古早味台灣原味 (已結業)

喺銅鑼灣接朋友收工，見時間尚早所以就想搵地方食下午茶。諗住喺旺區平食係冇乜可能，但朋友話有間食台灣下午茶都幾抵食，所以就去試下。入到去見到啲裝修嘅modern，亦設置bar枱整手搖飲品。叫左兩個set，包飲品同小食。朋友叫左個雞扒滷肉飯，仲配埋菜湯架，清清地減下膩都唔錯。雞扒好大塊，外皮酥脆。滷肉滷得好入味，肉粒唔會太細，所以有咬口。而且肥瘦適中，送飯一流。入面仲有雞蛋，醃蘿蔔同蔬菜我就嗌左牛肉麵。湯底濃郁，牛𦟌好淋。而麵條嘅彈性同粗度我係最鐘意嘅！小食點少得鹽酥雞🤗外皮酥脆，每一嚿都好夠味，除左有鹹味，仲有好香嘅羅勒味！一開始都有D擔心豬大腸會有啲膻味，但呢個完全冇反而仲有陣陣嘅滷水味炭燒烏龍奶茶好香芋香牛奶嘅芋頭味同牛奶香唔會互搶風頭，味道好和諧

今天經外賣速遞程式叫了古早味的外賣，點了豬軟骨肉燥飯及珍珠綠奶茶，愛吃台式食物的我本來是滿心期待。打開外賣時一陣陣香氣撲鼻，急不及待打開來吃。怎知一吃就有中伏的感覺。首先珍珠奶茶非常稀，味道淡如水(沒有要求少糖或少冰)，珍珠又硬，完全失望，喝了兩啖已經放棄，整杯要倒掉，白白浪費了$21!!懷著失望的心情繼續吃飯，未打開飯盒前豬軟骨看上去似雞翼，一打開，看到三塊豬軟骨，沒有半滴汁，已心感不妙，一咬下去果然又乾又硬，完全未煮腍，亦完全不入味，再吃下層的「肉燥飯」，但根本不是肉燥飯，而是魯肉飯，肥肉佔了三份二，但幸好有點汁，惟有只吃汁拌白飯完全不值$80!!怎知吃著吃著，竟然發現有不明毛髮出現，即時胃口全無從未吃過如此難吃的「食物」，實在忍不住要在此寫出感受！

2人前， 叫咗：- 鹽酥雞 香口， 脆， 味道可以 成晚最好一道菜 依然無想覆卓衝動- 沙茶牛肉 味道乏善可陳， 幾塊肥牛 大量薑葱 成晚最失望一道菜- 擔仔麵 湯底淡而無味 蝦overcook 麵條同車仔麵油麵差不多 同好味差一條街距離 - 滷肉飯 料少飯多 大碗到以為自己嗌咗叉燒飯 冇晒滷肉飯應有那種細細碗的精緻 飯低偏濕 冇左珍珠米嘅煙韌 又唔夠餸撈飯所以淨咗半碗白飯合格味道正路態度未算失色無野出色食物嘅賣相有如網友見面：上鏡靚過真人好多！係銅鑼灣台灣菜求其一間都比呢間做得更好地區而論唔會回頭話好食又無野係好食話難食又唔係食唔落但係唔明點解咁多like

朋友話銅鑼灣多左好多食肆，所以就揾日去食喇！行完sogo大家都覺得肚餓，所以就去左古早味試下新野啦。蚵仔煎食台灣野一定要食蚵仔煎啦！每次都食點番一碟先過癮！d蚵仔超級大粒，好肥美呀！師父都煎得剛剛好，脆脆地咁！好食呀！宜蘭卜肉我同朋友都未試過，聽到個名覺得好得意好吸引，所以就點左一碟黎試下。食落好kb4驚喜呀，估唔到d卜肉係咁滑！下次去宜蘭都要試下先得。台南擔仔麵朋友order左飯，我就order左個擔仔麵。湯底濃淡恰到好處，麵質軟硬適中。餸有蛋，丸，大蝦，菜同肉！勁豐富呀！

