古早味台灣原味 (已結業)

花枝蝦排花枝蝦排係今餐最值得推介既一道小食，蝦排外層炸成金黃色，上菜既時候望落已經好吸引，一食果然無令人失望，蝦排炸既程度恰如其分，外層偏酥脆，唔會有油耗味；而內裡既蝦肉混入花枝後，變得軟滑彈牙，口感更為豐富。總體而言味道和口感都不錯，值得一試。炸紅槽肉呢道小食以前從未聽過，所以點黎當試下新野。外型上黎落幾似炸左既叉燒，但食落同叉燒又有啲出入，外層經油炸後比較脆身，而肉既口感比想像中軟身易咬，唔會好乾好嚡。而呢道小食最特別既地方係佢既肉係烹調既過程中加入左紅槽同米酒，所以食落有頗濃郁既酒香味，至於鍾唔鍾意就真係見仁見智。大雞扒滷肉飯滷肉飯相信係食台灣野必點既食物之一，而且呢間叫得古早味就更加想試下佢既滷肉飯有咩獨特之處。而滷肉就係連皮連肥肉，偏油膩少少，如果本身一啲肥肉都唔食既可以點其他飯或者面試下；滷汁味道唔錯，唔會太咸，拌飯食唔錯算加分。