古早味台灣原味 (已結業)

最接近台灣味道的 香港台灣餐廳， 非常欣賞濃郁而不油膩的牛肉麵湯底， 麵條Q彈有咬感，牛三寶燉的非常入味 食起來一點也不會黐牙， 質感軟硬適中。 只是晚飯時間由於太多人， 每枱限時個半鐘， 食得比較趕。

銅鑼灣地舖食肆多不勝數，樓上鋪嘅數目也不遑多讓。週末下午去了一間新派的台灣食肆「古早味」，位於京都廣場樓上，第一次到訪已感覺唔錯，環境頗有格調，而且還有水吧座。星期一至五的午市套餐選擇頗多，價錢亦很合理。古早味牛肉牛筋麺牛肉牛筋分量足而且煮得好淋，夠晒入味。麵條粗身亦夠煙銀，湯底好彩不會太鹹。整體食味都OK。熱珍珠奶茶奶味濃郁，珍珠份量亦很多，好典型的台灣珍珠奶茶味道。

10月去完台北食吃喝玩樂一直好掛住台灣既美食，上星期係銅鑼灣放工，就順道去古早味回味一下，試下香港既台灣餐廳做唔做到地道既水準！睇完份menu，第一個感覺係估唔到台灣野既menu可以咁厚，選擇咁多。本來想叫花枝蝦排，可惜賣哂，最後揀左台灣炸物之最 － 酥炸鹽酥雞！另一半最愛醉雞，所以叫左個花雕雞，加埋嘉義雞肉飯！一於黎個台灣全雞宴！先講酥炸鹽酥雞，係香港食過另一間台灣餐廳既鹽酥雞，相比之下古早味既鹽酥雞口感較為鬆軟，外皮脆得黎唔厚粉又唔會太硬，所以感覺上都唔會太熱氣，值得推介。花雕雞亦都抵讚，可能因為我同另一半都唔好濃酒味同太鹹，古早味既花雕雞係挺適合我地口味的，恰到好處最後既嘉義雞肉飯係係3道菜之中較不抱太大期待的，但反而呢道菜既簡單令我地可以食得出雞既鮮味，可能就係因為呢道菜既雞肉不需調味太多吧，中和之前較重味既菜式。對今次既古早味台灣全雞宴很滿意，唯一不足係個胃唔夠大，試唔到台灣面同埋冇飲到珍珠奶茶，唯有下次番黎再試下吧！

今日係銅鑼灣睇醫生，咁順手就係果頭食埋晚飯，銅鑼灣有好多選擇，因為好鐘意食台灣野就決定簡台灣美食 古早味。一入到去員工就問我地幾多位，又帶我地入去坐，服務態度好好,見我地兩個人好辛苦咁睇一本菜單，又會好細心咁比多本我地，GOOD～裝修既古代又華麗既感覺，坐底之後我地就叫咗個古早味干撈麵，個味道都幾重，岩我鐘意重口味既人，份量好大，有蛋啦，魯肉啦軟骨同青瓜絲，就咁睇個樣以經好吸引，味道都吾差。麵我覺得好煙韌 ，我比較鐘意食無咁林既麵，所以覺得吾錯，魯肉既肥肉同廋肉分佈得好平均，軟骨一咬就分開，好林，真係無牙都食到。另外叫咗個魯肉飯加蛋，有蛋汁撈埋魯肉飯一起食，世界級正呀！！！！叫多咗兩個小食，一個係蚵仔酥，一個係小雲吞蚵仔酥粉簿，蚵仔夠大，炸到金黃色，好脆口，吾錯吾錯！另外個小雲吞，皮夠簿，夠熱，而且有竦汁比我地點黎食，竦竦地，暖暖地咁！最後嗌多杯香芋牛奶試下，因為好鐘意食香芋，香芋味重，無令我失望，同埋吾太甜！！下次有機會再試下其他味。

