古今二 (荃新天地)

營業中

休息中

今日去咗一間喺荃灣嘅居酒屋食午餐，餐廳名叫古今二，性價比好高，價錢亦都算抵☺️首先，我哋叫咗龍捲風沙律（$76），份量好大，有好多海藻、蟹柳同蟹籽，加埋啲新鮮嘅蔬菜，口感好豐富，最重要係醬汁好開胃！😋之後嚟一份清酒煮蜆（$128），湯底真係好鮮味，加埋好多菇同蜆，每隻蜆都肥肥嘟嘟，好鮮味！🍲再叫一份金龍卷（$98），炸蝦同芝士嘅配搭好夾，芝士又軟又濃，炸蝦又脆又唔會好油，上面仲鋪咗三文魚同沙律醬，一口壽司既口感好夾好豐富，我真係忍唔住一舊接住一舊咁停唔到口！🍣最後，試咗一份煙花（$79），辣味三文魚同吞拿魚蓉卷上面仲有大量蟹籽同脆片，仲有黑白芝麻既點綴，口感好豐富又有層次！🍱總括而言，我覺得古今二嘅食物真係又抵又好好味，性價比高，大家有機會一定要去試吓！😍

荃灣美食天堂下，食肆除咗保持食物及服務水準外，野食仲要各具特色，先否以係荃灣哩個競投咗激烈嘅地方生存。今個周未就不如輕鬆一下，去食下啲擺碟靚靚嘅日本菜——古今二。前事research過Openrice，見到都唔少人推🍶🍲清酒煮蜆($128)，我都叫咗一客，的確同大家一樣，蜆肉大粒，份量蟹、乾淨，鮮甜，湯底仲好濃好鮮味🤪。🌈彩虹卷($116)顏色色彩繽紛，賣相吸引，材料有🥑牛油果、🦀蟹柳、🐟三文魚、🐟吞拿魚等等， 可以一次過食到咗多隻口味嘅壽司，相當滿足另外仲叫左赤貝壽司($63)，色澤紅潤相當新鮮，識落有微微嘅海水鮮味🙈。火炙左口魚裙邊壽司($36)亦好特別，上面嘅一點辣椒醬正正為左口魚裙邊嘅味道產生左奇妙嘅感覺，十分惹味😝

最中意呢到啲卷物，睇得又好味火山呢款卷物打卡一流，店員會係碟兩邊用火槍點火，名副其實的火山，堆滿滿的蟹柳，既有創意又好食🤤～搖滾樂由鰻魚、芝士、炸蝦、牛油果組成，咬落少少脆脆，幾有口感，幾fresh唔錯!串燒&燒物方面都唔錯，上枱時熱辣辣～🍢鹿兒島豚肉荔枝串燒清甜荔枝搭配鹿兒島豚肉，中和番唔會有油膩感🍢宮崎味鹽牛舌串，少少厚度的牛舌，咬落都幾爽～🍢炭烤孜然羊架如果中意食羊的，呢款推薦！羊香味好重，搭配孜然，肉質細嫩，外焦內嫩。

旺角👣-古今二🍣嚟到荃灣呢個美食天堂，當然要搵好西食啦！係食左一個晏就掃街嘅情況下，飢餓感唔算太大，就想搵啲可以叫份量唔太多嘅店舖作為晚餐，咁岩就見到荃新天地呢一間壽司熟食店，餐牌上面嘅食物圖片相當吸引，所以就決定揀佢啦！😆🥗龍卷風沙律 $76賣相已經好吸引，材料好豐富！蟹柳絲、中華沙律、脆脆片、雞蛋絲、魚籽，仲有特配嘅沙律醬汁！豐盛又美味，必點！🍲清酒煮蜆 $128對食過咁多唔同清酒煮蜆嘅我而言，呢個味道超中我紅心，湯底味道層次好豐富，淡淡清酒味，同時夾住海帶同蜆肉嘅味道，整體超夾！蜆肉都有明顯嘅蜆味，鮮味十足👍🏼👍🏼🍣彩虹卷 $116長長一條壽司卷，表面由吞拿魚、三文魚及牛油果作搭配，飯小卷裏就有蟹柳同牛油果，味道清新，牛油果又可以中和咗吞拿魚同三文魚嘅油膩感😋🍣煙花 $79呢個壽司卷初初以為係一半三文魚一半係吞拿魚蓉，但最後發現原來上方係吞拿魚蓉，飯裏包住三文魚，呢個配搭好有驚喜，口感都好豐富，表面仲有啲脆脆片增加口感，吞拿魚蓉同三文魚唔會互相搶咗對方嘅味道，兩者味道都好突出，超推！🥰📍 荃灣楊屋道1號荃新天地1樓116號舖

