半熟工房 (金馬倫道) (已結業)

今日同好友去佐敦飯聚，之前見她post半熟工坊蛋糕，其實由它未開店已經想買，只是冇時間去訂購，到了它有自己的店鋪，對於要排隊好抗拒，有日同另一個朋友吃飯，她請我吃半熟蛋撻 ,令到我有些小期望，好友陪我去TST度買蛋糕，蛋糕不用排隊，因為蛋撻已經吃過了，今次只想買半熟蛋糕，半熟工坊比起另一個台灣品牌方便行街,75元有5個,比另一個品牌抵食，我返到屋企之後，立即吃了2個,1個叮熱來吃 ，真是有流心半熟效果，稍為甜咗些小，可以接受，芝士味道稍為淡咗些小，至於凍食，不及熱食咁好味,半熟蛋糕凍食口感硬咗些小，同食普通蛋糕冇分別，個人建議叮熱來吃先吃到半熟味道，一個迷你蛋糕好易吃完，半熟蛋糕亦不會太濟，半熟蛋糕整體味道幾好 ,店鋪地方有些小迫,好在蛋糕不用排隊，要排隊未必買

<半熟芝士撻>-$22作為一個foodie，犧牲身材同荷包係在所難免，熱潮湧起上黎連時間都要放埋落去排隊架😭，👶🏼今次就為大家帶黎芝士撻2.0！😎👑排隊快d王: 半熟工房💯🎉相比BAKE，半熟工房既人龍絕對係短好多。BAKE排隊時間45分鐘 ;半熟工房排隊時間20分鐘，撻仲keep住熱辣辣👑新鮮王: 半熟工房💯🎉新鮮度方面，半熟工房有預地方比你即場食，而且真係一出爐即買，係熱辣辣既，唔似得BAKE買嗰時已經攤凍👑芝士王: BAKE💯🎉至於味道，半熟工房係用美國同日本兩種芝士，BAKE就用日本同法國共3種芝士，好明顯食得出BAKE比半熟工房多左種鹹鹹既芝士味，半熟工房就係得酸香👑撻皮王: 半熟工房💯🎉最多人知既分別應該係撻皮，半熟工房既明顯係用左牛油皮再混合酥皮摺疊既技術，令牛油皮中間既空間更多，食落更鬆脆，大力少少都會散呀🙈，👶🏼係現場就見到地下唔少高處墮下慘死既撻撻😂BAKE既牛油皮其實已經好鬆脆，只係食過半熟既就會知，沒有最鬆，只有更鬆😵👑價錢王: BAKE💯🎉買6個仲平10蚊既BAKE，$110 vs $132，係就係半熟工房大件d，但知慳識儉既👶🏼係會識揀既終於

呢排無啦啦個個香港人都係度追半熟芝士撻 作為全職foodie又點可以錯過呢😏 銅鑼灣咁多人仲要係舖頭開門前一個鐘去排隊 我就冇咁既時間同心機去排啦 唯有等人買俾我食啦😞 行開尖沙咀今次就先到訪香港本地品牌--半熟工房先啦😍上次黎既時候街邊條隊已經好長 職員仲好好服務態度 見我地大熱天時排隊就即刻出黎派水😊 雖然係好微不足道但對客人黎講呢d貼心既小事已經好加分👏🏻 我最後都冇等到一個半鐘🙈 今次1點幾到條隊比較短 街隊都只係排左兩個人 咁就決定搏一搏啦☺️今次就大概等左20分鐘左右😮半熟芝士撻每12分鐘出爐😍確保每個客人都可以買到熱辣辣新鮮出爐既芝士撻☺️ 芝士撻冇想像中咁熱而係暖既 呢度既芝士撻亦都冇日系既流心 不過食落都係軟身既😀 撻皮好酥脆亦好香牛油味 有少少咸😛 但加返芝士既味道就一流👏🏻 芝士食落唔會漏 好似食緊燉蛋白咁 不過有返少少酸味😀 食多個都得!☺️

