古早味台灣原味 (已結業)

台式小店 新竹炒米粉 3色漬物 豆乾炒肉絲 香煎肉餡餅今次食台式 新竹米粉炒得夠爽身通透 食到洋蔥綠椒等食材 炒得夠鬆身唔會痴埋一堆配埋3色台式漬物 味道唔錯台式滷豆乾切細絲炒肉絲 蔥椒絲爆香 肉絲香口應該係落台灣醬汁爆炒夠獲氣當係小菜食既豆乾炒肉乾個味道幾好食煎肉餡餅 餃皮夠厚包住鮮肉煎香 咬開都有肉汁個皮夠薄身銅鑼灣駱克道491-499號京都廣場消費$200評分7/10

第一次去，正係得呢間好少人，所以入去試一下，班所謂服務員坐响度都無點理人，一些歡迎都欠奉，唯有坐低睇餐牌，那個後生仔，好似我欠佢錢咁黑口黑面行來問食乜，點完就行九咗去。唉！那個海鮮粉絲煲賣相真難睇，蝦又唔新鮮，求其撈亂佢就送來，味道亦麻麻，真係無下次。

圓林炸雞扒滷肉飯滷肉貌相差，口感差，冇胃口飯太淋，不好吃炸雞扒唔脆芝士四季春茶淡而無味凍水一杯古早味牛肉麵餸太少，麵太淋仙草奶茶仙草有點仙草味冇奶味冇茶味凍水一杯

Lunch試試依間樓上既台灣菜 味道唔錯～推薦✅ 古早味牛肉牛筋麵 ($68)湯底牛肉味香濃 麵質岩岩好 好咬口！牛肉同牛筋都好夠淋！另外送木耳同茶 正常✅ 酥炸魷魚鬚 ($52)Share食 價錢少少偏貴 不過炸得勁脆！🦁 古早味台灣原味銅鑼灣駱克道491-499號京都廣場5樓🦁 人均消費：$70｜推介：❣️❣️❣️❣️

上綱用app叫左手抓餅($39)同芋圓甜品($42) - 手抓餅出奇地好,  芋圓出奇地差手抓餅好香, 比想像中好味芋圓實在太失望,  燒仙草份量超級少(?!), 令到成碗好水, 但芋圓幾Q彈 (同埋建議餐廳, 咁水既糖水應該比個湯匙而唔係茶匙)由落單到收到只需20分鐘, 超快

疫症持續，外出食飯減少，返工日子既午餐而家多咗買返公司食。而見到開飯有個外賣折扣，而且星期四買滿$80 ，用Mastercard找數就會再減$20。響OpenRice app度落單，行到去餐廳就剛剛有得攞，唔使點等，慳到錢亦都慳到時間。叫咗一個小食椒鹽豆腐同埋小菜麻油爆雞，好有台灣風味，夠香口亦都夠濃味，麻油爆雞既薑蔥落得好足料，所以非常香口，甚有滿足感。椒鹽豆腐小食都唔錯，不過相對來講就冇咁特別啦。

好耐冇去過台灣，仲要唔知幾時有得去😭真係超級掛住。好想有啲台灣嘅食物落肚，咁喺駱克道行行吓，見到呢間餐廳嘅廣告於是就上咗去啦。點左一個午餐嘅套餐，咁就有紅燒豬軟骨麵，再加一個仙草奶茶，而個午餐本身就爆咗一個前菜，可以揀涼拌黃瓜或者涼拌木耳，咁我就揀咗涼拌黃瓜。雖然個涼拌黃瓜係前菜，但都唔Hea，都算大份，同埋都醃得幾好食。個紅燒豬軟骨面係合乎預期嘅，我最鍾意其實係佢個湯底同埋個麵嘅質地，隻麵其實真係我好鍾意嗰隻好Q彈嘅麵。咁杯仙草奶茶都係正常啦，合乎預期嘅咁。...#FoodieS #FoodieS銅鑼灣 #台灣 #台灣麵 #仙草奶茶 #bubbletea

試過銅鑼灣很多家台灣菜，這次輪到這一家。 晚上6點左右來，店裡還沒什麼人，比較空，裝潢有點中式古典風，很特別。 叫了三杯雞，避風塘炒蝦，豬軟骨滷肉飯，還有一瓶啤酒。 都說吃台灣菜最考驗功力的就是要吃滷肉飯和三杯雞了。 他家的三杯雞味道很正，一端上來已經香味撲鼻了，雞肉不柴，不僅僅是雞肉，配菜的味道也都不錯，我們整碗吃光光~ 豬軟骨滷肉飯只能說是 一般，味道是不差的，但是滷肉飯不夠香，還是被銅鑼灣的三星打敗了。 最後是避風塘黃金蝦，點這道菜純粹是因為個人喜歡吃蝦。 但這道菜沒有讓我失望~蛋黃包裹的量剛剛好，不會太膩，也不會覺得不夠味。 青芒果算啤酒很特別，在其他店沒見過，原來酸味和啤酒是很搭的~推薦嘗試! 兩個人吃了 300多，算是正常價位吧，沒有驚喜也沒有驚嚇。

古早味唔知大家係咪同我一樣，每次見到古早味三粒字都好想試下，睇下係咪可以食到當地既味道😎黎到呢間古早味，緊係要尋找下台灣既味道🤤🤤🤤叫左牛肉麵、鹽酥豆腐、花枝蝦排、滷水拼盤~~牛肉麵既牛肉好淋，唔韌，個湯有輕微既藥材香，麵身係粗既~ 鹽酥豆腐就好脆口，一口豆腐好方便食，但小心超熱架入面！！有少少椒鹽係面，味道岩岩好🤤花枝蝦排個樣已經好吸引，係好足料，好彈牙，絕對唔係加左好多麵粉果啲！！滷水拼盤就普普通通，偏甜。