今日放Lunch 就去公司附近既餐廳試下啦，叫左個炒飯有野飲有一個小食都算經濟$50蚊左右，不過食下食下差不多食完之制先發現有條比較捲曲的毛髮令我覺得非常嘔心希望餐廳跟進衛生情況

今日午餐同事話要食牛肉麵，咁諗黎諗去不如食台灣牛肉麵啦，上openrice 搵到呢一間古早味喺銅鑼灣食飯，兩點後人就少啲唔使等位，黎到餐廳就立即可以入座兩點後真係少人好多㗎，食得舒服d跟餐嘅前菜跟餐嘅飲品，同一般係街上面買嘅台式飲品一樣，可以選擇唔同既甜度，俾個讚呀我就叫咗一個豬軟骨拉麵，豬軟骨好淋可以連骨都食埋，好味鹽酥雞有晒台灣夜市水準啲面係正宗嗰啲台灣麵嚟㗎，彈牙口感好同事就食返佢想食嘅牛肉麵，湯底有水準，佢話非常好食跟餐個鹽酥雞係半價嘅所以都幾抵

最近找到這間在銅鑼灣開設,名為古早味台灣原味的台灣料理。同朋友行街行到好攰，心思思想食台灣菜，我即刻拉佢黎食古早味，之前我都食過幾次，坐得舒服之餘，食物質素有返甘上下，食物方面都有好多選擇，仲有火鍋添。一上到黎即刻叫咗杯嘢飲。我揀咗奶蓋紅茶，真係冇揀錯！奶蓋層好厚，下面嘅紅龍茶就好清香⼂兩種口味合而為一，又清甜，又相當解暑！ 值得一讚是這間餐廳用不鏽鋼飲管，非常環保，好支持！這個奶蓋奶茶飲之前需要攪拌，攪勻之後再飲就好好飲！一般嘅涼拌黃瓜都係蒜蓉味比較重，但呢一碟係以椒鹽為主嚟做調味，少少香辣得嚟都幾清新另外都叫咗份小食鹽酥豆腐，份量並不太多，但作為小食都好夠，豆腐外乾脆，內嫩滑，一舊豆腐兩種口感，正！當然最好味係剛上菜熱辣辣時啦，擺耐左就冇咁好食了。入口鬆軟滑的鹽酥豆腐,是不能錯過的選擇。上湯白菜仔:白菜仔配上蘑菇，個上湯都好夠味，中和其他比較濃味既菜式古早味牛肉面超好味，牛肉有3塊，超入味，紅蘿蔔都好軟口，一咬就分得開。這裏的食物相當不錯，食物款式多之餘，味道又討好，價錢又相宜，加上這裏環境舒適，服務更是特別殷勤，我們都特別喜歡這裏的一切!

好耐無去過台灣了，竟然俾我係銅鑼灣唔打唔撞，揾到一間價錢又合理又可以食到台灣風味嘅餐廳。 上到去，原來係咁大間，環境帶點昏暗，不過都算坐得舒服，比想像中良好，服務員也不錯。 先看看有咩食先兩個人真係唔可以叫太多野睇完好多野都想試我楝左乾扁四季豆: 呢個真係好夠味，重口味嘅你一定會喜歡，真係好好食，可以送到幾碗白飯真係，好香口，咸香味重，有蒜香，有乾蝦，帶小小辣，夠火喉，兩個人食真係會食唔晒我仲楝左個鹽酥豆腐，楝親都係熱氣野潻，哈，不過呢啲都係好味嘅相比四季豆味道就沒有咁重，不過外很脆，內很滑，一般豆腐味，沒有其他味道，外面做得不錯，不過可以再咸小小。 飲料，我叫左養顏玫瑰花果茶，上台原來係一壼茶，仲有火暖住，好貼心，可以慢慢飲，帶點甜，整體都ok，幾香。 最後我仲叫左個甜品: 手工三色芋圓，可能係叫左熱嘅關係，無圖中咁靚，感覺一般。