一直都想試銅鑼灣呢間古早味台灣原味，全因搵食飯團介紹過，就一直對佢念念不忘了。同朋友就約實一齊食，正呀！咁星期五晚去到，難免都係多人…果真…今晚仲要落大大大雨添啊，未去到前對鞋內外都濕透了 上到去又多人，拎住遮添難免更狼狽了。而等位都真係坐無虛席地等了超過半小時，不過吾緊要。坐低即揀野食，好肚餓了！揀左花枝蝦排、嘉義雞肉飯、飲品要茉香綠茶同珍珠奶茶、甜品必選綜合芋圓啦！好啦，先黎花枝蝦排，熱騰騰的，份量都ok，係呢個又濕又凍的環境下好吸引，一食，都幾香脆，墨魚味都幾足，最重要是要有咬口，才是新鮮墨魚造，否則機打成漿的話，又冇一粒粒墨魚的便不地道了。配埋甜辣醬，更加惹味了。之後嘉義雞肉飯都黎左，自己就未係台灣食過真正的嘉義雞肉飯，味道都係自己幻想。咁呢到雞肉調味略為淡味，有少少醬汁作調味。本人就以為係會濃味少少同會有點豉油或甜味，但原來吾係。咁飯的份量好多，雞肉的調味同比例都再多少少會更完美。而飲品方面，一直都係我對台灣野既重中之重，點解？吾洗再問啦！因為我係珍珠奶茶狂迷囉！！！！朋友要左茉香綠茶，我自己同朋友都對茉莉其實情有獨鍾，因為茉莉個種香味真係好討好，令人心擴神怡，茉香+綠茶真係

銅鑼灣近排多左好多食肆，即使同朋友住得遠，放假都忍唔住搭下過海地鐵黎揾下食~行完sogo感恩際，就行去隔離呢間古早味台灣原味試下新野喇！(因為呢間舖頭名實在好吸引，有種古早經典美食的感覺)坐低點左2個主菜，2個小食，都非常滿意，果然符合店名"古早味"應有的風味！1) 蚵仔煎呢個菜對於鍾意食台灣野的朋友，唔係唔落order下化😂😂😂好濃郁的台灣味，十足十前2個月去台東旅行時食蚵仔煎的感覺同味道！仲要隻隻蚵仔落足料，大大粒架！2) 宜蘭卜肉呢個小食其實我同朋友都未試過。哈哈！純粹係因為"卜肉"呢個名夠過癮所以叫既😂但食落口好驚豔！肉質厚實得黎又好嫩滑，食唔停口呀！3) 滷肉飯主菜我order左我最愛&必食的滷肉飯！好好味呀！好味到想叫多一碗😂(可惜太飽食唔哂)。下次去食，呢個飯要encore先得！飯粒粒都晶瑩剔透，滷肉入味之餘，又夠多！feel到師父落足心機去滷呢個肉😂正呀！4) 台南擔仔麵呢個湯麵係朋友叫的，佢話好好食

聽朋友講銅鑼灣開咗一間叫古早味嘅台灣餐廳，個滷肉飯又平又好抵食。今日心思思走咗嚟試吓八點上到去大概等左20分鐘就有得坐等待時店員仲派冬瓜茶俾我地甜甜地幾好飲。我地揀左古早味牛肉麵、滷肉飯、奶蓋紅茶、花枝蝦排滷肉較肥身，配上甜的肉燥汁好好，最正係黃包塊酸片，夠開胃。奶蓋紅茶上的奶蓋打得幾細緻。蝦枝花排炸得脆口，無油感，外面脆裡面肉質夠彈牙！推薦！整體來說古早味味道同價錢都合理，下次會再黎試其他款！

