去滾 (裝修中)

銅鑼灣開左間新火鍋店叫去滾，環境佈置好配合主題！首先我地火鍋要左鴛鴦湯底，係蕃茄豬骨薯仔湯拼海鮮麻辣湯$258，湯底裡面本身已經有好多料，海鮮有蝦、蜆、仲有菇，麻辣都真係幾辣，但越辣越滋味；蕃茄薯仔湯豬骨大大舊，仲有粟米，超濃郁。不少得配了野崎牛稀少部位品嘗盤，有A5 野崎牛後肩肉柳里肌芯、野崎牛腰脊同A5 野崎牛肩肉；牛後肩肉牛味最重，有雪花油脂較多，相對也比較腍身，另兩款質素都不錯。新鮮牛脷芯 $88，薄薄一片片，但有口感，份量好多，食極都有！牛b子 $68，即係手打牛丸，有4 粒唔算平，但手打果然好彈牙。鬼佬中出$95，其實係蝦膠釀油炸鬼，除左魚皮、響鈴，油炸鬼都可以打邊爐，原來都幾好食！ 不過就咁即食都得，就硬身d，可以點雞醬食！ 竹蔗馬蹄水(每樽)$98，一樽可以大概斟到四杯，冰涼又清甜，解渴又解辣。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

姊妹齊齊去滾‼️之前見有朋友去過 見裝修好過癮所以一直bookmark左 終於有機會去試下啦一去到就瘋狂打卡 有好多金句 超好笑有幾間房 仲可以唱k添搞party也不錯喎👍🏻仲有露天位置 食飽岀去呼吸下 正呀另一樣好值得提嘅係呢到個歌list好啱聽😂老闆有taste呀👍🏻今次就嗌左個二人set食 份量剛剛好 食得飽飽🧡 胡椒豬肚雞鍋湯底絕對係呢到嘅賣點之一！胡椒味好濃 豬肚炆得好淋未打邊爐之前我已經飲左幾碗😂呢個湯底有半隻雞 分開上嘅 慢慢食👍🏻🧡 至尊天九牛腩頭牛肉味頗濃 脂肪不算多蝴蝶切 令牛肉有點厚度 有咬口喔唔需要淥太耐 七八成熟最好味🧡 原隻蟶子原本呢個餐係食貴花蚌 不過無貨喚所以轉左蟶子 蟶子都好大隻呀！肉質爽口又新鮮🧡 菜灼鹽搞唔餃 (菜苗餃)🧡 牛b子 (手打牛丸)呢兩款餃子同手打九類個名勁得意😂菜苗餃好多餡 多菜少肉牛丸都算彈口👌🏻🧡 百花齊放蔬菜拼盤舊時打邊爐唔會嗌菜 淨係食肉😂近呢一兩年想健康啲 點都嗌返個菜拼盤食下~蔬菜款式多 夠新鮮 正🧡 唔係椰菜花 (椰香脆麻花)最後有個甜品嘅 麻花又薄又脆 加埋花蜜同椰絲 完美結束呢餐甘潮又舒服嘅打邊爐👍🏻🍽 去滾🔎 銅鑼灣

出左糧梗係要去滾啦！叫左雙拼湯底 番茄豬骨薯仔濃湯拼麻辣海鮮鍋好足料呀兩個湯底都 大大舊豬骨 粟米 麻辣有小小藥材味 有好多蝦同雜菇金甲脆魚皮炸魚皮係新鮮即炸 沾埋咸蛋黃 咸香味一流 食落仲係好熱架！賣相搞笑玩味濃新鮮牛脷芯份量好多 只須煮6秒 好爽口又有牛味野崎牛稀少部位品嚐盤omg見到真係忍唔住尖叫牛腰脊+A5野崎牛肩肉啲油花靚到未食都知正！食落真係入口即溶 牛油味散發係口中 肉質細嫩 真係值回票價！牛b子（手打牛丸）好彈牙同juicy 牛丸入面有啲牛肥膏令到咬落去會爆汁 好正鬼佬中出（蝦膠釀油炸鬼）個名真係好有創意🤣新鮮炸既油炸鬼 再點啲湯食 冇咁熱氣 但同樣都係好香口 蝦膠又大塊又彈牙！仲食左羊腩煲暖一暖胃 羊腩炆得夠林 都好入味支竹我至愛 食得超級飽！呢到個鬼枱好得意 野食有質素 又坐得舒服 會再黎！

