台灣館 (已結業)

九龍灣德寶商場近年大翻身，入邊多咗好多唔同嘅餐廳，而且每間都有自己嘅特色，今次就同朋友嚟呢間食台灣嘢，門口嘅餐牌都幾吸引，而且價錢都相當抵食，所以就入去試吓。餐廳嘅環境幾光猛闊落，座位都幾大坐得舒服，係一個幾啱可以享受美食話同朋友傾偈嘅好地方。綠茶拿鐵珍珠奶茶25先來飲品，呢杯顏色鮮艷嘅綠茶特飲，味道係綠茶同咖啡味中間，兩者嘅味道都有，另外都幾多珍珠，珍珠都幾彈牙，而且都有黑糖味，都幾地道嘅台式飲品。冬瓜茶23夏日消暑最好就係飲冬瓜茶，淡淡的茶味，配上冬瓜真係有清熱嘅感覺。招牌台灣牛肉麵58午餐來講好抵食，有四大件牛腩，蘿蔔都好大舊，而且都算入味，面嘅份量都夠多，湯底亦唔會太鹹。酸菜烤魚$63條魚炸過所以夠脆，而且骨都可以食。配埋啲酸菜同熱辣辣嘅湯，係一個幾好味嘅午餐，仲配上一碗白飯，份量真係好夠。