古今二 (荃新天地)

營業中

休息中

復活節長假期終於結束，今日去長假期後返工嘅第一日，相信大家嘅狀態都係麻麻哋！😝仲係holiday Mood緊嘅心情，小編何嘗又唔係呢？！🤣呢個時候梗係要搵間好嘢食啦，所以今日就同太太放工就去咗位於荃灣荃新天地嘅「古今二」😋食返啲好味嘅日本菜黎緩和下心情！龍卷風沙律🥗 $76呢個龍捲風沙律食落認真開胃，而且配料十足，份量仲好多添！兩個人都爭啲食唔哂呀😂富士山🗻 $88呢個富士山卷餡料非常之多！餡料內有鰻魚同牛油果🥑，而個面就鋪滿蟹柳同蟹籽，仲加埋鰻魚汁，食落唔會好漏😋蜘蛛🕷️ $98餡料亦係好豐富，包括有：青瓜、蟹柳、牛油果、軟殼蟹，一啖食落口，非常滿足！😋鹽燒雞中翼(1串）$28水準之作，不過不失！炸雞軟骨 $66新鮮滾熱辣炸出嚟，擺上台都仲感受到佢股熱氣，用嚟送啤酒認真一流！😊

呢間主打卷物既日式餐廳之前已經同朋友食過幾次，價錢唔算好貴Cp值都好高，今次同朋友叫左幾款野食味道同樣有驚喜富士山 將卷物排到好似座富士山咁，面頭加入蟹柳同脆片更吸睛，餡料係鰻魚同牛油果味道不錯金龍卷 餡料加入三文魚、炸蝦同芝士，食落口感豐富，香口惹味清酒煮蜆上枱既時候熱辣辣，蜆肉份量都好多，清酒加左少許紫菜更清甜，值得一試日式麻醬秋葵豆腐沙律朋友想食清啲所以叫左個沙律黎試下，沙律菜好新鮮，加入滑嫩豆腐同麻醬大滿足

復活節假期同朋友去荃灣行街❤️食我最鍾意食嘅日本餐廳古今二☺️超級龍卷風卷物入邊包住炸到脆卜卜嘅炸蝦、鰻魚🍣最特別嘅係仲包住一舊芝士😋推介俾同我一樣係芝士控嘅朋友🤤表面鋪滿晒薯片碎🤩上面個燒汁甜甜地！味道同口感好豐富🫶火炙左口魚裙邊壽司新鮮嘅左口魚裙邊咬落爽口❣️經過火炙魚油緩層次更豐富🤤清酒煮蜆蜆肉肥美又厚又大粒，而且份量都幾多🙆🏻‍♀️湯頭清甜，最緊要無沙😉配菜仲有啲菇菇同洋蔥絲😚吉今日式煎餃餃子皮煎到香脆，餡料味道濃郁😋食到一粒粒豬肉同蔬菜，非常好味🤓自家玉子燒熱辣辣嘅玉子燒，蛋味濃厚🥰食到鰹魚湯日式清甜嘅味道，夠晒正宗🤩古今二 (荃新天地) (荃灣)荃灣楊屋道1號荃新天地一樓116號舖

荃灣創意日式卷物串燒、熟食都很推薦搖滾樂 $82由鰻魚、芝士、炸蝦、牛油果組成呢個combination 超正！食落好清新，唔會膩炸蝦好脆好香口👍🏻東京爆脆 $92吞拿魚+蟹柳內餡都有炸過食落真係脆卜卜好特別比一般手卷更有口感清酒煮蜆 $128份量都幾多蜆肉都幾大隻，仲加左d菇菇同海帶一齊煮味道好濃郁鹽燒鯖魚 $68都幾大條、味道唔會太鹹外皮烤得很香脆三文魚腩刺身 $69好厚身好肥美食落幾新鮮呀雜錦天婦羅 $88裡面有炸蝦、日本小番薯、秋葵外皮唔會太厚，同埋唔太油膩火焰金龍卷 $108面層有炙燒三文魚，內餡是炸蝦醬汁很惹味，充滿層次感冬菇串燒 $25串燒都唔錯，冬菇烤完都好多汁朋友忍唔住encore❤️還有多款日本酒可以點環境都很日系～喜歡日本料理的人不要錯過喔