今日同朋友慶祝生日，去左銅鑼灣新開的餐廳，去滾，餐廳內裡裝修好有氣氛，outdoor仲睇到維港靚景。叫左個小食，金甲脆魚皮 $88，配合餐廳主題，上碟用左隻噴煙的尿尿小孩，視覺效果不錯喔！炸魚皮很脆，充滿咸蛋香氣！吃完一塊又一塊！支竹羊腩煲 $368，天氣開始凍喇，平時多數打邊爐，今日同朋友去食羊腩煲就岩晒，身邊好多朋友都唔食羊，因為覺得有羶味，但我就接受到，每年都會食兩三次。明火即煲，冬天食暖笠笠既感覺。羊腩煲裡面除左有羊腩，仲有好多支竹同冬菇，個汁好入味！ 羊腩唔算好羶！啖啖肉！加埋個唐生菜 $48，生菜滾兩滾，味道已經好濃郁，切成一棵棵而不是一片片！口感更佳。壽桃包$20 一個，朋友生日我地order左壽桃包，餐廳仲好好安排左煙花蠟燭比我地，壽星女好開心呢！

火鍋店而家開到成行成市，要搵一間有特色都幾難，有朋友介紹呢間裝修好有特色同食物質素非常好嘅火鍋店，唔使諗一於去試吓，一入到去，真係勁有特色，枱同枱之間都隔得好遠，完全唔會有壓迫感。先叫個餐前小食，蒜片牛柳粒，上枱都好別緻，有個出晒煙嘅牛魔王做裝飾，牛柳粒好juice,完全冇overcook,加埋炸脆嘅蒜片一齊食，勁正。打邊爐先叫個湯底，我地叫咗韓國人參山藥烏雞湯，個湯底都幾濃，入面都好足料，一大條人參，有半隻烏雞，所以個湯勁好飲，未打邊爐已經比我地飲咗一半。A5野崎牛黎肩肉，係厚切，比平時d肥牛厚好多，雪花好均勻，肥瘦適中，好重牛味，入口即溶。濟洲黑豚肉，呢個黎自濟洲嘅豬肉，真係同平時食開嘅牛好唔同，食落有少少爽口，雖然見到好似好肥，但食落完全唔油，冇油膩覺。冰豆腐，要黎吸收湯嘅精華最啱，個豆腐好重豆味。火雞姐搞唔搞，呢個名好攪笑，原來係手剁牛肉餃，呢個餃個皮好薄，入面d牛肉好爽口彈牙，果然係自家制，同出面街果d完全唔同，好食。蔬菜籃，都有3款種類嘅菜最last食返個臘腸冬菇滑雞煲仔飯做結尾，呢個煲仔飯d飯粒粒粒分明，撈埋佢地d秘製醬油，好好食，佢個飯仲有飯焦，好香口，呢個飯主角完全係

銅鑼灣美食林立，想打響名堂絕對唔係容易！ 呢間去滾就真係好出色！ 我地好多時食好野都會黎midtown。絕對質素保證💥好啦！ 我地今晚食左plan B. 價格988兩位，唔便但食完，我覺得物超所值！炸魚皮喺黄金咸蛋炸魚皮！好香口，有少少辣，但咸蛋黃味好出眾！好大碟！兩個人好難食得哂😂至於碟A5牛肩肉，好靚！雪花紋分佈得好好，每片都鮮紅， 陸一陸，好諗！ 高級🐂牛肉係唔同d! 而且用一座冰山上台，可以慢慢食！ 上碟都大方，好滿意！哈波子呢，就當然真材實料啦！ 粒粒蝦🦐蓉組成！ 好新鮮，彈牙！厚實的口感！ 廣島蠔同雜菌菇🍄就正常啦！ 如果菇可以有少少南瓜🎃或芋頭就好啦！ 😛最重點的是！個湯底啊！個大魚頭啊！ 呢個絕對絕對係養生之選！ 識飲湯的朋友都知道川弓白芷當歸天麻魚頭湯🥣係超級超級有益身心！ 另外個大魚頭簡直嚇死我呢個大鄉里！ 好落本！成個湯底好濃郁！ 好真將！ 我地飲左三碗先開始打邊爐😅😂 呢間餐廳🍴十分有氣氛！好復古！播d歌都好香港地！ 每個座位有cusion可以舒舒服服！室外仲有打卡位！ 不過都好多人食下！ 要黎就快！ 哈哈！

