半島漁港/阿翁火鍋館 (南昌薈)

營業中

休息中

秋風起真係好想食中菜，咁岩有朋友左我黎食，今次我地一行二人，分別左個竹笙海皇龍躉羹同鮑魚雞煲。兩個人食飲一煲湯，真係好飽，個芡岩岩好，唔會太稠太稀，鮮甜，又有切成細塊的竹笙竹笙，帶啲脆脆口感。鮑魚雞煲，好香薑蔥味，佢唔係我地食個啲辣雞煲，唔辣，但醬油味好正，鮑魚都易咬。重點係佢有一蚊雞，我地兩個人半隻，叫左文昌雞，好滑，雞味濃。好建議大家黎試下，佢仲有個玻璃位，放滿風乾緊的鵝，你又可以睇到佢燒😋。

**半島漁港-南昌店**同老公甚少係屋企附近搵嘢食，呢日就超級難求其搵間野坐低醫包個肚就算，見到半島酒家三百幾蚊有魚有肉，仲可以加一蚊有燒味。就一於入去試吓佢酒樓好大坐得都好闊落，枱同枱之間都唔會太迫。我地要左$328 三寶套餐，仲加咗一蚊要燒鵝！雖然成個餐都好多肉，但係真係物超所值。每樣野都有90分，絕對唔係求其交行貨。兩個人食咁多肉其實真係好多，三個人食就應該啱啱好。不過若然當中如果有一道係菜嘅話就更加好啦

這酒樓午市並不便宜，大部份的炒飯炒麵炒河也要$100以上一碟，下午茶則價錢比較親民，燒味瀨粉一律$19.8一碗，還有一些特價點心。這天便叫了以下四款：脆皮腩仔瀨粉：湯頭可以，瀨粉爽口，燒腩仔肥膏太多，不過真的是脆皮的，可惜店家把燒腩仔浸在湯中，所以部份的皮已變得不脆，可惜。至尊燒鵝瀨粉：湯頭和瀨粉同樣不錯，燒鵝味道也不錯。蒜香蝦春卷：香脆，而且不油膩，可惜蒜香不足，蝦也不太多。鮮蝦菜苗餃：味道比較清淡，菜很多，蝦則少得很。這酒樓食物不油膩，味道可以，不過份量不太多，以這價錢來說，算是合格。

有時屋村餐廳都不錯，真係平到你唔會信。講真喺經濟環境唔好嘅情況底下你冇可能日日大魚大肉，雖然五星餐廳又有半價又有五折又食飯送房，但係你總唔能夠日日食好嘢。朋友提議反其道而行，係屋企附近探佢嘅時候試吓佢隔離屋村嘅餐廳。呢間半島漁港原來都有兩間分店，我個朋友話超級抵食，佢住南昌站，隔離南昌邨就有其中一間分店，就算一至五都非常爆滿。當晚叫咗優惠三寶，星期一至五晚$398，公眾假期也只不過係$438，話係三個餸，但係其實有四個。先有生汁明蝦球，燒腩仔，龍躉兩味，有蒜子陳皮蒸頭腩同油泡龍躉球，平均才一百蚊一個菜式，講真，呢個價錢，你自己買餸都唔得。 生汁明蝦球水準正常，燒腩仔夠脆較肥，龍躉球啖啖肉，蒸頭腩送飯一流。仲有另外一個，俾$1仲有一碟例牌燒鵝，$500都唔使，基本上你叫到成枱都係野。最後因為冇乜菜，所以叫多個南乳齋煲，埋單都係人人百幾，食到飽仲要可以攞走，點解咁平，大概呢啲真係我哋認識嘅屋村餐廳吧。PS味道真係普通，纯平價分享。半島漁港/阿翁火鍋館 深水埗西邨路19號富昌邨南昌薈1樓F102號舖

幾次買燒鵝番去打開 仲細隻過燒鴨。果隻係bb鵝細隻咁多既！？ 仲要次次偷料。睇唔到佢點斬。遮到密。好很搵笨要買就原隻免斬！你價錢定貴d我都會買。偷少少我都接受到貨不對辦差一半就好很谷氣好唔老實小心有報應阿油雞佬深水埗好多白卡人士架燒鵝味道就好好味。夠濃味。無異味。鵝唔肥少脂肪。酸梅醬都好得好惹味乳豬好大陣騷味。豬源唔掂。味道又麻麻整個落地玻璃show個師傅無度燒 仲以為乳豬好得。講真乳豬送都唔想食。仲要價錢唔平

