去滾 (裝修中)

今日嚟到銅鑼灣一間樓上嘅火鍋店，呢度嘅裝修用咗好多霓虹燈嘅裝潢，仲有好多好搞笑嘅字句，充滿香港地道特色，呢度有VIP獨立房，而且仲有卡拉OK設備，呢度另一個特色就係有一個露台, 會有枱凳，一大班朋友食飯時，中途仲可以出去吹吹風, 同朋友傾下密偈, 景色都好唔錯胡椒豬肚雞鍋🐔🐔呢個鍋材料豐富又好似多兩樣餸食咁，有豬肚又有雞，雞肉非常嫩滑，最緊要飲啖湯先，因為真係好濃郁，胡椒辣辣地, 非常好味至尊天九牛腩頭🐂🐂呢個我覺得比普通肥牛更有咬口，味道更好，無咁肥膩, 而且店鋪都好細心, 有個指示牌教你「 只需要淥 10秒就可以食啦，時間啱啱好, 可以食到最好嘅質感蟶子皇🥰🥰非常新鮮，肉質鮮甜脆口菜灼鹽搞唔餃 （菜苗餃）🥟🥟餃子嘅皮唔會太厚，用蔬菜做餡, 健康又唔肥牛 B仔 （手打牛丸）😍😍因為手打，特別彈牙, 調味好好唔係椰菜花 （椰香脆麻花）👍🏼👍🏼🥳🥳呢個甜品, 私人真心特別推薦，賣相靚之餘，仲要係即叫即炸架，所以特別香脆，配埋椰絲，甜甜地特別好味

今晚同好友去銅鑼灣睇戲, 睇完打邊爐~~黎左呢間新開既"去滾", 餐廳環境好特別好新潮，好多 neon light ,好靚~~ 仲播好多我中意既歌!!我地先叫左個鞭鞭有力湯 (川芎白芷當歸天麻魚頭湯), 成個魚頭奉上,侍應會幫我地放入鍋內, 煲AROUND 10分鐘, 已經可以飲, 都講個湯底真係好鮮甜, 入面仲有D 藥饍味,唔錯!!之後點左個炸咸蛋黃魚皮, 魚皮好脆口, 好好食, 食完一件又一件, 停唔同口.另外我地點左廣島蠔, 大大粒, 肥美又鮮甜.A5野崎牛肩肉, 高質, 油花靚, 食落鮮嫩可口, 涮10秒已經食得, 正!!蝦丸爽口, 彈牙, 而菇菌類都唔錯, 新鮮, 吸收入魚湯既精華~~最後仲叫左個薑汁蕃薯糖水, 少辣又少甜, 唔錯!!OVERALL 價錢合理, 環境又OK, 推介!!

因為呢間鋪嘅裝修同佢個會著火湯底今日去左試呢間火鍋店我哋叫左個龍蝦花甲海鮮湯一開始佢會加啲海鮮落去煮左先然後再加湯打邊爐著火呢下係幾好睇嘅但後來發現 除左著火呢下好睇之外其實其他野都冇特別 又唔係特別好食而且係覺得唔值呢個價錢鬼佬中出（蝦膠釀油炸鬼）完全唔覺得脆 淨係覺得好q硬香煎厚切午餐肉又係硬到乜咁即日手切陀地本地肥牛 同埋 安格斯手切肥牛除左個安格斯肥牛切到好薄令我好驚訝之外 都係冇乜特別 稱不上好食成晚都冇一樣食物係令人覺得好好食係著火嗰下好好睇值得一讚之外其他冇野可以讚到 食完會覺得唔值呢個價錢囉 仲要唔飽

一起去滾吧，食火鍋食上隱，與朋友來到銅鑼灣滾。金朝陽中心2期這裡有不少餐廳選擇，而去滾就在27樓。入到餐廳，挺驚喜，設計混合中西文化特色，新派火鍋店。店員同我地介紹話食完野可以戶外bar飲杯野。去望望先，的確挺美。點了下👇面二人套餐金甲脆魚皮鞭鞭有力湯A5 野崎牛肩肉日本廣島蠔哈波子(4粒)長生不老(雜拼盤)家鄉番薯糖水金甲脆魚皮先上枱，擺設好趣致，碟好精美。脆魚🐟皮除了脆還有香，帶微辣，無論滾吾滾，都好滋味，好久沒吃過這麼香脆滋味的🐟皮。鞭鞭有力湯個名都話你知健補湯,除了藥材外還有魚頭添，趁湯第最原味時品嘗幾口，很好喝。哇，冒煙的東西來了,是A5 野崎牛肩肉，個人愛它的肉瘦，放在湯，20秒食得,牛香肉嫩。日本廣島蠔有三個，富鮮味，個人不沾調味料，更能品到其鮮味。長生不老是指雜菇。味道或需沾調味醬會好吃點。另外最後要讚一讚和魚頭好美味，魚腦很滑而肉也夠嫩。整體來說，值得三五知己來滾下。