今日同朋友一齊過嚟銅鑼灣，佢話這裏有間台灣菜味道唔錯，而且價錢都幾平，所以我哋今次就上咗去試吓手。到去門口都有好多唔同嘅選擇，而且裝修都唔錯，入面環境開揚幾舒服。入到去餐牌選擇不少，而且仲可以加錢有小食，最後我哋帶咗兩個麵餐再加一個小食，價錢都唔算話好貴，而且個味道質素都唔錯。今次午餐叫了擔仔麵和牛肉麵，飲品叫了薑茶加胚芽珍珠奶茶。薑茶都幾大杯而已味道都幾濃郁吾錯。擔仔麵有碎肉和蝦配菜不少，麵質不錯份量都大碗而且仲有小食，最愛吃微辣的木耳。牛肉麵的紅蘿蔔夠淋又甜，牛肉入味夠淋身，麵質吾太淋保留到口感岩晒我，湯底味道剛好吾太咸。胚芽珍珠奶茶奶茶夠香吾太甜，胚芽不少增加不少胚芽味道，珍珠煮得不錯淋身有口感。牛肉麵都有小食送添，墨魚丸口感都吾差。菜就普通。因為今日差不多二點到達叫了午餐，原來下次遲左少少仲有下午茶食，見隔離桌下午茶餐都份量十足，可以下次再來吃。叫了台式香腸做小食，二款口感不同但味道都好味而且份量唔少，二人食完午餐再食這個都吃不完添。

由於行得太耐街，班朋友都全部超餓，所以一黎到就瘋狂式掃落葉式嗌嘢食。嘉義雞肉飯，都幾香幾惹味鹹酥雞，很不錯，係我鐘意嘅薄皮型，多肉汁牛肉麵，得到一致好評，因為湯底夠鮮香，我本身麻麻地牛𦟌，但佢整得好腍好鬆化醉香雞捲，酒味濃郁，雞肉嫩滑，養生之選花枝蝦排，個人最喜歡嘅一道菜，真係外脆內軟，仲要花枝粒好足料炸地瓜球，好飽滿，落足份量，差啲食唔哂。五色涼麵，好多蔬菜呀，清爽新鮮雙色香腸，台灣正宗味，如熱啲會更好滷水拼盤，大腸豬耳豬肚，滷得入味，推介飽到捧住個肚呢

呢間之前食過旺角個間，原來佢地既menu都幾大分別，各有各好。同朋友行完山，就再行去銅鑼灣食飯，星期六晚上6點幾黎到已經有幾枱客，所以早食會好d唔洗等。首先叫左刈包，先$28，性價比超高！會主動幫我地cut half，幾貼心🤭入面既肥肉超淋，加上酸菜令佢冇甘膩，包亦十分軟熟，真心正！食台灣菜一定要食蚵仔煎$58，蚵仔鮮甜又大粒，粉漿唔會太多，同蛋既比例剛剛好👍🏻不過個醬就落得多左d，如果可以俾人自己落會更好👍🏻仲有個小食，就係雙色台灣腸$38。黑色係墨魚腸，紅色係普通台灣腸。墨魚腸食落香味d，加上煎得夠脆同墨魚粒既口感，所以十分好食。紅色就略嫌太多肥肉，口感過油，有d比下去既感覺。最後，當然會叫個主食，就叫左豬軟骨肉燥飯 $78。肉燥份量超多，實夠撈飯，肉主要係半肥瘦既肉，唔太膩👍🏻豬軟骨份量正常，重點夠淋易咬又入味，不錯🤤下次試甜品！🤤

今日約朋友黎到依間台式餐廳，餐廳系系銅鑼灣，近銅鑼灣廣場，位置一流。一到步。。。哇! 好多人! 我地六點幾黎到已經有唔少人，相信D野食都有一定既保證。先黎小食：豬大腸份量可以接受，味道佳，幾有咬口，最重要食落唔膩。然後黎杞子五味雞，依份系個人覺得最好味既菜式，有唔少杞子，雞既份量都唔錯，雞肉有粗，易入口。每隻醬料每一隻都系獨特既，甜酸辣有齊，唔會有兩隻食落味道相似，可以感覺到餐廳既心思，D醬用黎點雞別有一番滋味。對於愛醬既我黎講，啱曬我口味!今次黎依道最好味系依兩道菜，食落有台灣既風味，讓我有點兒重遊台灣既感覺!! 有機會的話我會再帶friend 子黎依間地點方便，野食質量佳兼抵食既餐廳再黎撐枱腳!!