有一次同老公過嚟諗住食下茶樓嘅小菜，就上咗嚟半島漁港度試吓，因為咁岩見到有廣告凡係惠顧晚市優惠套餐就可以享有一蚊加購文昌雞或者燒鵝，都幾吸引，我哋就叫咗個$328晚市優惠三寶套餐，有蜜汁叉燒王一碟，富貴斑一條（約一斤)，鮮菠蘿咕嚕雞蝦球，另外我哋用咗一蚊加購左燒鵝，而佢哋呢個一蚊優惠價份量係取決於你哋有幾多人，飲左陣茶之後，所有嘅餸菜都陸續上枱，首先係蜜汁叉燒王，叉燒好軟身，亦都好多肉汁，真係令到我對叉燒改觀，因為平時食過嘅叉燒又乾身又硬，呢個真係好好味，然後就係一蚊嘅燒鵝，燒鵝熱辣辣，啖啖肉，皮脆肉亂，又係好好味，鮮菠蘿咕嚕雞蝦球味道剛剛好，唔會太酸亦都唔會太甜，蝦球好大隻，夠彈牙，咕嚕雞肉身好嫩滑👍🏻👍🏻👍🏻最後就係富貴班，如果二人份量嘅話條魚都夠食，蒸嘅時間剛剛好，令到魚肉好滑好滑，相信亦都係新鮮撈想來就去蒸，因為都見到佢哋有好大個魚缸都養咗好多唔同類型嘅海鮮種類，最後店員亦都為我哋送上糖水，就係紅豆沙啦，紅豆沙亦都煲到起晒，唔會太甜，亦都唔會似溝水，整體來講都幾出色，亦唔會話太貴，下次都一定要帶埋屋企人嚟試吓其他所有餸菜👍🏻👍🏻👍🏻😋😋

2020年，一個多事之秋的年份😷😷因為疫情的影響，我和朋友們都困守在家中大半年了😭😭今天難得朋友相約，我們到半島魚港聚餐。 走到半島漁港門口，見到晚市大優惠，特別是$1 自尊燒鵝🤩赫然在眼前，我和朋友迫不及待坐下來點餐準備大吃一餐😋環境：這邊的環境非常寬敞，每桌間隔有超過1.5米，周邊的服務員非常熱情體貼地端茶倒水，讓人可以舒舒服服享受一番👍自尊燒鵝：迫不及待地點第一道菜自尊燒鵝，看到燒鵝就想起深井燒鵝，我們很想知道深井燒鵝跟至尊燒鵝有什麼不一樣。天呀😇這裡的老闆太有愛了，$1燒鵝！！！分量十足，皮脆肉嫩甜，肥而不膩，感覺自己身臨深井了🤣 下次終於不用跑到深井吃燒鵝了。 龍躉兩味：煎炸龍躉，肉香酥脆，朋友一直讚不絕口。陳皮蒸龍躉，清香爽口，柔嫩鮮甜，我還是更喜歡陳皮style多點😘蜜汁叉燒皇：鮮甜可口的叉燒，肉質細嫩有彈性，胃口大開，我和朋友忍不住吃光碟😆好滿足的晚餐，價格優惠，料足美味，我們下次再聚哦

約了閨密在她家商場半島漁港提早做節，商場重新裝修，環境大有改善。 位置在1樓， 地方寬敞， 燈火通明，門口處設有外賣， 疫情期間仲有折頭， 外賣平過堂食🤣🤣馳名燒鵝 ， 好似列隊歡迎一眼就望到☺☺2款晚市優惠， 平過散叫，當然是食平靚正 328 二人餐加一蚊可以有至尊燒鵝或者海南文昌雞一碟絕對是要燒鵝啦👏👏，今晚好運， 一蚊可以食到燒鵝髀👍👍皮脆肉香兼且唔肥，骨又小，真係抵食到爛蜜汁叉燒一大碟蜜味豐富， 肉質軟硬肥瘦適中， 所以平未必是唔好呀！新鮮菠蘿咕嚕雞蝦球盛在半個新鮮菠蘿內， 餸料滿到瀉， 蝦球大隻新鮮，雞肉嫩滑， 咕嚕汁酸甜開胃，配了新鮮菠蘿片、 青椒、紅椒， 顏色鮮豔 ，更令人食界大開海斑一條約一斤重 ， 肉厚鮮甜滑溜， 真是超值甜品送陳皮紅豆沙天氣開始乾燥，非常滋潤一蚊優惠不知做到何時，要盡快去食多一次