友人發現一間新開幕的特色打卡港式火鍋店。於是膽粗粗上黎試水溫！先講下店內環境，餐廳為配合「去滾」主題，有好多精緻的壁畫。暫時post一張，其他等大家自己去發掘啦！點餐紙和餐具都好配合到主題，尤其係點餐紙上既菜名都好有心思，未開始食，已經充滿期待。我們選了「癡膠花癲雞燉湯」，店員建議我們先試飲湯底，因他們稱湯底就和中湯一樣滋潤。一試果然是很濃郁又多膠質，感覺到滿滿的膠原蛋白！又叫了一些小食「金甲脆魚皮」和「黃金魷魚鬚」。又脆又香鹹蛋黃味。打邊爐除左湯底，配料都好重要，尤其係肉類。叫了個「至尊天九牛頸脊」，旁邊菜牌亦有建議煮食時間，加上本身牛肉雪花分佈均勻，又夠牛味，讓味蕾得到滿足感。真係一分錢一分貨，同任食打邊爐係截然不同的兩個層次。食到咁上下仲可以去餐廳內的露台吹吹風，消消濟。秋風爽，呢個時節最岩露天打邊爐，又有風景睇，我們有問店員可否轉出面用餐，可惜已有其他客人book左。想在露台用餐的朋友記得要book台留位。

吃貨慶祝總是吃 剛好兩隻都超愛打邊爐胖兔來香港 就找了一間很港味的火鍋店九十年代懷舊設計 霓虹燈夜店復古風格大大隻字女人唔緊男人去滾 啱影相打卡condom濕紙巾 求職廣告墊檯紙 勁盞鬼音樂頗大聲 播的是哥哥千嬅祖兒鄭秀文土生土長聽廣東歌長大 會忍不住跟著唱整個環境和氣氛 都很過癮令人很有共嗚跟胖兔解釋完老香港情懷 重點自然是食-🥘胡椒豬肚雞鍋 $238鍋底選擇非常多 主打港式湯底標榜足料見天氣涼涼地 就揀了個胡椒豬肚雞湯鍋奶白色湯底裡不少酸菜豬肚 仲有半隻雞雞肉另上自己烚 店員說熬得耐雞肉會柴湯底濃郁也有胡椒味 好味到齋飲咗幾碗胖兔也忍不住哇一聲 說港式湯底很厲害-🥟菜灼鹽餃唔餃 $58食字的 我問蔡卓妍攪唔餃？當然係攪😂其實係菜苗餃 叫咗細份試試菜比例較多味道正常 仲有隻牌九寫著菜名影相盞鬼-🐂牛B仔 $68別以為是哪個奇怪部位 其實是手打牛丸口感彈牙且有牛味 盲猜手打丸類可一試-🐚蟶子皇 $68水箱即撈即劏反哂光 睇樣都感覺好新鮮果然入口非常爽口 爽脆硬淨鮮甜非常正-🐂至尊天九牛腩頭 $378油花漂亮分佈均勻 份量不細有一定厚度牌九寫十秒 烚完略帶血水但吃起來軟嫩有肉汁有肉味 被

二十人嘅生日派對, 我們揀左去滾，銅鑼灣比較方便，加上有房又有得唱K，環境好特別亦好新!我們訂左西宮房，得14人枱，不過有卡拉ok Sofa可以坐，房間空間廿人足夠有餘生日壽包必食火鍋底係龍蝦海鮮鍋，非常有鑊氣，湯又好夠味，我們無限叫不同野食，加2支VSOP，一共$10600埋單，玩足成晚! 每人平均6百一位一啲都唔貴喎~