好掛住台灣既美食，好想去轉台灣，但又無時間。甘只好係香港食下台灣野止下癮先......上網見到有間台式料理好似唔錯甘。就去試下先。古早味店內空間都幾大，環境舒服。大家坐底後就點了：1: 養顏玫瑰花茶天氣開始凍凍地，飲返杯熱野暖下身，玫瑰花茶有有火熱著黎飲，唔會飲得耐就變凍，玫瑰花茶好香好濃，正。2: 古早味牛三寶麵有牛筋牛腩牛肚，麵條係闊身嘅。好香濃既湯底。但牛肚可以淋少少就好d...3: 酥炸鹽酥雞炸得好鬆軟，炸漿好薄。熱辣辣大大舊。外脆內軟。4: 鹽酥豆腐豆腐勁嫩滑，炸得又脆。但可以咸一點就好。

義載我去做野嘅同事，成程車都播台灣歌曲，搞到嗰腦不停loop 台灣歌，所以今晚一定要食台灣野！剛經過京都廣場，抬頭一看“古早”兩字，就知有傳統台灣美食， 立即上去食個台灣料理先一入大廈門口已見一位老婆攞著本菜單話5樓有好野食， 水牌亦清楚見到5樓就是古早味升降機門一開就見到裝修以黑紅色為主的台式餐廳， 門外有一大塊幻彩牌介紹大廚推介，跟著行入一條spotlight 的巷，很型，很像開 catwalk咁, 跟著就有侍應生帶位就坐。菜單簿設計簡單精美，圖文並茂， 唔會揀錯見Open rice 多人介紹大雞扒滷肉飯， 抹茶紅豆刨冰，所以點了這兩款食物，再點了杯凍仙草奶綠（少冰） 大雞扒滷肉飯($75)雞扒大件炸得酥脆， 滷肉肥瘦肉粒份量適中， 豬皮粒Q彈， 滷肉用足花椒金八角等材料滷入味，食了兩三口， 嘴巴已被骨膠原封住， 有兩片醃蘿蔔，很醒胃抹茶紅豆刨冰，少冰($38)賣相吸睛，紅豆焾甜、白玉子Q彈， 刨冰充滿綠茶味凍仙草奶綠($18)奶綠香滑，仙草即是涼粉，涼粉味濃

因為太肚餓既關係，一坐低就嗌左好多野食! 樣樣都好想試! 好彩有5個人食飯哈哈!😋一睇個menu就已經二話不說咁揀左手拍青瓜，鹽酥豆腐，台灣手抓餅，醉雞卷，滷水拼盤，古早味牛肉麵同珍珠奶茶喇! 侍應們都好nice，D食物亦上得好快，唔洗等太耐! 👏🏻👏🏻👍🏻滷水拼盤可以揀拼D咩都幾好，夠Flexible。珍珠奶茶，手拍青瓜同台灣手抓餅就正正常常，不過不失。之但係個鹽酥豆腐就好有驚喜喇! 因為好耐都冇食過D咁正的鹽酥豆腐喇! 豆腐有豆味，入面夠滑，外面又夠脆! 都係食到冇停手呀!仲有個醉雞卷都好好食! 酒味夠，仲好入味，件數多仲啖啖肉添! 食完一碟好想再encore，不過都係留番D位試其他野啦!之後仲加多左蒜蓉炒A菜同古早樹子咸鳳梨蒸鱸魚。見到呢條魚個名好似幾特別咁，所以試一試佢! Um…食落個味都幾得意，咸咸酸酸咁，岩晒用黎餸飯。成晚最好食的一定係個醉雞卷! 極力推薦 😊

都好一段時間無食過台灣野，但係香港選擇其實唔算多🇹🇼呢日係銅鑼灣搵到間台灣菜，即管睇下質素如何👁‍🗨 古早味牛肉麵（6.5/10）💲60見好多人都話牛肉好腍身，不過唔知係唔好彩定咩，我既都韌身同埋黐牙，蘿蔔亦比較生硬🥕湯底基本上係好重既花椒八角等香料味，頭髮唔小心浸左啲落去，洗左個頭兩三次陣味依然存在，可想而知係幾咁強烈🤪不過我略嫌佢咁樣蓋過曬其他味包括牛肉味，個人會鍾意牛肉味重一點既湯底🐮最可取既係粗身刀削麵好有嚼勁，而且掛湯力不俗🤤👁‍🗨 手抓餅（7/10）💲28手抓餅整到偏乾身，所以食既時候無油膩感，外邊酥脆，內裏帶點煙韌，仲要有唔少蔥花調味😎🔛 整體評分（7/10）