第一次對半熟芝士撻有認識，是大半年前透過杜如風在節目裡介紹，當時已對其有深刻印象，可惜未有機會到東京一試；及後知道香港也會開賣，真的感到萬分興奮雀躍！經過傳媒舖天蓋地的報導後，熱愛嚐新的港人當然不執輸，不論是日本過江龍或土炮，兩間店子門外都長期聚集了一大條人龍，沒排上一、兩個小時也休想吃得到，實在讓人卻步。這天王子過來接我放工，和他見面時驚見他手上拿著一個紙袋，嘩是我近來朝思暮想的芝士撻，開心大喜！連我自己也自知笑得合不攏嘴，目光只停留在那袋子身上。半熟芝士撻 $22一打開那橙色的盒子，兩個個子如蛋撻大小的芝士撻便映入眼簾：芝士撻焗得金黃，面頭鼓起上來脹卜卜，有點焦焦的，讓人急不及待想將它纖滅。將撻拿上手覺得比想像中有份量，輕輕咬一口，驚覺撻皮奇脆，滿有牛油香，而芝士餡軟綿綿，味道如乳酪般帶少許酸，芝士鹹鹹的香氣在口腔內慢慢散發出來，有不捨得將它吃完的感覺，好味。聽王子說他排了大約三十分鐘便能買到，還算不賴，未嚐過日本版的我覺得這已很令人回味，下次到銅鑼灣試試元祖的是否更誘人，屆時再和大家分享！

一早與家人做節 百無聊賴 跟model朋友high tea後恰巧經過半熟工房 其實之前只知有陣芝士撻熱潮 見有空檔時間 亦不算長龍 於是決定一試 可能因為中秋節比較少人外出 不消十五分鐘已經完成任務 付賬時驚覺一個芝士撻售價$22 心想:$_$ 食開超級美味的康叔蛋撻只消$5..可是 當食左第一啖後 就明白為何$22一個仍如此長龍撻皮有康叔蛋撻的水準 流心芝士又香又濃 食完想再食 不過冇理由又去排隊 cry == 唯有下次再食啦

呢個半熟芝士撻人氣咁旺係人都想試啦！但講真要排上兩個鐘去買，我又真係唔會囉！今日大約六時經過見仲有人龍，我問問店員大約何時會賣完呢？店員答我大約七時，於是我打算七時再到碰碰運氣，應該開店咁耐，都無咁多人買啦（我心想）。。。結果我七時再到，真係只有十數人排隊，於是我立刻排隊啦！正當我諗緊買幾多的時候，店員叫得返最後一盤供售賣！呀。。。好緊張呀！唔知我買唔買到呢？最後到我的時候只剩一件，唉，好過無啦，買咗之後就地正法！一啖咬落去味道無的想像中濃，芝士係半固體狀態，都可以叫好食啦！但同我想像的差不多，不算驚喜！之後唯有再買佢另一人氣食品，半熟芝士蛋糕，一盒5件 ＄75回家慢慢食。個芝士蛋糕的味道並不陌生，就好似一般日本芝士蛋糕，但佢特別在分了上下兩層，上層係cream狀的，下層係海棉蛋糕，變得有層次，好食。總括黎講，個撻同蛋糕都算好食，有機會會再買，但如果要排長龍買的話，我覺得唔藉得，老實講價錢唔平，已反影咗佢的價值。

半熟芝士撻($22)Lam脷: 4.5/5抵食: 2/5相機: 4/5芝士撻既熱潮真係好強，今次Vi試左半熟工房既芝士撻，平日下午都要排半個鐘先買到芝士撻比Bake大個，食落撻皮好鬆脆好正但有點油，而芝士餡係固體狀態無流心，食落有淡淡芝士味而且香滑整體都係好食既但bake cheese tart既芝士味濃得多,如果唔想排咁耐可以食住呢個先P.S.買完拎番屋企要小心,撻皮太鬆脆好易碎,Vi都碎左一隻半熟芝士蛋糕($75/5)Lam脷: 5/5抵食:3/5相機:4/5之前試過另一間出名半熟蛋糕店中大伏之後對半熟蛋糕無咩好感,今次買開芝士撻見咁多人買就買盒試下,呢度既半熟芝士蛋糕好有驚喜所謂半熟並唔係流心，而係質感好似半熟咁幼滑，芝士蛋糕細細件，食落好滑芝士味香濃蛋糕質感輕盈，食成件都唔膩好味