經過荃新天地“古今二”餐廳係木系裝修簡潔舒適，食物有壽司卷物/熱食/酒，侍應給了坐近落地窗邊，食飯時望著出面庭園，好舒服🥰🍤金龍捲$98上枱已好吸睛長長卷飯上面有三文魚中間包著香脆紙菜炸蝦，加入芝士粒醬汁非常好味👍🏻🍣超級龍捲風$88壽司飯包住香脆炸蝦/香滑鰻魚/紫菜/脆脆片每一口都層次豐富香脆軟味道😋🥟古今日式煎餃$56完全同日本味道一樣皮薄肉多汁煎得好香🍵海鮮味噌湯$38濃香味噌有蝦/蜆/豆腐粒湯好熱好滿足雜錦天婦羅$88鬆脆天婦羅有蝦/紫色蕃薯仔/秋葵/最特別是秋葵裏面釀咗蝦肉，特別香脆甜美

📍古今二收工落左荃灣行街行到荃新天地去覓食🤭🤭🤭等於顔控黎講，餐廳嘅門口裝修好重要，絕對係決定咗要唔要入去食嘅重要一點😂😂😂😂雜錦天婦羅 $88⭐️⭐️⭐️⭐️叫咗個雜錦天婦羅，即叫即炸，天婦羅好香好脆，份量少少哋啱啱好，個紫薯天婦羅勁好食，好甜好香，一流金龍卷$98⭐️⭐️⭐️⭐️個面係三文魚，中間個餡有炸蝦，同啲醬Max埋一齊，好夾，勁抵食，冇諗過有咁多件龍卷風沙律$76⭐️⭐️⭐️⭐️啲菜好新鮮，仲有勁多嘅蟹柳絲，仲Mix咗一啲脆脆，口感好豐富，同埋個沙律都勁大兜，扺食煙花 $79⭐️⭐️⭐️⭐️個面係吞拿魚蓉，仲有啲蟹籽粒粒同埋啲脆脆，食落格格聲好得意最後叫左一串鹽燒雞中翼$28⭐️⭐️⭐️⭐️燒到顏色金黃，勁香，好細心切開左雞翼嘅兩端，食落好方便

今日嚟citywalk 呢間排隊餐廳 見人少少就終於的起心肝排隊試下佢！首先叫左個清酒煮蜆（$128）清酒味唔係好濃，岩曬啲唔係好飲得酒既人😍可以清曬佢個湯，因為佢個湯非常甜！😗😗最最最最最值得一提係佢啲蜆又大又甜又無沙！👍🏻👍🏻而加啲配菜一啲都唔馬虎，又有秀珍菇🍄洋蔥🧅一食就知係日本洋蔥，超甜！😆另外仲叫左兩個卷物，一個係金龍卷🦖（$98）佢入面係炸蝦，出面仲有三文魚🐠炸蝦好新鮮，同埋炸得好脆。另一個係煙花💥（$79）呢個卷十分出色！佢有海量既吞拿魚蓉，飯入面有，on top 仲有一大堆🔥🔥同埋好新頴既係佢仲加左d 薯片增加口感👅👅最後仲叫左個玉子燒🧈🍳（$55）唔好睇佢外表好普通，佢係一個調味好好既玉子燒，少少偏甜，食完一個好想食第二個，口感又唔會好實🤓整體黎講呢間餐廳所有食物都好精緻，毎樣食物既擺盤都好靚，而且佢地既碟都好用心，隻隻碟都好靚，見到都食慾大增，最可愛係佢清酒個碗，係一個好似錫紙兜既碗🤣打卡一流🤸🏻‍♂️🤸🏻‍♂️

