南海一號

營業中

休息中

今日揀咗呢間任食點心飲茶。一入去對住太空館個無敵海景，好爽呀！飲茶例牌梗係要食燒賣，蝦餃。好味攞起張點心紙，雖然款式係少咗啲，但係樣樣都好食，要俾個贊我哋點咗差不多半張點心紙的食物。真係揀個最好食的係馬拉糕-呢個馬拉糕係食到有黑糖味的之後係瑤柱蛋白炒飯-呢個炒飯炒得夠乾身，足料服務方面，換碟快，上菜快！要特別提一提個茶，我飲到後面係有回甘的。好少有茶樓的茶係咁。改善：如果可以多少少點心款式會好啲。總結：下次會再去食！

諗住南海一號係有水準嘅中菜，見佢搞午市點心放題, 去試嗰陣都有好高expectation。去嗰日天氣好好，成個維港景好靚。去嗰日係星期六唔係好多人都冇坐爆，訂位嗰時都覺得好奇怪因為我哋係星期五book星期六，但係一book就有位。坐低望下張點心紙選擇唔多有十款點心，同埋一啲小菜好似咕嚕肉，同埋少少甜品芒果果凍西米露，跟住就係炒粉麵飯。坦白講食物質素都幾失望。小菜好似咕嚕肉，同炒粉麵咁都係有水準嘢。但係我係嚟食點心嘅啲點心一食就覺得唔似呢度嘅出品，似係買返嚟。。。價錢就二百蚊一位，由於點心唔好味，所以成餐好似三餸飯放題咁叫左幾次咕嚕肉同炒牛河。點心就個炒腸粉幾好 ，其他點心不了 。

南海1號可以話係 我喺香港最喜歡的餐廳之一原因係佢坐落尖沙咀 望住維多利亞港的景色夜晚是非常迷人放咗工 有陣時好攰 同朋友嚟呢度 食飯都會感到好輕鬆 而且景色靚到有陣時會問自己點解香港可以咁靚次次離開都會好唔捨得今次同朋友揀咗一個二人餐亦都帶咗兩支紅酒今次個餐好豐富有鮑魚帶子同埋我最鍾意食嘅泡飯呢度嘅泡飯可能係我食過全香港最好食嘅泡飯啊入面好似有啲炒米種味道有啲似我婆婆以前細個整嘅味道所以令到我好懷念紅酒價錢都算係平但係唔好有太高期望最重要係呢度嘅服務員其實都真係好有禮貌好有賓至如歸嘅感覺勁讚

約了朋友Happy hour，尖沙咀i square 南海一號露台吧是我的首選。俯瞰維多利亞港，空氣好，秋天的傍晚特別舒服。南海一號的晚飯水準一直不錯。飯後露台再續一杯欣賞維港夜景，

點心任食分兩個時段，分別係1130-1300同1300-1430，用膳90分鐘。依度環境一流，服務態度好，講到點心，小菜同炒粉面係不過不失，比較好食既係燒賣，蝦餃，炒腸粉，春卷，葡汁鱈魚酥，蟹肉菜苗餃，咕嚕肉，辣子雞，四季豆等；可以唔食既係芒果布甸，炒粉面飯，鳳爪，煎蛋角同京蔥炒牛肉。環境好，連帶食慾都提高，「可以改善既係菜單上既點心選擇，如果款可以多d同有特色d更好。」希望南海一號人員會睇到。平日8位去，用埋佢6位減100蚊既優惠，人均210蚊，都算抵，來緊發掘多d好既點心任食推介下。

和友人久未見面，襯下一波疫情未殺到，拿拿臨約時間見個面食餐飯。揀咗「南海一號」，貪佢地點方便，景色一流。但如要選坐窗邊位，要另加$500。餐廳環境衛生舒適，但播放的音樂太嘈吵，與友人傾談也很費力。服務就很一般，職員笑容欠奉，舉手叫侍應總要等待良久，甚至有扮睇唔到嘅情況，或者係人手不足吧！🤷🏻‍♀️食物質素還可以，只嫌食物溫度不足，廚房在很遙遠的地方嗎？蜜汁叉燒，幾好味！辣酒煮花螺，我唔食辣，無試到。香茜金銀蛋泡斑頭腩，味道其實不錯，但唔熱嘅，試想想魚湯唔熱會咩味？🤦🏻‍♀️上湯番茄腐竹野菌雜菜，Ok！龍蝦湯泡貴妃飯，好食！👍🏼生磨杏仁茶，不錯！雖然食物整體質素不錯，但加埋服務、環境因素，總體還是很一般，試過一次就算。

食物質素的確是平均或水準以上! 我比較喜歡星洲炒米，味道不錯而且米粉口感度我很喜歡。辣子炒雞粒的包在炸皮內的雞肉是估不到嫩滑。但其實午餐食的時間比較長，而且食物品種是一樣。

任食永遠質素下降，先大量做好，份量變小不要緊，但質素下降得太多。價錢完全不合比例。寧可改去飲茶叫一碟食一碟更好。當中瑤柱蛋白炒飯上桌時已變凍。極不推介。茶亦不能選擇，只有一款。真的不推介。

美味中菜跟朋友到南海1號品嚐中菜，環境舒適，服務唔錯。話說朋友生日，想了很久都未能選到餐廳，得知朋友喜歡吃中菜，於是選了在尖沙咀iSquare的中菜餐廳，中午食點心放題非常之出名的南海1號。餐廳最近有推廣優惠，晚上七時前買單有七折優惠，另外有幾款菜式都做緊半價優惠！秋分之後，適合食鮑魚海參等滋潤食品，本身想叫冰鎮鮑魚，但是朋友不是喜歡吃生冷東西，所以全部都結了熟食。總共叫了七款菜式，當中比較推介的是招牌大蝦，總括而言，菜式都是我和朋友喜歡吃的。