吃火鍋也可以吃得有格調！一上到去就看到各種各樣霓虹招牌和懷舊插畫海報，聽著耳熟能詳的經典金曲，在不少細節位都感受到一種濃濃的香港味道。這種時尚裝潢加上懷舊古典風情，很有科幻 cyberpunk 的感覺。等待火鍋準備期間點了個小菜嚐嚐，就是人見人愛的蒜片牛柳粒。沒想到賣相這麼吸睛，有牛魔王伴碟十分可愛。牛柳粒夾著金黃香脆的蒜片來吃，口感既軟嫩又香酥。天氣漸涼去滾一滾就最適合不過，我們點了韓國人蔘山藥烏雞湯滋潤一下心脾，喝一口湯底，真材實料味道鮮濃，暖身又滋補呢嗜牛朋友來吃火鍋必吃靚靚牛肉，點了份A5野崎牛後肩肉柳，價格稍高，但品質絕對有誠意。牛肉部位質感超細緻，油花分佈均勻，稍微涮幾下就能入口品嚐，口腔立刻充滿肉的香甜味，口感多汁軟嫩。濟州黑豚豬頸肉帶誘人的粉嫩色，滾熟來吃肉質爽脆Q彈，還帶點油花甘香冰豆腐吸滿清甜湯汁精華，超好吃的這碟餃子叫火雞姐搞唔餃，哈哈，名字都很有趣，其實就是手剁牛肉餃吶。百花齊放蔬菜拼盤有多種蔬菜選擇，可以自選三種，新鮮度十足。吃完火鍋就吃個臘腸冬菇滑雞煲仔飯，沒想到火鍋岀色之外，連煲仔飯也好吃得要豎起大拇指。上桌後店員就幫我們把醬油和香蔥芫荽加到熱騰騰的瓦煲內

襯著另一半要加班，明目張膽約了閨蜜《去滾》😋😋😋，此時此地《去滾》不再是男生專利了 🤣🤣🤣。《去滾》，要開房才夠精彩，K房可容納12-14位一同開餐，邊食邊唱無難度。K房充斥著嫵媚的女郎，時刻為客人添酒伴唱，給人無限的遐想💖💖。無線咪卡拉OK，任玩任唱無限時 🎵🎶🎤🎶🎵🎤🎶🎶，咪神、K控就真的賺大了……😄😄靚到暈的戶外夜景座位，不是攝影效果，是100%的現場實景 💖💖💖，是石屎森林中的一抹美景！三、五知己把酒暢談，再來個另類圍爐，夠完美吧！入正題，今晚二人世界的邊爐餐，選中了胡椒豬肚雞窩湯底，豬肚份量不少，原粒胡椒，味濃暖胃 👍💖💖另跟有肥雞半隻，目測新鮮肥美。火鍋少不了靚牛肉，至專天九牛腩頭，不多火鍋店選用，紅白分明，滾一滾即可食用，質感不韌，有牛肉味，是優質牛肉 👍💖💖輕點了少量海鮮，原隻貴妃蚌，賣相精緻，美輪美奐！貴妃蚌拆肉清洗乾淨，冰底上枱保持新鮮，值得加分。淥一淥即可，鮮甜海產。另類火鍋必備，當然就是 “餃、丸、菜”餃 - 菜灼鹽搞唔餃 (菜苗餃) - 挭係搞，《去滾》唔餃，又何必滾……🤣🤣🤣，超爛吧！丸 - 牛B仔 (手打牛丸)，質感彈牙，牛味鮮濃！菜 - 蔬菜拼盆，有豆苗