好耐無食過日本餐廳有少少掛住啲壽司🤣由觀塘出名到係荃灣開第二分店嘅古今二 主打趣味卷物嘅日本菜食個早Dinner🥗日式麻醬豆腐沙律 ($78) 豆腐嫩滑 搭配上麻醬的香氣 清爽又開胃 份量超多 嚟得日本餐廳 梗係要嗌佢哋出名嘅卷物啦🍣青龍卷 ($98)由薄薄嘅牛油果鋪滿壽司上入面竟然係燒鰻魚唯獨是壽司飯爭咁啲醋香味🤔🍣相撲力士 ($109) 這道卷物包裹著蟹柳、芝士和青瓜絲而卷物的頂部則擺放著3款新鮮的刺身分別為三文魚、吞拿魚和油甘魚再用兩種醬汁畫出扭紋圖案 少少辣 味道豐富🍢宮崎味鹽牛舌串 ($32) 肉質鮮嫩多汁 蘸上一點鹽 口感更加豐富👅🍡鹽燒白鱔 ($38) 燒得外脆內軟 肉質鮮嫩 一咬濃郁魚油香氣 係口中散發 係意想唔到嘅好食🤤

古今二的餐牌好有趣，附上了餐廳的故事背景，除了看餐牌，可以代入一下，假裝去了日本呀～必推是古今二的壽司，每款都有不同的特色名稱，而這款「火山」更是最引人注目的！(✌︎˙˘˙✌︎) 火山是壽司小卷，饀料有牛油果、帶子、青瓜和蟹柳，上菜時更有大量蟹柳、芝士和蟹籽，好有口感。火山是大大份的小卷放在一起，仿如壽司蛋糕，好可愛。而且上菜時有點火儀式，好適合打卡～另外小安推介大家要點清酒煮蜆！上菜時已經聞到陣陣酒香，而且蜆夠新鮮，這價錢真的抵啊～•̑‧̮•̑

呢間餐廳真係值得再試。已經係第二次黎首先，超級龍捲風壽司非常吸睛，內裡有鰻魚、海老、芝士、青瓜同脆片，口感豐富而味道層次多變，真係一試難忘。再者，日式麻醬豆腐沙律，當中的豆腐柔滑可口，配上麻醬的濃郁和香味，食落口內好似在味蕾上起舞，非常美味。自家玉子燒嘅味道，細緻滑口，甜甜嘅口感，帶住微微嘅雞蛋香，絕對是一道惹味小食。鹽燒雞中翼嘅皮焦香，肉汁充沛，同時帶有淡淡的炭燒香，是一道得心應手的燒烤小食。而琦玉網燒牛舌，質地嫩滑，淋上特製醬汁更顯其美味，鹹鹹的口感與微微的牛舌原味完美融合，是一道讓人食指大動的主菜。服務員見我哋有啲猶豫，就主動提供意見，同時態度親切有禮，令人感到十分舒適。而餐廳內部裝潢簡潔舒適，配上溫暖的燈光，絕對增加咗我哋嘅用餐體驗。我哋真係好喜歡古今二呢間餐廳，尤其係佢哋嘅服務同菜式，都讓人印象深刻。

今日去咗荃灣荃新天地呢間專食創意卷物古今二💕本身我就好鍾意食日式卷物 所以去之前都好期待😋 一去到店員安排咗我哋坐窗邊嘅位 望住個靚景食個感覺都唔同啲😳😳▫️日式麻醬豆腐沙律呢個沙律真係好有驚喜 首先賣相好靚🥰啲豆腐好嫩😚▫️富士山呢款卷物好適合打卡 上面係蟹柳絲加咗啲脆脆 下面係鰻魚卷😚味道好夾好好味▫️彩虹卷🌈🌈刺身顏色夾埋好繽紛，而且刺身好新鮮💗💗推介‼️‼️▫️雜錦天婦羅🍤（炸蝦 炸秋葵 炸紫薯）天婦羅炸得好香脆，又唔會油膩❤️總括嚟講呢間食物質素幾好 而且啲卷物好有創意得來又好食🥳環境重幾靚😊

