古今二 (荃新天地)

營業中

休息中

因為上次跟朋友介紹去過荃湾楊屋道1號荃新天地一樓116號舖的古今二食晚飯，這店子的卷物好味又有特色，所以今次特意帶好友再去食晚飯。日式麻醬豆腐沙律$78滿滿食材的沙律，有充滿豆香幼滑的豆腐，鹹香味濃的蟹籽及三文魚籽，沙律菜，車厘茄，再加埋麻香味濃郁的日式麻醬，清爽又醒胃。金龍卷$98中間包着香脆彈牙的炸蝦，面頭有三文魚，再配搭埋個芝士醬汁，意想不到的，原來是這麼夾。富士山$88用超多的蟹柳絲，鰻魚，牛油果，脆片，壽司飯堆砌成座山咁，喜歡吃蟹柳的朋友，一定會好滿足。自家玉子燒（6件）$55富有蛋香味，且甜絲絲的玉子燒，很好吃呢！古今日式煎餃（6隻）$56餃子煎得外皮脆脆地，內裏肉質鮮嫩多汁。

再黎食我既愛店！古今二既壽司每次都令人驚喜又滿足，而且環境乾淨舒服，無論一大班人定自己靜靜地食飯都好適合！今次荃灣店仲可以高居臨下咁望住樓下園庭景，一啖茶一啖壽司都真係幾享受👍相撲力士109蚊一上碟勁靚勁！😍好似一個藝術品咁！ 上面係用唔同嘅刺身鋪面 ， 裏面就有芝士同蟹柳喺入面， 再配埋佢嘅特製醬汁， 啖啖嘅滿足感👍🏻牛舌32蚊超級好食🤤必叫！ 燒到啱啱好 ，肉質有彈性！好好食！！😍日式煎餃六隻56蚊都幾抵食，大大粒煎餃，女仔食岩岩好👍🏻

工作關係成日去荃灣，唔知食咩好嘅時候就諗起呢間食飯卷，食極唔厭😆龍卷風沙律 $76- 我超鍾意食蟹柳，呢個沙律勁多，蟹柳係高質，唔會係好假果種，撈中華沙律、蟹子、爽脆生菜食，重點係醬汁勁多，我差唔多每次嚟都食呢個😆彩虹卷 $116- 色彩繽紛，有3款：三文魚、吞拿魚、油甘魚，每件都有牛油果、青瓜、蟹柳，加上少少醬汁好食🤤搖滾樂 $82- 呢個係炸蝦飯卷，裏面仲有cream cheese同埋牛油果，上面仲有塊蒲燒鰻魚，加上一啲鰻魚汁，口感味道豐富😋串燒我哋就試咗燒白鱔$$38/串 同埋燒雞腎$48/2串，白鱔燒得皮焦香脆脆，肉質爽口有鮮味😋雞腎調味鹹鹹香香，燒完之後有少少咬口，餸酒一流👍🏻

天氣咁熱去咗荃灣行幾個連住嘅大商場，買咗好多野行到好攰，諗住坐底早啲食飯。經過一間日式餐廳，比門口條手繪龍吸引到，又見間餐廳咁早都有人排隊應該唔錯的店舖木系風格，雖然坐位唔算多，但環境都好闊落坐得好舒服我地叫咗煙花，清酒煮蜆、店舖推介的金龍卷及龍卷風沙律煙花係有辣味三文魚、辣味吞拿魚、蟹子，廚師好慷慨，放到D 料滿一滿，每一啖都好滿足食品擺盤有心思，啲份量都唔細清酒煮蜆上枱時熱辣辣，啲湯比我飲哂，鮮甜得黎仲有少少清酒香，有回甘店舖推介的金龍卷隻蝦好好食，炸得又脆又新鮮， 每一舊D 料都好豐富同工整龍卷風沙律蔬菜清甜﹐加上少少辣醬同沙律醋味道好夾，份量亦都非常大餐廳好細心，上菜時間剛剛好好，等你食完一樣先上一樣，又唔會等好耐，食物會逐碟上枱，下次同多幾個朋友嚟就可以試多幾款野

