半島漁港/阿翁火鍋館 (南昌薈)

營業中

休息中

南昌已經好耐冇茶樓了，商場翻身之後，有新茶樓，以後飲茶就唔使去咁遠啦。紅燒乳鴿乳鴿燒得唔錯，都幾惹味，同埋唔算大隻，又唔肥，我覺得幾好。XO醬炒腸粉炒得幾香口同幾均勻，唔會話底嗰啲係無味嘅，呢個都係必點嘅。潮州粉果同鳳爪都有水準叉燒酥老人家比較鍾意食，我自己就普通覺得鹹左少少。煎韭菜餃炸到表皮乾身脆口，內裡都多汁好味整體來講，酒樓嘅食物質素幾好，裝修都幾靚同舒服，價錢都偏中上，難得有一間酒樓重開，都係值得開心嘅，又多一個家庭週末聚餐嘅地方啦。

今晚約咗三個好朋友聚會,本來想去南昌VWalk搵地方食飯,但因每間食肆都好多人,所以轉咗去南昌薈這酒樓。酒樓一邊係小菜晚飯,另一邊係火煱放題,我哋四個就揀咗小菜嗰邊。裏面地方都幾大,未坐滿,但已經好噪。晚市有兩個優惠三寶餐,同時也再可以一蚊叫一個餸優惠。我地雖然三個人,但都叫咗六個餸。先叫咗$298個餐有三餸 + 一蚊一隻文昌雞 + 菜煲 + 紅燒豆腐$298餐有三個餸,义燒皇,火候剛好,色澤好靚,加上甜甜义燒醬,同半肥瘦义燒,肉質嫩生汁明蝦球,蝦球彈口,個汁似沙津醬,帶少許甜酸,好好食$1文昌雞,雞冇肥油,都幾滑,抵食啫啫金鈎通菜煲,個菜加咗蝦乾肉碎,有咸香味,同幾辣,唔錯,但因菜煮過頭,黃黃的,扣分蒸魚係跟餐,葱油好香,魚肉滑紅燒雜箘豆腐總括嚟講,份量都多,煮得好味,最緊要價錢抵

同奶奶打邊爐，因為旺角警署有示威，平時出太子食既我地唯有轉場，去奶奶樓下領展場食。因為對面私人屋苑璽西落成，個場裝修後啲舖升晒呢，仲有條天橋駁去對面個場。打邊爐冇得揀，得任食：$328/位！仲要加一💸 而家香港人真有錢。不過都多算野食，以下5款係包既：1）海鮮盤：波士頓龍蝦、帶子、蝦、蟶子、青口、兩款魚2）魚生：蝦、三文魚、帶子、北寄貝3）雪花靚肥牛4）水餃皇5）小食一款，我地食呢晚係鮑魚啲職員建議可以食咗雞煲先，我地煮好個雞煲，啲職員都有幫我地用隻碟裝起，再起個鴛鴦鍋等我地可以打邊爐。湯底選擇比較少，而鴛鴦鍋都規定咗係芫茜皮蛋湯加沙嗲湯底。仲叫咗隻乳鴿，整體都算幾好。有幾樣唔太滿意既：1. 最估佢唔到係個白飯收咗我$13😡，都唔係問題，食任食，我大可以食烏冬，問職員要既時候，應該提醒我要額外收錢，基本服務2. 冷氣勁凍，凍到我啲手指麻痺，卡位仲係風口3. 煮雞煲時奶奶見個煲好乾，加咗少少水落去，好大煙。有果女職員衝埋來，說教式話佢唔應該咁整，應該點點點，見到奶奶個樣不悅。如果有規矩要跟唔該寫低，或者見個雞煲上就過來跟跟，冇理由話佢老人家。

朋友新屋入伙，幾個朋友上左佢度坐陣就去左呢間食飯，貪佢任食任飲，8:30後仲有折。一行10個等左陣就入得，先黎每位一隻鮑魚同冬菇，幾大隻，味道一般。過左一陣就一大盤魚生，質素都係可以接受既，差唔多時間黎左雞煲，經理主動話會幫我地炒，又講要用咩火，同埋講番雞係無限添加，中間又撩我地傾計，睇得出佢係有心做服務既。之後就黎左張相既海鮮盤，有蝦、蟶子、象拔蚌、龍蝦、龍躉同帶子，其實食完都飽左7、8成。全程個經理都有check我地使唔使幫手，又會主動換碟，今時今日喺屋村酒樓好難搵到架啦。埋單290一個，抵食到爛。