今日同幾個朋友同埋女朋友一齊食飯，去到登龍街一間上樓打邊爐嘅餐廳，餐廳名叫做去滾，一對餐廳覺得裝修非常之華麗，店員嘅制服亦都別有特色，事不宜遲介紹啊今晚嘅食材先鴛鴦鍋，蕃茄豬骨薯仔湯配海鮮麻辣湯，蕃茄湯底非常之濃郁大大嚿嘅豬骨令到個湯底非常之入味，海鮮麻辣燙麻辣得來亦都會保持到海鮮嘅鮮味野崎牛稀少部位品嚐盤，有野崎牛腰脊，A5野崎牛肩肉同埋A5野崎牛肩肉柳，油花嘅分布非常之均勻，食嘅時候只要大概六七至8秒就可以進食，食落口有一種入口即溶嘅感覺，油脂感非常之豐富牛舌心，牛舌心厚薄適中非常之有咬口，呢度食嘅有時同出邊食嘅有少少唔同，呢度嘅牛舌係比較油脂咁豐富啲，所以食落牛嘅味道亦都好重金甲脆魚皮，魚皮做得非常之鬆脆，配合唔太鹹嘅鹹蛋黃醬非常之夾鬼佬中出， 即係蝦膠釀油炸鬼，呢個配搭出奇地夾， 可以浸落湯底食或者即食又得。牛B子，即係手打牛丸，非常之彈牙同埋有肉味。枝竹羊腩煲，羊腩肥瘦適中，羊腩食嘅時候連住羊腩嘅皮，食落嘅時候非常之有咬口肉質亦都非常之鬆軟而且呢間餐廳亦都有個好正嘅露台係望晒成個銅鑼灣 超級好feel成班朋友去飲嘢都超正

今次食呢間新派粵式火鍋，環境非常特別。一去到未有位，餐廳安排咗露台位置畀我哋等。露台好正，有維港景，呼吸新鮮空氣，再有啲梳化坐，等多陣都唔介意。餐廳好特別，環境佈置就好似海洋公園哈囉餵咁，以男人去滾作為主題，夠曬特別。侍應嘅服飾好有現代感，座位坐得幾寬敞，餐牌設計得唔錯。 金甲脆魚皮 (⭐⭐⭐⭐⭐)係鹹蛋黃整成嘅脆炸魚皮，少少熱氣，不過作為火鍋前菜係唔錯嘅選擇，啲蛋黃好香。鞭鞭有力湯  (⭐⭐⭐⭐⭐)個湯底名堂夠曬特別，其實係魚頭湯。大大個魚頭放咗入去個鍋度，好快就散發出香濃嘅魚味。A5野崎牛肩肉 (⭐⭐⭐⭐⭐)啲牛都幾正，質感唔錯，同埋有牛嘅鮮味，值得一試。日本廣島蠔 (⭐⭐⭐⭐💢)廣島蠔大大隻，食落感覺都幾香滑。手打蝦丸 (⭐⭐⭐⭐⭐)不嬲都鍾意食丸類，蝦就更加係我至愛。 打邊爐不容錯過。雜菌拼盤 (⭐⭐⭐⭐💢)呢款拼盤叫做長生不老雜菌拼盤，哈哈，都幾，頂癮。食火鍋食返啲素菜，感覺冇咁熱氣。最後加埋個甜品，麻花加甜醬，味道同埋賣相都唔錯。~~~~~~~~~~~~~~~~~~~~~~~~ 去滾 銅鑼灣登龍街1號金朝陽中心2期Midtown27樓推介菜式：手打蝦丸、金甲脆魚皮👍🏻環境特

其實是在大廈大堂，見到「滾」，所以上來試一試。火鍋人人都愛吃，但第一眼我是被店內的裝修吸引住。由餐牌到店內每一個細節，都有港特色。樓頂更有風味。包廂裡面的插晝更加精美，完全是由內到外都有港式去「滾」的味道。一出lift， 就見到別有特色的訂房牌，餐牌更是有趣，去滾晚報。好少有餐廳願意花錢去設計、廣東話的「滾」，你會想到什麼，正正與火鍋的「滾」互相呼應。當然，今日我是來「滾」火鍋的。 另外，出面有一個天台，食到飽飽可以出去行一行，一出到去就知出面環境有幾好，一望無際，維港靚景，完全覺得舒服曬。 今日叫了胡椒豬肚雞鍋。一邊煮，已聞到了濃濃的胡椒香味。胡椒湯配有雞件一齊煮，待雞件吸曬食材的香味。就可以一齊享用。 至尊牛腩頭火鍋點可以冇牛。牛的質素高，肉新鮮，踵然沒有太多的調味，但都好香，肉汁，油份都食到牛的質素。只需要10秒，即可食用，而且真係好新鮮。薄薄一片。這是一般常見的肥牛不能比得上的。 蟶子火鍋總要叫海鮮。蟶子用冰震的方式上，可以睇到蟶子的新鮮。蟶子滾一滖就好了。新鮮不簡單。 另外是牛B子(牛肉丸)及菜苗餃(菜灼鹽搞唔搞)個名好特別呢，菜灼鹽搞唔搞，所以決定一叫。菜灼鹽搞唔搞又幾大粒