最近發現登龍街開左間新嘅火鍋店，喺openrice見到好似幾特別，嗰晚就約男朋友一齊去食！😽「去滾」，餐廳名已經改得好香港，門面仲寫住「唔滾唔知身體好」，見到呢啲諺語就覺得好本土好正！餐廳內部都係昏暗為主，但燈光設計得好好，見到呢幅好靚嘅feature wall，一定係打卡位！經過見到原來佢地可以book房，6-8個朋友一齊黎就啱啱好！而且牆上面嘅插畫都畫得好有特色！去滾一定無咁簡單，呢到仲有個露天area，有啲梳化喺到比食客坐下飲下酒，任何人都坐得！我地食完都出黎坐左陣，好chill！🐮至尊天九牛腩頭（$378）🔸擺盤好精緻！廚師好有心機🔸牛嘅質素好好，薄薄一片牛味十足，而且一啲都唔韌桂花蚌（$58一隻）見到佢地有游水海鮮，好似幾唔錯咁🔸爽口！好鮮甜！真係新鮮架！🔸有冰鎮住桂花蚌，仲有乾冰有煙霧效果菜灼鹽搞唔餃（$58）🔸竟然拎左我兒時偶像阿Sa個名黎玩，其實係菜苗餃，真係好有創意🤣🔸而且係自家製，好味！-牛B子（$68）🔸極度推介手打牛丸🔸真係好彈牙好有牛味竹蔗馬蹄水（$98）雖然已經好飽，但最後都係叫左個甜品！唔係椰菜花（$48）🔸其實係椰香脆麻花🤣🔸呢個甜品好好食！大家就算乜都

最近嘅香港火鍋店都鍾意混合本土傳統懷舊特色同埋摩登元素呢一間都唔例外大房仲可以唱埋K添仲有個露天海景位俾客人飲嘢傾計金甲脆魚皮菜式非常精緻 一個陶瓷公仔注水之後仲會放出乾冰煙非常有心思魚皮鹹香無比 非常香脆可口枝竹羊腩煲秋風起最適合打邊爐依度竟然仲有另一名必食羊腩煲食材非常豐富足料 而且有雙荀 味道好正宗鴛鴦湯底指向我地點左啲火鍋配料野崎牛稀少部位品嚐盤絕對係物超所值嘅拼盤分別有A5和牛肩肉 同埋牛腰肉口感味道絕對非同凡響 而且肉質非常鮮嫩 令人回味無窮新鮮牛脷芯師傅刀工精巧切到非常薄勺一勺熟就食得而且肉質非常腍身

每年媽媽生日都諗到頭都大埋，同佢去邊到慶祝好，本應諗住食 buffet, 但細佬今次竟然提出帶我同媽媽去滾，咁難得由他提意更係好啦，最緊要媽媽開心嗟，細佬話由佢去訂定位。今次真係大開眼介，間餐廳好多呃 like位，好鬼靚！ 室內環境偏喑天花寫滿去滾字句。還有露天戶外靚景比人客人飲野食下小食咁樣，開瓶費$200 估唔到有媽媽喜愛嘅臘腸雞煲仔飯食呀，細佬好細心 order比媽媽架，份量夠又足料，還有飯焦可用火鍋湯底泡飯，味美非常，臘腸用左特瘦唔會過油膩，雞肉香滑還有冬菇同菜遠。 驚喜滋味無限！湯底揀左花膠雞燉湯，店員教我地等湯底滾起後先飲湯，膠質重雞湯味濃整體好味美。冰豆腐豆腐吸力特強，所以放湯後能吸收晒湯的精華，軟滑可口雞湯入晒味。濟洲黑豚豬頸肉切法用上粗條狀，熟後爽口又嚼頭，一點豬嘅臊味都無，原來切粗條反而口感較佳，下次自己可以試下！ 另外試埋推介嘅A5野崎牛肉肩牛柳，色澤新鮮嫩紅，雪花紋油脂未食見到都覺得入口溶化，果然只需要灼幾秒已經牛香四濺，好快入溶入口裡，真係好好味，不比和牛差都屬A5系。