一入到去就吸引眼球😃的豪華落地大玻璃😁😃維港夜景就在眼前⭐🎆，一行四人即時打咭，侍應招呼周到❤，並推介最新港風味四人餐🦐🦀🦪海鮮餐啱哂我地口味，份量十足👏，多款菜式👍，超級扺食😋，食物質素非常高，服務態度又貼身🌷，環境一流👍👏🙂，感覺非常舒服😁。總結: 4人海鮮餐超級抵食份量十足環境超正 價錢合理侍應服務好滿意平靚正抵食過西貢的海鮮，值得推介💯💯

假日黎到尖沙嘴南海一號食點心放題哩間餐廳位於ISQUAE高層 景觀非常開揚天氣好嘅日子黎哩度飲下茶 曬下太陽 真係好舒服餐廳嘅設計同埋用嘅餐具都非常別致 飲茶之餘仲可以打下卡添食物方面呢 點點心放題選擇都算多連小菜都有 但就冇中式包類提供不過每款點心質素都幾高 有幾款點心我地都encore左幾次其中一定要食嘅係小籠包皮薄餡靚之餘 啲汁仲多到爆出黎真係唔可以唔食另外蝦餃燒賣都係必食推介皮薄之餘 入面仲包左大量蝦肉絕對唔係肥豬肉燒賣最後 一定要食炒腸粉腸粉滑溜 炒得非常入味每一條腸粉嘅每一個部分都充分蘸到醬油真係未試過咁好味嘅炒腸粉！另外仲有好多好好味點心極力推介大家去試下哩間餐廳

看到南海1號有限時任食下午茶，決定光顧品嚐，每位$188，當然要付加一服務費，但優惠詳情沒有說明要付茶費，縱使要付也沒問題，問題在於茶不好喝，加上另一杯菊花金銀花甘草也不覺好飲其實應徵詢客人要不要這額外的飲品，或在優惠詳情說明茶費的價格。每位$25茶費，但不好喝，個人就覺得不值整體而言，有些只可說味道較為好一些，但不覺特別好吃🔰欖菜肉鬆豆腐，賣相已經不吸引，味道一般🔰蝦餃，只感到蝦爽，但沒有味道和蝦餃香🔰蟹子燒賣，這個可以，比其他好些🔰滑蛋鮮蝦仁，蛋算滑溜，但不夠乾身🔰乾炒肉片河粉，預了油膩，但真的很油膩，只吃了少許，喜歡灑上芝麻，有芝麻香🔰上湯浸時蔬，這個encore了兩次，白菜仔質量算不錯，上湯浸煮，以鹽調味🔰瑤柱蛋白肉碎炒飯，賣相雖然一般，但炒得乾身，不油膩🔰日本香橙雪芭🍨(送的)，好味，但不是南海1號的出品😒

趁住限聚令晚市延長至9點，即刻約閨密出嚟Happy Friday😍入到餐廳比無敵海景俘虜咗，朋友想食鮑魚，所以叫咗個鮑魚套餐；前菜有陳醋雲耳同川辣口水雞，除左辣味，口水雞幾乎無味道主菜有極品蟹皇翅最期待的主角「原隻」鮮鮑魚，煮得好冧好入味燒汁香煎元貝皇，元貝好飽滿，而且外脆內軟，襯埋啲菇做配菜😋紅燒乳鴿竹笙釀鮮蘆筍龍蝦湯泡貴妃飯，平時好鐘意飲龍蝦湯，加埋泡飯，脆米，有兩種吾同既咬口，好味道😋甜品係桂圓紅棗茶

一入到餐廳，講booked number就得，方便。環境好好，食物一流，服務周到，完全係一分價錢一分貨。坐低有兩杯好好飲嘅茶，南海1號嘅茶有種回甘味，比起普通茶樓有種特別的感覺。海景好靚，仲可以睇到幻彩詠香江。好舒服的sofa二人位置。今晚不太多人。而且好靜。坐左接近三小時，上菜都快，有次序。 除左小籠包一般，其他食物都合乎水準，前菜冰鎮鮑魚幾岀色，蒜泥白肉夾咗青瓜幾有心思，口感同醬汁一流。主菜叫咗個魚蝦蟹粉絲煲同龍蝦湯泡飯，主動幫我哋分埋，非常好。粉絲一啲都唔乾同埋唔油。下次都會再來。

中餐都可以食mood其中一間我最喜歡嘅中菜餐廳 因為除左食物味道 個氣氛好chill 你可以拎住個酒杯 行出去 睇夜景太雕雞 好香花椒味 你聞到以為佢係辣 其實完全唔辣的 雞好滑鴨舌 最好味嘅一道菜 佢有XO醬類呢sauce 非常入味 鴨舌條條都飽滿 唔會又亁又廋 炸魷魚好普通 普通到無咩好講 片皮鴨個薄餅皮好薄 真係好薄 我覺得仲薄過利苑個鴨其實都好食 但我覺得切得太大件 好唔user friendly 而且片皮鴨 真係好難好食過沙田18蒜蓉炒通菜呢個係你望落無味 食落 好入味喎 有驚喜龍皇貴妃湯泡飯即係龍蝦泡飯 滿滿嘅龍蝦味 個係個感覺又幾light 推介甜品我推煎堆 好新鮮!檸檬茶凍餅 外層係白朱古力上面d泡泡有檸檬味 入面係類似earl grey味嘅蛋糕 仲有雪糕味特別 夾嘅全部都 不過個蛋糕唔夠滑