經過見無乜人得十零人咪排隊試多次,今次大約廿分鐘內買到,做餐飲都叫服務業,賣撻個位小姐比多少少笑容好過,知你忙但都唔好初四咁既樣.同埋出邊咁熱咁焗今日成三十幾度.....今日算快....如果有為顧客著想比下水人飲都好,只叫人馬路邊食塵......入正題.....質素仲差上一次,芝士味真係唔夠....仲要唔漏....唔計在日本個D....在香港試過其他個幾間,CWB唔駛講擺明好過你...都平你少少最近某大連鎖都出左......人地價錢平你一半....芝士漏心撻最重要芝士你都做得唔夠連鎖店個個味道..漏心個PART更係覺騙人邊忽漏.....簡直貨品到簡介的有出入...有D想去商品說明到告你......最港暫時賣時貴......真係對你死心永不再來

本來想試下過江龍的日本芝士撻，但是每次經過都見到條人龍圍住sogo 啲地庫排左一圈😱😱😱見到即刻無胃口😅😅禁岩星期五行過尖沙咀，三四點的時候經過，見到無咩人排隊，拿拿聲走去排。等左大概十五分鐘左右就到我喇。撻皮係牛油皮，咬落都好香好鬆化。中間啲芝士真係超香，咸咸地，中和返啲甜味。最好一買即食，禁就會有流心的感覺，放耐左個芝士會硬返少少，像芝士味的蛋撻。味道都唔錯的，不過廿二蚊一件的價錢有少少貴啦，可以一試，反正唔洗排成個鐘先啦😉😉

而家周圍都講芝士撻,本來都無乜興趣比周圍既人都影響到想試,仲試哂大熱個兩間排左半個鐘左右,毎隔12min新鮮出爐,店員做野幾快手好過B字頭個間毎人限購6個曲奇皮薄而香脆,同B字頭個間差唔多,入面芝士味都濃亦有爆醬情況出現,但食過另一間後呢間較為遜色,芝士味唔夠個間濃味道亦無個間咁豐富,但如果之前未食過另外個間的話呢間都巳經好好食~

芝士狂終於去朝聖!尖沙咀站一出就會見到人龍, 加埋芝士的黃色招牌, 絕對易搵不過條隊一路排到出馬路邊 又多人行來行去 就有啲唔方便店內外都有牌寫住每人限買6件芝士撻 幾貼心。 所以雖然排到出街~都唔會話等太耐 見到基本上大部分人都會買足6件!!食既時候都要小心d, 個皮都會易散建議堂食 因為雖然係一出爐已經買黎食 但都唔會話好熱 如果外賣的話應該會有影響店內有張細圓台係門口位可供堂食 不過只容納到2-3人

今日星期六大概十二點十五分到達，想一試呢個餅店既芝士撻，去到已經有條人龍，大概十二人度，礙於佢既芝士撻係新鮮制做，而且十二分鐘先出爐一次，所以佢要慢慢放人入去等，如果只係諗住買半熟蛋糕既話係絕對唔駛排隊咁因為我又想上芝士撻又想試半熟蛋糕，所以就決定排隊，呢度值得一讚既係當日有位大肚婆排緊隊，佢就直接叫佢係入面等，所以我覺得呢間餅店係好好，服務員會主動叫大肚婆入去😁由於每人限買6件，我當然用盡quota買6件芝士撻黎試，當新鮮熱辣辣既芝士撻出爐，我忍唔住即場食左一件先，因為趁熱先好味，佢好重芝士味，但就唔會流哂出黎，裡面滑，個餅底係曲奇底，個芝士撻食完之黎會有d'漏' 相反，個半熟蛋糕就唔會好'漏'，上層軟滑既芝士味，下層海綿蛋糕，我自己就比較喜愛半熟蛋糕😊

