台灣館 (已結業)

牛頭角得寶商場比以前多左好多野食，去左試下台灣館 皆因佢竟然有烤魚食😀 小炒王獲氣足 牛柳粒 唔會痴牙 又un, 甜甜酸酸 好開胃。 烤魚好香夠哂香💓飲埋杯菊花蜜解哂辣💗正

得寶商場真係好多嘢食，今日有少少想食小炒，所以就黎左《台灣館》食飯，見佢有分港式同台式，幾特別咁！-不得不提呢間啲飯係幾正，成日食小炒啲飯都係好乾好硬嘅飯，今次竟然難得食到珍珠米！真係唔錯！-《椒鹽茄子拼鮮魷》 $72超級大份，我覺得女仔嚟講似係三人份量，出面好少見到椒鹽茄子，感覺都幾特別，炸得好香好酥脆！魷魚都食得出係好新鮮，爽口！而且大大嚿，食得好滿足！！-《萵筍炒牛肉》$68牛肉非常嫩滑，食得出好俾心機處理過先煮，因為真係一啲都唔乾！有水份得來又有牛肉味！真係好難煮到咁樣！而且萵筍炒得都有鑊氣！推薦大家👍🏻-《水蜜桃紅茶》$12$12一杯來講性價比真係好高！大大杯！好重水蜜桃味！又唔會太甜！超級抵叫！-《凍洛神花茶》 $12因為同屋企人食，所以都想飲的健康啲！最近夏天好熱！飲番啲酸酸甜甜嘅嘢飲即刻開胃晒！呢個真係好好飲！！又大杯！大家嚟到一定要叫嘢飲！！

放工後經常同朋友/同事去德寶商場食飯，商場入面既food court係我地飯堂，不過原來一樓有一間新餐廳叫台灣館。雖然餐廳有「台灣」二字，不過食物款式並非只有台灣菜，仲有烤魚、雞煲、家常小菜。餐廳座位非常闊落，作為客人坐得幾舒服，門口既紅磚牆幾有特色。- 蒜片牛仔粒牛仔粒份量多，肉汁豐富，如果蒜片炸得再香脆啲就好啦！- 芝士黃金蝦蝦既表面貼滿蛋黃碎，肉質鮮甜兼入味，令我想連殼食埋😝- 古早味珍珠奶茶🧋每一次光顧新既台灣餐廳，我都會試下珍珠奶茶，經典既古早味奶茶加上煙韌珍珠，勾起我對台灣夜市既思念，甜度適中更適合香港人。- 菊花蜜食左咁多熱氣野所以叫左菊花蜜，消暑解渴👍🏻

原來九龍灣除左德福同淘大之外，德寶商場都開左超左食肆🤩 其中一間幾吸引我既就係呢間台灣館😜✨雞煲火鍋 ($138半隻雞)雞肉肉質很嫩滑，個雞超入味，雞煲汁調味不錯，不會太咸或太淡，有點微辣，送飯一流😋✨魚香茄子煲 $68同樣係超入味！茄子份量多，口感很軟冧，無牙都食到🤣而且全部都去囇皮🤣 呢度既食物價錢相宜，而且很好吃😋✨朱古力珍珠奶茶 $25第一次食雞煲飲珍奶，真係完全無失望。朱古力味濃郁😍 上面既cream好滑，珍珠有咬口，超彈牙！值得再encore 🥰環境闊落舒服，整體都好乾淨，而且店員服務態度好好👍🏻👍🏻👍🏻又有效率💯 🔺🔺🔺🔺🔺🔺🔺🔺🔺🔺🔺🔺🔺🔺❣️整體評分 10/10台灣館 (牛頭角)牛頭角牛頭角道3號得寶商場1樓210號舖🔺🔺🔺🔺🔺🔺🔺🔺🔺🔺🔺🔺🔺🔺

《地道家常菜😚》———————————————-# 台灣館 🇹🇼-早排咁啱經過九龍灣，見到呢間位於德寶商場嘅隱世台式料理相當地道吸引，啱哂口味❤️-唔好睇餐廳嘅小炒好似好普通，越簡單嘅菜式越難做，呢間就煮得好有屋企家常菜嘅味道👍🏻鳳梨甜酸肉就係我哋嘅經典咕嚕肉，味道非常開胃，令人忍唔住食指大動🍍沙茶牛肉炒芥蘭配飯一流，沙茶味濃郁，牛肉肉質鬆軟🐮-滷水拼盤都幾大份，牛展、豬耳、豆腐同滷水蛋樣樣齊，鹵水好入味，非常適合初夏消暑開胃😍晚餐仲有半價配特飲，冬瓜茶同洛神花茶都相當清甜，值得一讚😝-⭐ 參考價錢︰鳳梨甜酸肉：$68沙茶牛肉炒芥蘭：$68滷水拼盤：$48冬瓜茶、洛神花茶：$23/杯🍌 抵deal 指數：7/10💰 人均消費：$100

