞肉大大件，非常之有口感。而且唔會太咸, 正~柚子蜜好潤又酸酸地, 消滯。菊花蜜

台灣菜就食得多😛第一次係台灣餐廳食烤魚🐟去左德寶的台灣館試了麻辣烤鉗魚~魚超大條粉量又多只係$238,超級抵食內有不少配料味道唔算好辣。應該不食辣的都可以試下刺激味蕾🥘🦐三杯蝦~好香口而且味道唔會話太濃~咸淡適中。香氣十足的蒜蓉炒完再完鍋上，令蝦的熱力保存唔會怕凍左店內姐姐服務好好~仲推介我地飲草莓珍珠🍓🧋同抹茶珍珠🍵🧋,唔會太甜呢度食物唔錯而且地方闊落，下次會再來gathering 🥰

好耐無食台灣菜式，九龍灣得寶商場一樓有間叫台灣館，於是入去試下，叫咗一碗出名的台灣鹵肉飯+一隻滷水蛋，份量好大碗足夠兩人份，鹵肉好多亦好入味，正中臺灣味；另外叫咗一份燒汁薯仔牛柳粒，撒上芝麻粒，餸飯一流，D牛柳粒肉質好稔又好嫩，外層甜甜的醬汁包住，小朋友都好鐘意食，叫咗一碟普通炒青菜，好幼炒出來好青綠色又爽口，最出名的水煮牛肉，唔系好辣，只系麻，里面D牛肉切到好薄食入口好嫩，份量好多，里面有藕片，大豆芽，萵筍塊，海帶好好味😋，食完返尋味，飲料🥤叫咗柚子蜜和士哆啤梨珍珠奶茶🧋，唔會好甜，好有台灣奶茶的味道，服務員的態度也是值得贊👍，大家不防可以去試試，一定唔會介紹錯。

今日同事妹妹食晚飯，一於依間新餐廳！我哋柯打兩款晚市小炒套餐，仲可以半價加配台式飲品！蒜片黃花魚製作需時，但絕對值得等，黃花魚嘅外皮炸得卜卜脆熱辣辣，魚肉十分鮮嫩多汁，魚上鋪脆香嘅蒜片，醬汁為帶甜甜的豉油與魚的鮮味很夾！剁椒蒸魚頭以大魚魚頭，以特色調味料剁辣椒，一同蒸熟即可。剁椒魚頭味整得少少辣、偏鹹鮮，色香味俱全，尤其係魚面珠燈係最正！香竽/草莓珍珠奶茶我哋分別柯打咗令人懷念嘅台式飲品加珍珠，我較喜歡香竽珍珠！

餐廳裝修簡單平實，環境舒適，以台式料理、小炒為主另配一些中式菜如酸菜魚、雞煲等。整體食物惹味吸引，價錢貼地划算，適合同家人朋友食個便飯，聚一聚。唯一美中不足係飲品嘅杯外層有少量塵埃，不太美觀。酸菜桂花魚$238 7.5/10酸菜魚相信係不少香港人喜愛嘅菜式，呢個酸菜魚湯底香濃，酸辣度適中，食唔到辣嘅朋友都岩食，桂花魚肉好嫩滑，食落啖啖肉，好惹味，十分開胃鳳梨甜酸肉（跟白飯）$68 7.5/10呢碟甜酸肉配有少量鳳梨、黃椒同洋蔥，顏色鮮艷，食落酸甜醒胃，天氣熱胃口麻麻嘅，呢碟可以增進食慾。凍綠茶拿鐵珍珠奶茶 7/10奶茶頂部加左少量忌廉及燕麥，賣相吸引，珍珠咬落煙韌彈牙，茶味不算濃，飲落不會太甜，整體不過不失.凍冬瓜茶 7.5/10呢杯冬瓜茶令我諗番起台灣旅行時嘅感覺，甜度適中，飲完感覺透心涼，有清熱解膩之用

今日去牛頭角搵食，想食小小辣野就試吓個水煮牛肉先，佰幾蚊大大碟牛肉份量一d都唔小辣度適中，我個人覺得最正就更係配菜吸晒d汁有芽菜、萵筍、海帶，麻麻麻、辣辣辣👍🏻👍🏻👍🏻黃金日本南瓜🎃用鹹蛋黃煮真係好香配埋南瓜蔬果類好夾，值得一試。鹽酥雞刀削麵🍜雞炸得脆脆粉漿薄薄的，我鐘意食粗麵，所以很喜歡。夢幻雪香珍珠🍓其實係士多啤梨味加珍珠，鐘意士多啤梨嘅朋友啱晒喇😍百香果紅茶🥤好清香好飲😋

今日經過得寶，原來有好多唔同種類嘅餐廳，行咗個圈，決定食台灣菜。門口細細，入面好大，仲有好多卡位，都幾大張，坐得舒服。除咗原有的台灣菜, 仲有小炒...選擇種類好多。仲有火鍋, 雞煲，烤魚，水煮魚...仲有多款食物可以追加。早餐都好抵食，$28起，有機會會試下，午餐，廚師推介，多款選擇。今次試咗蒜片牛仔骨 & 酸菜桂花魚, 份量大, 食物有質數。蒜片牛仔骨 - 有鑊仔, 好惹味, 牛味濃。酸菜桂花魚 - 魚片份量多, 湯低好好味, 胡椒味重。飲品 - 百香果紅茶, 茶味夠, 唔太甜熱薑母茶 - 勁薑, 夠味餐具好特別, 好有心思，整套都係公雞手，鐘意啱晒鐘意公雞嘅朋友。服務態度好, 食物質數高, 選擇好多，坐得舒服, 打邊爐都唔錯，值得一試。