有時晚餐都係行過就見到就試 呢一晚同朋友行街🛍我地唔算好餓 決定定少少日本野🏮就決定試這間位於商場內的古今二📍-地點方面，食物都係以日式為主，有唔同卷身、刺身、熟食等📝食物方面，我地先點左2款卷物🍙分別有彩虹卷🌈包括有刺身，牛油果🥑青瓜🥒同蟹柳卷🍙一次過可以食晒唔同款😋我地再點左名為煙花的卷物🤩原來係辣味三文魚，辣味吞拿魚，芝士🥢呢個味道比較濃❣️我個人鍾意有少少辣味呢😍-想暖暖胃我點了清酒煮蜆🥣份量反而幾多✅蜆既數量都多 同埋幾大隻 好鮮甜😋湯底好鮮~不過有少少偏咸❗️-朋友點左自家玉子燒🥚經典之作呢個一次有6件呢! 蛋都好厚實呀!😁-總的來說幾精緻 份量尚可 價錢適中💖而環境係舒服的呢!

還記得兩三年前在荃灣千色匯食過一間餐廳古今二佢哋嘅卷物相當精緻點知俾我發現原來佢哋荃灣又開咗間新聞分店在荃新天地所以打算再吃一下餐廳嘅座位唔算多亦都有在商場走廊嘅位置不過都有屏風擋住所以環境係唔錯嘅打開餐牌見到琳瑯滿目嘅卷物真係唔知點揀好最後揀咗佢哋嘅招牌菜金龍卷和蜘蛛另外亦叫咗龍捲風沙律和海鮮味噌湯金龍卷一次過滿足了想食炸蝦和三文魚嘅慾望炸蝦相當香脆三文魚新鮮之餘配上佢嘅沙律醬可以話係畫龍點睛味道豐富有層次蜘蛛我估個名係因為軟殼蟹有好多隻腳同蜘蛛有啲相似其實就係軟殼蟹加蟹柳味道亦係相當唔錯龍捲風沙律入面有好多生菜同埋蟹柳絲中間仲加入咗中華沙律食落去相當清新係一個非常好嘅餐前小食海鮮味噌湯呢個湯嘅味道都幾濃郁再加上佢嘅海鮮相當足料有大蝦亦有蜆仲有少少腐皮感覺相當豐富食完感覺係啲卷物係好有特色下次會再過嚟試埋其他款式

平日放假瞓到自然醒起身，突然好想食日本野，諗起古今二有好多款卷物選擇，食過都唔錯，其他壽司、刺身、燒物、小食等等都幾多款式，於是相約住喺附近嘅朋友一齊去食午餐。原來餐廳最近做緊10周年優惠，星期一至四四人同行食lunch set，一人免費！不過今次都係想試其他款卷物，所以散叫！餐廳店內外都有幾張枱，今次都係坐店外果張枱，靠近落地玻璃望商場內園景，感覺開陽啲有冇咁侷促！➺➺烈火紅唇$98卷物嘅名稱好有創意，「紅唇」其實係士多啤梨片，士多啤梨片甜甜地，完全冇酸澀味，同飯卷一齊食士多啤梨嘅香味都幾突出，感覺清新！入面係炸牛肉，一啖送入口，食到唔同食材嘅質感！另外師傅將卷物捏得啱啱好，唔會太實又唔會太鬆散！➺➺富士山$88飯卷入邊包裹住鰻魚、牛油果，上面係一大堆蟹柳絲，淋上日本醬汁同少量辣粉，幾惹味！➺➺龍卷風沙律$76有海藻、蟹柳絲、生菜、西式沙律菜、蟹籽、脆片，淋上大量沙律醬、日式醬汁，撈勻晒一齊食味道清甜可口！最重要係份量好多， $76嚟講係幾抵！➺➺櫻花蝦茄子燒$68之前食過，今次再encore，燒茄子嘅火候掌握得啱啱好，可以容易起到茄子肉，但又唔會整到爛蓉蓉！茄子上面嘅日式醬汁、少量