地點非常近地鐵站，趁住朋友約我食飯呢個機會揀咗嚟呢度食台灣嘢，順便飲返杯台式飲品。呢間餐廳裝修好靚，好有情調，開頭會以為好貴，但其實平民價，店內裝潢好有原住民風味，餐廳選擇超多樣化，所以我地決定各人揀選自己想食既再share 一齊食！餐牌好多選擇，又有好多台式野飲，攪到唔識揀呀，好多野好想食呀。侍應好細心咁講解餐牌，價錢都係五十幾六十幾，唔算貴。先點一個青瓜開下胃，十分爽囗新鮮.養生雞湯(2人份) : 足本的靚湯，陣陣養生藥材味道，紅棗杞子雞，補血益氣。開頭覺得嘉義雞肉飯這個菜式賣相一般，但十分驚喜，醬汁清新，配合手撕雞肉加白飯很好吃！又夠熱。鍾意食雞肉嘅朋友一定要試吓！呢個宜蘭蔥餡餅幾質感幾特別，佢有小小似生煎包，但係內裡係超多蔥，個人覺得味道不錯，不過係有小小油，喜歡油炸食物既人一定會鍾意呢個宜蘭蔥餡餅。鹽酥豆腐：炸成金黃酥脆，外脆內軟的豆腐非常滑流，面層的鹽酥咸令豆味顯得更突出。今晚真係好滿足丫，好似去完一轉台灣掃完夜市咁樣!

一向鍾情台灣的地道魯肉飯，每一次到台灣都大吃幾餐，亦因爲太鍾情，就算香港咁貴我都會照買。到銅鑼灣拍拖，一心揀間好評的台灣菜，當自己已經快閃到左台灣，滿心歡喜，但一食個飯... 豬肉切得太大件；豬軟骨唔軟所以骨位咬唔開，肉又少；飯生米，最好要連湯才可吃到；黃瓜個味道都無。鹽酥雞，一睇隻色已經知屬翻炸加熱貨色，一點鹹味都無，又乾又硬，$38蚊，但味道仲差過美國伯伯炸雞連鎖店的炸雞粒！離譜！最後個湯，有濃濃藥材味但欠雞味！我未試過食餐飯咁快想走！

夜晚同屋企人去銅鑼灣食台灣野，就揀咗一間比較近地鐵站嘅台灣菜，而且價錢都比較合理。上到去估唔到咁早六點幾都咁多人，好彩一早已經book咗枱，見到餐牌價錢唔貴，食到飽都只係大概$200左右。古早味牛三寶（牛鍵、牛筋、金錢肚）$75 呢碗牛肉麵總共有三款唔同嘅牛，都煮得比較林，亦都非常入味。面嘅質感比較厚身，咬落去比較彈牙有口感，湯底亦都非常濃郁。鹽酥豆腐$38豆腐外皮非常金黃香脆，有啲鹹香，但係裏面依然保留非常嫩滑的質感。建議一定要點呢個餸！蚵仔麵線$25堂食$25 ，外賣$15 ，外賣會抵食啲，不過我哋冇地方食所以都係堂食。裏面有好多粒蚵仔,味道非常新鮮。調味比較適中。珍珠奶綠$18奶蓋咖啡$25台式飲品係台式餐廳味道有保證，而且價錢唔貴，就算單點都只係10幾蚊，所以要留意番如果想來淨係想飲杯嘢飲嘅話淨飲雙計，一定要叫啲嘢食先好呀！

