古早味台灣原味 (已結業)

想起有一段時間冇去台灣，冇食到台灣食品，突然間很懷念台灣小吃，今日辦完事行過京都廣場剛好見到上面有一間台灣食店，就決定上去。環境舒服，食正餐地方，可以叫餸食飯，但今晚我們只有兩個人，還是以小吃為主的好。豬軟骨滷肉飯味道濃郁，幼粒的滷肉加埋汁加埋飯，食得固然滋味，仲有豬軟骨，增加口感就更加理想。未食過炸紅槽肉，貌似炸五花腩薄切，相當香口肥美，有新鮮感。宜蘭蔥餡餅一盒有四個，$28唔貴，即點即炸，熱騰騰，雖然不及照片漂亮但頗為好吃。最後配款菜，辣椒炒椰菜勝在可以均衡飲食，椰菜都幾多汁，辣椒冇過多，辣度適中。

一月之星的生日飯，thank^0^!之前食了不少西餐及日本菜，反而有點掛住台灣野，今次友人推介到古早味台灣原味，主打傳統懷舊台灣美食，有數間分店，就腳之下揀了銅鑼灣，放工後一行3人到了銅記，位置在京都廣場，好方便呀。 平日的7點時間尚早，不太多人，之後就越來越多人了。 MENU，友人發辦。 茉莉綠茶，$16，茉莉味清香。 台式滷水拼盤，$138，有大腸、豬耳、豬肚、雞翼、滷蛋及腩肉，最近十分喜歡滷水美食，尤其大腸及豬肚，夠晒入味又唔會好鹹，幾好味呀。 酥炸鹽酥雞，$38，熱騰騰的炸鹽酥雞，入口酥脆，肉質軟嫩，味道鹹香美味。 古早味牛肉麵，$65，湯底甘甜，帶有藥膳的味道，大件的厚切的牛𦟌，口感軟腍又入味，闊麵條滑溜彈牙，份量恰好。 豬軟骨滷肉飯，$75，滷肉飯食得多，但有埋豬軟骨都係第一次，滷肉較大粒有咬口夠入味，豬軟骨腍軟，幾好味呀。 手工綜合芋圓，$45，有芋圓、紅豆、綠豆、仙草及珍珠等，色彩繽紛，口感煙煙韌韌，配上多款香甜配料更好味。 食物味道不俗，下次又多個晚飯之選。

難食！🤮叫左幾道餐牌上所謂既「👍🏻招牌菜」首先黎既係牛肉麵 牛肉好 韌！麵又 硬！湯底 咸！有點失望 台式店連最基本既牛肉麵都做到甘差水準 不過都食左落肚 再黎第二道 醉雞🤢🤮🤮🤮😵🤐🤬超級無敵難食放入口 雞肉好唔新鮮 唔嫩 很乾 好似食爛肉甘酒味好似落左火酒甘嗱口架！原全無酒香 ！真心食唔落 到底老闆有無用心經營？200個Like?難以置信！然後黎魯水拼盤全餐最接受到係個 魯水蛋 同雞翼 你話死唔死個魯水豬腩又乾又硬 D乾肉攝晒入牙喇 明白我的牙肉幾難受？呢餐飯真係差到一個點無下次😤信不信由你！

同朋友試左個鹽酥雞排,D肉好粗糙,不過即上脆卜卜都幾好食。個沙嗲肥牛小炒比較普通,冇咩特別。最中意個薄餅,撕開見到一層層餅,好有層次。我地用左薄餅沾沙嗲肥牛果D汁,係另一種食法。個裝修還可,入口用左D酒樽黎做裝飾,都幾特別。我地仲叫左牛肉面,個面幾彈牙,湯底好有味。侍應服務一般,冇咩特別。間野係樓上鋪,店面比較細。佢地仲有台式芋圓,不過上次我地2人已經食左好多野,所以冇食到,下次可以試下。整體黎講間野唔錯。