德寶商場食嘢選擇好多，誤打誤撞食咗呢間台灣菜館又唔錯啵！嘢食夠晒鑊氣！蒜香牛仔粒🥩$88一個唔錯嘅家常小菜，炸蒜片配牛柳粒，牛柳粒一啲都唔韌，唔會有筋！熗炒萵筍絲🥬$58用上惹味嘅乾辣椒同埋蒜頭炒萵筍絲，爽口，惹味又健康！百香果紅茶百香果味香濃，新鮮健康清新😇芋香珍珠奶茶🧋台式飲品點少得芋香珍珠！甜度剛好！估唔到街坊小廚都咁夠鑊氣！兩個人買單都唔使$200 性價比高！#德寶美食#台灣菜#蒜片炒牛肉#台灣館#台灣美食#性價比高

今次嚟到九龍灣台灣館食晚餐，比我嘅感覺都幾地道，除咗係嘢食方面，呢度嘅員工都好熱情，有少少去咗台灣嘅感覺。員工有問我哋食得辣唔辣，我同友人都食得辣，員工就推薦左我哋食中辣嘅麻辣雞煲。麻辣雞煲半隻 ($138 )上枱之後大概焗多四分鐘就可以開蓋，餐廳員工仲幫我哋撈勻佢，一邊撈一邊聞到勁香麻辣味，呢鍋雞煲超級送飯，食到舔舔脷！萵筍炒豚肉$68呢度嘅豚肉係用咗豬頸肉，正！萵筍都炒得幾林，呢碟餸啱啱好中和下雞煲嘅辣。水蜜桃紅茶 (半價加配$11.5)綠茶拿鐵珍珠奶茶 (半價加配$12.5)黎食台灣野點少得台灣飲品，水蜜桃紅茶調得好好，係同台灣夜市飲嘅一模一樣，綠茶拿鐵珍珠奶茶就奶味會重過綠茶味，同珍珠都彈牙好味。放工想食下家常小菜，或者係火辣辣嘅台灣雞煲，黎台灣館係一個唔錯嘅選擇。

九龍灣得寶開左間新台灣餐廳，晚上都好多人去食👍🏻佢個景好開揚而且係落地玻璃，可以望到觀塘道平時家常小菜都可以嚟呢度食🔸水煮牛肉 $138好大碟，而且好足料，入面有兩人份量嘅牛肉，仲有芽菜、海帶，好入味🔸芝士黃金蝦 $78呢個出奇地好味，個黃金味好好食，係咸蛋黃味加上啲蝦都新鮮嘅，有10隻左右，所以都抵食🔸蒜蓉炒台灣龍鬚菜 呢個好特別，呢隻菜原來係台灣特產有啲似莧菜質感，味道都唔錯最後仲有白飯，係用珍珠米去煮飲品都係台灣特色飲品，左面係冬瓜茶（唔算太甜）右面係水蜜桃紅茶（更加唔甜，有少少桃味，好有茶味）晚餐都唔洗加一，超抵食，百幾蚊一位食到台灣菜

台灣館今日放工同同事是但搵啲嘢食，就喺德寶附近見到有間台灣嘅，睇落都唔錯，於是食個簡單便飯。舖頭入面都幾大幾多座位，但好快都坐滿人舖頭有二人晚餐，或者散叫都得，都唔算太貴，性價比高我哋叫咗一個三杯雞煲，好彩唔辣嘅，雞肉都算嫩滑，洋蔥煮得幾淋另外有呢個黃金蝦，都幾多蛋黃，搽晒睇蝦上面，算係幾新鮮飲品方面叫咗呢個熱水蜜桃茶，同埋草莓珍珠奶茶，整得算係幾靚，加啲cream, 都算唔錯啦簡單家常便飯唔錯嘅選擇

今日收工經過見到呢間台灣餐廳，突然好掛住台灣既野食，就即刻拉埋同事一齊去試下呢間餐廳。第一時間即刻嗌咗個滷肉飯，佢既滷肉係半肥瘦，食落真係好香好好味，同埋啲飯一齊大大啖食好滿足，滷豆腐同蛋都好入味。睇咗陣餐牌先發現，雖然呢度叫台灣館，但都有唔少其他食物，見到圖片既水煮牛肉同辣子雞都好似好吸引，鐘意食辣既我地忍唔住嗌咗嚟食，估唔到有驚喜！水煮牛肉辣同麻都好夠，牛肉軟䭃，份量亦都好足夠；辣子雞都好出色，雞肉好香好惹味，佢斬到細細粒連啲骨都可以食埋，我地都食到停唔到口😂最後由於食得太多辣野，怕會好熱氣，於是都嗌咗兩杯野飲解渴，一杯係胚芽珍珠奶茶，另一杯係洛神花茶，兩杯都幾好飲。呢一餐真係好滿足，雖然呢間餐廳唔單止有台灣菜，亦有其他唔同既野食，食物種類都幾多，質素都幾好，啱晒一啲鐘意一次過食唔同地方菜式既朋友！