呢度主打日式卷物及串燒，仲有唔同款式配搭，好有新意，餐廳有點日式懷舊感，而且每枱都有一壼熱茶，好方便蟹子沙律🥗先點蟹子沙律，沙律有蔬菜加蟹柳蟹子夠清新金龍卷🍣卷物上有三文魚，而中間有香脆炸蝦，加上芝士醬汁好美味😋辣妺🍣辣妹有吞拿魚、炸蝦同芝士，吞拿魚有少許辣味，令味道提升櫻花蝦茄子燒🍆香燒茄子，加上好多櫻花蝦，醬汁美味又有脆口櫻花蝦秋葵蝦肉天婦羅蝦肉釀入秋葵，再做炸物天婦羅，香脆又鮮甜美味

好耐冇行荃新天地，行到咁上下又到左晚飯時間，見到間日本🇯🇵餐廳 <<古今二>> 有位唔使等就入左去試下，好彩入得快，轉頭就坐滿人了。同朋友2個都唔大食 所以只叫左4樣野試下🤤🤤 <海鮮麵豉湯> $38海鮮湯材料十足，有2隻蝦🦐 3隻蜆 豆腐仲有油頭腐粒，係一碗好香濃既海鮮湯，隻蝦煲完湯仲好爽口添😋😋😋 大推👍🏻👍🏻咁有得湯就一定叫埋小食<雜錦炸天婦羅> $88雜錦固然之有唔同款，佢有有炸蝦🍤，日本紫番薯粒🍠秋葵釀蝦滑…. 雖然佢款色唔多但佢勝在全部新鮮炸出來 食落口仲熱辣辣🥵🥵 值得一試之後仲叫左2個壽司卷🍣🍙<彩虹卷> $116色彩繽紛既彩虹卷🌈 用左三款唔同既魚生制作，有三文魚🍣吞拿魚🍣 同 油甘魚🐟再配埋牛油果🥑做間色，中間夾埋蟹柳🍥青瓜🥒絲，口感好清新🤩🤩🤩<超級龍卷風> $88用原隻大炸蝦🍤配上口感煙韌既鰻魚🐟來整紫菜卷，最特別嘅係佢面頭會配上薯片😆😆😆😆 令到口感啖啖都脆口，仲會食到好香既鰻魚味🤤🤤🤤 呢個簡直係一試難忘餐廳仲有好多款唔同既卷物可以試🤩🤩🤩 款款都好似好好食😋可惜

成日係呢個商場行街，都會心思思諗起食古今二，今次又去試下其他款嘅卷物！而個龍卷風沙律就係我每次必點嘅前菜。呢到裝修木系為主，位置闊落，悠閒日風，坐得好寬鬆。我地要咗個龍卷風沙律同清酒煮蜆。至於卷物就點左搖滾樂同蜘蛛。龍捲風沙律材料包括蟹籽,海藻，脆片同埋沙律菜。佢個外型就係一大座，上面材料鋪到一層層圓圈咁，配合返佢個名龍捲風。蟹籽份量十足，食落脆卜卜，夾埋都係咁脆嘅脆片，食落更加有口感，沙律菜又夠新鮮清爽，食落特別開胃。清酒煮蜆好快就煮起咗，蜆肉非常鮮甜完全冇沙，而且煮得啱啱好，好滑嫩，簡單加少少海苔煮已經好好食，個湯底就係蜆嘅鮮甜味，正！至於卷物搖滾樂，材料包料鰻魚，芝士，炸蝦同牛油果，炸蝦同鰻魚都係我中意食，重要加左少少芝麻喺外面，食落就更加香口！另外蜘蛛卷材料就有炸軟殼蟹，蟹柳，牛油果以及青瓜。 兩款款都有佢哋自己配有嘅醬汁，唔同風味，好味道，哩度真係好多款卷物，食極都唔厭。

今日同 friend 嚟Citywalk行吓，經過見到呢間「古今二」，大家都想入去試吓。我哋叫咗：✨海鮮味噌湯 $76蝦好爽，配埋蜆，湯好清甜，好正。😋✨ 龍卷風沙律 $76蟹柳，蟹籽，海帶絲，沙律菜，脆片配埋辣辣哋沙律醬，口感就好豐富，讚👍。✨ 彩虹巻 $116刺身，牛油果，青瓜，蟹柳，呢個配搭fresh，好鍾意。😍✨ 蜘蛛 $96軟殼蟹，青瓜，牛油果，蟹柳，外脆內軟好正！😍😍呢間啲嘢配搭新穎，用心製作，又啱打卡🤩一定會Revisit!😎😎