由於最近見到呢間鋪頭係尖沙咀紅磡旺角銅鑼灣都開咗分店 見台灣野來講呢間嘅分店都算多於是就的起心去試吓嚟呢度主要係食台灣野 去親台灣鋪頭都一定會叫下佢哋嘅牛肉麵 所以今次首先叫咗一個古早味牛肉麵 $65呢個價錢喺銅鑼灣食一碗牛肉麵都算正常 比起其他連鎖店仲平左少少 食落去個人覺得呢碗麵質素唔錯 主要係因為面嘅質地有少少彈牙唔會一咬就散 同埋佢嗰幾舊牛肉亦都幾厚幾有肉味 所以個人覺得呢個牛肉麵評分係咁多餸入面最高另外亦都叫咗一個大雞扒滷肉飯$75 雖然呢個價錢食滷肉飯偏貴但係叫咗飯之後發現佢嘅份量都幾大幾大碗 建議大家可以叫幾個主菜分享食咁就唔會淨係食一樣太齋除咗兩個主菜之外我哋亦都叫咗一啲嘅小食 分別係麻辣拼盤$68 一開始以為拼盤嘅入面有豆腐嗰啲但係原來呢個係豬肚豬耳雞腎拼盤主要都係內臟 唔鍾意食內臟嘅朋友就要留意下啦另外叫咗一個蚵仔煎 $52 食落去幾有口感 水準正常講到最驚喜嘅可能係呢個嘅花枝蝦餅$38 同埋劉包$28 估唔到呢間台灣鋪既蝦餅比其他泰國越南鋪頭更加好食 咬落去更加有墨魚肉 咬落去勁爽口 下次嚟食一定會encore 另外佢個劉包亦都非常出色 入邊舊豬肉配上小小嘅酸菜食

一個人在銅鑼灣午飯，來到美食雲集的京都商廈。見到古月聚有午市優惠，凡穿著制服及持有員工証的，一律都有折扣，當然要去試一試。午市供應套餐，而且不收加一，非常超值。前菜三小碟凡點午市套餐都會贈送，最喜歡是木耳，有麻辣香，辣得來很醒胃。其次是魚餅，鬆化有魚味。古早味牛肉麵非常出色的一碗麵，湯底清甜有藥材香，選用了寬麵，軟硬適中，掛湯一流。牛肉十分鬆化，口感似牛肉，更能帶出牛的鮮味。除了牛肉，還有蘿蔔及青菜。宜蘭蔥餡餅侍應端上來的時候仍是熱辣辣，不要立刻吃，否則很易燙傷嘴唇。入口除了有蔥香味，還有豬肉香，而且會爆汁，女仕可能要吃得小心一點。珍珠奶茶(加奶蓋)奶茶香口有茶味，甜度適中，珍珠也很彈牙，奶蓋更有芝士香，與奶茶味道非常匹配。

同朋友行行下銅鑼灣，發現到依間台式小食餐廳，係京都廣場樓上鋪位，唔但止價錢好合理，野食仲好好味好有水準。我同朋友超級肚餓，兩點鐘左右去到餐廳，叫咗個古早味牛肉麵，個麵份量啱啱好，可以試到3至4舊牛肉之餘又唔會太多麵，個湯汁都好好飲。 我最中意係佢個黑糖薑母雞翼同埋台灣手抓餅。個雞翼既味道非常特別，係出面其他地方好難會食到，可以話係獨門秘方，黑糖加薑食落有少少似可樂雞翼，甜得黎又帶點薑味，我最愛！至於個台灣手抓餅，都好香好好食，因為我不嬲都好中意食手抓餅，試過好多唔同類型既手抓餅，依個小食真係值得一讚，我個人好就推薦👍🏼😀 下次都想試下另一個九層塔手抓餅！我諗味道都應該唔錯。手工綜合芋圓，有紅豆、綠豆、仙草同埋珍珠，亦都好好食！啲芋圓好有口感，紅豆同綠豆都食得出好新鮮😋仲叫咗一杯仙草奶綠少冰少甜。好飲！同朋友兩個人食lunch，最適合係叫4-5樣小食，share食，因為佢每樣野食份量唔多，咁樣又可以一餐入面試多啲唔同既野食，啱哂啲三心二意既女仔朋友😀