星期日與媽媽飲茶，來這家新開的酒樓，裝潢很不錯，所以滿懷期望。等了十五分鐘入座，沒有通知過，侍應帶位到張枱，才發現原來要搭枱，感覺相當錯愕。適逢搭枱的貴客又高談闊論政治話題，政見不同本來不是問題，但道不同不相為謀，勉强將井水和河水混在一起，確實不妥，其實酒樓應該還食客一個自由的空間。不是味兒地看看點心紙，草草地點了幾樣，且看質素如何。先來一碗燒鵝瀨，燒鵝略咸，是胸位，有肉汁，皮還有少少脆，瀨粉太少，但整體質素，合格有餘。而母親叫了燒腩瀨，來的卻是燒腩河，河粉量多，但母親表示燒腩過咸及太肥，又因欠缺了平時會佐配的花生和咸菜，而失望有微言。叉燒穌味道不錯，多層的穌皮分明而且鬆脆，叉燒餡調味豐富又不失真。咸薄罉，加入了香芋，而且粉醬與炸蠔餅的相似，與傳統的不同，感覺怪異。百花釀魚肚，百花是墨魚肉打膠，但不太彈牙。魚肚發得不够，未能做到棉花般綿軟。調味一般，但值得一讚的是没有太多腥味。粉果的澄面皮極厚，內餡的配料亦不像一般的，竟没有花生，沙葛，五香粉醃過的肉丁等等。雖知每種食物都有特定的組合和調味，不是隨隨便便湊合掛羊頭賣狗肉而成，這其實還算是粉果嗎？流沙包，不流沙，完。埋單二百幾，不算便宜，

家人新開張2星期已光顧過3次，今天星期日帶我黎第一次光顧，專程來食$1乳豬及$298餐，落單時女侍應提醒我們今天是假日要收$328一個餐，我們説ok ，但到了結賬時，原來乳豬是計原價$138，原來又是假日無特價，但女侍應並無提醒我們，因為我們4大人1小孩，$1優惠要5人先可以，我們還叫侍應計我們5位茶錢來用此優惠。本人覺得餐牌有誤導成份，星期六丶日收正價之字樣非常細小，於是向經理丶主任等反影此事，由細細聲理論到大大聲，誰不知對方只是一句對不起，錢就照收，我認為應該收回我$1餐，但他們不肯。後來最離譜係有一個光頭的老男人過來向員工了解事情後，便走過來大罵我們4個女人：「罵我們是盲的，自己無眼睇㗎，客人大曬呀，説我們得把聲，又掟餐牌，又越罵越用身體貼近我們其中二人，眼神想出手打人似的。此人相信是火鍋店logo的光頭大陸人老闆，所以先咁無文化及用歪理來做生意，所謂上樑不正下樑歪，員工們丶熟客們都有眼睇此事，手法非常核突，本人丶朋友及同事都永遠不會再光顧此店及分店。香港已再不是香港,悲哀！

今次第一次食呢間野，新開大約一星期。同屋企人叫咗蝦餃燒賣呢啲野食下。雖然選擇種類唔算好多，但係味道的確唔錯！蝦餃同蝦腸嘅蝦爽口彈牙大大粒皮又夠薄！食物質素普遍唔錯！職員服務態度好好，叫佢地幫我催單，唔會話ok就走，會翻黎話翻俾我聽等多5分鐘就有。

新開酒樓，乳豬好味，燒腩仔脆，龍躉兩味都好食，晚飯味道唔錯，平日有$1 豬，鵝，龍蝦更抵例湯例排剛剛6碗，花生味豆煲雞腳都幾好下次再試任食海鮮火鍋$328，1.2米小童半價，1米以下免費

新開張日見排晒長龍花籃滿場，當然即刻嚟試下佢嘅夜市啦！只不過，首日營運內部管理難免要一段時間配合。今晚餐飯，點菜漏單，人手不足，吹完又冇，就難以避免。但勝在部長都好肯跟單有交帶，所以見到好多枱都等咗好耐但冇投訴，第一日開業明白嘅 ~講到食方面，好快到嘅就係「一蚊燒鵝」同「花膠四寶羹」。呢兩款論味道都算唔錯，食材分量亦過得去。再嚟嘅，就係到我最期待嘅「九里香大鱔球」。上到枱不禁嘩聲 ... 隻碟好大。不過咁，其實啲鱔肉質我幾滿意，入口非常香，唯獨諗唔通點解咁大 ... 隻碟，哈。之後嘅就係「鮑魚雞煲」有幾隻鮑魚㗎，夠香口仲幾入味添！而到最後，搞笑嘅就係餐前小食，終於喺我哋食曬啲嘢之後嚟啦 (當中叫部長跟過無數次)，好過漏咗嘅 ~總括嚟講，呢餐選味道真係幾好，雖然等位耐啲，嘢食嚟得慢啲，要部長跟單多啲。不過喺第一日營業，我諗叫佢紙上嘅「優惠三寶」上菜應該會快好多，話曬廚房會入定嚟貨數量或者整定某啲餸菜，總好過我哋就咁單嗌。不過都食過返尋味㗎，等我下次再嚟飲下茶，再試埋佢哋啲點心先 ...