無論係回憶當年嘅日本旅程，定係計劃未來嘅日本旅程，都慶幸也與你逛過那一段旅程。今日同A姐嚟到嚟到位於荃灣荃新天地嘅古今二，餐廳主打自家卷物，每款卷物都花咗唔少心思，由富士山玩到煙花大會，讓我哋從味蕾開始今次嘅日本旅程。富士山去日本其中一件必做嘅事就係去富士山，感受下果陣和風味。雖然花期已過，但舖滿山頂嘅蟹柳同脆片如同櫻花花瓣飄落在富士山腳一樣甜美，而卷物當中嘅鰻魚清甜，沒有太多調味將新鮮嘅鰻魚遮蓋。煙花喺日本最期待嘅夏天節目莫過於參加祭祀睇煙花，三文魚及吞拿魚卷物嘅擺位，就如爆發嘅煙花一樣咁澎湃。新鮮嘅生魚片進入口中嘅一刻，令人心花怒放。而魚生微辣嘅口味更加為炎熱嘅夏日帶來一絲清爽。自家玉子燒略略燒過嘅玉子上，有放上適量嘅飛魚子及芝士，融入微甜而充滿蛋香嘅玉子燒當中，入口即溶，甜而不膩。清酒煮蜆清酒嘅份量用得恰到好處，並沒有蓋過肉質鮮甜嘅蜆酒，蜆肉嘅數量亦相當多。加上微甜嘅洋蔥、本菇等配菜令到湯頭嘅鮮甜更上一層樓。

見好似好耐無出過荃灣，一於出去行街食飯啦，行過見到間餐廳好似唔錯咁，又未食過就試吓難得有人話佢負責諗食乜，咁我當然就係等食同影下相火山 $128因為唔係我點餐，唔知原來有火🙈 一嚟到店員就點火，爭啲準備唔切影相同拍片，除咗打卡一流，仲好好食，有大量嘅蟹柳、蟹籽之外，仲有青瓜、帶子、牛油果，加上燒汁同飯入面嘅壽司醋，已經好夠味辣妹 $72有辣味吞拿魚、炸蝦、蟹籽同芝士，估唔到入面嘅炸蝦仲好脆，加上辣味吞拿魚同燒汁，味道同口感都好豐富櫻花蝦茄子燒 $68一嚟到就聞到好香，燒茄子上有大量嘅櫻花蝦，加上濃濃嘅燒汁，帶有少少辣味，幾惹味柚想蝦你 $98嘩，一嚟到見到好豐富，有沙律菜、海草、車厘茄、蟹籽、牛油果、蘋果、柚子、甜蝦加上柚子汁，好清新

都知呢間日本菜不嬲都多捧場客星期五晚去到已見到一小條人龍前面排緊4、5個人餐廳佔地唔大但每張枱都令人坐得舒服所以擺得唔多張枱龍卷風沙律🥗$76沙律菜好新鮮爽脆加入咗脆片、中華沙律、蟹柳絲好岩夏日享用既一款沙律金龍卷$98（三文魚、炸蝦🍤、芝士🧀️）好有趣既配搭估唔到食落又會咁夾蜘蛛$96（炸軟殼蟹、青瓜🥒、牛油果🥑、蟹柳）炸軟殼蟹既蟹腳就好似蜘蛛咁果然係創意日式料量炸軟殼蟹表面既粉漿仲保持脆度而且唔會油膩Love it雜錦天婦羅$88有炸番薯🍠、炸蝦、炸秋葵（入面有釀物！）粉漿薄身入面炸物咬落唔乾食呢間啲炸物好掂！自家玉子燒6件$55鍾意食玉子燒既有福了！濃厚蛋香再帶甜滋滋既味道香甜柔軟既感覺令人覺得好幸福有加一每枱都有熱茶自己斟好方便👍🏻日本菜、高質、人均二百頭、食到勁飽推！