想喺銅鑼灣食平啲，所以就搵咗呢間台灣野試下😎 平日夜小小到唔需要等位，地點又就腳，正～ 明明係台灣野，但係唔知點解係門口擺咗好多餐酒haha😂 叫咗一個古早味干撈麵，侍應超快上到菜👍🏻 個名係干撈麵但冇想像中咁乾，每條麵都沾滿醬汁。粗麵底都好味，比平時食到嘅更煙韌🤤 另外叫咗一個手工綜合芋圓，好大份！😛 睇完食評後最想食係呢個，岀到嚟冇令我失望。芋圓同珍珠都好QQ，珍珠粒粒分明唔會死甜。唯一不足係紅豆煮爛咗小小，不過仍然值得推介👍🏻 我最愛嘅冬瓜茶，冬瓜茶同檸檬冬瓜茶一樣價錢，咁梗係叫有檸檬嗰個😏 同坊間比，甜度啱啱好，唔似岀面嗰啲甜到糖水咁🌝 朋友另外仲叫咗野食，但我地每人埋單都唔洗過百。食咗咁多野都咁平，喺銅鑼灣嚟講都算難得😛

嘗新! 😋 銅鑼灣平食台灣菜! 🍜 店內燈光昏暗，坐得尚算寬敞! 鹽酥雞皮鬆脆，肉質幾滑! 粉絲蝦煲 & 炒米粉都炒得好乾身，有穫氣! 魯肉飯幾惹味，唔肥，肉粒偏大，有咬口!整體感覺良好! 😋😋

花枝蝦排花枝蝦排係今餐最值得推介既一道小食，蝦排外層炸成金黃色，上菜既時候望落已經好吸引，一食果然無令人失望，蝦排炸既程度恰如其分，外層偏酥脆，唔會有油耗味；而內裡既蝦肉混入花枝後，變得軟滑彈牙，口感更為豐富。總體而言味道和口感都不錯，值得一試。炸紅槽肉呢道小食以前從未聽過，所以點黎當試下新野。外型上黎落幾似炸左既叉燒，但食落同叉燒又有啲出入，外層經油炸後比較脆身，而肉既口感比想像中軟身易咬，唔會好乾好嚡。而呢道小食最特別既地方係佢既肉係烹調既過程中加入左紅槽同米酒，所以食落有頗濃郁既酒香味，至於鍾唔鍾意就真係見仁見智。大雞扒滷肉飯滷肉飯相信係食台灣野必點既食物之一，而且呢間叫得古早味就更加想試下佢既滷肉飯有咩獨特之處。而滷肉就係連皮連肥肉，偏油膩少少，如果本身一啲肥肉都唔食既可以點其他飯或者面試下；滷汁味道唔錯，唔會太咸，拌飯食唔錯算加分。

我今次去古早味原本想與我的伴侶回味下台灣美食，點知呢間餐廳畀左個「驚喜」我我望到呢間餐廳既餐牌原本覺得應該都唔錯，咁我就放膽去叫，點左四個菜分別為豬軟骨滷肉飯，涼麵（芝麻醬），阿仔酥，鹽酥雞再加一個芋圓，阿仔酥同鹽酥雞都過得去，不過不失。然後係主食既涼麵分量唔多但都唔差既，不過滷肉飯就令我對呢間餐廳改觀豬軟骨都算合格既滷肉飯中間有成粒花椒同八角我成粒咬到而且滷肉既分量少，呢d問題我都可以接受，到甜品叫左個雜錦芋圓諗住甜品好食就算啦，點知一咬落去芋圓到一分為二同原本有咬口既芋圓好唔同，但其他配料係無問題只係個主角芋圓另我有D失望。但呢間餐廳佈置唔錯，服務態度都唔差又積極而店員都會聆聽客人既投訴（菜色味道既不足）同時又會改進，十分良好

今日同朋友去銅鑼灣覓食，見到有一棟大廈有好多野食，當中一間叫古早味台灣原味嘅台灣餐廳最吸引到我地，所以我地決定試下。呢間餐廳有好多選擇，餐牌有好多款粗麵同肉燥飯，亦有好多小食可供選擇。我最後叫左出名嘅牛肉麵同芋香奶綠。牛肉同湯嘅配搭好夾，味道係典型既台灣麵，好好味!麵亦配有3款隨機配菜😍好有驚喜!!!另外，不得不提嘅係芋香奶綠，非常滑，而且味道亦唔會太甜，好好飲!!!原本食完牛肉麵之後亦唔算飽，但飲埋芋香奶綠之後就啱啱好，好滿足!!!!!!十分期待下次再黎，試埋其他美食!!!另外，餐廳嘅服務都唔錯，侍應嘅態度好好，唔需要等好耐就已經有野食，環境好好，價錢亦非常合理，好值得大家一試!!!!!!!!!!!!!!!!!!!!!