最近我們都喜歡到荃灣「搵食」，今天就來到位於荃新天地一期的古今二分店，店舖座位數目不多，比較合適小群體的親朋好友聚餐🍣餐廳佈置的簡潔門面裝潢🤍•金龍卷 $98扇形碟呈上的卷物看上去很是美觀，壽司上面是薄切三文魚，中間最注目的是炸得恰當的芝士炸蝦，爽脆不膩🦐•自家玉子燒(6件) $55玉子燒切成六個長條形，上菜剛好是入口溫度最合適的時間，玉子甜而不膩，稍微炙燒的表面帶有一點炭火味道，加上醬汁的點綴，讓味道的層次感昇華🥚•鹽燒雞中翼(1串) $28店鋪將2隻雞中翼切開燒烤，讓雞中翼能夠受熱均勻，味道調得剛剛好，過過口癮•富士山 $88蟹柳切成一條條堆成的「富士山」，帶有微微辣度非常刺激食慾，「富士山」下的壽司卷是由鰻魚、牛油果、脆片組成，以上四樣材料混合得很有口感•柚想蝦你沙律 $98名字很是有趣，大玩食字；沙律份量不少，而且裡面的材料是高達九種，擺盤精美，表面放了少量的蟹子、柚子、中華沙律和甜蝦裝飾，主體是清甜爽口的生菜混合淡淡的柚子汁，底下隱藏了車厘茄、蘋果和牛油果，開胃十足，意外之喜‼️

荃灣不嬲好多好嘢食，今次去荃新天地食呢間，佢哋主打創意卷物，你哋有冇食過呢間呀？佢個餐牌圖文並茂，樣樣都好吸引！金龍卷（$98）佢一上枱真係成條金龍咁樣，裏面嘅吉列蝦炸到好香脆，加埋上面嘅三文魚刺身食落好有口感！煙花卷（$79）上面一堆吞拿魚蓉配埋蟹肉捧同埋蟹籽，再加埋少少脆卜卜，食落真係好似喺個口度放煙花咁😆清酒煮蜆（$128）一上枱趁熱果陣就比我食咗好多，蜆肉好新鮮，除咗有蜆肉之外，仲有少少菇同埋海帶，連個湯都飲埋！自家玉子燒六件（$55）估唔到呢個價錢都有咁多，食落去好香蛋味，加埋上面嘅飛魚子同芝士，好夾！

新派日式小店，無論擺盤賣相和食物質素都令人讚嘆♥️♥️♥️🗻富士山 $88壽司卷包著鰻魚、青瓜、牛油果疊成一座山，上面鋪滿蟹柳和脆片，賣相相當吸引🤩🍢宮崎味鹽牛舌串 $32牛舌芯夠淋正呀🍡鹿兒島黑豚荔枝卷串燒 $32豚肉配茘枝甜甜地好味🐣自家玉子燒 $55有6件咁多，上面鋪滿蟹籽🥙龍捲風沙律 $76好大碗裝滿新鮮蔬菜、勁多蟹柳、蟹籽、脆片…#富士山卷 #牛舌串 #黑豚荔枝卷串燒 #自家玉子燒 #龍捲風沙律

不一樣的卷物🌸龍捲風沙律🌟🌟🌟🌟🌟新鮮爽脆既生菜、加埋海藻一齊入口，口感特別再配搭埋蟹柳絲、卜卜脆既蟹籽同脆卜卜既脆片，整個口感非常豐富呀！🌸煙花🌟🌟🌟🌟🌟面頭有辣吞拿魚碎，卷物內的三文魚碎，一啖食口感層次非常明顯。🌸金龍卷🌟🌟🌟🌟🌟超香脆既炸鮮，包著芝士同壽司飯，已經好好味！面頭仲有新鮮既三文魚，超正呀！🌸仙台牛舌煎🌟🌟🌟🌟🌟大大碟，每一粒都煎得好香好惹味，牛舌口感超彈牙同多汁，真係好好味呀！======詳情======古今二 (荃新天地) (荃灣)荃灣楊屋道1號荃新天地1樓116號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #荃灣美食 #荃灣好去處 #香港美食探店 #香港探店 #打卡熱點 #壽司控 #金龍卷 #仙台牛舌煎 #沙律 #龍捲風沙律 #蟹柳絲 #蟹籽 #古今二