星期日夜晚時間行行下商場見到呢間居酒屋類既餐廳，睇左一下menu，望落幾吸引既夜晚8點等左一陣大概5分鐘就有位坐低啦！叫左個2人套餐 $498刺身係有三款：三文魚、北寄貝、前菜沙律有兩款揀😊個沙律ok幾好食，用日本胡麻醬，有啲甜甜地，入面有蟹柳絲、車厘茄、上面有啲蟹籽壽喜鍋我地二選一，揀左野菜叉燒鍋味道正常，賣相就一般般啦，屬於正常有三塊叉燒，兩舊豆腐，娃娃菜都幾多，粉絲，冬菇，金針菇～卷物賣相一開始望落一般般，但係食落味道係ok唔錯既特飲有兩杯，分別可以揀百香果益力多同士多啤梨益力多，我地都係要左百香果味！甜品檸檬蛋糕🍰

返工前約咗朋友食飯，行過見到呢間有窗邊位，之前有食過其他分店覺得幾唔錯，所以同朋友坐低食呢間。叫咗個清酒煮蜆，個味道都幾唔錯，不過湯隻鹹咗少少。份量就唔係太多，因為其中有兩隻都唔開。但係開左食的嗰啲就好乾淨，冇砂，味道都算鮮甜。然後叫咗個龍捲風沙律，佢除咗有正常嘅沙律菜之外，仲加咗中華沙律，蟹柳，同蟹籽，再加埋佢嘅辣辣地嘅千島醬，成件事Fresh得來又惹味。之後叫咗個金龍卷，佢中間係炸海老加芝士，原本唔係太食芝士嘅我，對於佢呢一款卷物，我都覺得味道好唔錯。最後仲有叫咗六件嘅煙花，佢嘅煙花其實係吞拿魚蓉，不過我自己覺得佢呢一款就有少少腥，都係金龍卷好食啲。兩個人當午餐咁食，其實都夠飽，呢個價錢還可以。

今日約咗朋友去荃灣「古今」頭盆叫咗個開胃菜《目式麻醬豆腐沙律》，份量十足，材料包括有豆腐、車厘茄、蟹子及蔬菜等等，蔬菜新鮮，SO FRESH, 加上麻醬就更開胃啦。新鮮滾熱辣嘅《炸魷魚鬚》，炸到脆卜卜，口感鬆化好食，卷物好有特色，《煙花》卷物上鋪滿吞拿魚蓉，包满三文魚，仲加左d薯片碎，味道好夾。《青龍卷》，外觀討好，卷物中間內了鰻魚，頂層鋪滿牛油果，整體好 Creamy，非常有特色。鹽燒雞中翼，燒得香脆，肉質柔嫩，調味度中，好味，如男士，可以用來配啤酒，突顯風味！下次可以試吓其他未食，有好多特色卷物。

今晚就同媽咪撐枱腳，去左荃灣荃新天地一期一樓”古琴今二”食日本野。餐廳唔算好大，可以既話就記得訂位。 我地叫左五樣野食。第一樣上嘅就係“”清酒煮蜆“ $128，一放低就已經有陣陣嘅清酒香味撲鼻，如圖所示每隻蜆都好大隻，肥大肉厚， 出奇地個湯底飲落完全無酒精味，而且非常濃郁，入口好滑。 第二個就係“”雞軟骨棒“$48。咬落會食到有啲切碎左嘅雞軟骨。 然之後就到“”超級龍捲風捲“$88。每一件都好大件，我男仔一啖都食唔哂一整件，中間有好大隻炸蝦，仲有芝士， 面頭重鋪左一啲脆脆，增加左多一重口感。然之後到“”彩虹卷“$116。面頭舖咗三文魚，吞拿魚等等，變相一款有幾種口味，配搭牛油果，感覺就清新一點，健康一點。最後我地仲點左“”三文魚頭“$78。等左一陣，即叫即整。個魚頭好大份，有好多肉，入面有骨，食時要留心啊。 整體來說餐廳氣氛不錯，店員亦都好好笑容。仲有觀塘，尖沙咀分店，希望有機會試下其他啦。