和家人飲早茶晏早七點多呀爸落去拎位，好快有位！係繼第三波後，限聚令由二人變為四人，眼見入座率都有八成，大家都「餓」了好耐😌😌😌😌😖.菜苗餃 😋😋😋😋咖喱魷魚 😋😋😋😋😋燒賣 😋😋😋😋皮蛋瘦肉粥 😋😋😋牛柏葉 😋😋😋😋鳳爪排骨飯 😋😋😋😋.點心真係好味！咖喱魷魚、菜苗餃每次飲茶必點！今次無失望，好食！食物好味係開心，最開心和滿足莫過於和家人食！😍🥰❤️

呢排係屋企抗疫太多，煮食太多，有時壓力真係好大，特別好多朋友成日分享有好多食肆都有唔同嘅優惠，更加想出去食飯。前幾日有朋友推介喺南昌邨有間酒樓出咗唔同嘅優惠，於是叫阿爸阿媽唔好煮飯，出街食。依家百物騰貴嘅年代，去街市買$300野其實都係煮到幾味菜式，講真有時真係出去食飯好過。特別成日好多餐廳有乜嘢孖寶優惠，又或者有超值餐，最適合帶阿爸阿媽嚟支持。好似今晚晚市有個優惠三寶，首先有生汁明蝦球，幾大碟，而且每隻蝦都非常之爽，生汁都好開胃。燒腩仔比較肥不過老實講呢個價錢唔會投訴。另外我哋成家人都好鍾意食魚，龍躉兩味就最適合。油泡龍躉球同蒜子陳皮蒸頭腩，各有千秋，龍躉球味道夠精彩，個人覺得龍躉球較為好食。最正係仲要送糖水，每人都只係$100唔使，其實唔駛煮飯，仲要又有四個菜，四個糖水，真係一流。尤其是辛苦左大概半年，有時候煮飯真係好攰同覺得好疲倦，希望大家都可以正常快啲出返嚟食嘢，不用煮飯嘅感覺真係唔錯。

約左Friend出嚟食飯對抗抗疫疲勞減下壓先。今次近近地喺屋企附近嘅半島漁港食晚飯，因為知道佢推出左兩個套餐同$1小菜推廣都好抵食，所以即刻過嚟試吓。先講吓啲燒味先，叉燒好鬆軟好夠味，比得上之前喺五星級酒店中菜部嘅級數。燒鵝走肥啲皮仲脆卜卜，下次真係要叫廚房原隻鵝髀上。燒腩仔更加係皮脆肉嫩👍🏼大斑兩味條魚好新鮮,清蒸炒球啲肉都好嫩滑。菠蘿咕嚕肉酸酸甜甜十分開胃。清蒸沙巴躉，用嚟送飯真係一流。食完飯仲有紅豆沙送，真係值得再嚟多一次。

上星期老友新居入伙，成班人參觀完佢新屋之後，就去佢屋苑附近醫肚。南昌站大家都唔係咁熟，都唔知食咩，最後就走咗入商場入面其中一間酒樓，估唔到又幾唔錯喎。酒樓叫做半島漁港，佢半個場係用來做小菜，另一半就係打邊爐。我哋最後一行六人，就揀咗食小菜，因為見佢有$1 小菜推廣～！老實講，真心底，半隻燒鵝，冇花冇假，真係一蚊就食到！除此之外，佢哋嘅套餐都幾抵食。我哋六個人，因為有幾個都係食肉獸，所以總共叫咗兩個套餐又有龍躉球，又有蝦球，又有咕嚕肉，叉燒，燒腩仔同有條班⋯⋯加埋加埋咁豐富，最後每人埋單都只係$200左右。最重要係佢哋食物質素認真唔錯，特別係個龍躉球真係大大嚿，一試難忘！依間酒樓，真係真心推介，已經約好朋友仔，等疫情過後，一齊再去食餐勁嘅！