好耐冇黎食，今日想食台灣野，古早味不二之選。水準一d都冇退步！1.涼拌黃瓜黃瓜非常爽脆，好fresh, 而味道帶麻辣，卻又麻辣得好輕，可說是麻而不辣，食落好過癮好開胃。而杞子帶甜味，中和麻辣味，且味道更多一層次。2.酥炸鹽酥雞鹽酥雞即叫即整，上碟超熱騰騰。炸得非常鬆脆！。鹽酥味好香，又唔會太鹹，雞肉入味剛剛好。雞都算滑。要趁熱食，擺凍左口感味道會差好遠。3.檸檬冬瓜愛玉飲（冰）愛玉飲幾好飲，甜味滲透住冬瓜味，檸檬微酸更有層次。愛玉好似啫喱咁用飲桐啜落口好味。飲品都夠凍。4.新竹貢丸湯貢丸湯好熱。飲落口全身暖晒，有少少藥材味，好暖身保身。貢丸大大粒，口感好好，結實啖啖肉，豬肉味香濃。5.干貝櫻花蝦荷葉飯成個飯佈滿樓花蝦，脆口。糯米飯唔會太鹹但都夠味。飯中有少量冬菇粒，真係好少。仲有少量厚火腿。飯中亦有少量蝦米。乾貝就其實只有中間一粒。干貝味濃，係好食，但太乾身。糯米飯底同埋邊較硬唔多好食。整個飯量超大，兩個人食唔晒咁多野。不能不提服務真係好，職員不停主動過黎加水，行完街口渴唔使怕。

中午係銅鑼灣，近近地去咗呢間台灣野。中午一點唔太多人，唔洗等位。古早味牛肉麵味道不過不失咁，牛肉既質素都係接受範圍內。但食後覺得有味精，食完口乾。牛肉既質地淋身～但味道方面都無本身既牛肉味同埋要投訴 — 隻杯好污糟，好多污積>_< 所以我都唔敢飲杯綠茶。今時今日餐廳既衛生好重要，真係要改善下🙈🙈🙈🙈古早味牛肉麵加杯綠茶價錢$68，係銅鑼灣黎講中價水平，但未必會再去。衛生情況有待改善🙏🏼🙏🏼🙏🏼。

琴日同frd嗌咗鹽水雞髀滷肉飯同鹽酥雞扒滷肉飯。個飯不過不失咁，不到令人驚歎，都未到好難食咁。個鹽水雞髀食落相對較鹹，蓋過咗雞肉原本既鮮味，加上佢既肉質好鞋，連雞髀都可以整到咁鞋，其他部位就自己諗啦到鹽酥雞扒，一樣食落好鞋，加上炸到好乾，雞扒原本既肉汁/雞油都不復存在，兩者相對而言鹽水雞髀仲好啲。但由價錢上黎講，呢間算平，所以咁既質素都係接受範圍內。始終一分錢一分貨，咁既價錢想食到好好食既又難啲既。

一間超級伏嘅台灣嘢🤮，完全係伏，好彩只係叫咗兩個麵古早味牛肉麵$6️⃣8️⃣～牛肉韌、湯底又咸又酸，特別係啲麵，非常硬，好難食🤮🤮🤮🤮🤮另一個係古早味豬軟骨麵$6️⃣8️⃣～麵又係好硬、湯底都係同牛肉麵冇乜分別、唯一唔同嘅係豬軟骨仲衰過啲牛肉😡麵嘅份量已經唔係多，我哋兩個都係食咗三分一就唔想再食落去難食程度真係無得輸呀！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻

尋晚同男朋友去食晚飯，就去咗古早味叫咗個二人套餐食，因為好似幾抵咁，個鹽酥雞可以值得再叫，因為我個人覺得幾好食，個肉鬆豆腐都不錯，滷肉飯不過不失啦，但係個拼盤就真心係鹹咗啲，要不停飲水，另外仲有個炒菜，不過就忘記咗影，另外仲有兩杯冬瓜蜜，味道稍為吾太甜，但係買單超級抵，都只係$300有找。

#古早味台灣原味 之前下午茶時段同朋友仔路過銅鑼灣～見到呢個「古早味」既名就比佢吸引左入去😂但同我平時食開既味道有分別，唔通呢d就系古早味？😂😂——————————————————————#古早味牛肉麵 $45我覺得牛肉同牛筋之間都分明～用左刀削麵尼煮～本身小編中意食刀削麵，所以會加分😂但小編比較中意食較軟身既牛肉，但呢碗牛肉就比較硬身～所以我自己麻麻😗所以整體系一碗正正常常既牛肉麵🍜好味指數：7/10#滷肉飯 $45d滷肉鋪滿晒成碗👍不過小編平時食開既都比較濃味d~佢呢碗反而唔系話重滷肉味～但就材料豐富～可能古早味既味道系本身無禁濃？🤔好味指數：7/10#雙色台灣香腸 $38腸仔反而幾好味！一款就系平時食開既台式香腸，另一款就比較少見既墨魚香腸🦑，兩款腸都整得幾彈牙，唔會禁淋身～味道方面都有返本身既墨魚味，味道亦都唔假😂好味指數：7.6/10#珍珠奶茶 🥤而2款奶茶既味道都唔錯～不過佢重奶味多d~珍珠好彈牙，咬落唔會有粉狀～nice👀好飲指數：7.8/10📍地點：銅鑼灣駱克道491-499號京都廣場5樓⏰營業時間：星期一至星期日11:30-21:30☎️電話：34211765#美食#相