朋友生日，加上近來天氣又轉涼，決定去打邊爐。搵咗呢間玩味十足的火鍋店試試。一入到餐廳，觀其裝修，就已經覺得好搞鬼，會吸引你不停係咁影相。連餐牌都好搞嘢，細心睇吓每樣食材嘅名稱，真係別具心思，會令你大笑一番。如果你個人比較正經，可能接受唔到！😆😆😆我哋叫咗個胡椒豬肚湯底加「去滾咪走雞一隻」，湯底味道不錯，但胡椒味唔夠。醬料方面，係自助形式，選擇足夠又企理！我地點左黑毛豬豚肉、手打墨魚滑、鮮蝦雲吞、魚皮餃、8秒卜卜脆響鈴、皇帝菜、野生黑木耳、豆苗、紅薯粉、粟米等等。另外仲叫咗一樽檸檬薏米水，但份量很少，要成$98 ，有點貴！其他飲品都好貴！！！總括嚟講，餐廳裝修很有特色，食物亦不錯，但價錢方面略貴了一點，試一次就可以。

差不多有一個月沒有火鍋，難得近來天氣轉涼，今晚跟在銅鑼灣工作的朋友在Openrice 見到這間新開張的火鍋店-去滾，評價非常好，就決定試試。餐廳地點在登龍街金朝陽中心2期，是樓上鋪，我們大約六點來到，時間尚早，店內約有兩至三檯客人，座位寬闊且空間感十足，裝修風格非常摩登，有很重的香港特式味道，店內還不停播住80後耳熟能詳的歌曲，每座位都有圍身，細心非常。餐牌有多款湯底，我們點了金甲脆魚皮，鞭鞭有力湯、A5野崎和牛肩肉、日本廣島蠔、手打蝦丸、雜菌拼盤、番薯糖水。金甲脆魚皮$88 – 先說盛放的器皿，已經是打卡位，增添不少樂趣，咸蛋黃醬魚皮，甘香脆口，而且每片鱼皮都很大片，很完整，前菜必吃。鞭鞭有力湯 $268 – 用上超大魚頭，加上多款補身藥材，川、白芷、當歸、天麻等，湯底濃郁，還細心將藥材之分隔，基本上不用沾醬油已經夠味。A5野崎和牛肩肉$398 – 油脂分佈平均，顏色鮮明，肉質嫩滑，只需數秒，入口鮮嫩無比，而已份量十足。日本廣島蠔 $38/隻 – 有一隻手指那麼大隻，底食，蠔味十足。手打蝦丸 $68 - 用新鮮鮮蝦打製而成，口感新鮮獨特，鮮甜可口雜菌拼盤 $88 – 鮮冬菇、金菇、秀

近期最hit最多人打卡嘅火鍋店！場內好多霓虹燈，唔單止賣香港情懷，細心啲睇仲賣埋風月情調，由裝修到餐牌甚至到食物都設計得好有心思！有私隱度高嘅卡位，亦有圍爐枱凳，就連啲碗碗碟碟都好有feel呀，唔講咁多嗌咗野食先～嗌咗2人份量，最後全部全部清晒。金甲脆魚皮第一個黎嘅炸魚皮，用鹹蛋黃醬兜過，脆卜卜魚皮沾滿晒鹹香醬汁，脆口過後就feel到陣辣味慢慢滲出黎，好辣但又忍唔到口繼續食，勁過癮！鞭鞭有力湯川弓白芷當歸天麻魚頭湯呢排開始凍凍地，試下啲藥材湯補下先！開頭都驚藥材味太勁會好難入口，但呢個魚湯夠晒濃中和返，互補咗各食材嘅腥味同藥味。滾起咗就可以飲碗湯試下原味先，正到呢，加上我勁鍾意食魚，等個魚頭滾多陣就可以食，咁大舊魚頭裡面啲肉都唔少，識食嘅話可以損埋骨添呀～A5野崎牛肩肉飲飲下湯，肉就來了！好豪咁打邊爐食和牛，睇下啲雪花精緻到，油脂十級豐富！一盤有8塊左右，但其實絕對夠食，因為和牛油脂太勁，狂食3塊後會開始有點膩。日本廣島蠔又係日本食材，冰鎮住飽滿肥美嘅蠔，本身已經好大粒，煮完都冇瘦到，依然都係脹卜卜，蠔味好重好鮮！配埋湯食都幾夾～哈波子 手打蝦丸問友人哈波子代表乜野，可能太年輕我地兩個