母親節諗住同阿媽試新野，去到見到個$368嘅餐，已經諗好晒食咩想叫，佢話母親節唔做個餐，咁點解要放個餐牌出嚟？我都算，後尾叫咗個清蒸原條龍躉配雞湯嘅set，仲叫咗個侍應推薦嘅龍鬚菜。點知食食吓話龍躉冇晒，變黃花魚；而侍應推薦嘅龍鬚菜都冇晒。唔該下次搞清楚有咩賣晒先啦，食食吓飯又要改黎改去，想好好地同阿媽慶祝都唔得。而本身龍躉同黃花魚嘅價錢都爭幾遠下，但佢堅持收原價。真係好失望。永遠都唔會再去食，亦唔會推薦任何人去。

得寶這個舊式商場除了有新food count重開，還有一些新餐廳進駐，這間台灣館便是其一。簡單的裝修，闊落的座位，有禮的招待。雖然是台灣館，但餐牌上除了台灣菜式，還有些港式小炒，烤魚雞煲等，選擇都頗多。今晚我的選擇不是魯肉飯，不是鹽酥雞，而是餐廳推介的麻辣烤甘魚($238)，一大個托盤盛著一大條烤魚，配上大量泡椒，芽菜，年藕，萵筍，香蔥，芫茜等，邊熱著邊食，還可以額外加配配料。雖然是一大盤紅紅的泡椒，但不會辣得頭皮出汗，有少少椒麻香，配料吸收麻辣汁的精華更好味。而主角甘魚有香煎過，皮脆魚肉嫩。另外點了一客蒜片牛仔粒配上珍珠米飯($88)，牛仔粒軟淋，燒汁惹味，很好送飯。配上台式飲品，滿足。

九龍灣新開左間台灣菜，見menu唔錯就試下。佢唔只一般鹽酥雞滷肉飯的台灣餐廳咁，好多日常的家庭小菜，今餐食左：蒜蓉炒萵筍絲$58好有驚喜，清甜爽口，勁大碟，真係有台灣小菜館感覺👍黃金鮮魷 $72咸蛋黃包住鮮魷魚🦑即炸熱辣辣，勁度邪惡，但邪惡既野往往係最好食既。送飯一流凍百香果紅茶$12（飲品跟餐半價😍）飲落好有百香果香，又唔算好甜，好飲！埋單先發覺唔收加一，但地方舒服好坐，服務態度又好，侍應姐姐一黎就比左熱水我，欣賞值得再黎食

餐廳裝修都幾散，而且座位幾闊，坐得都幾舒服～酸菜桂花魚 • HKD$238真係比足成條魚嘅份量，超多肉❗️桂花魚切得好厚，識落啖啖肉，而且好滑🤤鹹淡適中，酸味亦都好出，但又唔怕食到喉嚨好辛苦😄最正係佢有少少辣，愈食愈惹味，我直情拎啲湯嚟撈飯食🤣不過要留意嘅係佢冇乜配菜，只有魚肉、酸菜同萵筍，但兩個人食都好足夠～萵筍炒豚肉• HK$68一食已經感覺到好有鑊氣👍🏽調味都幾好，特別豬肉好入味😌個質感就似用粉醃過，比較爽口～百香果紅茶 • 跟餐價HKD$12個百香果味道唔假，而且都幾濃～配酸辣魚好解辣，而且飲落好清爽👍🏽夢幻雪香珍珠 • 跟餐價HKD$13珍珠軟硬度啱啱好，有啲咬口得來唔會太硬👍🏽士多啤梨味唔似藥水味，不過都係人造嘅感覺，我個人就唔討厭嘅～

今日嚟到得寶商場搵食，見到呢間最近新開嘅餐廳叫台灣館，見價錢唔太貴就入去試試。環境同裝修都算新淨，店裡面充滿住Tiffany blue嘅色系，睇餐牌款式都算多，而呢間餐廳嘅台式係偏向小菜款式，早、午，晚餐都有供應。先點左份熗炒萵筍絲($58)，以椒粒同蒜片等配料炒萵筍絲，食落有微微辣味而唔會太濃烈，亦帶點麻辣味會食到一粒粒嘅籽。之後叫左佢地嘅星級推介 - 台灣三杯雞($68)。以熱鍋咁上菜，黎到嘅時候熱辣辣。味道剛剛好唔會太辣，雞件份量算多而肉質嫩滑，不過雞件骨肉比例上都算多骨。另外店員都介紹左另一款菜式 - 剁椒蒸魚頭($98)，呢款就有少少混合左湘菜嘅煮法，外觀上算係視覺系菜式，碟面鋪滿碎辣椒同蒜粒，底下就係大大嘅魚頭。趁熱食時非常鮮味，好在辣味都唔算十分辣，怕辣嘅人應該都勉強食得到。飲品就點左凍百香果紅茶同凍水蜜桃紅茶，味道中規中矩，夠凍唔算太甜；見到杯面都仲有微微泡，證明係即叫即做嘅飲品。