香港人好多崇日，追隨日本料理者眾，但我個人則我愛台灣菜，曾經在台中住了一段時候，覺得台菜很有變化，愛上了。最近在社交網站知道了此店，特此約了朋友來拜會。裝修古雅，幽暗帶格調，看看餐䬸，我有點驚呀是餐牌的價錢很合理，唔貴(銅鑼灣區啊!)，我食個古早牛肉牛筋麵，D牛肉和牛筋炆到好腍，湯底有藥材味道，湯帶少甜，但清新，跟正宗台式牛肉麵的多甜的湯又少少唔同，改良版，入面D紅籮蔔令湯好清新。新竹米粉唔係炒到好油，D米粉又幼又軟身，醬油適中，有蝦，菇，椰菜，炒得幾爽身，不錯。還有雙白台灣香腸，紅色的甜甜少少似廣式東臘腸，後者是墨魚香腸，唔肥，有墨魚味，帶甜，幾鮮的。花枝蝦排，外脆內彈牙，蘸上甜酸醬，好吃! 鹽酥豆腐有點像粵式的椒鹽豆腐，但選用的豆腐超滑，表面酥脆，加了些七味粉，唔錯。甜品的手工綜合芋圓，有仙草，珍珠，綠豆，口感彈軟帶糯，清甜怡人，很好。這店令我回憶在台灣生活的日子，好吃的鹽酥雞，芋圓，台灣腸…

最近鍾意咗食台灣野，好多時都會揀番啲台灣餐廳，而且價錢都係比較合理，搵到呢間飲品特別平，不過留意番淨飲要雙計。807胚芽奶綠$18加珍珠$3808珍珠奶茶$18值得一提嘅係胚芽嘅份量真係好多，如果鍾意食嘅一定要叫！甜真係可以自己選擇嘅，想清新啲可以減糖，其實都一樣咁好飲，不過走糖就應該麻麻哋啦。605 豬軟骨滷肉飯$75表面有啲豬軟骨，而且有啲肥騰騰嘅滷肉，仲有塊豬皮喺上面，入味得來又可以補充骨膠原，一舉兩得，上面仲有半隻滷水蛋同埋一啲菜，都可以話係幾豐富。626 古早味牛肉牛筋面$68牛肉牛筋面比想像中大嚿得多，如果女仔食就麻煩啲可能要叫佢整細件啲或者用鉸剪切細佢，牛肉同埋牛筋厚身得來其實入味同埋都夠林，面底就係比較粗身厚身嘅面，有彈性之餘亦都比較有咬口，湯底濃郁但係唔會太鹹，味道合理。買單三舊水都唔使，依家啲女仔咁鍾意台灣野，想扮大方請女仔食飯一定揀台灣菜慳水慳力。

好耐無食過台灣菜，又想就返係銅鑼灣放工嘅朋友，於是早幾日就book左呢間台灣餐廳同朋友試下。餐廳好近地鐵站位置方便，上到去環境相當闊落，食物嘅價錢又算係抵食，店員仲熱情地介紹左幾道新推出嘅小菜。食物上菜速度好快，先來呢道古早味滷白菜，有香茹、滷肉之類嘅配料鋪滿白菜面，白菜亦都夠入味。跟著再來一盤滷水牛三寶，裏面有牛𦟌、牛筋、金錢肚，滷水汁味道調較得唔會過鹹或者甜，牛三寶亦都滷得入味，牛𦟌煮得嫩冧，唯獨牛筋偏硬。炸花枝丸係上菜一段時間後仍保持到熱辣辣，花枝丸大粒又彈牙，值得一吃!手抓餅就食得多，九層塔手抓餅就真係第一次食，九層塔嘅香味濃郁，手抓餅又煎得鬆軟，最緊要係就算放涼左都唔會變得油膩。最後到甜品時間，我地叫左個手工綜合芋圓，面頭鋪滿番薯、芋頭、紫薯三色芋圓，下面仲有大量涼粉、珍珠墊底，呢度嘅芋圓煮得偏軟身，珍珠就夠煙靭有口感，呢碗綜合芋圓我地兩個人都食唔晒！