自從媽媽由九龍搬到香港區居住，銅鑼灣也是我哋行街吃飯地點。 之前上網看到有好多讚＂古早味＂，剛巧佢哋又有分店在銅鑼灣，當然帶媽媽去吃吃吃啦！餐廳設計盡花心思，在出入口處舖了一條長石路，石路兩旁有直木條。 盡頭處就看見鮮紅色＂古早味＂招牌，令人感覺身在山區遠處看見世外桃源，細心又花心思設計。下午茶有好多選擇，有小食主食及飲品。古早味牛肉麵(S) ，牛𦟌肉厚質感又稔，好香好味。花枝蝦排，外層香脆，蝦肉爽口，花枝大大粒增添咬囗，十分美味 宜蘭蔥餡餅，皮薄餡靚，熱食有肉汁流出。蒜泥白肉，豬肉片上鹹辣醬，好特別。宜蘭卜肉，炸至豬肉外層香脆鬆化。奶蓋烏龍茶丶熱芋香牛奶烏龍茶香醇，奶蓋香滑。香濃芋味牛奶又滑，大大杯，好好飲，好滿足。

今晚同男友試咗位於銅鑼灣嘅古早味，係一間台灣餐廳嚟，我地總共叫咗三樣食物，分別係蝦排、魯肉飯同牛肉麵。三樣食物都叫不過不失啦，但特點係佢嘅飯同麵都好重花椒八角味🤔中意嘅朋友可以試試

呢晚同朋友想食台灣野，咁係銅鑼灣附近就搵到呢間叫古早味既台式餐廳，距離地鐵站都幾近，3分鍾路程，上到去估唔到原來星期一都要等位，咁等左一陣我地就入座了，呢間係一間環境唔錯既台式餐廳。餐廳餐牌:餐廳餐牌既選擇非常多，基本上平時你想食既台灣野，你都會係古早味呢間餐廳搵到，個人覺得小食同飲品都吸引，好適合一班人黎叫勁多Share。宜蘭蔥餡餅 $28呢個宜蘭蔥餡餅幾質感幾特別，佢有小小似生煎包，但係內裡係超多蔥，個人覺得味道不錯，不過係有小小油，喜歡油炸食物既人一定會鍾意呢個宜蘭蔥餡餅。蚵仔煎 $52呢個蚵仔煎係我覺得成晚最驚喜既小食，其實古早味既蚵仔煎唔係傳統味道既蚵仔煎，佢係有蛋餅既味道，咬落去味道口感都勁似蛋餅，蚵仔既份量都夠，真係幾唔錯。珍珠奶茶 $18珍珠奶茶味道正常，價錢都還可以，珍珠軟硬度適中，平時食親台式餐廳，我覺得一定要飲下珍珠奶茶！古早味牛肉面 $65古早味牛肉面超好味，牛肉有3塊，超入味，紅蘿蔔都好軟口，一咬就分得開。

今日同朋友去左SOGO shopping....行到攰就搵間餐廳坐底食下野，經過見到呢間台灣野就試下啦。。。餐廳係5樓，上到去係黑色既裝修，大大隻紅色字寫住古早味，裝修都幾特別有bar枱，但入面座位好迫好迫。。食物方面都有好多選擇，仲有火鍋添。我地今次就點左以下食物牛三寶麵：有牛腩。牛根。牛肚。。麵其實吾算大碗，但啲麵好煙un，每一條都好長，吾知係咪自家制呢。。但係個湯頭吾算特別好濃郁。。不過都好食既！花枝蝦餅:呢個好好食！食落吾係粉漿！又吾油。入面食到彈牙既蝦肉同花枝。個味道好match!!真係好好食！鹽酥雞扒：雞扒都好大塊，切左一件件。。炸粉吾厚，雞扒吾會好鞋口。都有少小肉汁咖！值得一試既滷水拼盤：我地揀左腩肉，豬耳，大腸。。滷水應該加左紫蘇葉？。。定吾知咩香料？我吾肯定。我同朋友都對個味一般般。但滷得好入味！腩肉真係好肥我食左一舊咋，嘻。。大腸都係肥。所以個拼盤我地都食吾哂。。。芋香奶茶加珍珠：陣味好假，好甜，珍珠吾好食，我覺得吾好飲荔枝烏龍:呢杯清清地。朋友話幾夾，好飲既！餐廳有限時個半鐘！出面都有小小人等。所以食完就要走咖啦。。不過想坐得舒服既吾建議大家泥食。。