食晏時間咁啱喺呢個商場，咁就諗住喺呢度食一餐，行兩個圈，見到呢間餐廳🥢，冇乜考慮，就決定入去開餐😆$98「柚想蝦你」：個名幾得意😆，呢個其實係沙律🥗，材料有 柚子、蘋果粒🍎、牛油果粒🥑、海草、生菜、蟹籽 等，加埋胡麻將沙律汁，幾清新😆$98「忘不了你」：個名又係幾得意😆，呢個其實係飯卷，材料有 芒果🥭、炸牛肉、cream cheese 🧀，仲落咗蛋黃醬，味道辣辣哋，幾得意🤩$28「鹽燒雞中翼(1串）」、$32「鹿兒島黑豚荔枝卷串燒(1串）」：兩樣放埋一碟🤩；燒雞翼，我鍾意食😋；燒黑豚，幾甘香，加埋甜甜哋仲好多汁嘅荔枝，味道有趣🤩

黎到荃灣想食日本野就揀左依間古今二見佢餐牌上卷物的相好吸引😍店員都好好，一黎到就即刻比兩杯熱茶⭐️龍捲風沙律有蟹柳、海藻、蔬菜、脆片，呢個組合好夾，食落好開胃，仲要個份量好足夠，2-3人食都冇問題👍🏻⭐️火焰金龍卷覺得依個名好型😂🫶🏻，係三文魚+炸蝦+芝士組合，炸蝦超好食，本身我唔係好鍾意食芝士，但好驚喜這個配搭好唔錯🤩⭐️蜘蛛唔好俾佢個名嚇親😂呢個我真係超級推介，係炸軟殼蟹+蟹柳+青瓜+牛油果，軟殼蟹算大份，好夠誠意😆，牛油果又好特別，加分⭐️黑豚豬頸肉串串燒熱辣辣，豬頸肉一啲都唔油膩，非常惹味😋⭐️椒鹽雞腎雞腎平時好少日本餐廳有得食，即刻order試下，煙煙韌韌，好有口感，值得一試😁整體食物質素唔錯，CP值高😃佢位於荃新天地商場，地點好方便值得再encore🙆🏻‍♀️🥳

同哥哥行開荃新天地，見到呢到新開左間古今二，入面有好多特別既卷物😍跟著就吸左我地入去🤭富士山：整得好靚😍壽司上面舖滿曬蟹柳同埋脆片，食落幾爽身，入面仲要有饅魚同埋牛油果，幾多料！食落辣辣地，好惹味🤤金龍卷：岩曬我呢個三文魚狂迷，金龍卷入面有炸蝦、cream cheese，又有dd spicy既沙律醬，壽司上面再有三文魚！食落好有口感，味道都好豐富！清酒煮蜆：清酒既香味同鮮甜既蜆味融合左一齊，蜆食落幾新鮮嫩滑，亦都好爽身！湯汁飲落去都幾醇香鹽燒鯖魚：鯖魚食落肉質幾緊實，但油脂燒完，食落個口感好好！鹽味調到魚既鮮味出黎，唔錯！

常讓人念念不忘的的古今二當肚子只想吃小小清新的絕對是讓人會想起的卷物小店。荃新天地二期店有落地大玻璃,坐得舒服,即使一班朋友黎也很適合。-看美美的擺盤，果然沒讓我失望，-龍卷風沙律新鮮的沙律菜 ， 仲有好多中華沙律, 蟹柳及鹹香的蟹籽，簡單得黎一啖接一啖, 冬去春來正適合。 -蜘蛛一款讓人欣賞的創作壽司，以炸軟殼蟹、牛油果和蟹柳為主，一口食落有牛油果軟滑，又有炸軟殼蟹的脆口與咸香，surprise 。最正係炸軟殼蟹 好大隻超澎湃, 又有青瓜的爽口, 成個卷物超豐富，讓人有意外驚喜。-東京爆脆另一款讓人大愛的卷物,, 由內到外口感多層次吞拿魚和的蟹柳配搭，配搭中間炸過的海帶脆脆, 鹹香和脆爆的口感，幾重享受。脆海帶又有米飯的軟糯，一口真的吃不完-古今日式煎餃皮唔會太厚，哎落肉汁都幾juicy