餓了一排的青蛙終於放監, 休養期間實在鎖定了太多目標,破關第二炮, 決定孖住豬大人來到位處於尖沙咀的''半熟工房'',齊齊潮撐港版芝士撻!!!!未知熱潮是否已慢慢的減退,當日所見的人龍並沒有青蛙想像中多呢~五分鐘內, 我倆便可以由原本排街邊,來到餅店的門口, 更有冷氣涼下。餅店亦在門外登出大型告示,要買芝士撻的就排隊、兼每人限買6個;至於顧客要購買其他產品, 直入就可以了~~~店內沒有華麗的裝修, 但簡潔的設計更覺親民。幸運地, 排到我倆時,上一輪的芝士撻剛好沽清,我倆可以買到最新鮮出爐的一輪呢 ^^不消3分鐘, 新一輪芝士撻出爐喇!!不斷即整即焗當然不用等太耐啦, 嘻嘻 ^^一個個芝士撻整齊地排列好,賣相好吸引喔, 青蛙的口水已經失控地流喇!!最終, 我倆合共買了8個芝士撻+兩盒五件裝的芝士蛋糕。其中兩個芝士撻, 我倆先就地解決!!!每個索價$22, 比日系的還要貴兩個大洋一個,的確頗為昂貴!! 但倒要試過才知道是否值回票價呢~金黃色的芝士撻外表非常飽滿吸引 ^^咬一口, 發現不如想像中熱,反而是暖暖的易進食~不過青蛙就不太清楚半熟的情況是否就如上圖般,只知道入口軟綿綿, 芝士味不是

上 回 試 過 一 撻 難 求 既 Bake今 試 就 試 下 港 人 開 既 半 熟 工 房 曾 試 過  半 熟 工 房 既 芝 士 蛋 糕 ，味 道 不 俗一 多 人 都 排 隊 試 芝 士 撻 應 該 吾 會 差 得 去 邊 啦外 型 確 實 同 Bake 有 幾 分 相 似一 咬 落 去 ～～～～～～餅 底 好 似 雞 批 既 底 ，有 少 少 咸 甜相 比 之 下 ，芝 士 味 吾 夠 濃 烈 ，質 感 較 為 Creamy 。食 一 件 已 經 感 覺 到 好 油 膩 ，好 濟應 該 是 用 了 過 多 的 牛 油 吧 ！真 心 說 試 一 次 就 夠 了 建 議 大 家 試 左  半 熟 工 房 先 再 試 Sogo 既 Bake 否 則 就 會 大 失 所 望 啦

半熟工房開業至今依然人山人海，次次經過都大排長龍，為的是半熟食品新鮮出爐。平時的我確實沒有這雅慶去湊熱鬧，但口碑相當好卻是令人按捺不住，今天經過尖沙咀就去碰個運氣吧！當日14:30到達半熟工房，大排長龍得有點嚇人，人龍所排的是半熟芝士撻，芝士撻大概每12分鐘出爐。自問對撻的興趣麻麻，skip過人群、越過人龍，走到店內。芝士蛋糕不需排隊直接要了五件就走到付款處付錢，就趕快回家了～店內有冰塊附送以保存蛋糕的質感和味道，回家後把蛋糕放到冰箱一會，好讓他重回剛剛從店內取出來的質感。五件芝士蛋糕整齊排列。每件的外型「的骰」，一點都沒有Heavy的感覺，多吃一兩件都不怕。平時半熟產品都偏向很膩的感覺，若果蛋糕又大件的話，已經很有負荷了。以北海道特濃奶油芝士，配上日本幼滑麵粉和法國鮮香牛油，再以特製的烤焗方法，使半熟蛋糕的口感非常軟熟、質感柔滑，入口有著那濃濃的忌廉芝士香味。這道忌廉芝士香味雖然濃郁，但口感上沒有很膩的感覺，大小剛好，份量掌握不錯，讓口感和味道都能做「半熟」和軟熟的口感，若然不用排隊的話，買一盒來試試看吧！已經吃過的你，覺得味道如何呢？半熟工房尖沙咀金馬倫道6A地下