朋友請食飯賀我生日，竟然話帶我同我老公去滾，原來係高級火鍋個店名就叫"去滾", 知道笑左笑，大家相約係銅鑼灣燈籠街集合，2pair人去左金朝陽中心 II 27/F, 一開 lift門已經好有玩味裝修，好多五彩十色嘅燈箱，還有特色包房同戶外露台供客人飲下野食下小食的。有幸朋友介紹一間了呢間我未食過嘅餐廳賀我。食物選擇不少除火鍋食品外，還有熟小食的，朋友發版，我地什麼也食的，湯底係韓國人蔘山藥烏雞湯底，湯滾起就可以試口先，淡淡人蔘味撲鼻還配上鮮淮山同烏雞，原條韓國人蔘奶白雞湯味道濃厚。朋友推介必食嘅蒜片牛柳粒，送上枱好多煙，原來送餐用具係隻牛魔王黎架，好得意呀，重點係蒜片好香脆牛柳粒就牛味濃惹味兼可一口一粒，爽呀！A5 野崎牛後肩肉柳 (里肌芯)第一次食到呢款牛肉，牛嘅油脂分佈均勻，有著好靚的雪花紋，而且只需灼幾灼就食得，夾起未食都已聞到牛嘅香味，真係好高級嘅牛肉，軟滑又牛味濃，真係一分錢一分貨，大約6片左右 size都大片的。菜盤可自選三款菜，豆苗，西洋菜同油墨菜，全部都係我鐘意嘅。火雞姐搞唔餃 (原來係手剁牛肉餡) 豬肉餃食得多，而呢間店竟然用手剁牛肉做餃子餡，實的的真材實料，食落有

行經銅鑼灣，見到有巨型海報寫住「去滾」兩隻大字，出於本能驅使下，決定上去了解一下。店內都是香港特色的霓虹燈，而房間內都有不同的性感女士，超有特色，裝修用心，抵讚！其中「東宮」和「西宮」更可唱K玩樂，真係不得了！平台位置亦設有特別的「邊爐」區，可以拎埋杯酒出黎，一邊欣賞維多利亞港，一談風月！餐牌和墊枱紙也有悉心設計，用上了香港報紙分類廣告的排版，好看又有香港特色！混醬區提供的配料和醬料有很多款，任溝唔嬲！鞭鞭有力湯 $268是巨型的魚頭鍋，還配上川弓、白芷、當歸、天麻等藥材，男嘅食完鞭鞭有力，女嘅食完滋補養顏！魚頭鮮味唔腥，仲要好好肉！湯底藥材味適中，啲藥材上菜時已經放咗入罩哩入面，啲藥材唔會滾到周圍都係，覺得太濃仲可以一下起走佢，相當細心，抵讚！金甲脆魚皮 $88蛋黃醬是鮮製的，上菜時還是很熱！魚皮香脆可口，咸蛋黃醬又香又濃，仲有少少辣椒碎增加刺激感和解膩，而且份量都唔細，必點推介！鹿兒島A5野崎牛肩肉 $398賣相精美，油花均勻，入口即溶，牛味濃郁，甘香可口，料靚就點烚都一樣咁好味！ 哈波子 $68手打蝦丸，鮮甜爽彈！日本廣島蠔 $38/each肥大肉厚，味道濃郁！長生不老雜菇拼盤

星期五晚去咗一間好型格嘅餐廳打邊爐😛餐廳裝修新潮港式feel, 一路播住香港同台灣流行歌，好有氣氛。可能因為餐廳比較新，音響設備非常好。朋友未到我哋就叫咗一個前菜食住等。個黃金炸魚皮好邪惡但係好好味😋試咗兩款牛，至尊牛腩頭，A5野崎牛肩肉。兩款肉質都非常好，牛腩頭肉味濃，牛肩肉好肥美肉質好嫩滑😋另外就叫左啲丸同埋菜，質素都幾好。我哋叫咗個魚頭湯底，個魚頭好肥美，魚湯啲魚味好濃郁，啲菜最後吸唒啲魚湯，好鮮甜。個湯清清地，感覺唔會太油膩，最後食得好滿足😇