全港食肆在晚上六時後不可堂食，只准外賣前的某一晚，再次來到這間酒樓吃了一頓晚餐。這晚的例湯是「五指毛桃煲豬踭」（$98/小），湯味自然，份量足供兩人享用，每人都可分得兩至三碗。這兒的晚市「極品BB豬」（例）只需 $1便可享用，當然必試。這 BB豬雖然只得六件，兩夫妻每人只可分到三件，但乳豬皮夠脆，又多肉，是及格以上的水準。「沙拉脆蝦球」（$148/例）份量不多，只得八隻，蝦球炸得幾脆，蝦味雖有不足，有沙拉醬加持，都幾開胃。「海味雜菜煲」（$108/例）的海味雖然只得蝦乾、魷魚、瑤柱等海味和一些雜菜、粉絲，但清淡的一道雜菜煲，可是健康之選。其實這兒的晚市優惠，好像「至尊燒鵝」與「海南文昌雞」，都和「極品BB豬」一樣，逢星期一至五晚上堂食，都可三擇其一以 $1享用，他如優惠價 $328和 $398的優惠三寶，性價比也甚高，可惜此文上載個人網誌與各大飲食平台和討論區之日，為防肺炎病菌在晚上六時後至翌日早上五時襲擊香港市民，為保香港市民健康，全港所有食肆在晚上六時後已不准堂食，這些在疫情下推出的措施已全不管用了。前次到來是午市喝茶，今次再來則是晚市小菜，不過全港食肆受政府的辣招所限，晚市只可外

和家人去試新野呀爸話去半島食，以為發生咩事，原來是新開一段日子的半島...漁港😂，終於去試試，看看是否性價比高。晚餐有幾款套餐，最後選了$398優惠三寶B，另加$1 BB豬。.油泡龍躉球 😋😋😋肉實有魚味，個汁是不錯。.蒜子陳皮蒸頭腩 😋😋😋😋是用了炸蒜，加了陳皮蒸，魚汁好香，撈飯食一流，魚肉嫩，魚油香，炸蒜好好食！.脆皮燒腩仔 😋😋😋爸爸鍾意食，小肥我怕怕。.生汁明蝦球 😋😋😋這個想不到幾好食，炸完撈沙律醬。.BB乳豬 😋😋我...無食。.紅豆沙 😋😋😋煲到起沙，甜度適中。.當晚都幾多人食，入席率都有八成。我們選擇困難症，侍應來了三次我們才決左😂😂，飯後還問打邊爐詳情，又不耐煩地講解，服務真心不錯。食物味道都不錯，份量如圖所示，真的不多，偏少，雖然叫了5個餸，本想再加多一個，但飯食得差不多，就作罷了。一分錢一分貨！

久唔久都會去樓下酒樓食晚餐，因為呢度啲晚餐好抵食！尤其最近做緊一蚊一個餸晚餐優惠！所以好多街坊都成日落嚟食架！好多時七點就爆埸！通常我哋都會揀三寶，因為我都鍾意食清蒸魚，加上價錢實惠！晚市優惠優惠三寶$ 328(只限星期一至五)鮮菠蘿咕嚕雞蝦球富貴班1條（約1斤）蜜汁义燒皇1碟（例牌）我覺得咕嚕蝦球同雞球比起咕嚕排骨好食太多啦！起碼啖啖肉唔使吐骨！而且蝦球同酸甜醬真係好夾㗎！呢度啲蝦仲要好大隻下㗎！😆蜜汁叉燒王就啱晒鍾意食叉燒嘅我，而且呢度啲叉燒零肥膏，但係食落唔會覺得鞋口，肉質仲keep到。成個餐最正當然係條蒸魚啦！而且仲係蒸班！條魚都OK大條㗎 ！大概斤幾啦！太大條就鞋㗎啦！斤幾就最fit,啲肉最夠嫩，又夠鮮！配埋蔥絲一齊食就最正喇！此優惠可與其他優惠同時使用即時話一蚊三選一優惠可以一齊用(只限星期一至五)三選一優惠包括:極品BB豬海南文昌雞至尊燒鵝所以當然唔執輸，揀咗最鍾意食嘅燒乳豬試吓原本以為好細碟，話晒淨係收一蚊，點知嚟到都有差唔多例牌嘅份量，算意外驚喜！不過可能小乳豬脂肪欠奉，所以食落無咁香滑，不過$1又真係好抵食嘅！