耐唔耐總會想食下日本野，但唔係太好刺身嘅我，就總會諗起屋企附近嘅古今二，主打各種食材配搭嘅卷物！呢到裝修主要係木系為主，位置闊落，我地要咗個龍卷風沙律，古今日式煎餃同埋鹽燒雞中翼。至於卷物就點左紅龍卷同蜘蛛。龍捲風沙律材料包括蟹籽,海藻，脆片同埋大量蔬菜。蟹籽份量超多，顏色鮮豔，配上同樣脆口嘅脆片，令沙律口感豐富，加上調左味嘅沙律醬，少少辣，味道清新醒神，夠晒開胃。燒雞中翼同煎餃子，雖然看似簡單但好啱我地口味，日式餃子好好食，雞翼燒左夠香口，肉嫩juicy！主角蜘蛛卷有蟹柳，牛油果，青瓜同埋炸軟殼蟹；紅龍卷就有吞拿魚，炸蝦同芝士。 我之前都試過其他卷物，每款都有佢哋獨有嘅醬汁同埋唔同食材搭配，所以都好有驚喜，加上佢地嘅擺碟或者鋪面材料都唔同，所以真係唔會食厭。壽司份量十足，大細啱啱好，飯同食材比例一流，一口大小，飯又唔會乾身。個人就好鐘意卷物多於壽司，因為口感同味道較豐富，所以一定會encore又encore!

之前見過好多foodie介紹呢間主打日式創意卷物嘅古今二，今日趁住下午茶時間比較少人，我都黎打下卡😇火山🌋($128) - 呢個其實係蟹柳帶子卷，不過presentation就創意十足打卡一流😄 卷物上面舖左厚厚嘅蟹柳絲同帶子粒，店員上菜時會喺碟邊點火，就真係好似個火山咁😂撚滾樂🍣($82) - 呢個係鰻魚炸蝦卷，2個食材都係我最愛，一流嘅配撘。飯卷入面仲有大大舊忌廉芝士，芝味濃郁🧀清酒煮蜆🦪($128) - 清酒煮蜆係日式料理必點之一😋 呢度嘅蜆好大隻，咬落啖啖肉，酒味偏濃但幾清香。自家玉子燒🍳($55) - 一份有6件，上面有蛋黃醬同日式醬汁甜甜地，幾有日式風味。

古今二 (荃新天地) (荃灣)荃灣楊屋道1號荃新天地一樓116號舖龍卷風沙律🥗有撈起嘅感覺沙律有蔬菜、海草、蟹柳、脆片同蟹籽，口感爽脆，清新開胃！午夜牛郎三文魚同牛油果芝士，入好滑嫩，清新健康，口感豐富。青龍卷牛油果、鰻魚同蟹柳配合得鹹甜得宜，鍾意食牛油果🥑嘅人必食推介。椒鹽雞腎（2串）雞腎為主，配上椒鹽調味，鹹香脆彈，有嚼勁！秘製蒜香牛油燒帆立貝帆立貝配上秘製蒜香牛油燒，好香口同鮮美，大隻又抵食，炭燒味濃。

返工放工之後喺荃新天地食嘢 餐廳都算好多 今日嚟到呢間古今2 要早少少呢如果唔係就要等一等位 食咗呢個鹿兒島黑豚荔枝捲串燒 裏面有荔枝咬落去新豬肉個味都好開胃 豬肉juicy 柚想蝦你 salad 分量好多啱曬同朋友share 裏面有牛油果 生菜 甜蝦 蟹籽等等 十分豐富 主菜點咗個彩虹卷 有牛油果 三文魚 青瓜 蟹柳 感覺都好開胃 士多啤梨益力多 好香士多啤梨味 好多果肉 感覺健康 呢度坐得舒服 服務到位 地點都好方便 仲有選擇好多 有多款日式料理 啱曬一家人嚟食晚飯