首先， 餐廳個名已經吸引到我，身為為食家， 聽到「 去滾」都已經豎起耳仔！ 地點就不用多話，「去滾」位置非常方便，喺登龍街嘅金朝陽中心27樓， 銅記識食嘅人應該無人唔知係邊到啦！我地坐低左之後， 就行咗間餐廳一轉，𠵱度地方都算非常寬敞，仲有一個大露台俾你呼吸「邊爐 」，裝修採用懷舊風，燈光恰到好處， 牆上有不同國家嘅性感女士嘅人像圖，我心諗我今日喺咪真喺 「去滾」先？今日我地叫左呢幾樣「 去滾」：* 金甲脆魚皮* 駌鴦湯底（ 蕃茄豬骨薯仔湯+海鮮麻辣湯）* 野崎牛稀少部位品嘗盤* 新鮮牛脷芯* 牛B子（手打牛丸）* 唐生菜* 支竹羊腩煲首先要讚一讚個支竹羊腩煲，試咗一口羊腩，好明顯真喺燜咗好耐，好入味好腍身。食到尾水，落唐生菜佐膳就可以吸收埋指定動作啦！之後，講番個湯底，蕃茄湯不過不失，值得一提就喺海鮮麻辣湯，入面有新鮮嘅蝦蜆同埋藥材，麻辣（麻多一點）既海鮮鮮甜再加藥膳嘅配合真係好令我「脷」目一身！再講番手切牛嘅食材，野崎牛稀少部位品嘗盤包里肌芯、牛腰脊同牛肩肉加埋另一碟既牛脷芯，全部睇過賣相都知道高級貨，油花好平均，有埋指引話比你聽要淥幾多秒，試哂四隻牛款，四隻都好有厚肉質味道！如果

日日番工做機械式既工作，有時都真心覺得幾悶。不過冇錢冇享受，所以放工都鍾意揾一些美食，或者特色的餐廳試下，慰勞一下自己😆 今晚好特別！女友興致勃勃同我講，叫我去滾😳😳😳 好彩我壓抑住興奮既情感😏，原來佢係帶我黎銅鑼灣依間新開「去滾」火鍋店！-餐廳裝潢下了不少功夫，很多幽默打卡位。 還播著80後耳熟能詳的流行曲，一種好relax 的氣氛，令人享受「去滾」。 我們帶上紅色的肚兜（圍裙）開始打邊爐。-火鍋湯底有多款，有些還改了幽默名字，例如鞭鞭有力湯、後欄剋星、密密翻啅湯等等。 我們點了「胡椒豬肚雞鍋」。料足湯濃。獨特的胡椒香氣讓人吃過一次就難忘。濃郁辛香的湯、軟嫩的豬肚、鮮美的雞肉，喝了數碗才開始打邊爐，暖心暖胃。-每次火鍋，牛肉是必點的。「至尊天九牛腩頭」賣相超靚！厚切牛肉片片整齊排列著；牛味相對肥牛濃郁，質感帶韌性有咬口，脂肪紋理分怖平均，灼灼十秒就剛剛好！ 配胡麻醬很惹味。-還點了數款海鮮配料：「原隻貴妃蚌」很鮮甜爽彈！ -「菜灼鹽搞唔搞」 其實是菜苗餃，皮薄餡足！-「牛B子」很欣賞這裡的手打牛丸！十分彈牙，還加了黑松露呢。-「百花齊放蔬菜拼盤」吃了那麼多肉，點了蔬菜盤來中和一下。有

自古以黎，男人都係鐘意去滾，時代唔同左，而家男定女都好，都係鐘意去玩去滾，而我地呢? HAHA~ 滾下滾下打邊爐就有我地份黎到MIDTOWN食野，總有少少期望，因為開得係呢度，多數裝修同CLASS都有番咁上下，果然呢間完全無令我失望，懷舊得黎當中有唔少配合主題既字句同畫作，置身其中打邊爐都醒神D呢度有幾間箱房，最細o個間min charge $2500可以擺4-6人，另外有間$3000就容納8-10人，有間直頭有得唱k，$6000可以擺12-14人，計番都真係幾抵，房入面最吸引我既就係牆上人手繪畫開美女圖，真係畫得好靚呢度仲有個OUTDOOR AREA，維港景色，打完邊係呢度飲下野勁CHILL打邊前例牌混下醬先細心望下個MENU就會發現有唔少菜名都玩味十足，一路揀野食一路笑呀每個人都有一個「肚兜」著，咁就唔會整污糟自己LA金甲脆魚皮 ($88)記得要趁熱食，蛋黃醬加少少辣椒，魚皮勁脆，食到停唔到口鬼佬中出 ($95)呢個名真係夠曬抵死，其實即係蝦膠釀油炸鬼，又係要趁熱食LA，咁油炸鬼就唔會變硬LA鴛鴦湯底 ($258)鴛鴦湯底就最好，可以試兩種湯底，我地揀左海鮮麻辣湯加蕃茄豬骨薯仔湯，