想推薦呢間位於九龍灣得寶商場新開既台灣館俾大家，餐廳係商場一樓，位置顯眼，晚市可以食雞煲烤魚小炒米線等等，小炒價錢不貴，而且味道十分不錯👍。台灣三杯雞 $68上台已經香氣撲鼻，飯都未上就忍唔住要試幾件🤣🤣，三杯雞的醬汁香濃，雞肉軟嫩，撈飯一流。招牌菜就係招牌菜，好耐無試過咁好食既三杯雞啦。🥰鳳梨甜酸肉 $68肉塊的滑溜帶酥脆口感，酸甜香鹹好吃又不會膩口，配菜以彩椒和洋蔥還有帶甜酸的鳳梨片，切記要趁熱才會好吃😋。台式滷水拼盤 $48呢個滷水拼盤真係抵，有齊豬耳、牛展、滷豆腐同滷蛋，咁大碟都係$48咋🥰🥰。

滷肉麵味道唔錯，但太份量太少，d面好似得兩三啖就食完咁朱古力多士麵包唔脆，整體麻麻地，少伏可以加多少少嘢，如果有多一球雪糕已經好好多個感覺珍珠奶茶冇手搖店咁好飲

今日行開九龍灣，諗住去得寶商場搵野食，點知發現新開左間台灣館，係外面睇餐牌發現有一般台灣菜外仲有雞煲、烤魚同水煮牛肉麻辣野等等，放是就入去試一試。水煮牛肉：大大碗水煮牛肉，面頭只見到一片紅色，好合適鍾意食辣既我，內裡有麻仔、蓮藕、 蘆筍等等好多料，牛肉爽滑唔韌加上麻辣湯底，需然一到食一到出汗但食唔停口。蒜片黃花魚：黃花魚炸得爽脆加上開胃既酸汁十分好食，整條魚都差唔多連骨清晒。凍綠茶拿鐵珍珠奶茶：綠茶珍珠奶茶上加上麥片原來咁好飲。凍珍珠奶茶：珍珠唔甜而且軟硬適中，值得一試。

九龍灣太多不同類型的連鎖餐廳，數都數唔晒，唯獨呢間應該都未係，而且價錢都算合理，網上訂位仲有88折，甘拉返條數都叫值得食既。之前來都係食午餐，唯一今次朝早經過見佢有開門，一於入去食個早餐啦。平時台灣野都係飯呀，炒蛋或蛋卷，又或者蛋包之類，但今次有驚喜啦，比較接近港式早餐，我就覺得算係唔錯，起碼都好食呀。碟炒米唔會太油或太乾身，食落口都係爽的，肉碎都可以，但唯獨份量好似比較少。朝早可能少人知佢開，所以比較有空間。

香港人特別鍾愛台灣，常常到台灣旅行，在香港吃台灣菜更已變成平常事。牛頭角得寶商場最近開了一家台菜餐廳，午餐價格划算，珍珠奶茶特別好喝！環境：✨餐廳環境衞生舒適，牆上掛著台灣地標照片，勾起旅行的美好回憶🥺✨靠窗的卡位雅座採光度好，尤其適合拍照。服務：✨職員態度友善，工作效率高，上菜速度令人滿意。食物：台灣滷肉飯 ($48)✨醬汁油亮富光澤，塊狀滷肉軟嫩，口感不油不膩，配上滷蛋及滷豆腐，非常下飯。台灣鹽酥雞飯 ($52)✨地瓜粉漿做得很好，能緊抓雞肉，且炸得酥脆香口；白飯更澆上滷肉，一個價錢，兩個口味，十分划算。招牌台灣牛肉麵 ($58)✨牛肉塊很大，跟蘿蔔煮得香腍入味，湯頭順喉不油膩。✨麵條可選刀削麵或陽春麵，筆者是次選了粗身的刀削麵，份量多而軟腍。草莓珍珠奶茶 (加$12)✨草莓絕對是少女的代表嘛！筆者又怎能錯過呢？顏色浪漫漂亮，珍珠Q彈有嚼勁，奶味濃厚卻不會太甜，多喝一口感覺也不會胖。香芋珍珠奶茶 (加$12)✨夢幻的紫芋色跟草莓色簡直是夢幻色調組合，讓人忍不住一口接一口。總結（5分滿分）餐廳環境🖼🖼🖼🖼餐廳服務🤵🏻🤵🏻🤵🏻🤵🏻🤵🏻食物賣相🌸🌸🌸🌸味道質素👅👅👅👅整體價錢💸💸性價比值

《台灣館》 台灣館係得寶商場近期開業嘅餐廳，主打台灣菜，特別嘅係佢地晚市有小炒食，又真係幾多元化👍🏼.🥘麻辣雞煲呢個雞煲好專業，上菜時配埋個爐熱住，夠晒地道！雖然只係點咗半隻雞，份量都夠3個人share食！味道方面香得嚟辣度適中，嫩滑的雞件吸晒辣汁嘅香味，仲有大量薑蔥蒜芹菜等等作為配菜，極度惹味！.🥢乾煸法國長豆乾煸四季豆就食得多，呢度用咗法國煸豆取代四季豆，食材揀選更顯心思👍🏼而且法國長豆確係口感鮮嫩，食落爽口唔會有渣，加上師傅炒得好夠火喉，有驚喜！呢個餸必點呀🤤🤤.台灣菜最吸引就係有珍珠奶茶 飲🧋今日揀咗草莓珍珠奶茶同香芋珍珠奶茶，顏色好夢幻，而且面頭加咗忌廉，飲落好smooth有啲似milkshake，好滿足❤️